Iqaluit International Airport

ᐃᖃᓗᖕᓂ ᒥᑦᑕᕐᕕᒃ ᓇᖕᒥᓂᕆᔭᐅᕗᖅ ᓄᓇᕗᑦ ᒐᕙᒪᒃᑯᓐᓄᑦ ᐊᐅᓚᑕᐅᓪᓗᓂᓗ ᓄᓇᕗᒻᒥ ᒥᑦᑕᕐᕕᓕᕆᔨᓄᑦ ᑭᒡᒐᖅᑐᐃᓪᓗᑎᒃ ᐅᑭᐅᑦ 30 ᑐᖔᓂ ᐃᓄᖕᓄᑦ ᓇᖕᒥᓂᕆᔭᐅᔪᑦ ᑲᑐᔾᔨᖃᑎᒌᒍᑕᐅᓪᓗᑎᒃ ᓄᓇᕗᑦ ᒐᕙᒪᒃᑯᓐᓂ ᐊᒻᒪ ᐅᑭᐅᖅᑕᖅᑐᒥ ᐊᐅᓚᔪᓐᓇᐅᑎᓕᕆᔨᒃᑯᓐᓂ.

ᑐᑭᓯᒋᐊᕈᒪᔪᓕᒫᑦ ᒥᑦᑕᕐᕕᐅᑉ ᐊᐅᓚᓂᕆᔭᖏᓐᓂᒃ ᓄᓇᕗᒻᒥ ᒥᑦᑕᕐᕕᓕᕆᔨᒃᑯᑦ ᖃᕆᓴᐅᔭᓕᕆᔨᒃᑯᖏᓐᓄᑦ ᐅᕗᖓ 867-877-6060 ᐅᕝᕙᓘᓐᓃᑦ 867-877-1972 ᐅᕝᕙᓘᓐᓃᑦ @email.

ᖃᓄᑐᐃᓐᓇᖅ ᐊᐱᖅᑯᑕᐅᔪᑦ ᓄᓇᕗᑦ ᒐᕙᒪᒃᑯᓐᓄᑦ ᐃᖃᓗᖕᓂ ᒥᑦᑕᕐᕕᖕᒧᑦ ᐹᓪ ᑯᕋᓐᓴᓐᒧᑦ, ᐊᐅᓚᑦᑎᔨ ᒥᑦᑕᕐᕕᖕᒥ ᐊᐅᓚᓂᕆᔭᐅᔪᓄᑦ @email ᐅᕝᕙᓘᓐᓃᑦ (867) 975-7771

ᓄᓇᕗᒻᒥ ᒥᑦᑕᕐᕕᓕᕆᔨᒃᑯᑦ ᓕᒥᑎᑦ. ᖃᕆᓴᐅᔭᓕᕆᔨᒃᑯᑦ: 867-877-6060 ᐅᕝᕙᓗ 867-877-1972 
@email
FBO − ᐃᖃᓗᖕᓂ ᖃᖓᑕᔪᓂ ᑲᒪᔨᑦ: 867-979-6260
ᐅᖅᓱᐊᓗᖃᖅᑎᑦᑎᔨ (ᓱᐴᔫᖅᓯᐅᑦ ᐸᐅᕋᐅᔭᓕᒃᓯᐅᓪᓗ) - ᐅᖅᓱᖅ: 867-222-2855

ᐃᖃᓗᖕᓂ ᒥᕝᕕᖓ ᓄᓇᓕᐸᐅᔭᐅᑉ ᓴᓂᐊᓃᑉᐳᖅ ᑐᑦᑕᕐᕕᐅᓪᓗᓂᓗ ᕿᑭᖅᑖᓗᖕᒥ. ᐊᒃᑎᒋᓂᓕᒃ 9,300 ᐆᒃᑐᕋᐅᑦ ᒪᕐᕈᐃᖅᓱ ᒥᕝᕕᖕᒥ ᐅᑕᖅᑭᕕᒃ ᐱᔭᕇᖅᑕᐅᓚᐅᖅᑐᖅ 2017, ᐱᔨᑦᑎᕋᕈᑕᐅᓪᓗᓂᓗ ᓄᓇᕗᒻᒥᐅᓄᑦ ᖃᓪᓗᓈᓄᓪᓗ ᑲᓇᑕᒥ.

