Sallirmi
Salliq
Salliq najugaa uvani Southampton Qikiqtaani, tunungani Hudson Bay uvani N64 08' W83 10'. Inuktitut atia, Salliq, numiktirutiqaqtuq imaa “maniktuq qikiqtaq” (Inuktitut atia qikiqtaup nunallaaplu atia aadjikiiktuk). Salliq aadjikiivjaktuq ungahiktilaanga (330 km) hamanga Naujaanin Tununganun, Salliq Kivataanun, Ivujivik Quebec hamunga Hivuraata kivataani unalu Igluligaarjuk Uataanun. Atiq Coral Harbour pijauhimajuq ihumagijaujumun paqinaqtut aulapaangadjitut ujaranguqhimajut nauhimajut imarmi haniani nunallaap.
Inuit Salliqmiut aalakiinik pitquhiqaqtut tapkua nuutiqhimajut Kivallirup nunaanin, Qikiqtaalungmin hamangalu tunungani Quebec. Salliq nunallaaq piqaqtuq hakugiktumik pitquhirmik humilu Inuktitut hivuliujuq uqauhiq tamavjaini giluni. Taangaqturnaituq nunallaaq, naunaijautaa piqarniq imirniqlu taangamik pitqujaungituq. Inuit ukpirijaat tamna maliruagahaq ikajuutaujuq pihimajaangani nunallaap hakugingnia.
Piniqtuq Southampton Island ilaujut huradjat kitut ingilraangnitaliqijit taijaat Sallirmiut (Inuit taijait Tuniit). Hapkua ilaujut inuit aalakkit qitqani Thule (kitut takujauhimajut kingulirmi humiliqaak 1700mi) ukualu Dorset, tamaghaaqhimajuq hivuani ukua Thule. Ukua Sallirmiut avaliingaaqhimajut Inuit, kihimi hiqhimajut aanniarutaanun Typhus hiamitirniaragun, kitu aanniarutiqaqtup ilaujuq hapkunani Scottish Qilalugaqhiuqtip uvani 1902mi. Takunaqtut huli tupiqarviit aalakiit najugait qikiqtami. Angajughiit ilihaqiit upakpagaat upingaarmi najugaa uvani Native Point, kitu anginihaujuq Sallirmiut najugaat.
Southampton Island hivulirmin iliturijaujuq aulaaqtimin Thomas Button uvani 1604mi. Atiqhimajaa nan'ngariblugu maniktarvini, Atia Earl of Southampton, kitu qiniqhiavakhimajuq Umiat Uniaqturvianik. Uvani 1924 ukua Kapanit ihumaliuqtut nuutiqlugu niuvaaviktik hamanga Coats Island hamunga Southampton Island pijaat najugaha Salliq najugahaa. Taamnalu, atangujaat niuvaaviup ihumaliuqhunilu nuutiqlugu igluqpak hamunga Southampton Island najugariliqhugulu. Tuhaqtidjutiqangitumik malruk tikituk talvunga ubluni.
Una Anglicaqmiut ukualu Faalamiut igluqpijut ikituni ukiuni kinguani niuvaaviit. Inuit hamanga Baffin hamanilu Quebec najugaini Angicaqmiut tapkua nunamiut Faalamiutat.
Ukua U.S. Angujaktit igluqpijut hamani Southampton Islandmi angujaktilugit Nunaqjuami Angujaktut II ilaujuq inmi Agjarvighaat. upalungaijautaujut agjarvighaq tingmitinik angujautighanik hamunga Europemun hamuuna Churchilltigut, Coral Harbourkut, Frobisher Baykut (Iqaluit), Greenlandkut unalu Iceland. Igpuqpak napaqtiqtauhimajuq 11 km unghiktilaanga hamanga Kapanit niuvaavianin kihimi atuqtaungituq angujaktilugit. Atuqtauhimajuq tutquumavighaq Angujaktilugit napaqtiriviat DEW Linekut tunungani. Tamajat agjaqtaujuq Sallirmun tingmitikkut agjaqtaublutik hamunga Kugaarjuk, kitut hikuqaqtut aujamun. Anmigaitut inuit inuujut huli aulaaqhimaanginaqhutik inuuhiqaqtut avatiini qikiqtap hamunga 1950mun humi Kanadami Ubluni Iliharviit napaqtaungmata haniani Kapanit niuvaaviani. Kingulirni 50ni ukiuni takujaujuq nunallaaq inugiaghijuq qilamik amigaitullu igluqpijut amigaiqpaliablutiklu kivgaqtuutit. Ublua Nunavungurnirup 1999 pidjutaujuq amigaitunik aalanguqtirnirmik najugaani inmi-munaridjutainun Inuinnarnun.
Inugiangnira: 1,043
Qaujigiarviksaq
Irngiinaaqtaut: @email
Uqaalauti: 867-925-8867
Sukkajukkut: 867-925-8233
Ikiaqqivik: www.coralharbour.ca