Nunavunmi Ujaraghiuqtiujuni Pinahuarut pigiaqaliqtun uukturutit
Ujararhiuqtiuvit? Ihumavakpin aalanik ujaqqanik?
Pivalliajuliqijikkut Ingilrajuliqijikkullu Havagvia (EDT) piliqtun uukturutiknik uumunga Nunavunmi Ujaraghiurnikkut Pinahuarutimi. Pittaarungnarhivutin imaatun $8,000-mun ikajuriami akiliriami maniqqami akiliqtakhanun, qaujiharnikkut naunaijarnikkut akiinnik, ikajuqtinun akiliuhiakhanik, tamajanik, tamajaniklu havaktaujarnun.
Uuktuqtaaqtut imaatun:
- Nunavunmiutaujukhaq.
- 18 nik ukiuqaqtukhaq avatqumajumikluuniin.
- Piqarluni ujaraghiurnikkut ajuirhimajukhaq iniqhihimaluniluunniit uuminnga Naunaijarnikkut Ujaraghiurnikkut iliharutimik.
Uuktuqtinatik, uuktuqtut aghuuqhajaujut hivajaqlugit inmi aviktungniini EDTkut uvaluuniin haamlat havagviat upalungaijariangini tamainun pijakhat laisit uvalu aalat uuktuutit pijakhat. Umikvikhaa uukturvikhaq Qiqaijaqluarvia 10, 2024.
Kangiqhittiarumaguvin, hivajaqlugu 1-888-975-5999, qaritaujakkut @email uvaluuniin pulaaqlugu https://www.gov.nu.ca/en/industry/prospecting. Aadlamik ikajuqtaujumaguvin iniqtigiangani uuktuutit, uqaqatigilugu aviktuqhimajuni EDT uvaluuniin haamlat havagvia.