Manikkut Ikajuutikhat Nunavunmin Ilihaqtunun (FANS) Upinngaami/Aujami Iliharvighainni Uukturutikkut Umikvighaa

Kingulirmik nutaanguqtiqhimajuq Pinggattiut, Iidjirurvia 17, 2021

Kavamatkunnit Tuhaqtitakhaq

Manikkut Ikajuutikhat Nunavunmin Ilihaqtunun (FANS) Upinngaami/Aujami Iliharvighainni Uukturutikkut Umikvighaa

Ikajuqtaujumavin pijaarni iliharvigjuarni iliharutikkut turaangajarnik?

Manikkut Ikajuutikhat Nunavunmin Ilihaqtunun (FANS) tunivaktuq manikkut ikajuutikhanik pijaaqtunun Nunavunmiunnun ilihariaqtuqhimajun tikkuaqtauhimajunik iliharvigjuani iliharutiujuniklu pinahuarutinik.

Uuktuliruvin naliinnun iliharvigjuarnun aullaqtiutiluni ubluq-tamaat iliharvigjuani pinahuarutimik uvani Upinngaami/Aujami 2021 iliharvighanik, umikvikhaa uukturiami FANSnut una Maatsi 1, 2021.

Uuktuutit piliuqtauttaaqtun hivuagun angiqtautinnatin naliinnun iliharvigjuarnun pinahuarutinun.

Ilitturittiarutikhanik piluniluunniit uukturutikkut titiraqmik, takulugut www.gov.nu.ca/fans qaritaujakkut titiqqiluguluunniit FANS havagvia uvani @email.

###

Tuhaqtidjutikhanut Uqarvikhaq:

Troy Rhoades
Atanngujaullaktuq Tuhaqtipkaijiinni
Ilinniaqtuliqijikkut Havagvia
867-975-5680
@email

Titiraq(t):

2021-02_psa_edu_fans_spring-summer_deadline_-_ikw.pdf

Aallanun atqtillugu una makpivia

Email address

Uqarumajarnik titirarlugu?

Quana uqaqvigijatin Nunavut Kavamanga

Tujuqtailutin qajarnaktunik inmiluunniit naunaijautinik, taapkuningalu (kiqliqanggittut): social insurat nampainnik, anniviit, naunaijautaitlu aadla inuit, aanniaqtailirnirmunluunniit naunaijautinik. Tujuinnaklugu naittumik naunaijautimik ihumagijarniq ihumaaluutigijarniqluunniit qanuqlu uqaqvigittaaqtarniq. Naunaittiarniaqtaqqut ihuatqiaq inungmik uqaqvigijarnik naunaittiariami naunaijautinik kiuttaagumiklu apikkuutirnut ihumagijarnikluunniit.