Qalagjuarniq-19 GN Ilitturipkaidjutit - Qitiqqautijuq 20, 2020
Hivuliqtip ilitturipkaidjutikhaa:
Ublumimit, naunaiqhihimangittut aannialiqtunik aannialirnahugijunikluuniit qalagjuarniq-19 Nunavunmi.
Ublumi, atauttimut nampait inuit ihivriuqtaujut ublumimut 453. 252 inuit hadja ihivriuqhidtaujut, ukuat 201 inuit ihivriuqhigakhaiktut.
Kiudjutikhanik Transport Canadatuhaqtihaaqtainnut talvuuna maliqatqujaujut akuliangnut qanirmullu matukhanik tingminahuaqtunut, Nunavut Kavamangahavaqatigiijait tingmitivut naunairlugu tamaita tingmijukhat pijanginni hapkuninga akuliangnut qanirmullu matukhamik tingmijanginni qajangnaittumik.
Ublumi, qujahuktugut tuhaqtitipluta $2 million imaniliqtuutikhainnik hamlatkunut akikhanik akiliqtakhanut kiudjutigiplugit pidjutiqaqtunik Qalagjuarniq-19. Atuqtakhat taimaittut tamajakhallu; aallaniklu haluummaqhitikhanik atuqtakhainniklu haluumaqhijit havaktingita; Qalagjuarniq-19-pidjutiqaqtunut titqqanik taiguqtaujukhanik takunnaqtuniklu, naunaitkutikhanik numiktitirutikhaniklu; tamaqhimajut akiliqtuutikhainnik maniliurutikhaiqhimajunut igluqpait umikhimadjutaanut; amigaigjuumijut by-law ukuallumaliqatijukhannut munaqhijukhanik; imaalu amigaigjuumijut imiqtautikhainnik iglunut iqaqquurniklu pukuutikhinnik akikhailiuqtukhaungittut maniijaktukhaungittullu hamlatkut. Hamna maniliqtuutikhaq ikajuutauniaqtuq nahuringitanginnut akiliqtakhanut, maniiliurnaittumik aallanut atuqtaujukhamik akiliqtuqtakhanut.
Nunavummiut, quvianaitpiaktumik havangnaittumi atuqtauvaktut aallatqiiktunik ajuqhautiqaqhutik. Tujurumajunga ikajuutikhainnik, mamihaidjutikhainniklu hakugiutikhainniklu Nova Scotiamiunut quvianaitpiaktunik ilaijaqpangmata ajuqhaqpiakpakhutiklu tahamanirmiut. Ukpirnaittumik atuqpaktugut naglirnaqpiakhutiklu ajuqhaqpiarrmata. Taimaitkangat, naunaittuq Kanadamiut tamarmik nagliguhukpiakpaktut nikavaktugut tamapta. Nangiqatigijaptigit qaujimajugullu Nova Scotia Hakugiktuq.
- Qanittudqijamik aimaviannut, huirmijuq kinguagut Maligaliuqtiujugalluaqtuq Maligaliurvingmi Miijauhimajurlu Pangniqtuumi ippakhaq huirhijuq. Hezakiah Oshutapik hakugiktuq hivuliqtiuvakhimajuq nunamini, niriunaittumik hiurmijuq kinguumajauniaqtuq. Ihumagijatka ilannait ilaruhiillu tamaita naglikkutimnik tujuqtatka ajuqhautaani,ikajuqtiqaqpadjavut Pangiqtuurmiutat nikatitlugit.
- Ajuqhaqpiarmijugut tadja. Hunat aallanguqpiaktut imanihamit. Ikajuutigikpiaktara nahurijakhaptingnik, qaujijakhaptingniklu anniguutiniaqtaqqut hamna.
- Ajuqhautiqaraluaqtitluta, anginiqaqtuq ikajuqtigiigupta hakugingniaqtugut, nalakkuptigiik uqaudjidjutait taaktit ajuiqhattiaqhimajut katimattaaqtugullu ahiqpaqatigiikluta. Tamapta akhuuqturniqtugut hakugingniqaqtugullu tamapta ikajuqtigiigupta.
- Avaliingaqtutut ilingaliruvit ajuqhaliruvilluuniit, hivajarlugit:
- Nunavut Kamatsiaqtut Ikajuqtit Hivajautaa 1-800-265-3333
- Ayuqhaqpiaktunut Ikayuqtauvikhat Kanadami qaritauyakkut titiraqatiqarlutit uqarvikharnik uvani www.crisisservicescanada.ca or call/text 1-833-456-4566
- Isaksimagit Inuusirmi Kataujjiqatiglu unaluuniit www.inuusiq.com
- Avaliingangittutit. Tamapta atauttiujugun uvani.
Ilakhannik Nuanvut Kavamanga (GN) akhuurutigijaat munarittiarutikhannik Nunavummiut qajangnautanut aanniarutip Qalagjuarniq-19, GN-kut Havagviit atuliqtait hapkuat:
Havagviat Aanniaqtailinikkut
Akuliangnut matukhamik atuqqujauliqtut tingminahuaqtut
Kavamanga Kanadap atuqquliqtait tamaita inuit tingminahuaqtut (kigliqaqtut qaffiutilangit atugakhaittut ivyanngulaitkutikhamik) unngavaktaaqtumik matukhamik imaaluuniit akuliarnut ihuaqtumik qanngaruuqtaaqtumik qannirnut qin'ngangnullu aullaarnahuaqtitlutik Kanadian milviinni tingmititlutilu. Hamna atuqujaujuq atuqtaulirniaqtuq Hivullinmi, April 20, 2020 qitiqqurnaqhikpat 12:00 ET.
