COVID-19 Qalagjuarniirmun GN-kunnin Nutaanik Tuhaqtidjutait - Qiqaijalirvia 26, 2021

COVID-19 Qalagjuarniirmun GN-kunnin Nutaanik Tuhaqtidjutait - Qiqaijalirvia 26, 2021

Qiqaijalirvia 26, 2021

Hivuliqtip tuhaqtidjutaa:

Ublaakkut. Siksini ublutni naattu, piqangittuq aanniaqtunik COVID-19 qalagjuarnirmik Nunavunmi nunallaani. Quvianaraaluk, Arviat!

Ublumimut, 12884 Nunavunmiut kapuqhiqtut hivulirmik, imaalu 6785 Nunavunmiut tamaanun kapuqhiqhimajut aannialaqidjunmit.

Titirarviuvaktunga tuhaqtitauvakhungalu ihumaluutiqaqtunit Nunavunmiunit talvuuna inungnik atungittunik ivjarutikhanik. Ivjarutit atugakhaitkaluaqtitlugit pijariaqangittututit pijumangitkuvit, tkihimik atuqqujaujugaluaqtut imaalu anginiqaqtuq maliqajakhanut aannialiqtailitikharnut. Iidjuhirijaa ilihimangittugut qakugu humiluuniit COVID qalagjuarniq takunnaqhiffaarniariakhanik, atuqhimmaaqtakhavut atuqqujauhimajut imaa qajagilutalu.

Una aannialaqidjut aullajuittuq qajarijaujukhaq – qajagihimmakpakluhi imaalu ikiglinahuarlugit qajangnaqtut maliklugitlu inungnut aanniaqtailinikkut maliktaujarialiit.

Kapuut anginiqaqtuq ikiglinahuarutikhat aktuqtauninginut COVID-19 qalagjuarniq. Naunaiqhidjavutit upautivikharnik kapurhirvikharnik, ihuaqhaingitkuvit huli. Kapuutikhat pijavut – tadja uvagut tamapta ihumaliuqtukhaujugut uvagulli kapurhirluta aannialirnaittumik nunaptingni piqpagijavut ilavut aannialingittanginni.

ilihimajunga Dr. Patterson uqaqhimajuq tuhaqtidjutikhanik, uqaqtinniaqqara. Qajagihimalutit unalu aanniarnaittumik havangnaidjutaani.

Atanilluaq Inungnun Aanniaqtailinikkut Havaktimin tuhaqtidjutaa:

Ublaakkut,

Atulirluni Hivulliunmi Qiqaijalirvia 29, tingmitikkut aullarniq Arviamut Arvianitlu pijakhairniaqtut angiqtaudjunmik tapkunanga CPHO aullarnikkut havaqatigiiktut. Kihimi, inuit avalingaqtukhaujut aktuqtauhimanirmingnit COVID-19 qalagjuarnirmun aullaqtukhaungittut tingmitikkut iniqtaqtinagu avalingarvikhaqtik hivitunikhanik iniqqat kihiani. Anginiqaqpiaktuq avalingaqtukhauguvit iniqtakhatit ublukhainik tamatkiktakhat hivitunikhaanik. Una ikiglitiniaqtuq qajangnarnianik hiamitiqtailinikhanik COVID-19 qalagjuarnirmun. Nunallaami imaalu aanniaqtailinirmut havaqatigiiktut havakpiakpaktut akhuuraaluk utiqtinnahuaqhugu Arviami aanniaqtut nakuuhijut imaalu akhuuqtukhaujugut qajagiluta, ikigliniaqtaqqut qajangnarnia aallanik aanniarnaittumik. Kinaliqaak avalingarvikhaminik maliqangitkumik, ilaujullu aullaqhimajut ahianut nunamingnit, akiliqhipkaktitauniaqtuq akiliqtakhamik titiraqhimajumi uumani inungnut aanniaqtailinikkut maliqtakhat.

Uumani havainirmi naunaiqhijugut imaatut 50% -njumik inirnirit tamainni avikturniani kapittiqtut hivullirmik kapuutikhamik. Una nakuukpiaktuq tuhaqtakhat, kihimi atauhiinnaq kapuutikhaq naamangittuq. Hapkuat tuklia kapuutikhat kapurhirvikhangit tunijauliqtut tamainni avikturniinni, akhuukhajatka inuit hivullirmik kapurhiqtut tuklianik kapurhidjavut.

Inungnut kitkunut kapuqhingitut hivullirmik kapuutikhamik hivajainariaqaqtut munaqhitkunut naunaiqhilutik upautivikhamingnik kaprhirvikhamingnik. Kinguvautihimaittutit, kapuutikhat hailijut huli. Tamainnit maliqqatqujauhimajunit aannialiqtailitikhavut, kapuutikhaq nakuutqijaujuq, nakuukpiaktuq aannialiqtailitikhaqqut COVID-19 qalagjuarnirmit.

