Nunallaani-tamainni tiibiiqaqtailinirmut ihivriuqhirvikhat Naujaani
Qitiqqautijuq 10, 2024 (Iqaluit, Nunavut) – Havagviat Aanniaqtailinikkut, havaqatigiplugit Nunavut Tunngavik Inc. (NTI), uqautijait inuit Naujaani tapkua tiibiikkut (TB) ihivriungniq upalungaijaqtaujuq aulaluni hamanga Qitiqqautijuq 15 nungunianun Qiqaijarluarvia. Tamna munarhitkut aulalirmijuq kiudjutikharnik amigairjumiliqtunik nampangit TiiBiinik amilgaitilaangit nunalaani.
Akhurnaqtuq tamainun nunaqaqtunik Naujaatmi ilaujukharnik talvani ihivriudjutikharnik munarhitkuni. TB amigijaujukhaq aanniarut, nutarannuallu iningnikhangitlu aannialaqittaaqtut. Ihivriuqnariqnarirumik havautituqtauniaqtun tunijauniaqtun TB-mik nuutqariaganilu hiamitiqtitinaitumik aaniarut aalanut.
Ihivriudjutikhangit munarhiviit aulaniaqtun talvani Naujaatmi Hamilaatkuni iglurpangmi. Nunallaamiutat hivajaqtauniaqtut igluqatigiiktunit qaitqujauniaqtun munarhitkungnun naunaijaqtaujukhanik. Hivulliqpaaq naunaijainikkut havaguti ilaqaqtuq apiqhuutimik, TB-mik ihivriurutimik, hatqangitlu X-ray-tauniaqtun. Ihivriuqtauffaangnikkut ihivriuqtaudjutit ilaujut tunihilutik qalangmik uuktuutinik aungmikluuniin ihivriurutinik.
"Qujagijumajatka Naujaat nunallaami havaqatigiplugit Aanniaqtailinikkut havaktingit, havaqatigiplugit nunallaat ihuaqhijuumiutikhanut aanniaqtailinikkut aulanikkut," uqaqtuq Minista Aanniaqtailinirmut John Main. "Akhuuqujatka inuit tamaita ikajuqhimaaquplugit tamaita ihivriuqtaujanginni. Qilamik iliturijaujuq piqagungnaigianganik TB nunallaaptingnin. Pihimaluta una tadja havaqatigiiklutalu pipkainikkut nakuujunik hivunikhanik tamainnun Nunavunmi."
Havagviat Aanniaqtailinirmut ukuallu NTI-kutlu ikajuqtauniaqtut tamainni uumani naunaijaidjutikhami ikajuutikhaqarlutik amigaittunit havaqatigiiktunit, havagviingit, imaalu munaqhiliqivikmi havaktit ilaujut Inungnun Aanniaqtailinirmun Timiuyut Kanatami ukualu Nunaqaqaaqtut Kivgaqtuqtut Kanatami.
"Amigaitilangit TB-mit Nunavunmi amigaitqijaujut tamainnit Kanatami inaigutiqaqtunik inuit iglungit ajuqhautiqaqhutiklu pinahuaqhugit munaqhiliqinikkut kivgaqtuutit," uqaqtuq NTI-kut Tuglia Angijuqqaap Paul Irngaut. "Quviahuktugut havaqatigijaangat Nunavut Kavamangit aulatitijaangat uminga ihivriudjutikharnik munarhivikmi Naujaani, amigairjumirutikharnik ilihairutikharnik TBnik piqarnaitumiklu aanniarutingnik nunalaani. Tamapta uuktuqtaaqtugut nutqaqtijaanganik hiamitirnia TB-mik taimaatun atauhirmi ublumi qilamik nutqaqtitigiaqaqtavut una aanniarut Nunavunmin."
Ilaliutihimajut kangiqhidjutit tunijauniaqtut ilaulukaaktunik hulilukaaktunik, nunallaanun naalautikkut uvalu Haamlatlu Naujaani.
Aallanik ilitturipkaidjutikhanik TB-kut ihivriurhinirmilu, taiguqlugu una Tuberculosis Kangiqhitjuti titiraq unalu Tuberculin Uvinikkut Uukturuti Makpiraannuaq.