Aullarahuaqtut piqangittut akuliangnut matukhamik ikipkaqtaulimaittut tingminmut. Naunaiqtakhat hapkuat qanirnut qin'ngangnullu qangaguuqtukhat aanniarvingmit munaqhitkunitluuniit ivyanngulaitkutikhat atuinnariaqaqtutit, kalikunnik mikhuqhimayunik atuinnariaqaqtutit. Akuliangnut atuinnariaqaqtut hapkuat nutaqqat atuliqpaktait ivyaqutit aadjikuutavyaillu nakuuyut atuinnariaqaqtut.
Avalingarvikhani Najugakhait
Inuit anittailijaujut atuqtaaktait tiiviirutit, ikiakkuurutit qaritaujakkut, pingahuiqtuqhutik niripkaktauvaktut ubluummat, igliit uliit himiktauvakhutiklu haluummaqtirutikhaniklu tunijauplutik. Iqqakuut agjaqtauvaktut ubluq tamaat. Hapkuat akiliqtakhat akiliqtpaktait Nunavut Kavamanga. GN-kut akilirniaqtait makkakhat, nutarannuat milukhainik uaqtirutikhanik arnat atuqtainniklu. Inuit itiqtiqtauhimajut munarijakhait aquiqtuqtukhat hapkuninga atuqtakhanik naunaiqtauhimajumit agjaqtikhamit kivaqtuqtimit, kihimi akiliqhipkaqtaulimaittut hapkuninga titiraqhimajunik qulani.
Naunaitkutikhat puuqhimajut nutaanguqtiqtaujut ilaukhugit naunaitkutikhanik niqikhanik aquiqtuutikhainnik agjaqtaujukhanik. Tamangnik agjaqtauniaqtuk itiqtirvingnut. Hapkuat agjautait akiliqtakhatit akiit akiliqtaulimaittut GN-kunit.
Qaffiujut
|
Atauttimut (Tamaita Anittailijaujut Najugainni) |
|
|
Tingmijukhanut Qanurinniit |
Itiqtikhimajut Avaliingaqtitaujut angilraujamingni talvanga April 20 |
|
Taaktiliarnahaqtun Tingmidjutikhanut |
198 |
|
Inuit inmikkuuktut |
138 |
|
Ilihaqtut |
1 |
|
Attautimut |
337 |
Aullaqhimajut utiqtut naunaijautingit:
|
Najugaa |
Aulaqrvikhaa Ublua |
# Aullaqtukhat Avaliingarvingmingnit Najuqtakhanit |
|
Ottawa |
April 20 |
3 |
|
Winnipeg |
April 21 |
10 |
|
Yellowknife |
April 21 |
4 |
|
Edmonton |
April 21 |
4 |
|
Ottawa |
April 22 |
8 |
|
Winnipeg |
April 22 |
14 |
|
Yellowknife |
April 23 |
9 |
|
Edmonton |
April 23 |
1 |
|
Yellowknife |
April 24 |
1 |
|
Edmonton |
April 24 |
2 |
ihariagijaukpiaktut havaktikhat aullarutikhait uuktuutikhat
Ubluaniit April 19 imaatut amigaitilangit 616 tingmitikkut aullarumajut tukhiutait, 472 ukunanga ihariagijaujut havaktikhat tukhiutait.
|
Tukhiutait Qanurinniit |
# |
% |
|
Angiqtaujut (ilaujut ihariagijaujut imaalu havaktiungittut) |
514 |
83.4% |
|
Qin'ngijaujut |
64 |
10.4% |
|
Ihumaliurutaujut huli |
38 |
6.1% |
|
Atauttimut |
616 |
100% |
DeHavagviat Nunalingni Kavamatkunillu Pivikhaqautikkut Ikajuutikhait
Havagviat Nunalingni Kavamatkunnilu Pivikhaqautikkuttunihijut aallamik ilaurutikhamik $2 million hamlatkunnut akikhanik akiliqtakhat pidjutiqaqtunik Qalagjuarniq-19. Hamna ilaujrutikhaq maniliqtuutikhaq ikajuutauniaqtuq hamlatkunnut ikajuutikhanik nahurinnaittunik kiudjutikhainnik ikajuutikhainniklu aanniarunmut hiamitiqtaaktumut.
Pitlajut akiliqtakhanut ilaujut tahapkuanginaungittut niuvrutikhanik haluummaqhitikhat atuqtakhanik, havaktiqhaqhiurnirmik aallanik havaktikhanik, akiliqtakhanik aallanik aputaijainirmut apqutinik, by-law ukuallu maliqatijukhannut munaqhijukhanik, imaatullu akiliqhitikhainnik akiliqtaujukhaugaluanik umihimadjutaanut igluqpait.
Hamlatkut hivajaqtaaqtait CGS-kut avikturnianni nunallaani pivalliadjutikhat havagviat naunaiqhittiarumagumik.
Nunavummiut aanniaqtailinikkut tamapta munariyakhavut! Itqaumalutit: uaqpaklugit algatit imaalu qaanngit hunavaluit, inuqarnirmi qaniglihuiqluhi, maliqalugit uqaudjiyut aanniaqtailinikkut havaktinin, imnaalu aihimalutit aanniaruvit.