Aigaittut inuit ilihimajut, Kivalliq Inuit Katudjiqatigiit niruaqtitiniaqtun Arviami atuliqtukhami tatqiqhiunmi. Naunairniaqtavut inungnut aanniaqtailinikkut maliktaujarialiit pittailijakharingittait imaittunik anginiqaqtunik hulipkaidjutikhait nutqaqtitaujakhaittut. Ikajuutikhanik niruaqtitijut aanniarutip hangidjutaani, piliuqhimajugut maliktakhanik ikajuutikhangit timigijaujut qajangnaittumik upalungaijautikhanginik imaalu niruaqtitilutik.

Iniqtirijumajunga ublumi naunaiqtakhanik. Ilihimajugut, upin’ngaami quviahuutaivaktut qaniglitilirmijut. Ikajuutikhanik hapkuat quviahuutauvaktut, tujuqhimajugut pidqudjunmik tamna Honorary Toonik unalu Ollie the Musk Ox ikajuutaujut ajurnaqtunut ikajuutikhat; tapkuningalluaq, tunihidjutikhat upin'ngaami quviahuutikhat, aliahungnirmik, ulapqidjutikhaniklu. Una pitqujauhimajuq ilaungittut hapkuat anginiqaqtut tingmitikkut aullarnirmik atuqqujaungittunit. Unalu pipkainiaqtuq itiriangini iglunut taimaa nutaqqat nakuujumik pijakhainik. Atuqhimmaarlugu inungnit ungahikhimaluta pulaakhimaittumiklu.

Ilaujuq hapkununga Kavamatkut Nunavunmi (GN) akhuurutait munarilugit Nunavunmiun qajangnautaanun COVID-19 qalagjurnirmun, GN-kut Havagviit atuliqtait hapkua:

Havagviat Aanniaqtailinirmun

Tamainnun nutaanik naunaitkutinik ikajuutiqhallu talvuuna COVID-19 Qalagjuarnirmun Nunavunmi, hamungaulutit: https://www.gov.nu.ca/health/information/covid-19-novel-coronavirus 

Nutaanik kangiqhidjutikhanik tadjamin inungnun aanniaqtailinirmun, hamungaulutin: https://www.gov.nu.ca/health/information/nunavuts-path

For the latest information on vaccine clinics in Nunavut, go to: https://www.gov.nu.ca/health/information/covid-19-vaccination

Qalagyuarnirmun COVID-19 aannialiqtut qanurinniit: Qiqaiyalirvia 26

** Aanialiqtut Aannialirnahugijunutlu ilaujut tapkuat nunarjuami aanniaqtunut naunaijautit. Inuit maliktaujunut ilaujut inullaat naunaittunik mihingnautiqaqtut aanniaqtunut qanikhimagumiklu ukuallu ilangit inmingnik-munarijut imaaluuniit ingmingnik-avalingarnirmik. Tamaitaungittut mihingnautiqaqtut imaaluuniit ihivriuqtaujariaqaqtut.

*Kinguvaniaqtut uniudjutit kihiatitautillu aanniarutikkut Hivuraani Kanata. 12 aannialiqhimajut naunaiqtauhimajut ahiani Nunavunmit angilraqtitaujut nunagijainnut Nunavunmut. Ukuallu ilaujut pingahut 3 tuquhimajut. Tamaitaungittut Nunavunmiutat NU nunaqaqtut aannialiqhimajut COVID-19 qalagjuarnirmik naunaiqtauhimajut ahianiititlutik avikturnianit angilraqtitaujut Nunavunmut.

COVID-19 Kappuutit Havautit: Qiqaiyalirvia 26

*Atautimun kapuqhiqhimayut nutaanguqhimaaqtauyullu, kihimi ikitqiat qafiiuniini.

COVID-19 qalagjuarniq nunallaani aanniaqtut qaffiutilangit: Qiqaiyalirvia 26

*Pidjutauyut hilataani aviktuqhimayup pidjutaungitut nunallaatigut aviktungniit.

Qaujihaqtaujut qaffiujut ublumimut nunallami: Qiqaiyalirvia 26

Avaliingaqtut inugiangningit: 

Aullaqhimajun utiqtun naunaijautaa:

Ihariagijauqpiaqtuni Havaktini Tukhirutin:

Talvunga Qiqaijalirvia 18 imaatun 13636 apirhuutit, 6735 kitut ihariagiyauyut havaktit apirhuutait.

*Kingulliq katitiqhimayut naunaiyautit pinggittuq huli.

Havagviat Ilinniaqtuliqiijitkut Kivgaqtuutit

Ilihalihaaqtunun Iliharviit Nutaqqiqiviillu

Arviat Nunaqaqaqtut Iliharahualihaat iliharvianni ilihaqtakhat tadja tuniuqhaijut ilihalihaaqtut ilihautikhainik puunik. Igluqpaat angmarniaqtuq Hivulliunmi, Qiqaijalirvia 29.

Pingattiunmi, Qiqaijalirvia 24, Arviami Shared Care Nutaqqiqiviat angmaqtuq.

Nunavunmiutat aanniaqtailidjutait atauttikkut munaridjutigijavun! Itqaumaluhi: uarlugin algatin qaangillu hunani, inungnin ahiqpaniitpaklutit, tuhaalugin uqaudjutait aanniaqtailinikkut havaktinin, aihimalutillu aanniaruvin.