ᒥᕝᕕᐅᑉ ᒥᒃᓵᓄᑦ

ᒥᕝᕕᒃ ᐃᒪᐃᑦᑐᖃᖅᐳᖅ:

• ᐊᑕᐅᓯᖅ ᕿᑰᓪᓗᓂᑦ ᒥᕝᕕᒃ, ᖃᖓᑦᑕᕐᕖᑦ ᐊᒻᒪᓗ ᑕᓪᓕᒪᑦ ᒥᓯᒪᕝᕖᑦ.
• ᖃᖓᑦᑕᕐᕕᒃ (16/34) 8,605 ᐃᓯᒑᒃ ᑕᑭᓂᖓ 200 ᐃᓯᒑᒃ ᓯᓕᖕᓂᖓ.
• ARFF ᐱᔨᑦᑎᕋᕈᑏᑦ ᐊᑐᐃᓐᓇᐅᔪᑦ ᖃᓄᐃᑦᑑᓂᖓ 5−ᒥᑦ, ᐊᔪᙱᓐᓂᖃᕐᓗᓂ ᐊᖏᒡᓕᒋᐊᖅᑎᑦᑎᔪᓐᓇᕐᓂᕐᒥᒃ ᖃᓄᐃᑦᑑᓂᖓᓂᒃ 7−ᒥᒃ 12−ᓄᑦ ᐃᑲᕐᕋᓄᑦ ᓯᕗᓂᖓᒍᑦ ᑐᓴᖅᑎᑦᑎᐊᓂᖅᑳᕐᓗᓂ. ᐅᖄᓚᕕᒋᓗᒋᑦ ᐊᑭᕗᑦ ᐊᑐᖅᑐᑦ.
• ᒥᓯᒪᕝᕕᒃ 1 ᐊᑐᐃᓐᓇᐅᔪᖅ ᖃᖓᑕᓲᕐᓄᑦ ᐃᖏᕐᕋᕝᕕᐅᔪᓐᓇᖅᖢᓂᓗ.
• ᒥᓯᒪᕝᕕᒃ 4, ᖃᖓᑦᑕᕐᕕᒃ E, ᐊᒻᒪᓗ FOL ᐃᓂᖓ ᐅᓇᑕᖅᑐᒃᓴᑦ ᖃᖓᑕᓲᖏᓐᓄᑐᐊᖅ.
• ᕿᑯᖅᑎᓯᒪᔪᓕᒫᑦ PLR−ᖃᖅᑐᑦ 12−ᒥᑦ (ICAO PCN67 F.A.W.T).
• ᓱᒃᑲᔪᕐᔪᐊᓄᑦ ᐊᒻᒪᓗ ᑭᒡᓕᖃᖅᑐᑦ 100LL ᐸᐅᕋᐅᔭᓕᒃᓯᐅᑦ.  ᖃᖓᑕᓲᕐᓂᑦ ᐅᖅᓴᒃᓴᐃᓲᑦ ᐅᖅᓱᖅ ᑯᐊᐳᕇᓴ,  ᑖᒃᑯᑎᒎᑲᐅᑎᒋᔪᓐᓇᖅᖢᓂᑦ ᐅᕝᕙᓗ ᐃᖃᓗᖕᓂ ᖃᖓᑕᔪᓂ ᑲᒪᔨᑎᒍᑦ.

ᐊᐅᓚᓂᖓᑦᑕ ᖃᓄᐃᓕᖓᓂᖏᑦ

ᒥᕝᕕᒃ ᐊᑐᐃᓐᓇᐅᔪᖅ ᒪᑯᓄᖓ:

• 24 ᐃᑲᕐᕋᓄᑦ, 7 ᐅᓪᓗᓄᑦ ᐱᓇᓱᐊᕈᓯᕐᒥᑦ.
• ᐊᑐᓂ ᐅᓪᓗᒃᑯᑦ ᐅᓐᓄᐊᒃᑯᓪᓗ ᑕᐅᑦᑐᒃᑯᑦ ᖃᖓᑕᔾᔪᑕᐅᔭᕆᐊᓖᑦ ᐊᒻᒪᓗ ᐊᑐᒐᒃᓴᖏᒍᑦ ᖃᖓᑕᔾᔪᑕᐅᔭᕆᐊᓖᑦ, GNSS ᒥᑦᑕᖅᑐᕈᓯᒃᑯᑦ ᐊᒻᒪᓗ ᖃᓄᐃᑦᑑᓂᖓ 1 ILS.
• ᓯᓕᒃᑐᓄᑦ ᒥᑦᑕᖅᑐᕐᕕᐅᓂᖅ, ᓲᕐᓗ Airbus A380s ᐊᒻᒪᓗ Boeing 747s.
• ᖃᖓᑕᓲᕐᒥᑦ ᓂᒡᓚᓱᒃᑐᒧᑦ ᖃᐅᔨᓴᕐᓂᖅ.

