COVID-19 GN Ilitturipkaidjutit - Qiqaijalirvia 23, 2020

Hivuliqtiup nutaaq ilitturipkaidjutaa:

Ublumimit, naunaiqhimangittut aannialiqtunik ilitturiyauyunik imaaluuniit aannialirnahugijunik qalagjuarniq COVID-19 Nunavunmi.

Inungnut aanniaqtailitikhat hiamittaaktut aanniarutit havaqatigiiktut munaqhijut amigaittunik imaatut 111 inungnik qaujihaqtaujunik. Imaatut amigaittut, 43-nik inungnik, qaujihaqtaujunik naunaiqtaujut nakuujunguuq imaalu avalingagakhaittut.

Aullaqtirlutik 11:59 p.m. Aippiunmion, Qiqaijalirvia 24 maliqattiaqtauyukhanik tingmitikkkut aullaquyihuiqtut Nunavunmut atuqtaulirniaqtut. Nunavunmi nunaqaqtuinnait ukuallu ikayuqtiulluaqtukhat havaktit tingmittaaktut Nunavunmut. Inuk tamaat, ukuangungittut ikayuqtiulluaqtukhat havaktit tuniyauhimayut titiraqhimajumik angiqtaudjunmik taffumanga Atanilluaq Nunalaani Aanniaqtailinikkut Havaktimit, piyariaqaqtumik imaatut 14-ubluni avaliingaqtitauyukhat hivuraani ihivitunianni ikillahiyamingni tingminmut qaitinnatik Nunavunmut. Hapkuat ilauyukhallu nunaqaqtut ilihaqtullu ahinni nunani.

Tamaita inungut katimapkaiviuvaktut nutaqaqtitauyut, imaatullu tamaita hilami ulapqiviit ukuallu hamlatkunni min’nguiqhiviit umiktauyut.

Puiguktailitquyatka inuit tamaita imaatullu kangiqhittiaquyatka piyariaqaqtut kinaliqaak tikihimayuq ahinit avikturniannit uumanikinguaniluuniit Qiqaijalirvia 15-mit aihimayukhauyut iglumingni inuqarnirmungauhimaittumik.

Ilihimadjavuhi hamna akhuurutigijaqqut, ihumaliutt.iarahuaqtugut qanuriliurutikhaptingnik.

IKinguagut itihimayunga tapkuat Nunavut iKavamnaga tuniuqhaiyuq kiinaujakhanik laisiqaqtunut nutaqqiqivingnut akikhanik angayuqqat akiliqtuqtainnik talvanga Qiqaijalirvia 17-mit-Qitiqqautijuq 7, 2020. Hapkuat maniit havaktauniaqtut imaaly tuyuutaulutik nutaqqiqivingnut Taitllimiunmi, Qiqaijalirvia 27, 2020.

Niruarvikhat uvani Qamanittuaq kinguvaktitauyuq auyaqqat kihiani pitqungmadjuk hamlatkut.

GN-kut havagviit igluqpait umiktut inungnut. Takuyauvikharnik naunaiqhihimaguvit ublukhanik ubluqhiutikkullu, hivajaqqarlugit naunaiqhiyarni qanuqtut upungaiyautiliuqhimajakhainnik.

Nunavummiut, Itqumayukhauyuhi piilliungittugut hunavalungnik atuqtakhanik niqikhanikluuniin Nunavunmi. Niqikhat tikiqattainnaqtun. #COVID-19 hunakhairutaulimaittuq niuvvaviptingni nunallaanillu kihimi amigaitpallaaqtunik kihimik amigaitpallaaqtunik niuvviruffi tutqumagiguffilu hunnnairutiniaqtuq. Taimailiuruirluhi. Niuvvidjavutit ihariagijarnik kihimi aallat inuit niuvvigakhainniklu nunguhimaittumik ihumadjavutit. Tamapta Attautimut Una Pidjutigiyaqqut.

Naunairumayatka unnahuittut havaktivut havakpiakpaktut nunallaptingni. Quviahuktunga hakugingninganut akhuurninganullu takunnaqtunik tamainni nunallaani avikturniptingni.

