Pangnirtung tiibii hiamitirniq qauhimadjutikhaq nutaanguqtiqhimayuq
Havagvia Aanniaqtailinirmun uqautigijumajait tapkua hiamitirniranun tiibiip (TB) uqariirutaat Pangnirtuumi uvani Hikutirvia 25, 2021 aulahimaaqtuq.
Talvanga Ubluqtuhivia 2021, tunihiyaangani 46nik inungnik aaniarutiqaqtut TBmik uvalu 254nik inungnik ilituriyauyut takunaitumik TBmik nunallaami.
Nunallaami ilaujut kitut aktuqhimajut aulahimaaqtumun TBiip aanniarutaanun, kituluuniin TBmik mihingnautiqaqtut, munaqhiliaqtughat ihivriuqtaujaamingnik. Hapkua mihingnautit aulahimaaqtumik TBiimik:
- Qalakturniq tamna avatquttugu pingahut havainirit.
- unaguhuinaliqtut.
- Nirijumajungnaiqtut.
- Kidjaumainaliqhutik unuamilu aumallukpakhutik.
Kinaliqaak mihingnautiqaqtut hapkuninga munaqhiliaqtughat qilamik ihivriuqtaujaamingnik. TB mamihaidjutiqaqtuq aanniarut havautinun piinarialgit nunallaarni. Apiqhuutiqaruffi uqaqvigilugit havagviit munaqhitkut.
Takunaituq TB hiamitilimaituq kihimi mamihaqtaujaaqtuq aulaliqtinagu. Havagvia Aanniaqtailinirmun aulahimaaqtumik tunihiniaqtut ikajuutinik ikajuutighaniklu nunallaamun pihimajaangini pijaarnirmun ihuaqtumiik ihivriunirmik, ilihaidjutinik, mamihaidjutinik, ikajuutiniklu.
Iliturittiarumaguvin TBiirnikkut mamihainirmunlu, pulaaqlugu https://www.gov.nu.ca/in/munarhiliqiyikkut/information/tiibii.