Havaktingit

You are here

Kapurhiqtauhimangittuqn munarijaujun avaliingaarutijauttaaqtun Nunavunmi

Julai 30, 2021

Tuhaqtidjutikhaq

Kapurhiqtauhimangittuqn munarijaujun avaliingaarutijauttaaqtun Nunavunmi

Nunavut (July 30, 2021) –Nunavutip Atanilluaq Nunallaani Aanniaqtailinikkut Havaktia, Dr. Michael Patterson, uqaqtuq ublumi talavani Aakassi 2mi, kapurhiqtauhimaittun munarijaujun aullaarhimajun hilataanun Nunavunmi malikhugin kapurhiqtauhimajun angajuqqaangin munaqtiilluunniit pijaaliqtun iniqtirlugin 14nik ublunik avaliingaarvikhamingnik nunaptikni.

“Piqanginnikkut tadja hiamihimajunik-aannialaqidjutinik Nunavunmi imaalu kapurhirnikkut amigaitilaangit amigaiqjuummirutainni, pijukhauliqtuq aallanguqtirjuummirlugin avaliingaarnikkut kiklikhait,” uqaqtuq Dr. Patterson. “Tuklirmik qanuriliurutikhamik, kapuqtauhimangittun munarijaujun aullaaqpaktun malikhugin kapuqtauhimajun angajuqqaangin munaqtiilluunniit aullaaqtaaqtun Nunvunmun avalliingaaqtitauhimaittumik hivuraani Kanadami hivuagun.”

Utirumik nunaptiknun, kapurhiqtauhimajun munaqtiit avaliingaaqujaulimaittun. Munaqtiit munariniqaqtun munarijamingnun avaliingaarutijauninginnik pipkaijukhallu tamaita aalla kapurhiqtauhimaittun ilaujun igluqaqtigiiktun avaliingaaqtiqtaujukhallu 14nun ublunun. Igluqaqtigiiktun avaliingaaqtitaujun pulaqtiqalimaittun, taapkuallu avaliingaaqtun pulaariaqtukhaungittun kihiani amigarnarhinirmun. Avaliingaaqtitauniq hivitunia aullaqtirniaqtuq tikidjutimin nunaptiknun. Pijariaqangittuq inungnun aanniaqtailinikkut naammagijaudjutimnik pitquidjutimik nungunningani avaliingaarutimi. Inuit malingitaa avaliingaarutikhamik akiliqtitauniaqtun $575 taalanik.

Kapurhiqtauhimajun angajuqqaat munaqtilluunniit iniqtiqtakhaa una Kapurhiqtauhimajuni Aullaaqtuni Uqariijauti titiraq https://gov.nu.ca/health/information/travel-and-isolation. Tamaita munarijaujun aullaaqtun malikhugu munaqti qujaginnaq ubluni titiraqtauhimajukhat unalu iniqtauhimajuq titiraq tujuqtaujukhat uvunga vaccineexemptions@gov.nu.ca. Angiqtaukpat, aullaarnikkut titiraq ilaliutihimajuq munarijaujunik tunijauniaqtuq angajuqqamun munaqtimulluunniit. Una titiraq atuqhimaniaqtuq ataurhirmun ukiumun.

Una titiraq takupkaqtaujukhaq tingmihiarvingmi havaktinun hivuagun utiqtinnani Nunavunmun.

Aallanun ilitturittiarutikhanun, ilaujullu avaliingaarnikkut maliktakhani takulugu: https://gov.nu.ca/health/information/travel-and-isolation.

###

Tuhaqtipkainikkut Uqaqatigiviqhaq:

Chris Puglia
Atanngujaullaktuq Tuhaqtipkaijiinni
Aanniaqtailinirmun Havagvia
867-975-5949
cpuglia@gov.nu.ca