Aqiarurliurniq itiktarniqlu aannialaqidjutit Iglulingmi
Havagviat Munahiliqijikkut tuhaqtitijumajut nunaqaqtunik Iglulingmi aqiarurliurnirmik aanniarut atilik norovirus hanguliqtuq nunangani. Atuqtaunginnaqtuq imailigaangat ukiuq. Una aanniarut hiamitiqtaaqtuq inungmin inungmun hiamitiqluni nunallaamun qilamik.
Naunaitkutait ilaujut miriannguniq, miriakhutik, aqiarurliurniq, kidjaklutik itiktaqhutiklu. Ilangit nakuutqiaq aannialaqittaidjutikhat imaa:
- Uaqattaarlugit algakkit, imaalluarlu niqikhaliuqtinnatit imaaluuniit biibimik makaqtuihuiraiguvin, quujaqturuiruvillu.
- Unaguiqhiqhimaaqlutit niqqaraanginnarlutillu niuqqaqtakhanik (niuqqaruiqlutin kukuulanik, aullarikharutinik niuqqakhanik, aallaniluunniit sukainnaqaqtunik niuqqakhanik).
- Halummaqtiqlugit qaangit ikpatit, ukuat tiguqpiit, kuujaqtuqviillu uunaqtumik irmiutiqaqtumik imarmik.
- Aktuqtailinahuarlutin inungnun aanniaqtunun.
Ikajuqlugit nutaqqat uaqtut algangmingnik, halummaqtiqlugillu ulapqiujait halummaqtiriguvin aallanik qaanginnik. Kinaliqaak naunaitkutilik aihimajukhaq, unaguiqhirluni, niuqqaraanginnarlunilu niuqqagakhanik.
Kinaliqaaq miriakattaqtuq itiktaqtuqluunniit igajukhaungittuq ilagijamingnun mikhilaaqtirnirnun hiamitirutaanik aannialaqidjutimik ilamingnun. Halumaittun aanuraat uaqtaujukhat uunaqtumi imarmik piniqhiqtirlugillu uunaqtumi paniqhiivingmi. Itqaumalutit, kuniktuiniq kahangnillu biibinnuanik hiamitiqtaaqtuq aannialaqidjutinik. Aannialaqittaililugit najuqtailugin aannialiruvin.
Inuit naunaitkutilgit munarijauttaaqtun aihimalutik kihiani naunaitkutit ingattaqqata pidjutilgillu hakuirnirnik kipinngulirumiklu. Inuit ingattaqhimajunik naunaitkutiqaliqtun ilitturipkaqtakhait munaqhitkut.
Ilitturijuummirlugin taigurnikkut uuminga Norovirus-kut kangiqhidjutaanik hailihimajuq uvani Aanniaqtailinirmut Havagviani qaritaujakkuurutaani.