ᐃᖏᕐᕋᓂᖓᑕ ᐃᑲᕐᕋᖏᑦ

ᒥᕝᕕᒃ ᐃᖅᑲᓇᐃᔭᖅᑎᖃᓲᖅ ᐃᑲᕐᕋᖏᑦ ᒪᓕᒃᖢᒋᑦ. ᐅᖄᓚᕕᐅᔪᓐᓇᖅᑐᑦ ᐃᑲᕐᕋᖏᑦᑕ ᓯᓚᑖᒍᑦ. ᐅᑯᐊ ᐃᑲᕐᕋᕆᒐᔪᒃᑕᖏᑦ: 

• ᓇᒡᒐᔾᔭᒥ ᐅᓪᓗᑐᐃᓐᓇᕐᒧᑦ: 6-ᒥᑦ 9-ᒧᑦ ᐅᓐᓄᒃᑯᑦ ᓄᓇᓖᑦ ᖃᐅᔨᓴᐅᑎᖓ ᒪᓕᒡᓗᒍ.
• ᓯᕙᑖᕐᕕᒃ ᐊᒻᒪ ᓈᑦᑏᖑᔭᖅ: 7−ᒥᑦ ᐅᓪᓛᒃᑯᑦ 7−ᒧᑦ ᐅᓐᓄᒃᑯᑦ ᓄᓇᓖᑦ ᖃᐅᔨᓴᐅᑎᖓ ᒪᓕᒡᓗᒍ .

ᐃᑲᕐᕌᖕᓄᑦ 2−ᓄᑦ ᑐᐊᕕᕐᓇᖅᑐᖅᑕᖃᕆᐊᖃᙱᑦᑐᖅ. ᖃᐅᔨᒋᐊᕐᕕᒋᒍᒃ ᒥᑦᑕᕐᕕᖕᒥ ᐃᑲᔪᖅᑕᐅᕝᕕᒃ. 

ᒥᑦᑕᕐᕕᖕᒧᑦ ᐊᑭᖏᑦ

ᐊᑭᓕᒃᑲᓐᓂᕆᐊᓖᑦ ᐊᑐᕈᓐᓇᖅᐳᑦ ᐱᔨᑦᑎᕋᐅᑎᓄᑦ ᒥᕝᕕᖕᒥ ᐊᐅᓚᑦᑎᔨᒥᑦ ᓄᓇᕗᒻᒥ ᒥᑦᑕᕐᕕᓕᕆᔨᒥᑦ ᐃᓱᖃᕐᓗᓂᑦ ᓯᓚᑖᓂ ᐃᖅᑲᓇᐃᔭᕐᓇᐅᑉ ᐃᑲᕐᕋᕆᒐᔪᒃᑕᖓᑕ. ᖃᐅᔨᒋᐊᕐᕕᒋᒍᒃ ᓄᓇᕗᒻᒥ ᒥᑦᑕᕐᕕᓕᕆᔨᒃᑯᑦ ᓕᒥᑎᑦ ᐃᑲᔪᖅᑕᐅᕕᖕᒧᑦ ᓇᓗᓇᐃᖅᓯᔪᒪᓗᑎᑦ ᐊᑭᓕᒃᑲᓐᓂᕆᐊᓕᖕᓂᒃ.  

ᒥᑦᑕᕐᕕᖕᒧᑦ ᐊᑭᓕᒃᑲᓐᓂᕆᐊᓖᑦ

ᐊᑐᖅᑕᐅᓂᖅᐹᖅ ᖃᖓᑕᓲᖅ

• ᐊᑐᖅᑕᐅᓂᖅᐹᖅ (ᐋᖅᑭᐅᒪᓂᖓ) ᖃᖓᑕᓲᖅ: Boeing 767-300.
• ᖃᖓᑕᓲᑉ ᓇᓃᓐᓂᖓᑕ ᓈᓴᐅᑎᖓ: IV (Code 4D under TP312 4th Ed.)..
• ᖃᖓᑕᓲᖅ ᐊᖏᓂᖅᓴᖅ ᐊᑐᖅᑕᐅᓂᖅᐹᕐᒥᑦ ᐊᑐᕈᓐᓇᖅᑐᖅ, ᑭᓯᐊᓂ ᒪᓕᒋᐊᓕᒃ ᑲᓇᑕᒥ ᖃᖓᑕᓲᕐᓄᑦ ᐊᑐᐊᒐᕐᒥᑦ