Aanniarvingni munaqhiqarvingni, aanniarnaittumikmunaqtivut ayuiqhattiaqhimayut ukkuat inungnik ikayuqtikhat, havangittut pidjutiqaqtuinnarnik taffuminga Qalagjuarniq COVID-19 kihimi munaqhihimmaaqtut ikayuqhutik aanniaqtunik Nunavummiunik.

ItiqtauviptIngni tamainni, itiqtauvingni havaktiuyut titirarviinnillu havaktingit aullaranginnaqtumik tunihijut ayuqhattiaqhimajut kivagqtuidjutikhamingnik hapkunani itiqtauvingni qajangnaitkutikhainnik imaatullu Nunavunmi itiqtauhimajut inuit qayangnaitkutikhanik munaridjutikhainniklu. Itiqtauviit havaktingit tunihivaktut anginiqaqtunik kivgaqtuutikhanik ilitarijavullu akhuurutait aturuminaittuni hadja qaujimannaittunik.

Inulirijikkut havaktit ikajuqhimmaaqtut qanuqtutliqaak ikajuutikhanik kivaqtuutikhaniklu nutaqqanun, inungnut ilagiiktunullu. Tajja, angiyqijaujumik kinguagut, anginiqaqliqtuq ikayuqtakhariliqtavut tamaita Nunavummiut ihariahuutainnik.

Quyagiyumayatka tamanik Nunavut Havaktingit Katimajiit ukuallu Nunavunmi Ilihaijiit Katimajiit havaqatigiikpaktut tuniuqhaihimmaaktitluta kivgaqtuutikhanik avikturniptingnut nahuriyavullu ikajuutikhainnik hivumuuqtitluta.

Nunavut Kavamanga havaktit uuktuqhimmaaqtut qanuriliurutikhamingnik tunihiplutik ihuaqtunik pinahuarutikhanik ikajuutikhaniklu. Havakkaluaqtitlugit aimavingmingni, havagvingmingniluuniit, imaluuniit inungnik ikayuqtiulluaqtut, atauttikkut aanniaqtailiyait ilannavut piqpagijavullu, hapkuallu aannialiqtaaktuutivut.

Taimaittumik, quyahuktugut tamaffingnut tunihigaffi kivgaqtuutikhaffingnik tamainnut kavamatkut aullapkaidjutikhainnik. Quyagijaffi havagiaktuqpakkaffi ikajurumaplugit nunallavut angitqiyanik ilihimayarnit. Atauttikkut, ikajurniaqtavut ayuqhautauyunik taufimanga Qalagjuarniq COVID-19 Nunavunmi.

Ubluq tamaat uqautiginiaqtara - inungmiuyut qanitturiikhimaittumik imaalu aipqanahuaqpakluhi aniaqqahimaittumik pitqujauhimajut. Maliqayakhaqqut Nunavunmiut aannialaqinnaittumik. Pilaqqut ilingnut. Pilaqqut Inirnikhangutiptingnut nutaqqaptingnullu. Taimailiurin tamaptingnun. Tamapta ikajuqtukhaujugun. Qaniklivallaaruiqlutin. Aihimainnarahuaqluhi. Hamna akhuurnaqpiaktuq anginiaqaqpiakhunillu humaagihuingittaami hiuruyagiinnaqhimaittumik.

Nunavummiut – Pittiaqtukhaujuhi. Nagliguhuktukhaujuhillu inungnik. Qayaguhugluhillu ihumaliuttiarluhillu qujanginnakhimaittumik.

Ministaup Tuglinga ukuaninani Inulirijikkuni Kivgaqtuutikhainnik ilitturipkaidjutikhangit pidjutiqaqtunik iligaqtut tingmidjutikhanut utiulutk Nunavunmut:

Inulirijikkut, Aanniaqtailijikkut, Ilinniaqtuliqijitkut, ukuallu Nunalingni Kavamatkunillu Pivikhaqautikkuthavaqatigiikpakhutik naunaijaijut qajangnaittumik utiutikhanik ilihaqtut hivurani iliharvigjuanit nunamingnut tamainni Nunavunmi.

