Qalagjuarniq-19 GN Ilitturipkaidjutit - Taaqhivaliavia 13, 2020

Ministaup Aanniaqtailinikkkut pidjutigiplugu Hivuliqtip nutaaq tuhaqtitakhaa:

Ublaakkut. Piqangittuq huli tadja naunaiqhimajunik pinahugijaujunikluunniit COVID-19 qalagjuarnirnik Nunavunmi.

Attautimut amigaitilangit inuit munarijaujut qanurinniariakhainnik ublumimut imaatut 1,553. Tadja 163 inungnik munarijaujut qanurinniagiakhainnik.

Quviahuktunga tuhaqtitiplunga nikhiuqpaliktut niqainnarnik avalingarviujuni itiqtirvingni. Hamna pinahuarutikhaq aullaqtilihaaqtuq, imaalu iniqtiriliqtugut uhidjutikhanik agjautikhanniklu nunanginnut Ottawa, Edmonton talvungalu Winnipeg.

Quviahukpiaktugut niqikhaqaqpangnialirmata niqainnarnik avalingarvingmiujukhanut itiqtirviinni utiqtinnatik Nunavunmut, imaalu nakuutqijaudjavuk talvaniilvikhanni. Quyagiyumayatka tamaita havaktingit tapkunani Nunavut Kavamanga havaqatingillu talvani NTI una angijuq qanuriliurutik pipkainikkut piqpiarutiuliqluni.

Imatullu, quyagiyaqqut tamna 14-ni ublkuni avalingarvikhat ajurnaraluaqtitlugu, imaalu quyagiyumayavut tamaita inuit iniqtiqpangmatigik mal;iqayahatik qayangnaitkutikhanik nunallaaptingni.

Tuniniaqqara uvunga Dr. Patterson, tunihiniarmiyuq tuklikhainnik atuqtakhainnik imaalu tuhaqtitiniaqtuiq angmaffaarutikhanik titiraqhimayumik uvani Nunavutip Apqutikhaa.

Atanilluaq Inungnun Aanniaqtailinikkut Havaktimin nutaanik-tuhaqtittakhait

Nunavut aullahimmaarutaani hivumut, quviahuktunga tuhaqtitiplunga taimaaqtitipluta maliqattiaqujauhimajunik avikturnianni.

Talvani Taaqhivalirvia 20, tamarmik laisiqaqtut imirviit avikturnianni angmainarialaqijut ikaarnikhainni angmavauhirmingnik.

Nunavut aullaarvikhainnik talvunga aullauvilluarvigijainni nunanginni angiqtauhimajunut ilaujut Churchill, Manitoba. Hamna ilangat talvungainnaq nunanganut Churchill ilaungittut aallanut avikturniinnut Manitoba-mi.

Una atuqtaunginaqtuq tingmidjutikhaq aulayuq tingmitikkut nunakkut aulaaqtun unalu atuqtukhaq tingminiaqtunun talvuuna avalingarvikhat atuqtukharnik talvani Nunavunmi imaaluuniit Churchill talvuuna naunaiyagiikhimayut atuqtakhangit:

• Tingmijukhat talvanga Nunavunmin Churchill-mun talvangaluuniit Churchill-mit Nunavunmun.
• Aullaarumajut ahianungauhimaitkumik Churchill-mit imaaluuniit Nunavunmit imaatut 2 havainirni hivuagut aullaqtinatik.
• Aullarnahuaqtut tahamaniittukhaujut Nunavunmi imaaluuniit Churchill-mi aullakhimadjutimingni.

Hivuagut inuit aullaarniarhimayun hilatanut Nunavunmit uqaqatigiyakhaa Atanilluaq Inungnun Aanniaqtailinikkut Havakti Nunavunmun tunihilutiklu:

• Uqaqatigiyaamik naunaitkutinik, imaatun humiinninginnik hivautiup nampaanik, talvani inuup iglungani; imaalu
• Titiraqhimajumik uqariiyaunmik tuniyaullayuq qaritaujakkut titirarviagut @email imaaluuniit talvungaulutit Havagviat Aanniaqtailinikkut qaritaujakkuurutaani.