ᓯᓚᓕᕆᓂᕐᒧᑦ ᖃᖓᑕᓲᓕᕆᓂᕐᒧᓪᓗ ᐱᔨᑦᑎᕋᐅᑏᑦ

ᒥᕝᕕᐅᑉ ᓯᓚᓕᕆᓂᕐᒧᑦ ᖃᖓᑕᓲᓕᕆᓂᕐᒧᓪᓗ ᐱᔨᑦᑎᕋᐅᑎᖏᑦ ᖃᖓᑕᓲᕐᓄᑦ ᐱᔨᑦᑎᕋᖅᑎᒃᑯᓐᓂᑦ (FSS) ᐊᑐᐃᓐᓇᐅᑎᑕᐅᕗᖅ. FSS−ᑯᑦ ᐊᐅᓚᑕᐅᕗᖅ ᑲᓇᑕᒥ ᖃᖓᑕᕝᕕᐅᕙᒃᑐᓕᒫᓂᒃ ᓇᐅᑦᑎᖅᓱᖅᑎᓂᑦ. ᐃᖏᕐᕋᓂᕐᒧᑦ ᐃᑲᕐᕋᖃᖅᐳᑦ 24−ᓂᒃ, ᐱᖃᓯᐅᑎᓪᓗᓂᑦ ᐃᑲᕐᕋᑕᒫᖅ ᓯᓚᓐᓂᐊᕐᓂᖅ, TAF−ᖏᑦ 00, 06, 12, 18Z.

ᐃᖃᓗᖕᓂ ᓈᓚᐅᑎᖏᑦ ᐅᕙᓃᑦᑕᕆᐊᖃᖅᐳᑦ: 122.2 MHz

ᖃᐅᔨᒪᔭᕆᐊᓖᑦ

• ᐊᕙᓗᖃᖅᑐᖅ ᒥᕝᕕᖓ.
• ᖃᖅᑲᐃᑦ 30' 140' ASL ᐊᒃᑎᒋᓪᓗᐊᖅᖢᓂᑦ 1,600' ᐱᖓᖕᓇᖅᐸᓯᐊᓂᑦ ᐊᒻᒪᓗ 2,400 ᑲᓇᖅᓇᖅᐸᓯᐊᓂᑦ ᐊᒻᒪᓗ ᖃᖅᑲᐃᑦ 65' 139' ASL ᐊᒃᑎᒋᓪᓗᐊᖅᖢᓂᑦ 3,000' ᐅᐊᖕᓇᖅᐸᓯᐊᓂᑦ 34−ᖓᓂᑦ.
• ᐊᑐᙱᑎᑕᐅᔪᑦ ᖃᖓᑕᓲᖃᕐᕕᖕᓄᑦ ᐊᑐᕈᓯᕐᓄᑦ ᐊᑐᕈᓯᐅᖁᔭᐅᔪᓄᓪᓗ (TP312) 3.1.6.7, ᐊᒻᒪᓗ 8.6.1.1 ᐃᓕᔭᐃᓯᒪᓂᖓᓄᑦ ᖃᖓᑕᓲᕐᓄᑦ ᑲᑦᑐᑲᐅᖅᑐᕈᑎ ᑲᓇᑕᒥ ᖃᖓᑕᓲᒃᑯᑦ ᐅᓇᑕᖅᑐᒃᓴᖏᓐᓂᑦ ᐊᒻᒪᓗ ᐊᒥᐊᓕᒐᑦ ᖃᖓᑕᓲᒃᑯᑦ ᐅᓇᑕᖅᑐᒃᓴᖏᓐᓂᑦ ᖃᖓᑦᑕᕐᕕᒋᔾᔪᑎᖏᓐᓄᑦ.
• ᒥᕝᕕᐅᑉ ᒪᓂᖅᑲᒃᓴᖅᓯᒪᓂᖓ ᓇᐃᒡᓕᒋᐊᖅᑕᐅᓯᒪᔪᖅ 90m−ᒥᑦ 75m−ᒧᑦ ᓇᖅᓴᒧᑦ (ᖃᖓᑕᓲᖃᕐᕕᖕᓂᑦ ᖃᐅᔨᓴᕐᓂᖅ) ᒥᕝᕕᒃ 34−ᒧᑦ ᒥᑦᑕᖅᑐᕐᓗᓂᑦ ᖃᐅᒻᒪᖅᑯᑎᖏᑦ AE ᖃᓄᐃᑦᑑᓂᖓ 1, ᖃᐅᒻᒪᔪᑦ ᖃᐅᒻᒪᖅᑯᑏᑦ ᐊᒻᒪᓗ "AS" ᒥᕝᕕᐅᑉ ᓇᓗᓇᐃᒃᑯᑕᖏᑦ ᖃᐅᒻᒪᖅᑯᑏᑦ.
• ᐊᑐᖅᑕᐅᒐᔪᙱᑦᑐᖅ ᐃᓕᐅᖅᑲᖅᑕᐅᓂᖏᑦ ALS ᑕᑭᔪᑦ ᐅᖓᓯᒌᖕᓂᖏᑦ 30 ᒦᑕᑦ 60 ᒦᑕᖑᙱᑦᑐᖅ.
• ᖃᐅᒻᒪᖅᑯᑎᑦ ᐱᕐᔪᐊᖑᓪᓗᑎᒃ ᐊᐅᓚᑦᑎᔾᔪᑎᑦ ᐃᓕᐅᖅᑲᖅᑕᐅᓯᒪᓕᖅᐳᑦ, ᐊᐅᓚᑕᐅᓪᓗᑎᒃ ᓄᓇᓕᖕᓂ ᐃᓄᓕᕆᔨᒃᑯᓐᓄᑦ.

