Qikiqtani Aanniarvik

Uvaptigut Naunaitkutit

QGH-kut 22-nik ikliqaqtuq aanniaqtunut munarhiviuyuq Iqalungni. Aanniakvingat munarhivaktuq 16,000-nguyunik inungnik nunaqaqtunik Qikiqtani (Baffin) Avikturniani, Nunaqaqtuq 12-nik nunalaanik hiamihimayut uan milliyanmik aktigiyumi nunami.

QGH tunihijuq hapkuninga ajuittiaqhimajut kivgaqtuutinik:

Hapkua piinarialgit 24/7:

• Taaktiujuq nutaqqanut
• Pilakhirviani
• OBGYNnik
• Hingaijuliqijijiujuq Nuttaraniliqtuniklu Munaqhivia

Hapkuat havaat tunijauvaktut qaffiiqtuqhugu ukiumi:

• Uumamiliqutit
• Uvinirniliqiji
• Niukluqtuqtunik
• Qaritani Qaujihaidjutiliqijut Qaujiharvik
• Aaniaqtailiniq Timingmini havautiliqijiit
• Iggiaqliqijiit
• Quiviliqijujiujut Nakahukluktuliqiji
• Haunirnik, Ipigingnik, Nukiknik Ihuaqhailiqiji
• Nutarannuanik uumaluktunun, iqaijaliqinikkut, qaritanik qaujihaidjutiliqijut qaujihairvik
• Ajungnautiqaqtunun hunavalungnik nirijunik atuqtuniklu timingminun
• ENT (Hiutingnik, qingarnik, igianunlu ajuittiaqhimajuq)
• Ijiinik Ihivriuqtiujuq

Qauyimayakhainik  Aanniaviliakhimayut  Pullaaktunullu

 Tikitquvit ihuakharikhimayumut taakkukhirvikharnut nutaangutqiyanungauyukhauyutit aanniaviup iluani.  Aanniaviliarvingni tuniyakhatit ukuat nutaamik Nunavunmi Aanniartailinirmut Nampaa uvaluuniit ID-mik Naunaitkutikhamik Piksaqaqtumik takupkaklugu.  Naunaikhiyangani havaktimut kinauyaakhangnik titirarianganillu munakhigikharnut.  Aanniavingmut ittiqtitaunirni tuniyauniaktutit ID-mik Naunaitkutikhamik titiraqaqtumik algautingnut iliyakhamik.  Una ID-mik Naunaitkutikhamik titiraqaqtumik algautingnut iliyauhimaniaktuq aannirnaittumik ungavalimaittuq aanniavingmitillutit QGH-mi.  QGH-mi havaktinut ikayuutauniaqtuq havautikharniklu naunaitkutingniklu takuyakhainik ihuaktumik munariyauyarni.

QGH-mi Aanniarvik ilittariyauhimayuq aanniarvik . Qillamiuqtunut Igluakaqlutik angmavaktuq 24-ni ikangnini upluq tamaat, upluq tamaat havainiqmi. Ikangniqaqtuq angmavikhanik Hivulliut-Tallimiut 8:30-mit 5:00-mut

 Titiraqtitinahuaruvit taaktiliqitjutikhangnik qarititjavat una Nunavunmi Aanniartailinirmut Nampaa titiraqhimayullu havautituqtatit. Ahianirmiutat Nunavunmit tunihiyukhauyut avikturhimanirmik Aanniartailinirmut Nampaa akiliqtuqtauvagiakhanik.

 Pulaarumayunut ikangniqaqtut 3:00-mit 8:00-mut.

Kivraqtuijit hailihimajut Qikiqtani Aanniarvianni Munarhitkut:

• Ihivriuqhiviit Munarhiqaqvia (RAC)  – Ublinggani upaudjutikhamingnut munarhiqaqviannut aulavaktuq HIvullirmin Tallimiunmut, 9 min 5 mun.
• Hivuani-ihuaqhariiqhimajut upautijukhat Munaqhimun (Taaktimun Munaqhimunluuniin)
• Naliangnik takujauviqhaatigun upautiluni hivuni (3 min 12 lunut tatqiqhiutini ihuarhariiqhimajuqhaq)

Ihivriuqhiviit Munarhiqaqvia (RAC)

Hunaungmanggaat Ihivriuqhiviit Munarhiqaqviq?  RAC ubligijamini upautikhaminut ammaumajuq HIvullirmin Tallimiunmut, 9 min 5 mut. Pidjutaa una munarhitkuni takujaami inungnun ihuiguhuktumik ihuaqtunik RAC-kunnun. . Tamaita upautaujut 15 minitsni inihainnaqhungngujut.  Tamangnik upautijuqhat ihivriukaffuktaujumajutlu munarhimit upautiviqhaqaqhunilu taaktimun munarhimunluunniit.