Aullarahuaruvit tingmitikkut, aullarahuaqtut piyariaqaqtut titiraqhimajumik taffumanga CPHO-mit angiqtauhimajumik aullautikhamik tiungmitikkut imaaluuniit ikipkaqtaulimaittut tingminmut. Inungnut qimakkumikku aullauvilluarvigijainni nunanginni ahianut Churchill-mit avalingaqtukhaujut itiqtirvingmi imaatut 14 ubluni kavamatkunit angiqtauhimajumi avalingarvikhami najugakhani, hivuagut utiqtiknnatik Nunavunmut.

Quyagiyuimayatka tamaita Nunavummiut utaqqivangmata havaqatigiiktitluta aanniaqtailitikhanik avikturnirmi ilavullu aanniarnmit COVID-19 qalagjuarnirmik. Quana.

As part oIlaupluni Nunavut Kavamangani (GN) havagutainni hapumminikkut Nunavunmiunnik uumannga aanniarnmik COVID-19 qalagjuarniq, GN-kunni Havagviit atuqtipkaliqtait hapkuat:

Havagviat Aanniaqtailinikkut

COVID Qalagjuarniq Hivajautaa unalu inmikkut-ihivriurnikkut ikajuutikhat

Inuk kituliqaak ihumagumik akuktauvaktun Qalagyuarniq-19min uqaqtauyut hivayaqtauyakhait COVID-hotline uvani 1-888-975-8601 talvuuna 10mi ublaami 6mun unukpak, ilitugipkaklutiklu nunalaani munarhitkut qilaminuaq, talvuuna qilaminuaq anilimaiqtukhauyut 14nik ublurnik.

Kinaliqaak pittaaqtuq qaritaujakkut inmingnik qaujihaqtaaqtut qaritauijakkut ingmingnik naunaijautikhanik atuqtakhamik nu.thrive.health

Avalingarvikhat najugakhakkut ihuiguhuutit tujurvikhaq

Nutaaq qaritaujakkut titirarvikhaq piliuqtaujuq nakuutqijamik ihuaqhaivikhanik ihumaluutaujunik uqaqtaujukniklu inungnit iniqhihimajunit 14-ubluni avalingarvikhat tapkunaniihimajut Avalingarvikhat Najugakhanni hivurani Kanadami. Nutaaq qaritaujakkut titirarvikhaq ikajuutauniaqtuq ikiglitaarutauluni taffumani COVID akiittukkut hivajautaanut,aanniaqtunut kivgaqtuidjutit unalu CPHOtravelrequests titiqilvianut qiuqunmut. Nutaaq qaritaujakkut titiqilvikhaq imaatut @email..

Qaffiujun

Aullaqhimajut utiqtut naunaijautingit:

Ihariagijauqpiaqtuni Havaktini Tukhirutin

Talvanga Taaqhivaliavia 11, imaatut 2,467 tukhirutiit, 1,622 tapkuat ihariajijauqpiaqtun havaktiin tukhirutiujun.

Aulahimaaqtun havagutit:

• Piyaarnirit munaqhitkunun piinarialgit tamaini nunallaani saivani ubluni havainirmi. Tamaita amirakhuutaungittut takuyauyumayut naunaiqtauvangniaqtut ubluq tamaat. Qilamik piyaanirit qilamiurnikkut aaniaqjuaqtunun aanniaqtilinirmun munaqhijut kivgaqtuutait aulahimaarniaqtut piinarialgit 24ni ikaarnirni ubluni, 7ni ubluni havainirmi. Tamaita inuit apirijaujut hivajaqujaujut munaqhiliaqtinnatik.
• Aullaqtirlugit ubluani Imaruqtirvia 8, Amigaigjuuminialiqtut inungmik aanniaqtunik ihivriuqhirvikhanik munaqhiqarvingni aanniarvingnillu tamainni avikturniinni.
• Iqalungni, inungnut aanniaqtailitikhat, amigakhuqtunut igluangat unalu aanniaqtunik ihivriuqhirvik angmaqhimaniaqtuq.
• Nutarannuanik ihivriuqhirviit, hingaijunik ihivriuqhirviit ukuallu kapuqhirniq havautikhat ikajuutikhanik aullahimmaarniaqtut huli tamainni nunani Nunavunmi.
• Taaktit nunallaanut aquivangniaqtut huli. Una pilimaitpat, tiviikkut uqaqatigiingniaqtut hivayautikuluuniin.
• Ihivriuqhivikhangit ihivriuqtauyukhanik auktaqtauyukhat ukuallu Iksuliirhiqtut uvani QGH ikikliyuumiqtut kivgaqtuutait.