Tapkuat ilihaqtut utirumaliqtut hadja, pijariaqaliqtut tadjamit avaliingaqtitauyukhat anihimaittumik naunairiiqhimajunni nunagijaujunni imaatut 14-ni ubluni hivituniqaqtumik hivuani ihuaqhatauhimajumik satakkurvikhanik tingmitikkut utiutikhanik Nunavunmut. Ukuak malrrujuk iliharvigjuak nunanganiittuk Ottawa hamanilu Winnipeg. Kivallirmi hamanillu Kitikmeotni Avikturnianni ilihaqtut katinniaqtut Winnipeg-mi aullaqtiriamingni 14-ubluni avaliingaqtitauyukhat anihimaittumik kinguliqpaak ilihaqtuq tikitpat iliharvigjuamut. Qikiqtaalungmi/Qikiqtani Aavikturnianni ilihaqtut katinniaqtut Ottawa-mi iliharvigjuanganni, taimaatullu iliuriamingni – kinguliqpaak ilihaqtuq tikitpat iliharvigjuamut 14-ubluni avaliingaqtitauyukhat anihimaittumik aullaqtirniaqtuq. Tingmitikhat satakhat tamagingnit nunangnit utiutiniaqtait ilihaqtut Nunavunmut.

Utaqqititlugit anihimaittumik Ottawa-mi hamanillu Winnipeg-mi, ilihaqtut pittaarniaqtait atuqtakhatik iniqtiriamingni ilihaqtamingnik imaatullu pittarniaqtait aanniaqtailinikkut ajuiqhattiaqhimajunik takujaktuqpangniaqtait qanurittakhainnik hunnailliuqqatalu ihariagijainnik tunijaujanginni. (Imaatullu amiqhijukhamiki havaqatigiiktuqarniaqtuq munaqhijukhanik imaatullu ihuaqhaijukhanik ajuqhautinik taffumanga aulapkaidjutikhanit)

Tuhaqtitakhat Ilihaqtunut: Ainnarirumaguvit qakugunnuaq, puuqtuidjavutin tamajarnik upalungaikhimalutit aullarvikharnik nalliangnut katilvikhaptingnut. Uqqumaitilaaqarniaqtut puukattakhatit amiaitilaqarlutiklu tamangnut tingmitikkurvikhanik imaatullu satakkurvikhanik tingmitikharnik.

Inungnut timimikkut ajuqhautiqaqtunut imaaluuniit pijariaqaqtut, naunaiqhijariidjavur tingmitikkut havaqatigiiktunut ilaujumut hivajaqqatit.

Ilihaqtunut iniqtirijumajunut ilihaqtamingnik iliharvigijamingni, kihimi utiujumajunut, FANS-kut akilqturniaqtait ta;vunga hivulliqpamut hailijumut ihuaqhaivikhanik angilrauvikhanik nunanganut.

Kangiqhijara aallanit inuguangniinnit utirnahuaqtut Nunavunmut, aallanik apqutikhaqaqtuq utiuvikhnik. Tingmidjutikharnut akiliqtaujukhanik,taimaatut FANS tuqtakhaliuqhimajait ullahimmarniaqtut.

Qaritaujakkut titiqitauniaqtut ilihaqtunut ublumi apiqhurlugit tujuqulugit ublumi tunihitqulugit FANS-kunut naunaitkutikhainik imaatullu tujauniaqtut naunaitkutikhainnik, atuqtakhainnik.

Nunavut Kavamanga (GN) uuktuutikhait aanniaqtailitikhanik Nunavummiut taffumanga Qalagjuarniq COVID-19min, GN-kut Havagvingit atuliktait hapkuat:

Atulirniaqtuq Qiqaijalirvia 24, 2020 tamaita GN-kuthavagviit igluqpait umiingniaqtut inungnut. Kitkutliqaak inuit katimaqatiqaktukhat GN-kunni havaktiuyunnik kivgaqtuutikhainnik havaktimik talvaniittumik GN-kut havagvianni igluqpaani hivajaqqarlugu inuk takujumajaqtik imaalu ihuaqtumik naunaiqhijukhat uparvikhamingnik ubluqhiutikkut naunaiqhilutik.

