Angutat Niqit Tuniuqaqni Havagutit

Niqainangnik Niqinik Tuniuqhaidjutinun Pinahuarutit tapkua ikayuutauyut havaaghanun tapkua ihuaqhiyuumirutiyut ihuangnikhaanun anguniarnirmun maniliurutinun uvalu angikliyuumiqlugu piyaangniq akiliruminaqtunik uvalu aaniangnaitunik niqainarnik niqinik. Pinahuaruti ikajuqpaktait nunallaat nappaqtirnikkut aulapkainikkullu auladjutikhanik-ihuaqtunik nunallaani qiqittiiviit ikajurlugillu anguniarnikkut aulapkaidjutikhanik.

Malruunguyuq qanurittuk pinahuarutmi:

• Nunallaami Anguniarnikkut Nuutihimayut Maniliqtuutikhat (Qanurittuq A)
• Nunallaami Anguniarnikkut Aulapkaitjutikhatigut Maniliqtuutikhat (Qanurittuq B)

Pittaaqtut hulitjutikhat

Taamna Nunallaami Anguniarnikkut Nuutihimayut Maniliqtuutikhat ikayuqtait piniarhimatjutit pimmarigharutikhat nunallaani anguniarnikkut piangaiyautikhat.

Nunallaanun nanminiriyait aulapkaqtaillu nunallaami aulapkaitjutit, maniliqtuutit akiliqtaaqtait kikliqarluni $10,000 pauwatuutikhanun munarinikkullu akiit nunallaani qiqittiiviknik aallanikluunniit niqainnarnun aulatjutit.

Hulinia uumani Nunallaami Anguniarnikkut Aulapkaitjutikhatigut Maniliqtuutikhami imaa ikayuqlugit nunallaat piliuqnikkut uplumiutanik pauwatuqpallaayuittuniklu nunallaani qiqittiivikmik, ikayuqluniluunniit aallanik anguniarnikkut aulatjutinik.  Maniliqtuutikhat tunivaktut manikhanik hapkununga hulitjutinun:

• Ihuarhainikkut nutaanguqtirnikkullu tahamaniittunik nunallaami qiqittiivikmik, nunallaami niuvvaavikmik imaaluunniit ahiruqtirinikkut puuqtuinikkullu havakviknik; imaalu
• Titirauyaqnikkut, niuviqnikkut, iliuraqnikkullu nutaamik nunallaami qiqittiivikmik, nunallaami niuvvaavikmik imaaluunniit ahiruqtirinikkut puuqtuinikkullu ilautjutikhanik aulatjutiniklu.

Naunaiqyumirumaguvit, taiguqlugu Niqainangnik Niqinik Tuniqhainikkut PinahuarutiMun Atugakhaq.

Kitkut Uuktuqtaaqqat

Hamliuyut Nunavumi timigiyauyut ilagani Sitiuyut, Taunguyut, Viligiuyulu Maligaqyuaganit ilaganiluniit Hamliuyut Maligaqyuagani. Anguniaqtiit Timiqutiit aallalluunniit timiqutit pittaarungnarhivut titiraqarutimik ikayuutikhamik haamlatkunnin

Qanuqtun uuktuqtukhat

Tuyuqlutit titiraqhimayumik ihumagiyangnik EDTkut aviktungniini havagvianun uvalu iniqtiqlugu hapkua uuktuutit.

Country Food Distribution Program Application Inuinnaqtun

Uqaqvigiy 

Qaritauyakkut: @email
Hivayautaa: 1-888-975-5999

Aallanik ilitturipkaidjutikhanik, uqaqatigilugu avikturhimanirni EDT-kut havagvia.