Pijaami RAC upautijuqhamik ublumun, talvunggaudjavutin QGH Munarhiqaqviinnut 8 munggaqqat.  Pitqujauniaqtutin nampamik iniqtiqlugulu Ihivriuqhiviit Munarhiqaqvia Takujaujaami Titiqqidjutait.  Nampait pijaujun hivulliudjutikkut, hivulliujut-takujauniaqtut.  Nampait taijauqpat, pitqujauniaqtutin Atiliuqtiinnit Titiraqtiinnut talvuuna tunihiniaqtan RAC takujaujaami titiraannik.  Naunaijaqtaugumi ihuaqtumik ihumaliurutikharnik tapkuninga RACnik tautuktaujaanganik, titiraqtauniaqtuq tautukvikharnik ubluanganun, utiffaaruvit Munarhitkunun naunaijagiikhimajunun tautuktauvikharnik, naunaijailutin talvungaunagikhimajutin uqallautilugit talvaniitutin talvunga Titiqiqidjutiliqijunun Titiraqtinun.

Ihumagijaujuq upautiqharnut ihuanggitpat RAC tutigut, pitqujauniaqtutin tunihilugu ER kunnut takujaujaamiluunniit upautiqharnut ihuaqhiluhi qakungguqqan. 

Hapkua takudjutaujaami RAC kunni:

• Nuliarnikkut aanniaqtailiniq (STI ngat)
• Hin’ngaijariaqhaaniq Ihivriugut
• Tadjainarmi minutenik Havautikharnik Imiqtauffaaqtukharnik talvatuaq
• Uluruahungniq Uluruahuktununlu
• Nakahungmi Aanniarut (UTI)
• Qalalaqiniq, Fluu, Iggiaqliurtuqluunniit
• Mikijumik Uvinirmi Aupavjaqtuq
• Hiuliuliqtuq
• Aanniarviliaqtitaujut tunihijut RAC-kunut hapkuat ihuiguhudjutingnik iliugaqtauffaalimaitun RACnun tautuktauffaagiangani naunaijaijukhat hivutunirmik tautuktaujaanganik. Hivitutqiamik upautijuqhaq tautuktaujaangat pijuqhaujut imaa pijaami munarhitkut ikaajugiangani ilituqhaijaangat ihumaluutigijainik qajangnairutikhatigun.
• Uluriahuinaqtun uvaluuniin Aalat Qanuginiit Piqaqtukhat Ihuaqtumik Munagidjutiqaqtut Aangajaangnaqtunik (Opiodsnik, Benzodiazepinesnik, uvalu auladjutikharnik).
• Uluriahukpiavjaktutun Ittuq
• WSCC aadlanili Havagviit Titiqqidjutait
• Tamaat daaktimin Ihivriugutit
• Hatqaqliqtuq
• Ajurhaqtuq Aniqhaaqtariami
• Qangannuaq Aanniqtut Pijariaqaqtait Piksaliuqhimajut (imatut ihumagijaujut ahiruqhimajut hauniit)
• Hin’ngaijainirmik Ajurhautiqaqtut
• Hivuani-Pilaktauqtunun Ajurhautit
• Takujuqujaujuq Ajuittiaqhimajumin
• Ihumaliqinikkut
• Malikhautikharnik (IUDnik iliugaqtauniaqtun, Papnik Ihivriudjutikharnik, Puvipkakhimajut, Puvipkakhimajunik Piiqtauniaqtun, Ikpingniit Kapuutikharnik, hunavalungniklu)
• Aulahimaanginaqtut Ihivriuqtaujukharnik
• Aalat amigaqhuutiqangitut Ihumaaluutit uvalu Anirnikluktunun Naunaijautit

Upautijuqhamik Piliuqtuq talvaungittumun Ihivriuqhiviit Munarhiqaqvia:

Aanniagutiqaguvit ihumaluutigijangnik piqaqtun avatqungniaqtuq ihivriutaujaangat hivutunirmik 15 minitsni, Uqaqqatigilugu kituliqaak piliuqtukhaq Atiliurviujini Titiraqtiinnit. 

Upautiviqharnut piliuqlutin Munarhitkunni:

• Hivajarlugu (867) 975-8600 malikhautilugitlu upautiviqharnut. Kiungitpat, nipiliuqlutit kinalu hivajaffaangniaqtaatin qilaminnuaq.
• Qailuhi Munarhitkunun upautiviqharnut ihuaqhariami upautilutin.

