Malikhautikhangit Ihivriutuliqiyingillu
Malikhautikhangit Ihivriutuliqiyingillu
Tamaita tunihiniq taanganik angiktauhimayunik laisinut huliyunutlu tangaqnahuat tanganut laisingit piliuqhimayut ataani Taanganut Maligaq ihivriuqtautaaqtut tahapkunanga Nunavunmi Tangaliqiyitkunit. Ukuat ihivriurutit, ilihimayauyuttauk qiniqhiayuni nayuktaini, maliktauyaanginni taaffumunga Taanganut Maligaq Maliguagakhainutlu. Pitjutigiyauyut pihimayut ikualaaqnianrmut, aanniaqtailinirmut atuqpaktunutlu tipaakunik imikviuyuni niuvrutiqaqtunik taanganik ihivriuktaunginnarialgit.
Ihivriuqtut tahapkuat ayuiqhaqhimayut kaantraatigut ihivriuqtit. Hunavaluit ihuittut tautuktauyut uqaqtauvaktut taaffumunga Atanilluanguyumut Ihivriuqtimut Iqalungni, unnirpakhunitauk taaffumunga Ataningmut Maligaliqiuyunit unalu Ihivriurutinut Taangaliqinirmut Munaqhiyit havakvilluanganut Kangiqliniqmi.
Ihuinaarutaukpiaqhimayut uqarivagait Maligaliqiyikkut, piyughaukpatalu angiktauhimavlugit, laisiqaqtuq upautiyughauyuq “apiqhuqtaunahuanut” naalaktittiyut talvani Nunavunmi Tangaliqiyit Laisinut Katimayiinut, una Maligaliqiyikkut apihuiyiuvluni ikayuknahugittuni. Tahapkuat naalaktittiyit piinnarialgit pittaililutik malikhugu taamna Taanganut Maligaq, imaalu laisiainginnarialgit laisiqaqtunik.