Havagvia Munarhiliqiijitkut katimapkaijuqhat un’ngahiktukkut havaanik qun’ngiaqtittilutik
Nunavut Kavamanga (GN) Havagviat Munarhiliqiijitkut ilauqujait tamaita munarhiliqiijitkunni havaktiinnut inungnutlu piumajun havaaqhamik munarhiliqiijitkunni ilaulutik un’ngahiktukkut havaani qun’ngiaqlugit Qiqaijalirvia 13, 2024, 3 munggaqqat. Qikiqtani Ubluqhiutaatigun Zoom tigut. Una avaliqangituq pidjutikhaq qiniqhiajaangat amigaitunik havaaqhanik taapkuatut munarhiliqinikkut, hanajiikkut, iksuliiqvikkut havaanggit amigaittutlu nunaptingni.
GN kut ilitarijaujut atauhiupluni Kanatamin Nakuutqijaujun Aadlatkiingnik Havaktiqaqhutik 2023 mi atauhiuplunilu Kanatap Quliupluni Havagviujuq Inuulrammiingnik 2024 mi. Ilaupluni un’ngahiktukkut havaanik qun’ngiaqtittijuni pidjutijuq ilaujaami munarhiliqiijitkut auladjutainni ikpigiplugut amigaittut talvaungginnaunggittunik titirangnikkut uqaudjaunirmiklu.
Nunavunmi munarhiliqiijitigun havaanggit pidjutiqaqtut an’nginirmik ikajuutiqhanik, ilitariplugit munarhiliqiitigun. Hapkuutigut ilaujut akittangnikkut nuutirnirmik titiqqidjutit ajurnaittumik nuutiriami nutaanun nunallaanut, hapkuningalu an’ngijuanik munarhiliqinikkut kiguhiqinikkutlu upalun’ngaijaidjutinik inuuhirinnaktumik pijaarni. Nakuuhivalliajaami qiniqhianirmun havaktiqhanik aulahimmariamilu, Munarhiliqiijitkut ilitturipkaijut aadlanik ikajuutiqhanik ajurnaktuni havaani ihariagijaujuni qilaminnuaq havaktiqhanik, taapkuatut amigaitqiamik ikaangnitigut akiliuhiaqhat, qiniqhianirmik pihimalugitlu ikajuutit, imaalu maniliqidjutinut ikajuutinik taapkununga akiliqtuijut ilihangnikkut atukkiutaujunun. Inutquaqhiutivut ajuittiaqnikkutlu pivallianikkut pinahuagutit havaktaujut pijaangini hivuniptingni nakuujumik iniktiriami aulahimmaangnikkutlu, takupkaqtitaqlugit akhuugutivut hivitujumik-kikliqaqtut havaatigut amigaiqjuummingnikkut.
Puiguqtailugu una ihuaqhijuumiqlugu havaaghatigut ilaulutinlu munaqhinikkut iligiiqtuni Nunavunmi.
Atiliuriami naunaittiriamilu, talvunggaulutin qaritaujakkuuqlugu una bit.ly/NUHEALTHCAREERS-0313.