ᐊᑐᐃᓐᓇᐅᑎᑕᐅᔪᑦ

ᐃᖃᓗᖕᓂ ᓄᓇᕐᔪᐊᕐᒥᐅᓄᑦ ᒥᑦᑕᕐᕕᖕᒥ, ᑐᕌᒐᖃᖅᐳᒍᑦ ᐃᓚᓕᐅᔾᔨᔪᒪᓪᓗᑕ ᐊᒻᒪ ᐅᐸᒃᑕᐅᔪᓐᓇᖅᑐᓂᒃ ᒥᑦᑕᕐᕕᖕᓂ.

ᐃᖅᑲᓇᐃᔭᖅᑎᕗᑦ ᐱᓕᒻᒪᒃᓴᖅᓯᒪᔪᑦ ᐃᑲᔪᕈᓐᓇᕐᓂᕐᒥᒃ

ᐃᖅᑲᓇᐃᔭᖅᑏᑦ ᑳᓐᑐᓛᖃᖅᑎᐅᔪᓪᓗ ᒥᑦᑕᕐᕕᖕᒥ ᐱᔭᕆᐊᖃᖅᑎᑕᐅᕗᑦ ᐱᔭᕇᖅᓯᓂᐊᕐᓗᑎᒃ ᐊᑐᕈᓐᓇᕐᓂᕐᒧᑦ ᐊᔪᕈᓐᓃᖅᓴᕐᓂᕐᒧᑦ ᓈᒻᒪᒃᑐᓂᒃ ᐊᑐᖅᑕᐅᔭᕆᐊᓕᖕᓄᑦ ᑭᓱᓕᕆᔨᐅᓂᖏᓐᓄᑦ ᐊᐅᓚᑦᑎᔾᔪᑎᓄᓪᓗ ᒥᑦᑕᕐᕕᖕᒥ. ᑕᒪᓐᓇ ᐊᔪᕈᓐᓃᖅᓴᕐᓂᖅ ᒪᓕᒐᑎᒎᖓᓪᓗᓂ ᐊᑐᖅᑕᐅᔭᕆᐊᖃᖅᐳᖅ ᑲᓇᑕᒥ ᓄᒃᑕᖅᐸᖕᓂᖏᓐᓄᑦ ᑐᑦᑕᕐᕕᒋᔭᐅᔫᑉ ᐊᑐᕈᓐᓇᖅᑕᖓᓄᑦ ᓄᒃᑕᕐᓂᕆᔭᐅᕙᒃᑐᒥᒃ ᐃᓄᖕᓄᑦ ᑎᒥᒥᒍᑦ ᐃᓕᖅᑯᓯᖅᓱᙱᑦᑐᓄᑦ ᒪᓕᒋᐊᖃᖅᐸᒃᑐᓄᑦ ᑐᕌᕆᔭᖃᖅᖢᑎᒡᓗ ᐱᕙᒌᔭᖅᓯᓂᕐᒥᒃ ᐃᖅᑲᓇᐃᔭᖅᑎᓂᒃ ᓇᐅᒃᑯᓕᒫᖅ ᐃᑲᔪᕈᒪᓪᓗᒋᑦ ᓄᒃᑕᖅᑐᑦ ᐳᓛᕆᐊᖅᐸᒃᑐᓪᓗ ᒥᑦᑕᕐᕕᖕᒥ.

