GNkut havaktiit takuniaqtut akituqjuumirnirmik unalu hivituqjuumiqtuq Nunavunmi Iglumiujunun Ikajuutit

Kingulirmik nutaanguqtiqhimajuq Hitammiut, Qiqaijarluarvia 9, 2024

Iqaluit, Nunavut (May 9, 2024) – Kavamatkut Nunavunmi havaktiit nanminiqaqtut iliturijungnaqhijait inmi akiliuhiamingni akituqjuumiqtut uvani tatqirhiunmi, quana nutaanun akitujuumirutinun hapkununga Nunavunmi Iglumiujunun Ikajuutinun.

Nunavunmi Iglumiujunun Ikajuutit havaktit ikajuutait Kavamatkut Nunavunmi (GN) havaktiinun kitut nanminiqaqtut akiliqtuijuluuniin inmi iglumingnik nanminiqaqtunun niuvaanirmun, inuunirmik ikajuutiqaqtunik havaktiit igluinik.

Uvani Qitiqqautijuq, Ministaat Kiinaujaliqijitkut Lorne Kusugak tuhaqtitijuq tapkua Nunavunmi Iglumiujunun Ikajuutinun akituqjuumirniaqtut hamanga $400min hamunga $1000mun atauhiq tatqirhiut, atauhirmun igluqaqtumun, akiliqtaulutik aadjikiiktunik iliuraidjutait hivulirnir malruk akiliuhiak tatqirhiunmi. Minista Kusugak tuhaqtitiblunilu ublumi tapkua GNkut havaktiit pijaaliqtut ikajuutinik.

“Kavamakput akhuuqtut uvunga Katujjiluta pitquidjutaanun qiniqhialutik qanuqtuuritikhanik nanminiqaqtunun ukualu akiliqtuijut akiliruminaqhilugit Nunavunmiunun qanuqtut ikajuutikhaq havaktinun nuutirnirmun havaktut igluinin nanminikhainun. Una akituqjuumiqtuq ikajuut tunihijuq havaktinun kitut nanminiqaqtut akiliqtuijuluuniin nanminiqaqtunin niuvaajunin," uqaqtuq Minista Kusugak.

“Ilitariblugillu tapkua amigaitut ilaujut akhut-havakpaktut kavamatkuni hivitujumik-havakhimajut havakaffuktut havaktit. Ilaliutihimajut nutaamun $1,000 ikajuutinun qaffitaalaunia, quviahuktunga tuhaqtitilunga havakaffuktut havaktit avatqumajumik siksinik tatqirhiutinik aulahimaaqtumik kivgaqtuqtut pijaaliqtut haffuminga Nunavunmi Iglumiujunun Ikajuutinun."

Kangiqhidjutit hapkununga Nunavunmi Iglumiujunun Ikajuutinunun piinarialgit hamani Kavamatkut Nunavunmi qaritaujaliqiviini. Havaktit kitut tunijaujut haffuminga Nunavunmi Iglumiujunun Ikajuutinik itqaumatqujaujut nutaanguqtiqlugit inmi kangiqhidjutitik najugatiklu tutuquumavingni. Kangiqhittiarumaguvin, ilituripjaqlgu @email hivajaqluguluuniin 1-800-316-3324.

Titiraq(t):

2024-05 NR19 (FIN) Increase to Household Allowance for GN Employees - IKW.pdf

Aallanun atqtillugu una makpivia

Email address

Uqarumajarnik titirarlugu?

Quana uqaqvigijatin Nunavut Kavamanga

Tujuqtailutin qajarnaktunik inmiluunniit naunaijautinik, taapkuningalu (kiqliqanggittut): social insurat nampainnik, anniviit, naunaijautaitlu aadla inuit, aanniaqtailirnirmunluunniit naunaijautinik. Tujuinnaklugu naittumik naunaijautimik ihumagijarniq ihumaaluutigijarniqluunniit qanuqlu uqaqvigittaaqtarniq. Naunaittiarniaqtaqqut ihuatqiaq inungmik uqaqvigijarnik naunaittiariami naunaijautinik kiuttaagumiklu apikkuutirnut ihumagijarnikluunniit.