Havagviat Aanniaqtailinikkut

Aulahimaaqtun havagutit:

Pidjutikhat aanniaqtailinikkut munaqhitikhanik havagutit aullajunaittut hailihimaarniaqtut tamainni nunallaani 7-ni ubluni havainirmi. Tamaita amirakhuutaungittut takujaujumajut naunaiqtauvangniaqtut ubluq tamaat. Tadjainnaq pidjutikhait aanniarjuaqtunik amigaqhuutaujunullu aanniaqtailinikkut munaqhiliqivikhainik havagutit aullahimmaarniaqtut hailihimmaarniaqtut 24-ni ikarnirni ubluq tamaat, saivat ubluni havainirmi. Tamita inuit apirijaujut hivajaqujaujut hivuani munaqhiliaqtinnatik.
Iqalungni, inungnut aanniaqtailitikhat, amigakhuqtunut igluangat unalu aanniaqtunik ihivriuqhirvik angmaqhimaniaqtuq.
Nutarannuanik ihivriuqhirviit, hingaihimajunik ihivriuqhirviit ukuallu kapuqhirniq havautikhat iajuutikhanik aullahimmaarniaqtut huli tamainni nunani Nunavunmi.
Taaktit nunallaanut aquvangniaqtut huli. Pilimaitpata, takuuqhiqtauniaqtut ihivriuqtaulutiklu talvuuna aanniaqtuliqijikkut tiiviitigut tautuutiliqijiit hivajautikkulluuniit.

Ihuaqhaqhimajut havagutit:

• Aanniarviliaqtunut tongmidjutikhainut ikiglijaujut aullaqtitauhaktukhanut amigaqhuutaujunut aullaqtitaujukhainnarnut. Aaniniaqtut inuit uqaudjauniaqtut hapkuninga aallanguqtauniinnik imaalu ilauniaqtut uqautaujunut.
• Iqaluingni, aanniarviup ahiani ikajuqtauvikhat imaalu ikajuqhiqtauvikhait nutiriliqtut takuuqhirvikhainnik ihuaqhaiplutiklu takuuqhirvikhainnik. Ihivriuqhivikhangit ihivriuqtaujukhanik auktaqhimajunik ukuallu Iksuliiqnirmun Piksaliurut ikajuutikhat talvani QGH ikiglijaujut ikajuqhirvikhait. Tamaita ihivriuqhirvikhait kinguvaktitaujut.
• MHA nuutiqhimajuq hivajautikkut qanurittaakhainnun ikajuutikkullu ilanginut inungnun. Ihuaqhariiqhimajut ihivriuqhirvikhait havautikhamingnik aikhirvikhaiinnik imaatullu havautituqtitauvikhait aallajunaittut aallangulimaittut. Ajuqhaliliqpallaruvit, munaqhiliadjavutit.
• Aimaviinnut pulaaqtauviit havautituqtitijaqturlutik havaktauniaqtut naunaiqtauvaglutik atauhillaanik qanurinniinnik.

Umikhimaniaqtun/Nutqaqtitauniaqtun/Aulahimaitun Hadja kivgaqtuutikhainnik:

• Aallangajut ihivriuqtauvikhait taimaaqtitauhimajut. Havaktauliqtut naunaiqhiplutik nalliit aanniaqtut inuit takuujaujukhat hivajautikkut/Naunaijaqhimajut munaqhijauvikhait.
• Tamiatainut ullagkhaitkumik tingmitikkut ihumaliqinikkut aanniaqtunut inungnut llagiiktunullu taimaaqtitaujut. Tamiatainut ullagkhaitkumik tingmitikkut ilagiiktunut aquihimajut aanniaqtunik munaqtaujunik taimaaqtitaujut

Havagviat Kiinaujaliqijikkut Kivgaqtuutikhangit

Ihuaqhaqhimajut havagutit:

