Havaktingit

You are here

Nunavummiut Katitlutik Nunaryuami Ihumamitigut Inuuhiritiarnikkut Ublua

Aktuupa 06, 2017

Inungnun Tuhaqtitauyughaq

Nunavummiut Katitlutik Nunaryuami Ihumamitigut Inuuhiritiarnikkut Ublua

Havagviat Aanniaqtuliqiyitkut uuktuquyait Nunavunmiut katiqatiginiatait inuit tamaini nunaryuami ilitaridjutikhanik Nunaryuami Ihumamitigut Inuuhiritiarnikkut Ublua Tattiarnaqhilirvia 10.

Nunaryuami Ihumamitigut Inuuhiritiarnikkut Ublua puiguqtailitikhaqqut uvaptingnik munarittiaqpaktukhauyugut ilaptingniklu inungnik tamainiklu. Anginiqaqtuq ihumagiyavut munarittiaqpaktakhavut. Ikayuqtigiikpakluta ilanaptingnut ilaptingniklu ihumamitigut inuuhiringnaqtumik, ikayuqquvaklugitlu inungnik ayuqhaliqtunik uqaudjitqulugit.

Avvalingangituttit. Ilvitluuniit inungmikluuniit qauyumaguvit ayuqhaqtumik ihumaluutiqaqtumiklu, ikayuqtikhaqaqtuq. Uqaqatiqaqpaglutit ilannariyarnik, ilagiyarniklu, ilihaiyingnik, uqaudjigiyarnik, Innarmutluuniit uqautigilugit qanuqtut ihumaluutigiyarnik. Uqautigilugit ihumalukkuvit imatutlu qanuqtut ihumaluutigiyarnik. Munaqhiliaqpaklutit uqagvigilugu ihumaluktunut havaktimut.

Hivayaglugit Kamatsiaqtut Help Line talvuna ilitugiyaulimaituhi ikayuutikharnik 24nik ikaakninik ubluannik, hivayauta 867-979-3333 akiittuq 1-800-265-3333. Takuyaqtuqluguluuniit Isaksimagit Inuusirmi Katujjiqaatigiit, kangiqhitiagumaguvin uvalu ikayuqtauyumaguvin, uvaluuniin hivayaqlugu akiituq hivayaqvighaq uvani 1-866-804-2782.

Ilvitluuniit ilihimaguvit atlamik ayukhautiqaqtumik, uqagvigilugit Pallihimatkut, munaqhiliaglutitluuniit aanniarvingmutluuniit qilamiuglutit.

###

Tuhagaqtidjutikhanut Uqaqvikhaq:

Nadine Purdy
Atan'nguyaq, Tuhaqtakhanik Havagviat
Aanniaqtuliqiyitkut
(867) 975-5712
npurdy@gov.nu.ca