ᒥᑦᑕᕐᕕᖕᒥᑦ

ᐊᖅᑯᑎᐅᑉ ᓴᓂᐊᒍᑦ ᓯᕕᖓᓂᒃᑯᑦ ᐃᑲᔪᖅᑕᐅᕕᒃ

ᐊᖅᑯᑎᐅᑉ ᓴᓂᐊᒍᑦ ᓯᕕᖓᓂᖓ ᐃᓂᖃᖅᑐᖅ ᒥᑦᑕᕐᕕᖕᒥ ᐊᐅᓪᓚᕆᐊᕐᕕᒋᓂᐊᖅᑕᑉ ᐃᓯᕆᐊᕐᕕᖓᓂ.  ᐃᑲᔪᖅᑕᐅᔭᕆᐊᖃᕈᕕᑦ ᐊᖅᑯᑎᐅᑉ ᓴᓂᐊᒍᑦ ᓯᕕᖓᓂᒃᑰᕐᓂᐊᖅᑎᓪᓗᑎᑦ ᐅᑕᖅᑭᕕᐅᓪᓗ ᐃᓗᐊᓃᓐᓂᓕᒫᕐᓂ, ᖃᖓᑕᓲᓕᕆᔨᑦ ᐃᓕᖕᓂᑦ ᑲᒪᓂᐊᖅᑐᑦ ᑐᓴᖅᑎᑦᑕᕆᐊᖃᖅᐸᑎᑦ ᑭᓱᓂᒃ ᐱᔭᕆᐊᖃᕐᒪᖔᖅᐱᑦ.

ᓄᒃᑕᐅᑎᓄᑦ ᐃᑲᔫᑎᑦ

ᐊᔭᐅᕈᑎᓖᑦ ᐃᒃᓯᕙᐅᑕᑦ ᐃᖃᓗᐃᑦ ᒥᑦᑕᕐᕕᖓᓂ ᐊᑐᐃᓐᓇᐅᑎᑕᐅᕗᑦ ᐊᑐᖅᑕᐅᔪᓐᓇᖅᖢᑎᒃ ᐅᑕᖅᑭᕕᖕᒥ ᐊᑲᕐᕉᑎᒋᔪᓐᓇᖅᖢᓯᐅᒃ. ᖃᐅᔨᒪᓂᐊᖅᐳᓯ ᐅᐊᔭᒨᖅᑐᒥᑦ ᓄᓇᓯᐅᑎᑕᖃᙱᒻᒪᑦ.

ᐃᖃᓗᖕᓂ ᒥᑦᑕᕐᕕᒃ ᑲᐃᓪᓗᐊᕈᑎᓕᖕᓄᑦ ᐅᐸᒃᑕᐅᔪᓐᓇᖅᐳᖅ ᐊᔭᐅᕐᕕᒃᑕᖃᖅᖢᓂᓗ ᐃᑭᕝᕕᓕᒫᓂᒃ ᐊᒻᒪᓗ ᓇᒃᓴᖃᑦᑕᖅ ᖃᖓᑕᓲᒧᑦ ᐊᔭᐅᕐᕕᒃ ᐃᑭᕙᓪᓕᐊᔪᒧᑦ/ᓂᐅᒋᐊᕐᓂᐊᕐᓗᓂ ᖃᖓᑕᓲᒧᑦ.

ᒥᕝᕕᒃ ᑲᐃᓪᓗᐊᕈᑎᒃᑰᕈᓐᓇᖅᑐᖅ ᓯᕗᓪᓕᐅᔾᔭᒃᓴᓂᒡᓗ ᐃᒃᓯᕙᐅᑕᖃᖅᖢᓂ ᐃᓄᖕᓄᑦ ᑎᒥᒥᒍᑦ ᐊᔪᕈᑎᓕᖕᓄᑦ ᐃᑭᕝᕕᓕᒫᓂᑦ.

