Havaktingit

You are here

“Ayuiqhalutin Imailiugianganik” auyami havaaqharni utingmiyut talvani Sylvia Grinnell Nunaptingni Min’nguingviani

Immaktirvia 05, 2018

Inungnun Tuhaqtitauyukhaq

 

"Ayuiqhalutin Imailiugianganik" auyami havaaqharni utingmiyut talvani Sylvia Grinnell Nunaptingni Min’nguingviani

Ayuiqhayumavin hunaliurnirmik nutaanik? Havainirmi Tamaat Ayuiqhalutin Imailiugianganik hulipkaidjutikhat hailihun'ngungmiyut umani auyami kuugani Sylvia Grinnell Nunaptingni Min’nguirviani Iqalungni!

Pitquhiliqinikkut Minnguikviit havaaqhangit hulilukaaktunik upalungirutikharnik talvuuna tamaat Aippiutmi ubluumaani, 1:15mi 3mun ublumaani aulaniaqtun hivulirmi havainirmi Imaruqtirvia nutqarniaqtuqlu kingunganirmi Niqiliqivikmi. Ayuiqharniq Imailiugianganik hulilukaaktukharnik ilauqaqtuq qilaudjaqtunik, ululiuqtunik pitquhingnik nautianik atuqtaunginaqtun ilihairutikharnik.

Ayuiqharniq Imailiugianganik havaaqhangit hulilukaaktukharnik akiitun ilauyaangat, piqagiaqangitun titiqiqidjutikharnik aulaniaqtuqlu talvani Sylvia Grinnell Minnguirviat Pvallionmi, kihiani allami itniagumik.

Nunavut Minnguirviit atuquhimaaqtun inuuhiriktukharnik hilami inuuhimaaqtunik katitigiyaangatlu inungnik nunami Inuit pitquhingnilu. Naunaiqyumigumaguvit tautugianganik uvani auyami Ayuiqharniq Imailiugianganik naunaitkutikharnik, pulaaqlugu https://www.gov.nu.ca/in/environment,  hivayaqluguluuniit Joshua Komangapik uvani 867-975-7719 uvaniluuniit jkomangapik@gov.nu.ca.

###

Tuhagaqtidjutikhanut Uqaqvikhaq:

Debbie Purvis
Atannguyaq Tuhagakhanut, Ilinniarniqmun Ihanganiq
Avatiliqiyitkut
867-975-7761
dpurvis@gov.nu.ca