Havaktingit

You are here

Nunaqaqqaarhimayut Pitquhitigut Ayuitaminik

Piyumi-TRC pitillugu angirutikhanganik, amigaittut Kaanatamiutat ihumaliqtait huna angirutinga inniaqtuq ilangamiknut hivuliqtiumiknullu. Allait Aullaqtitauhimaplutik ahinut ilihariaqhimayut piliuqtut amigaittunik ayurhautingit Nunaqaqqaarhimayunut ilagiiktut nunamiknullu, ilangillu ayurhautingit uqarhimmaaqtait akhuurutiplugit nakurudjutinginnik. Aullaqtitauhimaplutik ahinut ilihariaqhimayut atauhiuyuq akhuurutaulluaqtuq ayurhautingit ukununnga Nunaqaqqaarhimayut nunagiyanginnut, kihmi unaunginnaungittuq nakuungittumik ayurhautipkainiq. Amigaittuq unipkaanga Kaanataup piliurninnga piqatigiikninngalu ukununnga Nunaqaqqaarhimayut inungit iirhimayuq, humi ittaakhaanik nutqarvigiyauyuq Kaanataup angirutinganut.

Amigaittut timiqutigiyauyut ihumagiliqtaillu qanuqtut iliurariamikni tamna TRC Pitquyanginnut, piliurniqlu pitquhitigut ayuitaminik Nunaqaqqaarhimayunut ilaliutikhanganik. Pitquhitigut ayuitaminik naunaiqhimattaaqtuq ayuitaminik pittaaqtaminiklu, unalu akhuurutigiyamiknik qanuriliurutinginniklu. Una ilihaidjutikhaq pipkainiaqtait ilihaqtut qanuriliurutimut pitquhitigut ayuitaminik piyuq ilihimayanginnik, ayuitaminik, akhuurutimininnganik qanuriliurutinginniklu. Una ilihaidjut ilaliutiniaqtuq naunaitkutamik Nunaqaqqaarhimayunut Kaanatami, pitquhitigut ayuitaminik aktikkulaangilluuniit, unipkaanga Kaanatap, hakugikninnga Nunaqaqqaarhimayut nunagiyanginnut, ihuarhilugu inuglugiyauyunik, ayuitaminiklu ikayuqtinganik piliuriami nakuuyumik piqatigiikniq Nunaqaqqaarhimayunut inungit nunagiyanginnullu.

Pipkaidjutiyuq Naunaitkutaliinnik ICC Katimapkaiyunit, tamna ilihaidjut piliurniaqtuq ilihimayaraluanginnik unalu ilihimayanginnik ilihaqtunit ukunuuna uqaqatigiikniqmit aadlanullu pipkaiplugit ayuitaminik atuqtanganik. Uvagut atauttikkut piliurniaqtugut qayangnaittumik inikhaq ihumagiami tautuktuuyaaqtaptiknik angirutimik Kaanatami piliuqtuq tuniqhaininnganit tamaita Kaanatamiutat.

Start Date: 
Monday, Tissaipa 4, 2017
End Date: 
Tuesday, Tissaipa 5, 2017
Location: 
Frobisher Inn, Koojesse Room
Nunallaaq: 
Iqaluit
Region: 
Iqaluit
Registration Deadline: 
Friday, Tissaipa 1, 2017
Contact Email: 

Uuktuutit Titirqat

Inikhimayut uuktuutikhat qaritauyakkut piyukhauyut, tairuaguminaqtumik atiit titiraqlugu sainiutigilugulu havaktip havaktiplu atan’nguyaa. Tamaita atiliukhimayut hivulliutihimayut anggiktauhungnguyut kihimi inikhaiqqat kihiani.