 Aanniaqtailinikkut ihumaaluutigijaujut pijariaqaqtut hivuagut-ihuaqhaqtauhimajumik tautuktauffaagiangani:

• Havautikharnik Imiqtauffaaqtakharnik
• Auklukhimaguvit Munariniq
• Ukiuq Tamaat Iqaijaqviliqinikkut Ihivriugutit
• Taijauhimajut Iqaijangnikkut Ihivriungniq (Aqutukharnik Ihivriugutit, Tariumi Aanniarutit Ihivriungniq, Ahinin Nunalaaqaqtunin Aanniarutit Ihivriungniq, taimaalu)
• Takujuqujaujuq Ajuittiaqhimajumin
• Havakvikmi Ihivriurutit uvalu Titiraq Uuktuut (Aulapkainikkut Naunaijautit Titirat)
• Nutarannualiurutit Aanniaqtailinirmun
• Uluriahukjuahimaanginaqtuq
• Ihumakkut Aanniaqtailinikkut
• Aularaanginaqtut Aanniarutit Munaridjutit (Aungmi Sukaklungnikkut, Aungmi Tigliutaa qulvaktirutaa, taimaalu)
• Higaaruijautikhat
• Aungmik Havangnikkut Tukhiutit/Ihivriuqtauffaaqtaujukhaq
• Iksuliiqhiniqmik Tukhiutit /Takuffaaqtaujukhaq

Upalun’ngaiqhimalutit upautivikharnik Munarhitkunni:

• Hivunirmi takujauviqharniq piliuqlutin kaffini ublunik hivutunirmik, havautitin pijuqhauguvit tattattifaariami havautiqariangni hivutunirmi havainirni - tatqikhiutingitlu hivutunirmi, hivuatigun tautuktaujaangat munarhitkuni taaktinin naunaijaijaangat piqagianganik havautikharnik namaktumik piqagianganik tautuktauffaaqtinatin ubluang tikititnani. 
• Naunaiqlugu upautiqhat tatqiqhiutimi kin’ngungginnnaaqtailijaarni. 
• Upalun’ngaihimalutin titiraqlugit havautitit upautinnatin piksaliuqlugitluunnit hivajautinnuakkut, imaa pijaami tamaita naunaijautit pihimajaami piksami. Hivajainnariaqaqtatillu havautiqarvigijat apiqhilutinlu piqariangni titiraqhimajunik nutaanik havautigijarniq.
• Qaritilutin apiqhuutikharnik piqaqtutin munarhitkutnun
• Talvunggaqhimalutin 15 minitsni hivuagut upautidjutigijarnut.
• Atiliurlutit hivuani Atiliurvingmi qilamik tikitkuvit upautivikharnut.
• Apirijauniaqtutit aanniarnikkut nampait atiliuliguvit upautivikharnik.
• Naunaiqhitilugu aanniarnikkut nampait nakuujaaqhainnik nungguhimanggilluni aturiami. Aanniaqtailinikkut piannannuat nungutpat, Atiliurnikkut Titiraqti tunihiniaqtuq titiraqmik iniqhimajuq nutaanguqtiqhimajukhaq.
• Naunaijautitit (hivajautit nampait) najurvigijatlu) ublumimut naammariaqhainnik auladjutijumi imaalu qilamiurnaqhiqpat kimmut uqaqvigijaqhaq.
• Titiraqti tunihiniaqtuq inungmun naunaitkutinik atiliuqtauguvin upautidjutingnun. Naunaiqhitilugit naunaitkutit ihuarhaijaangat kivgaqtikhailiuqtum titiraqhimajut talvani naunaitkunmi.
• Uqaudjauguvit upautivikharnik hivunirmi, pitqujugut ihuaqhailutit upautivikharnik qilamiurlutit, taima upautiffaagutiqhat ittaami auladjutimi puiguqtailitiqhatlu hivajautikkut piluni pittinnagu upautiviqharnut.

Ajuittiarhimanikkut Kivraqtuutit:

• Takudjutijaami ajuittiaqhimajumik QGH kunni, hivulliqpaaq upautiviqharniq upalun’ngaijaqlutin ilagiiqtunut taaktimik munarhimunluunniit.  Talvaniitillutin upautiviqharnut, ikajuqtuq ihumaliurniaqtuq takujaqhaatigut ajuittiaqtumik naunaiqhitiniaqtuq ihivriugutaannut. Tamaita ajuittiaqhimanikkut kivraqtuijit pitqujut takudjutiqhamik ilagiiqtunut taaktimit munarhimitluunniit.

Piumaguvit ikajuutiqharniq pijaarni Munarhitkunnut upautiqharnutluunniit atiliurluni, hivajaqlugit uvuuna (867) 975-8600 kinalu aliahungniaqtuq ikajuriangni. Talvungauttaaqtutillu upautilutit ikajuqtikhangnik.

Nakuukpiaktumik atuqpakhimaguvit, tuhaajumajugut ilingnit. Apigilutin upautijunut naunaijautiqhamik iniguvit takujaunikkut.

Naammaginggitkungni upautigijarnut, pitqujuguq ilingnik uqaqvigilugit Patient Relations uvani (867) 975-5703 akiittumunluunniit uvuuna (855) 438-3003. Titiraqvigiinnarialgitlu qarutaujakkut uvuuna: @email.