Ihuaqhaqtauhimajut kivgaqtuutit:

• Upautidjutikhatit munaqhitkunni kinguvaqtitauyut, una pidjutauyuq upautidjutikhat hivayautikuungniaqtut upautilutikluuniin.
• Aanniarviliaqtunut tingmidjutikhainut ikigliyauyut haffumuuna qilamiurnikkut tingmipkaqtauyunun. Aaniniaqtut inuit uqaudjauniaqtut hapkuninga aallanguqtauniinnik imaalu ilauniaqtut uqautaulutik.
• Iqaluingni, aanniarviup ahiani ikayuqtauyut nutiqtauliqtut tamaita upautidjutikhat uvalu havaliqhugit upautidjutikhat. Tamaita ihivriuqhirvikhait kinguvaktitaujut.
• Tamna munarhiliaqtunik utaqivia QGHmi piqagiaqaliqtuq qaffinuanik utaqiuktukharnik munarhiliaqtunik malikhautigiigumik apiqudjutikhaq iniqtiqaaktakhangit.
• MHA nuutiqtait hivajautikkut naunaiqhitikhait imaalu ikajuqhirvikhainnik ilanginut aanniaqtunut. Ihuaqhariiqhimajut ihivriuqhirvikhait havautikhamingnik aikhirvikhaiinnik imaatullu havautituqtitauvikhait aallajunaittut aallangulimaittut. Ayuqhaliliqpallaruvit, munaqhiliadjavutit. Aimaviinnut pulaaqtauviit havautituqtitijaqturlutik havaktauniaqtut naunaiqtauvaglutik atauhillaanik qanurinniinnik.
• Aullaqtirlutik ubluani Imaruqtirvia 15, kiguhiqinikkut kivgaqtuidutikhangit aullaliffaarniaqtut, imaaluuniit kiguhiqijitkut upautivangniarunaqhijut ilainnainnut nunallaanut. Nunallaani kiguhiqijinit upaktaulimaittunut tadja, amigaqhuutirijaujunut kigulliurjuaqtunut takujaullajut amigaqhuutinut aullaqtittaulutik nallianut nunamut.
• Aullaqtirlutik Imaruqtirvia 29, Nunavunmi – Munaqtauhimmaarviit (CCCs) ukuallu Inirnikhaat Munaqtauviit pulaaqtaunginarialaqijut amigaitilaaqaqtumik ilagijainiinnaq. Tamarmik talvaniittut talvaniittutluuniit avatqulimaittut malruuk pulaaqtingit attautikkut, pulaaqtutllu qanittuinangit ilagijait talvaniittup (ilaujut in'ngutangit iluliruhingillu.

Umikhimajut/Taimaaqtihimayut/Nutqaqtihimayut kivgaqtuutit:

• Aallangayut ihivriuqtauvikhait taimaaqtitauhimayut. Havaktauliqtut naunaiqhiplutik nalliit aanniaqtut inuit takuujaujukhat hivajautikkut/Naunaijaqhimajut munaqhijauvikhait.
• Tamainut aullariaqangitkumik tingmitikkut ihumaliqinikkut aanniaqtunut inungnut llagiiktunullu taimaaqtitaujut. Tamainut aullariaqangitkumik tingmilutik ilamingnun pulaaqtitaujut aanniaqtunun munarijaujunun taimaaqtitaujut.