• Nunavummiut ukuallu Nunavunmi naniminaqtut akiliqhitqujaujut taaksiliqinirmut akiliqtakhainnik hivajautikkut hivajrarlugit akiittumut nampanut 1-800-316-3324 imaalunnit qaritaujakkut ihuaqhailutik maniliqivingmikkut akiliqhivikhamingnik.
• Tujuinariaqaqtutit sakhaliuqhimajut titiqiqivikkut. Apqqutikhaqaruvit pidjutiqaqtunik nanminirijakkut taaksiliqinirmut, qaritaujakkut titirarvigilugu @email.
• Apqqutikhaqaruvit pidjutiqaqtunik havagvikpit akiliuhiakkut taakliqinirmut, aritaujakkut @email.
• Nunavummiut ukuallu Nunavutnmi nanminirijaujut akiliqhitujaujt GN-kut akiliqtakhainnik hivajarlugit hapkuat nmapait tunilugilli akiliqhitikhamingnik nampainnik.
  • Iqaluit: 867-975-5808
  • Kangiqliniq: 867-645-8517
  • Iqaluktuuttiaq: 867-983-4043
• GN-kut niuvvaviit tujuqqujaujut akiliqtakhanik qaritaujakkut @email.
• Pittaaqtut GN-kut havagvingit atiliuqtukhaujut akiliqhivikhamingnik uvani Self-Service unalu unngavaktiritqulugit akiliuhiakhamingnit titiqqanik qaritaujakkut. Atiliurlutit, qaritaujakkut titirarvigilugit @email.

Nunavut Kavamanga Akiliuhiarutikhait

Qitiqqautijuq 3, 2020

• Tamaita GN kunni havaktiit akiliqtauhungnguyut ihuaqhariiqhimayuni ubluinni. Kingguvangniaqtut pidjutihimmaayuittunut havangnaitillugu havaktut akiliuhiaqhainnik imaaluunniit atan’nguyaukaffuktitauhimayut akiliuhiaqhainniq. Havaqhimmaangginnaqtut piniaqtait akiliuhiaqhait havakaffuktitauhimayutlu himmaukaffuktitauyutlu havaktiit akiliqtauniaqtut malikhugit tuniyauhimayut havaktut ikaangniit naunaiyautainniq.
• Havaktit akiliuhiaqpaktut sakhaliuqhimajunik taimatut akiliuhiakpangniaqtut huli. Tapkuat pivaktut akiliuhiaqhainnik iliuraqtauplutiq maniliqiviiannut, akiliuhiaqhait naunaitkutait tujuutauhungujut kinguvakkut.
• Naunaiqhittiarumaguvit, uqarvigidjavat Tracey Moyles, Aulapkaiji Akiliuhiarutikhanut Ikayuutinutlu titirarvigilugu uvunga @email.

Qitiqqautijuq 17, 2020

• Tamaita GN kunni havaktiit akiliqtaunaqtut ihuaqhariiqhimajuni ubluinni. Hapkuat pqattajuittainut akiliuhiakhat havangnaittumi havaktunut imaalu himmautaullakhimajut akiliuhiakhait aallaniklu akiliqtaujukhanik (ilaujut AWOL unalu LWOP) unngavaktauniaqtut kinguvakkut ubluanni naunaiqtauniaqtuq.
• Havakhimaanginaqtut havaktiit akiliqtauniaqtut akiliuhiarivaktainnik ikarniinni.
• Tamaita havaktitaullakhimajut havaktit kinguvaaqtittaujut talvunga Qiqaijaluarvia 15 imaatullu tujugakhaittut havagvingmingnik ikarniliurutainnik titiraqhimajunik.
• Himmautaulakhimajut havaktiit havakpaktut ubluanit March 21-mit Qitiqqautijuq 3-mut tujuqtukhaujut havagvingmingnik ikarniliurutainnik titiraqhimajunik taffumunga @email ubluqhiut 5-mungaqqan Qitiqqautijuq 3.
• Ublumimut,havaktiinaup atn'ngujatallu atiliuqtakhak ikaarnilirutainnut naunaitkutaq. Kinguvaktihimajut tujuutaujut havaktaulimaittut.
• Havaktit akiliuhiaqpaktut sakhaliuqhimajunik taimatut akiliuhiakpangniaqtut huli. Tapkuat pivaktut akiliuhiaqhainnik iliuraqtauplutiq maniliqiviiannut, akiliuhiaqhait naunaitkutait tujuutauhungujut kinguvakkut.
• Naunaiqhittiarumaguvit, uqarvigidjavat Tracey Moyles, Aulapkaiji Akiliuhiarutikhanut Ikayuutinutlu titirarvigilugu uvunga @email.

