Havaktingit

You are here

Quviagilugu Hilaqyuami Taiguyukhainikkut Upluq

Saptaipa 05, 2017

Inungnut Tuhaqtitauyukhat

Quviagilugu Hilaqyuami Taiguyukhainikkut Upluq

Una ukiuq naunaiqtittitjut 50 ukiunut nalliutaanut Hilaqyuami Taiguyukhainikkut Upluqmut. Una huliluqaarut quviahuutauyuq tamanganut nunaqyuam Saptaiba 8mi, ilittuqhaitjut akhuurnautaanut taiguyukhainiq tun’ngaviuyuq tamainnut ayuiqhanirnut.

Taiguyukhainiq piyaarut, qulangnaruhuiqniq uuktuqatauyumaniq ilauyaami uqauhikkut ikayuutikhamik kangiqhimanianut piyaarnianullu pivallianiup taiguqtaalaqhuunmut titiraqtaalaqinikkullu. Uumani ukiumi talvani Hilaqyuami Taiguyukhainikkut Upluani, Havagvia Ilinniaqtuliqinikkut aullaqtittiniaqtut taiguyukhainikkut atuqpaliqtakhamik tamainnut Nunavut ilitariyauhimayut uqauhiit akhuuqhaiyaami taiguyukhainiq hanaqitjutikkut ayuiqtanik ilihaiviptingni. Atuqpaliqtakhaq turaangayuq qulvaqtiriyuummirnianik taiguyukhainiq hanaqitjutikkut ayuiqtanik tun’nganiillu ilihaqtat itjuhiit talvani 2017-2018 iliharnium ukiungani hivuraanilu.

Kavamanga Nunavut ilitarhiyuq ihuarhaqyuummirutit taiguyukhainikkut hanaqiniq ayuigat ikayuutauniaqtut Nunavunmiunut tikitirnianut iniqtirniaqhimayanut, ihuaqhiyuummirutilutiklu hailiyukhanut havaakhamut nanmikkullu piyuummiqtalaqhuutilutik.

Tuhaqyuummirutikhakkut, uqarvigilugu info.edu@gov.nu.ca talvaluunniit 867-975-5680.

###

Tuharutikkut Uqarvigilu:
Debbie Purvis
Angayukhiq Tuharutikkut Uqautjiyi
Havagvia Ilinniaqtuliqinikkut
867-975-5680