Uvani ukiumi Nunaqjuami Ublua nikahuktunun pidjutiqaqtuq havaktunun qajangnautikkut uvalu aaniqtailinikkut
Iqaluit, Nunavut (Qitiqqautijuq 24, 2024) – Minista Havaktuligijiikkut David Akeeagok qaitqujait tamaita kavamatkuni havaktut ilaulutik uvani ukiumi Nunaqjuami Ublua Nikaliktunun uvani Qitiqqautijuq 28, 2024.
"Tamna Nunaqjuaptingnik Ubluanga Nikaliktunun pidjutikharnik tamainun nunalaani havaktunik katimaqatigijaangat itqaumajaangatlu havaqatigijaingit aanniqhimajut havagvingmi, naunaijaijaangatlu akhurnaqtunik havaktakharnik taima qajangnairutikharnik havakhimaanginaqtuq havagviptingni. "Tamapta ikajuriaqaqtugut piliuriami qajangnaittumik aanniarnaittumiklu havagvingmi, imaalu tamaita qanuriliurutikhat aanniqtailitikhanik aanniarutiniklu havagvingmi hivumuuqpalliadjutikhanik qajangnaittumik hivunirmi," uqallaktuq Minista Akeeagok. "Quviahuutigiliqtavut 11 mungaqqan ublaami, uumani Kanadami Ublua Nikaliktunun, nan'ngarilugit tapkuat aktuqtauhimajut havagviptingnit imaalu akhuurnahuarluta havagviptingni qajangnaittumik aannialirnaittumiklu inungnut.”
Ikajuqtaujumaguvin, ilaujut inuuhiqattiarnirmun inmilu uqaudjinirmun, Kavamatkut Nunavunmi kavamatkuni havaktit ilailu pijaaqtut Havaktinun Ilagijainnullu Ikajuhiarutikhat Pinahuarutit hivajaqlugu una 1-800-663-1142.