Atauhiq nutaaq aannialiqtuq QALAGYUARNITIGUT-19 Arviani
Tuhaqtipkaidjutiqhaq
Atauhiq nutaaq aannialiqtuq QALAGYUARNITIGUT-19 Arviani
Iqaluit, Nunavut (February 10, 2021) - Ublumi, Nunavut piqaliqtuq nutaami aanniaqtumik QALAGYUARNITIGUT-19. 16-nguqtut aannialiqtut nunaptingni, tamarmik Arviani ittut.
“Takunggitkaluaqhuta amigaingnitigut aanniaqtunik taapkuat November mi, iglumiuqatauyuni hiamitirnia pidjutihimmaaqtuq” uqaqtuq Dr. Michael Patterson, Nunavutim Atanilluanga Inungnut Aanniaqtailinirmun Havaktia. “Ilihimayugut iglumi inaingnia pidjutivaktuq hiamittugu aanniarut, pulaangnitigutlu. Ayurnaktuugaluaq kihimi Arviangmiutat aqhuuqhimmaagumik maliklugitlu inungnut aanniaqtailinirmun malikkuutait, piniaqtugut hiamitiqhimaillugu aanniarut.”
Tamaita inuit naammaktut, avaliin’ngaaqtitauyutlu aimavingmingni aktuumanikkut munariyihimmaaqtutlu. Talvanga February 10, Arviani ihivriuqtaunirmun naunaiqtait 1904 aanniagutiqanggittunik.
Nunavutim Qilamik Upautiyuqhat Havaktiit ikayuqhimmaaqtait nunallaami aanniaqtailinirmun havaktiit. Kinali tingmihimayuq talvunga Arvianut talvangaluunniit talvamit January 12 apiriyauyut kigliqaquplugit inmi aktungnirit inmiklu-munarilutik mihingnautinut. Apiriyauyun uqaqatigiquplugit nunallaamingni munaqhitkut uvungaluunniit Iqalungni aanniaqtailinirmun munaqhitkut, tahamaniitkumik, ikayuriami aktuqtauhimanikkut naunaiyainikkut munarinikkutlu. Aullaquyaunggittut huli talvunga talvangalu Arvianut, kihiani qilamiugutautuqaqqat ihariagiyautigutkutluunniit pigumik.
Kappuutit munaqhinit tuglianut kapuqhiqtauriami piniaqtut Arviani February 10 mit 13 mut. Arvianmiut kapuqhinggittut hivulliqpaami kapuqhigumayutlu hivayainnariaqaqtait munaqhitkut takuyauyaami. Hivulliutigiyauyut takuyauyaamingnik pidjutiniaqtait tugliqmik kapuqhiriamingnik.
Kinaliqaak ihumayuq aktuqtauhimayut QALAGYUARNITIGUT-19 hivayaquyauyut uumunga QALAGYUARNITIGUT-hivayautaannut uvani 1-888-975-8601 talvannga 10 min ublaami uvungalu 6 mun unnuliqqat. Qikiqtaup Ubluqhiutaatigun, ilitturipkailugitluunniit nunaffingni munaqhitkut qilaminnuaq, qilamiklu avaliin’ngaaqlutin aimavingni 14 ni ubluni. Upaguiqlugit munaqhitkut.
Nutaanut kangiqhidjutinun, ilauyut qaffiuniit nakuuhiyut aulahimaaqtutlu aanniarutiqaqtunik nunallaatigut, hamungaulutit: https://www.gov.nu.ca/health/information/covid-19-novel-coronavirus.
Nutaanik kangiqhidjutinik inungnun aanniarutinun pittailiyaqhanut, qaritauyakkut hamungaulutit: https://www.gov.nu.ca/health/information/nunavuts-path.
Nutaanut kangiqhidjutinut Nunavunmi QALAGYUARNITIGUT-19 kappuqhitigut hivuniqhainnik hamungaulutit: https://gov.nu.ca/health/information/covid-19-vaccination.
###
Tuhaqtipkainikkut Uqaqvigiyaqhaq:
Cate Macleod
Tuhaqtitauyuqhanut Titiraqtia Hivuliqtimun Savikataaq
867-975-5059
@email
Danarae Sommerville
Tuhaqtipkainikkut Ayuittuq
Havagviat Aanniaqtailinirmut
867-975-5712
@email