Nunavut ilitaqhimajait Kanadami Munaqhiunrmun Havainia
Havakvia Aanniaqtailinirmun aghuuqhajait Nunavunmiut quviahuutigilugu Kanadami Munaqhiunirmun Havainia hamanda May 6min 12mun, 2024. Uvani pidjutaujuq Aalanguqtirinikku Inuuhiit. Ihuaqharahuaqhugu Aqagu. Una ilitarijaangini ikajuutait ukualu aghut havakpauhiit hulaqutait tapkua munaqhit pidjutait attautinun, nunallaanun, ilagiinun, hivuniptingnunlu aanniaqtailinirmun munaridjutit Nunavunmi.
Uvani pidjutigijaa uqautigijaa pidjutigijaujut munaqhit aanniaqtailinirmun nutaanik ilihaidjutiniklu. Ilaliutihimajut ikajuutit hivumuunirmun qaujihaidjutinun, qaritaujaliqtutinun ukualu aanniaqtunun munarinirmun atuqtaujut, munaqhit anginirhakkut havaaqaqtut ihuaqhainirmun qijunun aanniaqtailinirmun-munaridjutinun ajuittiaqhimajut.
Havakvia Aanniaqtailinirmun ilitarijait ikajuutait hivuniptingni munaqhikhat uvani Nunavunmi Inirnirit Ilihaaqpaalirviini Munaqiunahuanun pinahuarutini. Atuqpakhimajait, ilihimajait ukualu ajuqiqtuutait ilihaqtunun ihuaqhaidjutaujut hivuniptingnun Nunavunmi munaqhiunirmun ajuittiarnirmun.
Una Miunaqhiunirmun Havainiq, uqaqlutik quviahungnirmun ukualua akhuuqhainirmun nutaanun, kingulirnir, hivuniptingnilu munaqhinun nunallaarni.
Inungnut tuhaqtidjutini, atuqlugu hashtag #NursingWeek2024, unipkaaqlugit unipkaatit ajuitunun munaqhinun, mikhaanunluuniin munaqhit kitut puigungnaitumik pidjutingnik ilingnun. Titiraqhimajumikluuniin Munaqiunirmun Havainia qujahuutinik uvani Kavamatkut Nunavunmi Facebookmi mkapirniini.
Iliturittiarumaguvin havaakhanun munaqhiunirmun Nunavunmi, takulugu Nunavunmi Munaqhiunirmun qaritaujaliqiviit.