Nutaqqiqiivingmun Ikajuutiqhaq

Nutaqqiqiivingmun Ikajuutiqhaq hailihimajuq maningnik ikajuutiqhainnut maniliujuittut ilagiiqtuni nunaqaqtut Nunavunmi ikajuriami nutaqqiqiviliqinikkut akiliqtuiguminaqtumik ilihaqtillutik ilihaiviqhaqagumikluunniit ahiani aimavingmingnit.

Kitkut Ilauttaaqtut?
Uuktuqtut nunaqaqtuqhat Nunavunmi ukiuqaqlutiklu 18 nik an’ngajuqhitqiagumikluunniit nutaraqaqtuq (lik) ukiuqaqtunik nukaqhiujunik 12 lumit.  Taapkua uuktuqtut ikajuutiqhamik havaqhimajuqhat atiliurhimajutluunniit ilihaiviqhamik imaalu/imaaluunniit iliharniaqhimajuq.

Qanuqtun Uukturniaqqa:
Nunaffingni Ikajuuhialiqiiji tunihittaaqtuq ilingnut Nutaqqiqiviliqidjutihanut Ikajuutiqhamik uuktuutaannik.

Titiqqat iniktiqtuqhat hailihimajut nunangni laisiqaqtuni nutaqqiqiviinni.  Naunaijautiqhat piqaqtaqhait ihumaliuriami pittaangnikkut:

• Atia ukiunggitlu tamainnut nutaqqat piqaqtuqhat ikajuutiqhamik.
• Nampait ikaangniit nutaraq nutaqqiqiviingniaqtuq atauhirmi havainirmi.
• Naunaitkutiqaqluni nutaqqiqivingmi akiliqtuqtamingnik (sainiqtauhimajuqhaq nutaqqiqivingmi havaktai).
• Naunaitkutiqaqluni havaamitigut.
• Naunaitkutiqaqluni iliharvingmingnit ilihaqtaaluunniit atiliurhimapluni (sainiqhimajuqhaq ilihaijimit).
• Naunaitkutiqaqluni ilagiit maniliugutainnik (imaakaffuk akiliuhiagutimi/ havagviujip titiraqhimajaminik).
• Naunaitkutiqaqluni inuudjutiqhamut akiliqtaujuqhat (imaakaffuk iglumut/ nanminiqarnirmun akiqhait, auladjutiqhanut akiqhait).

Ikajuutiqhaq hailihimajuq akiliriami laisiqanggittut munaqhijut nutarangmik naliangnik an’ngiqtauhimajut atulluaqtauvaktut ihivriugutimut.
Naunaittiagumaguvit, hivajaqlugu Ikajuuhialiqiiji Avikturviup Havagviannut:

Qikiqtani:
1-800-567-1514 (867) 473-2615

Kivalliq:
1-800-953-8516 (867) 645-5040

Kitikmeot:
1-800-661-0845 (867) 983-4032

Ikajuqtaujumaguvit ikajuuhiaqharniq uqaqvigilugu nunaffingni Ikajuuhialiqiiji.