10 nutaat aannialiqtut COVID-19 qalagjuarnirmik Nunavunmi
Tuhaqtidjutikhaq
10 nutaat aannialiqtut COVID-19 qalagjuarnirmik Nunavunmi
Iqaluit, Nunavut (Hikutirvia 24, 2020) - Ublumi, Nunavunmi attautimut 142-nguqtut naunaiqtauhimajut aannialiqtut COVID-19 qalagjuarnirmik. Nain nutaat aannialiqtut naunaiqtaujut Arviani imaatut amigaiqtut attautimut 107 naunaiqtaujut aannialiqtut nunangani. Kangiqliniq atauhirmik naunaiqtaujumik aannialiqtumik, nunangani attautimun 19nguqtutnaunaiqtaijut aannialiqtut.
"Takuvaktugut ubluq tamaat attautimut COVID-19 qalagjuarnirmik aannialiqtut amigaiqpalliajut tamainni nunanginni Kanadami, ianginiqaqpiaktuq Nunavunmiut maliqaqpiaktakhait inungnut aanniaqtailinikkut maliktakhait,” uqaqtuq Dr. Michael Patterson, Nunavunmi Atanilluaq Nunalaani Aanniaqtailinikkut Havaktimit. “Atuliqpalliatitluta tuklianik havainirmik amigaigjuumijunik maliqatqujaujunik avikturnianni,tamaqpiapta akhuuqtukhaujugut maliqalugit kajuumiilarnahuarlugu nutqaqtillugulu hiamitirninga aannialaqidjutip nunaptingni.”
Piqangittuq takunaqtunik nunallaami hiamitirninganik Kangiqlinirmi Tikirarjuamiluuniin. Tamaita atautit aaanniarutiqaqtut COVID-19 qalagjuarnirmik munarijauhimaaqtut avaliingaaqtitaublutik naamainaqtullu, mikivjaktunik mihingnautinik.
Talvanga Hikutirvia 23, 158 qaujihaqtauvaktut Kangiqlinirmi aanniarutiqangittut qaujihaidjutait. Arviani qaujihaqtaudjutait naunaiqtaujut 375 aanniarutiqangitut qaujihaidjutait. Qaujihaidjutait Tikirarjuarmi naunairutaujut 52 aanniarutiqangittut qaujihaidjutait. Munarijauhimmaaqtut Sanikiluarmi qanurinniariakhainnik.
Kinaliqaak inuk ihumagumi aktuqhimanirmun COVID-19 qalagjuarnirmik hivajaqujaujut ukununga COVID hivajautaanut 1-888-975-8601 akkungani 10 ublaami unalu 6 mun. EST-kut ubluqhiutagut, imaaluniit inmingni nunamingni munaqhitkut qilamik, aviilngaaktukhaklu iglumingni 14ni ubluni. Munaqhiliaqtailutin upautihuirlutillu.
Nutaanik naunaiqtakhanik atuqtakhaniklu talvuuna COVID-19 qalagjuarnirmun Nunavunmi, takulugu una: https://www.gov.nu.ca/health/information/covid-19-novel-coronavirus.
Nutaanik naunaitkutikhanik tadja inungnut aanniaqtailinikkut malqatqujaujunik, takulugu una: https://www.gov.nu.ca/health/information/nunavuts-path
Nutaat ilitturipkaidjutikhat tunijauniaqtun tuhaumapkaidjutimi 11 mungaqqan. EST, Pingattiut, Tarium Hikutirvia 25.
###
Tuhaqtipkainikkut Uqarvikhat
Cate Macleod
Tuhaqtakhanut Titiraqti uumunga Hivuliqtimun Savikataaq
867-975-5059
@email
Chris Puglia
Atan'ngujaullaqtuq, Tuhaqtidjutinun
Havagviat Aanniaqtailinikkut
867-975-5949
@email