Piqangittuq nutaanik aannialiqtunik COVID-19 qalagjuarnirmik Nunavunmi
Tuhaqtipkaidjutiqhaq
Piqangittuq nutaanik aannialiqtunik COVID-19 qalagjuarnirmik Nunavunmi
Iqaluit, Nunavut (Tissaipa 10, 2020) - Ublumi, Nunavunmi atauttimut 42-nguqtut naunaiqtaujut aannialiqtut COVID-19 qalagjuarnirmut, tamaita Arviani attautimullu 187ngujut nakuuhijun.
“Piqanginniq nutaanik aannialiqtunik tukiqangittuq pivigijauluni ajurnairhaqtirlugit qahutirlugilluunniit inungnun aanniaqtailinikkut maliktakhat,” uqaqtuq Dr. Michael Patterson, Nunavutim Atanilluaq Nunallaani Aanniaqtailinikkut Havakti. “Nunavut COVID-mik-piirhimaittuq aulahimmaaqtukhaujugun qajagiluta, qaujihimaluta upalungaiqhimalutalu, aulahimmaaqtilluta ikikliharumanikkut hiamitirnia aannialaqutimik nunaptikni. Avaliingaaqtirhimaguvin, aihimalutin ikiklijuummiqtirnikkut qajangnarhidjutittaaruti nunallaarnun. Tamainnun Nunavunmiunnun, atimaluhi matunik qimagungni iglut pijaaqqat, atuqlugin inungnin ahiqpaniidjutin, uqaqataraanginnarlugillu algatit.”
Aktuqtaunikkut naunaijarniit tamainni hulaqutihimajuni nunallaani aularaanginnaqtuq ukuallu aanniaqtailinikkut havaktiit amirijait tamaita avaliingaaqtitaujun. December 8min, Arviani ihivriuqhidjutit naunaiqtittijun 784 aanniarutiqangittunik ihivriurutinik. Amiriniiit Sanikiluami, Kangiqlinirmi Tikirarjuamilu aulahimmaaqtun.
Kinaliqaak ihumajuq aktuqtauhimajun COVID-19 qalagjuarnirmin unniutijaujun hivajaqtukhat uumunga COVID-qalagjuarnikkut-hivajautimun uvani 1-888-975-8601 talvannga 10min ublaami uvungalu 6mun unnuliqqat. Qikiqtani ubluqhiutaani, unniutilugilluunniit nunallaamingni munarhitkut qilamik, tadjainnarlu avaliingaaqtilirlutik aihimavingmingni 14nun ublunun. Upaguiqlugin munarhitkut.
Nutaatqijaujunun ilitturipkaidjutikhanun, taapkunungalu qaffiujuni nakuuhijuni aanniaqtunilu nunallaani, takulugu: https://www.gov.nu.ca/health/information/covid-19-novel-coronavirus.
Nutaatqijaujunun ilitturipkaidjutikhanun tadja atuqtunun aanniaqtailinikkut maliqujaujunun, takulugu: https://www.gov.nu.ca/health/information/nunavuts-path
Nutaanun ilitturipkaidjutinun uqautauniaqtuq 11mi ublaami. Qikiqtani ubluqhiutaani,Tallimiunmi, December 11.
###
Tuhaqtipkainikkut Uqarvikhat
Cate Macleod
Tuhaqtitaujuqhanut Titiraqti Hivuliqtimun Savikataaq
867-975-5059
@email
Chris Puglia
Atan’nguyaukaffuqhimayuq, Tuhaqtipkaiyini
Havagviat Munaqhiliqiiyitkut
867-975-5949
@email