DeHavagviat Nunalingni Kavamatkunillu Pivikhaqautikkut Ikajuutikhait

Tukhirutit tikittumajunin avikturnianun igluqpangnik nappaqrtirijukhanik pidjutiqaqtunik havaakhat imaaluuniit tingmijumajut iluanni aikturnianni igluqpangnik pidjutiqaqtunik havaakhat qaritaujakkut titiqilugu talvunga @email

Nappaqtirinikkut Havaktit Iniqtut Avalingarnirmik ublumimun aulahimayut: 495

GN-kut havagviit igluqpait tamainni nunalaani umikhimaniaqtut inungnut. Inuk katimajukhaugumi GN-kuni havaktianik, hivajainnariaqaqtut havaktip nampaanut naunaiqhilutik qanuriliurutikhamingnik. Hivajadjavutit naunaiqhijarni ublukhanik ubluqhiutikkut takujauvikharnik.

Ilinniaqtuliqijikkut Havagvianin Havagutait

Talvanga Qiqaijalirvia 17, iliharviit umikhimangmata ilihaqtunut, Havagviat Ilinniaqtuliqijikkut havaqatigittiaqpagait upalungaijautikhaliuqhutik tikittukhami 2020-21 iliharniup ukiungani, ihuaqhautikhanik COVID-19 qalagjuarniq aanniaruntimik.

Naunaiqhitikhat upoalungaijautikhaliuqhimajunik maliktakhaniklu angmaffariaginut iliharviit hailihungujut inungnut iniqpiaqatta. Hapkuat ilaujut naunaijattiaqhimajut maliktakhangit aanniaqtailinikkut qajangnaitkutikhaniklu, hapkuallu iliharnikkut naunaijaidjutikhanginiklu, ilihaqtunut havaktinullu inuuhiringnaqtumik.

Havagviat Ilinniaqtuliqijikkut nuittitihungujut hivullirmik titiqqamik iliharviit angmarvkhanik upalungaijautikhanik atukhaliqqan una tatqiqhiutaa, ihivriuqtaukpata taffumanga Atanilluaq Nunalaani Aanniaqtailinikkut Havaktimit imaalu havagviujut tuhaqqata ilinniaqtuliqijikkut tigumiaqtinginnit.

Havaktivut ilihaqtullu qajangnaitkutikhanik Havagviat Ilinniaqtuliqijikkut qulliujuq hivulliutijakhat. Havaqatigittiarlugu Atanilluaq Nunalaani Aanniaqtailinikkut Havaktimi, aimaalu tunihilutik kangikhittiarnaqtunik maliktakhainnik talvuuna aanniaqtailinikkut qajangnaitkutikhaniklu, Havagviat Ilinniaqtuliqijikkut piliurianginnik ilihaqtut iliharioanginnik qajangnaittumik, nakuukpiaktumiklu iliharvikhanik.

Pingattiunmi, Taaqhivaliavia 15, David Joanasie, Ministauyuq Ilinniaqtuliqiyitkunni, unalu Dr. Michael Patterson, Atanilluaq Nunalaani Aanniaqtailinikkut Havaktimit, hivajautikkut katimaqatiginiaqtait Nunallaani Ilinniaqtulirijitkut Katimajiit (DEAs), ukuallu Commission scolaire francophone du Nunavut, ukuallu Nunavunmi Nunallaani Ilihaqtuliqiyiit Katimayiit uqautigilugit aanniaqtailinikkut qajangnaitkutikhaniklu ihumagijakhanginnik pidjkutiqaqtunik Havagviat Ilinniaqtuliqijikkut iliharviit angmaffarianginnik upalungaijautikhat.

Nunavunmiut aanniaqtailidjutait atauttikkut munaridjutigijaqqut! Itqaumaluhi: uaqlugin algatin qaangillu hunavaluit, inuqarnirmi ahiqpaniitpaklutin, naalaklugit uqautidjutait aanniaqtailinikkut havaktinin, aihimalutillu aannialaqiguvin.