ᐊᓇᕐᕕᓕᐊᕐᕖᑦ ᐊᑐᐃᓐᓇᐅᕗᑦ ᒥᑦᑕᕐᕕᖕᒥ.

ᐱᔨᑦᑎᖅᑕᐅᓂᖏᑦ ᓂᕐᔪᑎᑦ

ᓇᓗᓇᐃᒃᑯᑕᓖᑦ ᐱᔨᑦᑎᕋᓲᑦ ᓂᕐᔪᑎᓂᑦ ᐃᖃᓗᖕᓂ ᓄᓇᕐᔪᐊᒥᑦ ᒥᑦᑕᕐᕕᐊᓂᑦ, ᐊᐅᓪᓚᕋᓗᐊᕈᕕᑦ ᐳᓛᕆᐊᕋᓗᐊᕈᕕᓪᓘᓐᓃᑦ ᐊᓯᖏᓐᓄᑦ ᐃᑭᒪᔪᓄᑦ.

ᓂᕐᔪᑎᓄᑦ ᖁᐃᔭᖅᑐᕐᕕᒃ/ᐊᓇᕆᐊᖅᑐᕐᕕᒃ

ᒪᕉᖕᓂᒃ ᐆᒪᔪᕐᓄᑦ ᖁᐃᔭᖅᑐᕐᕕᒃᑕᓕᒃ/ᐊᓇᕆᐊᖅᑐᕐᕕᒃᑕᓕᒃ ᐆᒪᔪᕐᓄᑦ ᒥᑦᑕᕐᕕᒃᑰᖅᑎᑕᐅᔪᓄᑦ ᐅᑯᑎᒎᓇᕐᓗ: 

•  ᒥᑦᑕᕐᕕᐅᑉ ᓯᓚᑖᓂ ᑎᑭᑉᐸᓪᓕᐊᔪᑦ ᐃᓯᕆᐊᕐᕕᖓᑕ ᖃᓂᒋᔮᒍᑦ ᓱᐴᖅᑐᕆᐊᖅᑐᕐᕕᐅᑉ ᖃᓂᒋᔮᒍᑦ. 
• ᖃᐅᔨᓴᖅᑕᐅᕝᕕᒃᑰᕌᓪᓚᓚᐅᖅᑎᓪᓗᑎᑦ ᐊᑦᑕᕐᓇᖅᑐᒦᑎᑦᑎᑕᐃᓕᓂᕐᒧᑦ ᖃᐅᔨᓴᖅᑕᐅᖅᑳᕆᐊᓕᒃ ᐃᑭᓚᐅᙱᑎᓪᓗᒍ, ᐱᔨᑦᑎᕋᕐᕕᒃ ᓂᕐᔪᑎᓄᑦ ᐃᑲᔪᖅᑕᐅᕝᕕᒃ ᐃᓂᖃᖅᑐᖅ ᑭᒃᑯᑐᐃᓐᓇᕐᓄᑦ ᐊᓇᕐᕕᖕᓂ Gate 2−ᒥ.

ᐅᖃᐅᓯᒃᓴᕆᔭᐅᔪᑦ

ᐊᑲᐅᙱᓕᐅᕈᑎᖃᕈᕕᑦ, ᐃᓱᒫᓘᑎᖃᕈᕕᓪᓘᓐᓃᑦ ᐱᔨᑦᑎᕋᐅᑎᑦ ᒥᒃᓵᓄᑦ ᒥᑦᑕᕐᕕᖕᒥᑦ, ᖃᕆᑕᐅᔭᓕᕆᔨᒃᑯᓐᓄᑦ ᐅᖄᓚᔪᓐᓇᖅᐳᑎᑦ ᐅᕗᖓ 867-877-6060 ᐅᕝᕙᓘᓐᓃᑦ 867-877-1972 ᐃᕐᖐᓐᓈᖅᑕᐅᒃᑯᓪᓘᓐᓃᑦ ᐅᕗᖓ @email ᖁᕕᐊᓱᒃᑲᔭᖅᐳᒍᓪᓗ ᑕᒪᑐᒥᖓ ᐅᖃᐅᓯᖃᕆᐊᒃᓴᖅ.