COVID-19 Qalagjuarnikkut GN-kunnin Nutaamik Tuhaqtidjutaa - December 4, 2020

COVID-19 Qalagjuarnikkut GN-kunnin Nutaamik Tuhaqtidjutaa - December 4, 2020

Hivuliqtiup nutaaq tuhaqtitakhaa:

Ublaakkut. Ublumi, Nunavut piqaliqtuq 8 nik nutaanik aannialiqtunik COVID-19 qalagjuarnirmik, tamaita Arviani.

Nunavunmi attautimut 51-nguqtut anniaqtut COVID-19 qalagjuarnirmik. Attautimun amigaitilangit inuit munarijaujut ublumimun 5122. Tadja 752 inuit tadja munarijaujun. 155 Nunavummiut nakuuhijut aannialaqidjunmit.

Tikidjuqiliqtugut hivulliqpaamut havangnaittumik nutqaqtavut maliqattiaqujauhimajunik amigaittuni nunallaani. Apirijatka, inuit tamaita Nunavummiut, nunaqaqtut Arviani, maliqattiaqhimaarlugit inungnut aanniaqtailinikkut maliktaujarialiit. Aanniaqtut amigaitilangit ikiglijuummiliqtuugaluat, kihimik nutqaqtailijakhavut akhuuraluk havakpauhivut nutqaqtinahuarutikhat aannialaqidjunmik.

Tamapta qaujimajugut qanuqtut hamna ajurnaqpiaktuq, uumani tatqiqhiutaani, ikiglihimanahuaqhugit pulaarnirmik ilaptingnut imaalu pulaaqtailinahuaqhugit inuuqativut katimanirmiklu ikittuunahuaqhugit, kihimik taimailiuriaqaqtugut.

Taimailiuriaqaqtugut pidjutigiplugit Inirnikhangutivut imaalu aannialiqtaaktunut inungnut nunaptingni; taimailiuriaqaqtugullu tamainnut inungnut akhuuqpaktut maliqaplugit maliktaujarialiit qajangnaittumik inungnut. Ihumagittiarlutit pittiarlutillu inungnik tamainnik pittiarlutillu. Tamapta ikajurahuaqtaa. 

Uaqattaqpaglugit algakkit; maliqattiarlugit inungmit ungahikhimanirmik imaalu ativaglutit ijarunmik inungmit ungahikhimalimaitpat; aihimalutit aanniangaguvit; qujanginnaqtumik pihuirlutit.

Tamapta naammatjavuhi qajangnaittumiklu, imaalu kuviahurvik qajangnaittumik pinahuarutikhanik, tamainut inungnut.

Atanilluaq Inungnun Aanniaqtailinikkut Havaktimin nutaaq tuhaqtitakhaa:

Ublaakkut. Uumani havainirmi, takuvaktugut amigaiqtunik inungnik nakuuhijut aanniarunmit COVID-19 qalagjuarnirmit. Hadja, tamaita naunaiqtauhimajut aanniaqtut naunaiqtaujut Kangiqlinirmi Arvianillu Kangiqlinirmi Sanikiluarmillu nakuuhijut. Hamna nakuukpiaktuq tuhaqtitaujukhat. Naunairutaujuq aullavalliajugut ihuaqtumik hivumuuqpalliapluta maliqaplugillu maliqujauhimajut. Hamna tukiqangittuq nutqaqtirinungnut aanniaqtailinikkut maliktaujarialiit imaalu aanniarutaurjuaqtuq aniguutihimaittuq huli.

Sanikiluarmi, nakuuhijut avalingaqtitauhimajugallut aniinarialaqijut. Piqaruirmata nutaanik aannialiqtunik Sanikiluarmi, aannialaqidjutingat aniguutinialiqtuq imaatut 2 havainingni. Kangiqlinirmi, ilangit inuit avalingaqhimmaaktukhat qulini 10 ubluni. Naavvangniarunaqhijuq tatqiqhiut, piqangitpata nutaanik aannialiqtunik COVID-19 qalagjuarnirmik, naunairlugu aanniarut aniguutijuunaqhijuq Kangiqlinirmi. Tikirarjuaq piqaqtuq 7nik aanniaqtunik, piqangittutiklu nutaanik aannialiqtunik amigaivjaktuni ubluni.

