Nunavunmi hivulliqpaangujut COVID-19 qalagjuarnirmit-pidjutiqaqumik huiqtut
Tuhaqtidjut
Nunavunmi hivulliqpaangujut COVID-19 qalagjuarnirmit-pidjutiqaqumik huiqtut
Hivuliqti Joe Savikataaq, Aanniaqtailinirmut Ministangat Lorne Kusugak unalu Atanilluaq Nunalaani Aanniaqtailinikkut Havakti Dr. Michael Patterson tuhaqtitijut katittutik uqaqtakhamik:
“Ublumi, quvianaittumik tuhaqtitijut Nunavunmiunik Nunavunmi hivulliqpamik COVID-19 qalagjuarnirmit-pidjutiqaqtumik huiqtunik. Atauhiq inuk Arvianit aullaqtitaujugaluaq hivuraani aanniarvingmut ajuqhalirmat pidjutiqaqtumik COVID-19 qalagjuarnirmit. Saluuti ubluummat, unniudjaujugut tamna inuk huiqturuuq anniarvingmi. Tamna tuklia inuk Kangiqlinirmiutaq aannialiqtuq aannialaqidjunmit Hivuraanittuni Kanadami. Ingattaqpiarami ajuqhaliqhunilu huiqtuq aanniarvingmi ittuni unnuaruiqtitlugu Saluutimi.
Nagligiplugt tamangnik inuuk imaalu ilaruhiit tuhaqtitilimaittugut aallanik naunaiqhitikhanik.
Una ajurnaqpiaktuq ubluq. Pidjutigiplugu Nunavaut Kamavatkut, ihumagijavut nagligijavullu ilannuangit, nunangillu tamaitalu Nunavunmiut ajuqhaqpiarutiptingni.
Apirijavut Nunavunmiut akhuuqhimmaritti qajagiluhilu ikiglinahuarutikhanik hiamitiqtailinahuarlugu aannialaqidjutit. Malikhimaarlavut hapkuat Inungnut aanniaqtailinikkut maliktaujarialiit imaalu maliqattiarlugit qajangnaitkutikhavut uvaptingnut, ilaptingnut nunagijaptingniklu.”
###
Tuhaqtidjutikhanut Uqarvikhaq:
Cate Macleod
Tuhaqtitaujuqhanut Titiraqtia Hivuliqtimun Savikataaq
867-975-5059
@email