Havagviat Ilinniaqtuliqijikkut kivgaqtuutikhait

• Havagviat Ilinniaqtuliqijikkut tuniuqhaiyuq kiinaujakhanik laisiqaqtunut nutaqqiqivingnut akikhanik angayuqqat akiliqtuqtainnik talvanga Qiqaijalirvia 17-mit-Qitiqqautijuq 7, 2020.
• Tamaita laisiqaqtut nutaqqiqiviit Nunavunmi akiliqhipkaivaktut angayuqqanik akiliqtakhainnik pittaaqtut aittuutikhanik.
• Maniliqtuutikhat havaktauniaqtut imaalu tuyuutaulutik nutaqqiqivingnut Tallimiunmi, Qiqaijalirvia 27, 2020.
• Tadja hamna atuqtautitlugu, angayuqqat akiliqhiyakhaittut angayuqqat akiliqtakhainnik.
• Umikhimmaniaqqata kinguani Qitiqqautijuq 7, ilinniaqtuliqijikkut ihivriuqhiffaarniaqtut imaatullu ikajuutikhainnik nutaqqiqiviit ihumaliurutikhanik qanuqtut hivumuuqpalliadjutikhanullu.

Havagviat Avatiliqijitkut kivgaqtuutikhait

• Havagviat iniqtiriliqtut Aituutikhanut Angirutiit atauhirmik $25,000 atauhirmut Nunamingni Anguhiqijitkunnut ikajuutikhanik niqainnakhiuhutikhanik. Hapkuat aullaqtitauniaqtut ublumi.

Havagviat Nunalingni Kavamatkunillu Pivikhaqautikkut Ikajuutikhainik

Atulirniaqtuq Qiqaijalirvia 24, 2020 tamaita GN-kuthavagviit igluqpait umiingniaqtut inungnut. Kitkutliqaak inuit katimaqatiqaktukhat GN-kunni havaktiuyunnik kivgaqtuutikhainnik havaktimik talvaniittumik GN-kut havagvianni igluqpaani hivajaqqarlugu inuk takujumajaqtik imaalu ihuaqtumik naunaiqhijukhat uparvikhamingnik ubluqhiutikkut naunaiqhilutik.

Ihuaqhaqhimajut havagutit:

• IM\IT aullaranginnarniaqtut ikajuutikhanik tamainnut havagviujunut, tamaita kivgaqtuidjutikhait Nunavummiunut atuinnarialaqijut hailijullu.
• IM\IT iakhuuqpaktu hapkuat tamaita GN-kuni kivgaqtuidjutit atuqtaujukhat taffuminga IM\IT aullajuq tadja ikiglinahuaqhugit pidjutaujut Nunavummiunut.
• Nunavummiut aturniarunaqhijut kinguvaktittunik kvgaqtutaujunut.
• Upalungaijautikhaliurlutik tamainnik tadja Havaakhat aulladjutikhainnik. Nutaanik havaakhanik tukhilimaittut tadja, imaatullu hunat akitujut nutaat nutqaqtitauhimallangniaqtut. 

Nunavummiut aanniaqtailinikkut tamapta munarijakhavut! Itqaumalutit: uaqpaklugik algakkit imaalu qaanngit hunavaluit, inuqarnirmi qaniglihuiqluhi, maliqalugit uqaudjiudjutait aanniaqtailinikkut havaktinin, imnaalu aihimalutit aanniaruvit.