Itqaumajakhat: Puvakkut aanniaruti fluulu
Munarhiliqiijitkut uqaudjutijait Nunavunmiutat amigaiqjuummiqtiliqtumun puvakkut aannialaqidjutinik, ilaujullu aannialaqidjutit taapkuatut Influenza tamaani Nunavunmi.
Nakuutqiatigun aanniaqtailinirmun ilingnut, ilangnut nunallangnutlu imaa piguvit kapuutaanik fluungnaitkutiqhaq. Kapuqhirutit ikajuqtun mikhilaaqtirnikkut qajangnarnirmi pininganik aannialaqidjutimik, aanniarjualirnirmik tuqudjutimikluunniit. Fluukkut kapuqhidjuti tunijauttaaqtuq qujaginnaq fluurnaqhikpat. Taimaittuungittutun aallanik kapuqhidjutinik pidjutauvaktunik inuuhirmi tamaat aannialaqirjuarnaittumi, fluukkut kapuutikhaq kapuqtaudjutikhaq ukiuq tamaat.
Tamaita Nunavunmiut ukiulgit siksini tatqiqhiutinik an’ngajuqhitqiatlu pitqujaujut fluu QALAGJUARNIQ-19 kappuutainnik. Akhuungnaktuq qajarnaittuqlu tamainnik kapurhiriami taapkuat ilaa QALAGJUARNIQ-19 fluulu aadjikkiivjaqtut mihingnautainnik aannialaqitjuaqtaaqtutlu tamainnit.
Malikuptigiq hapkua maliqqajaqhat ikajuutauniaqtut hiamitirnaittumik qalangnik, QALAGJUARNIQ-19, aallaniklu puvakliurnikkut aanniagutainik:
- Aihimadjavutin aannialiguvit.
- Qalaqhurlutin tagjuqlutilluunniit airnun.
- Uaqattainnarlugit algaktit.
- Kahaqtaililugu akuliat.
- Igillugin halumaittun kakkiijautin iqqakuurvingmun qilamik.
- Qaniklivallaaruiqlugin inuit hanguqtillutin.
- Higaaruiqluhi iglum iluani hanianiluunniit aallani, taapkualluanilu biibinnuani.
- Kapuqhiqtaulutin.
Hapkua kapurhigutit hailihimajut tamainni nunallaani munarhitkunni Nunavunmi. Iqalungni Inungnut Munarhiliqiijitkut pidjutihimmaagutigijait talvunggaujunik fluukkut QALAGJUARNIQ-19 lu kappuutainnik Talliumiungugaiqpat 9:00 min ublaamin 4:30 qaangiqtumun ubluummaat.
Aanniaqtailitiqharnut nunallaamunlu, tamaita munarhitkut pitqujait munarhiliaqtunut atuquplugit ivjarutinik.