Arviani, nakuuhivalialiqtugaluat, kihimi naunaiqtauqattaqpaktuq aanniarut nunangani aullahimmaaqtuq huli. Qaujimajunga ajurnaqpiakpaktuq Arviammiut imaalu qujagijavut inuit tamaita ikajuqpiaqpangmata maliqatiplutik atuqqujauhimajunik. Anginiqaqtuq taimatut maliqahimmaaqtakhavut inungnut aanniaqtailinikkut maliktaujarialiit nutqaqtittangani hiamitirninga aannialaqidjutit nunangani. Ukhuuqhajatka inuit tamaita aihimaluhi anittaililuhi uqaudjauhimaguvit munaqhitkunit avalingaaqujauplutit. Anginiqaqtuq anittaililutit avaliungarlutit munaqhitkunit uqaudjauraaqtinnatit qajangnaittutit anijakharnik.

Qaujimajung, avalingarnirmik ajurnaqpiaktuq ihumalungnaqpiakhunillu, ikajuqtihat hailijut. Pulaarvik Kablu Ilannariit Katimaviat havaktiqaqtut Inuinnarnik pitquhikkut uqaudjikhanik hailijut Kivallirmiunut inungnut talvanga 9 mit ublaami 4 mut ubluummat. Hivulliunmit Tallimiunmut hivajarlutit 1-844-654-3580. Uqarvigiinnariaqaqtatillu ukuat Kamatsiaqtut Ikajuqhirvikhat Hivajautaa 1-867-979-3333 unaluuniit Akiittukkut 1-800-265-3333.

Quana.

Ilaupluni Nunavut Kavamangani (GN) havagutainni hapumminikkut Nunavunmiunnik uumannga aanniarnmik COVID-19 qalagjuarniq, GN-kunni Havagviit atulirningat hapkuat:

Havagviat Aanniaqtailinirmut

Nutaanik naunaiqtakhanik atuqtakhaniklu talvuuna COVID-19 qalagjuarniq Nunavunmi, takulugu una: https://www.gov.nu.ca/health/information/covid-19-novel-coronavirus

Nutangutqijanik naunaitkutikharnik tadja inungnut aanniaqtailinikkut maliqatqujaujunik, talvungaulutit takulugu: https://www.gov.nu.ca/health/information/nunavuts-path

COVID-19 qalagjuarniq aannialiqtut qanurinniit: Dec. 4

COVID-19 qalagjuarniq nunallaani aanniaqtut qaffiutilangit: Dec. 4

Qaujihaqtaujut qaffiujut ublumimut nunallami: Dec. 4

Avaliingaqtut inugiangningit:

Aullaqhimajun utiqtun naunaijautaa:

Ihariagijauqpiaqtuni Havaktini Tukhirutin:

Talvannga Dec. 3, pilik 9798 tukhirutinik, 4584ngujun ihariagijauqpiaqtuni havaktini tukhirutinik.

Havagviat Ilinniaqtuliqijikkut

Aulahimaaqtun kivgaqtuutit:

K-12 Iliharviit

Arviat

Ikajuutikhanik unungahiktukkut iliharnirmik Arviani, Havagviat Ilinniaqtuliqijikkut aullaqtitijut Ikiakkuurutikhanik atuinnarialingnik iPads ukuat Puqtuniq 11 unalu 12 ilihaqtunut Puqtuniq 11 unalu 12 ilihaijit. Tamaita iPads piqarniaqtut ikiakkuruutikhanik atugakhat atuqtaaqtut qaritaujakkut iliharnirmik. Hapkuat atuqtakhat tujuutaujut Arvianut uumani December 6, 2020.

Maniktarvikhat Ikayuutikhat Nunavunmi Ilihaqtunut (FANS)

Maniktarvikhat Ikayuutikhat Nunavunmi Ilihaqtunut (FANS) havaktiit tuniuqhaihimmaarniaqtut ikajuutikhainnik ilaujut:

• Havaktaunikhanik maniktarvikhait uuktuutiit;
• Tingmijumajunit tukhiutit;
• Tujuqtakhait akiliktaujut; imaalu,
• Kiudjutit titirauhirnun.

Tamaita apiqhuutaujut FANS-kut qaritaujakkut titirarvigilugit @email. Kiudjutingit kajuumitqijauniaqtut hivuanit.

Umikhimaniaqtun/Nutqaqtitauniaqtun/Taimaaqtitaujut ikajuutikhat:

Maniktarvikhat Ikayuutikhat Nunavunmi Ilihaqtunut (FANS)

FANS havagviat igluqpaq Arviani hadja umikhimajuq inungnut kihiani tuhaqtitaukpata.

Nunavunmiutat aanniaqtailidjutait atauttikkut munaridjutigijavun! Itqaumaluhi: uarlugin algatin qaangillu hunani, inungnin ahiqpaniitpaklutit, tuhaalugin uqaudjutait aanniaqtailinikkut havaktinit, aihimalutillu aanniaruvin.