ᐊᐅᓚᑦᑎᔨ ᐱᓕᕆᕝᕕᖕᒧᑦ ᐸᕐᓇᐃᓂᕐᒧᑦ
ᐆᒻᒪᖅᑎᒋᐊᒃᑲᓐᓂᕈᒃ ᐃᖅᑲᓇᐃᔮᑦ ᐅᑭᐅᖅᑕᖅᑐᒥ!
ᖃᐅᔨᒋᐊᕈᒃ ᐃᓕᖕᓄᑦ ᐱᓕᕆᐊᒃᓴᑦᑎᐊᕙᒃ ᑲᓇᑕᐅᑉ ᐅᑭᐅᖅᑕᖅᑐᐊᓂ! ᐃᓚᐅᕝᕕᒋᒃᑭᑦ ᐱᓇᔪᒍᒪᑦᑎᐊᖅᑐᑦ ᐱᓕᕆᔨᕗᑦ ᐱᓕᕆᖃᑦᑕᖅᓯᒪᑦᑎᐊᖅᑐᑦ ᓴᓇᕝᕕᖕᒥ ᐱᓕᕆᔨᓪᓚᕇᑦ ᐊᑦᑕᕐᓇᙱᑦᑐᒥᒃ, ᑕᑎᒋᔭᒃᓴᐅᔪᒥᒃ, ᐊᑭᑐᓗᐊᙱᑦᑐᒥᒡᓗ ᐆᒻᒪᖅᑯᑎᖃᖅᑎᑦᑎᕙᒃᖢᑎᒃ ᓄᓇᕗᓕᒫᒥ.
ᓄᓇᕗᒻᒥ ᐃᖅᑲᓇᐃᔭᕐᓂᖅ
ᓄᓇᕗᑦ ᑲᓇᑕᒥ ᓄᑖᖑᓛᖑᔪᖅ ᐊᖏᓛᖑᓪᓗᓂᓗ ᐱᕈᖅᐸᓪᓕᐊᓛᒥᓪᓗ ᑮᓇᐅᔭᓕᐅᕈᑎᖃᖅᖢᓂ ᑲᓇᑕᒥ. ᑲᔾᔮᕐᓇᖅᖢᓂᒃ ᓄᓇᖓ ᑕᐅᑦᑐᖃᖅᖢᓂ ᐱᕕᒃᓴᑦᑎᐊᕆᒃᖢᓂᓗ, ᐊᓕᐊᓇᐃᒋᑦᑎᐊᕐᓂᐊᖅᐸᐃᑦ ᐃᖅᑲᓇᐃᔭᕐᕕᒋᔭᕐᓂᑐᐊᖑᙱᑦᑐᖅ, ᐱᓕᕆᓐᓇᐅᙱᑦᑐᒃᑯᓪᓘᓐᓃᑦ. ᕿᒧᒃᓯᕈᒪᓐᓂᕈᕕᑦ, ᓯᑭᑑᑲᑕᒡᓗᑎᑦ, ᖃᔭᖅᑐᕐᓗᑎᑦ, ᐃᖃᓪᓕᐊᕐᓗᑎᑦ, ᕿᒥᕐᕈᔪᒪᓐᓂᕈᕕᓪᓘᓐᓃᑦ ᐃᓕᖅᑯᓯᕐᒥᓂ ᐊᑐᓪᓚᕆᒃᑐᓂᑦ ᓴᓇᙳᐊᖅᑎᓂᑦ ᓂᔾᔭᐅᓯᔭᖅᑎᓂᒡᓗ, ᓄᓇᕗᑦ ᐃᓕᖕᓄᑦ ᐃᓂᒃᓴᑦᑎᐊᕙᐅᕗᖅ.
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ
ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑲᒪᒋᔭᒃᓴᖃᖅᑐᑦ ᐊᑐᐃᓐᓇᐅᑎᑦᑎᓪᓗᑎᒃ ᐊᑦᑕᕐᓇᙱᑦᑐᒥᑦ, ᑕᑎᒋᔭᒃᓴᐅᔪᒥᒃ ᐆᒻᒪᖁᑎᒥᒃ ᐊᑭᓕᖅᓱᐃᕙᒃᑐᓕᒫᓄᑦ ᓄᓇᕗᒻᒥ. ᓇᖕᒥᓂᕆᔭᐅᔪᖅ ᓄᓇᕗᑦ ᒐᕙᒪᒃᑯᓐᓂ ᐊᐅᓚᑕᐅᓪᓗᓂᓗ ᐃᓛᒃᑰᖅᖢᑎᒃ ᓄᓇᕗᒻᒥ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐊᑐᐃᓐᓇᐅᑎᑦᑎᓲᖑᔪᑦ ᐆᒻᒪᖁᑎᓂᒃ ᐅᖅᑰᓴᐅᑎᓂᓪᓗ ᓄᓇᕗᒻᒥ. ᐊᓯᓕᒫᖏᑦ ᐆᒻᒪᖅᑯᑎᖃᕐᕖᑦ ᑲᓇᑕᒥ ᒥᒃᓴᐅᖦᖢᒋᑦ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐊᒃᓱᕈᕐᓇᖅᑐᖅᓯᐅᖃᑦᑕᖅᐳᑦ ᐊᐅᓚᑦᑎᓪᓗᑎᒡᓗ ᐊᕙᑎᓪᓗ ᑕᓪᓕᒪᓂᒃ (25) ᐃᓛᒃᑰᖅᑐᓂᒃ ᐊᐅᓚᐅᑎᖃᕐᕕᐊᓗᖕᓂᒃ ᐆᒻᒪᖅᑯᑎᖃᖅᑎᑦᑎᓪᓗᑎᒡᓗ ᓄᓇᓕᓕᒫᓂᒃ ᓄᓇᕗᒻᒥ.
ᐊᐅᓚᑦᑎᔨ ᐱᓕᕆᕝᕕᖕᒧᑦ ᐸᕐᓇᐃᓂᕐᒧᑦ (QEC-24-023)
ᐃᖃᓗᐃᑦ, ᓄᓇᕗᑦ
ᑐᓴᖅᑎᑦᑎᕙᒡᓗᓂ ᑐᑭᒧᐊᖅᑎᑦᑎᔨ, ᐊᐅᓚᑦᑎᓕᕆᔨᒃᑯᑦ, ᐊᐅᓚᑦᑎᔨᖓ, ᐱᓕᕆᕝᕕᖕᒧᑦ ᐸᕐᓇᐃᓂᖅ ᑲᒪᒋᔭᖃᖅᑐᖅ ᐃᑲᔪᕐᓗᒋᑦ ᐊᐅᓚᑦᑎᔨᒻᒪᕆᒃ ᐊᒻᒪ ᐊᐅᓚᑦᑎᔨᒻᒪᕆᒃ ᐱᓕᕆᕝᕕᖕᒥᑦ ᐸᕐᓇᐃᓂᐃᒧᑦ ᐱᓕᕆᐊᖑᕙᓪᓕᐊᔪᒪᔪᑦ, ᐱᖃᓯᐅᑎᓗᒋᑦ ᓯᕗᓕᖅᑎᐅᔪᖅ ᐱᕙᓪᓕᐊᓂᐅᔪᒥᑦ, ᐊᐅᓚᑦᑎᓗᑎᒃ, ᐊᒻᒪ ᐊᐅᓚᑦᑎᓗᓂ ᐱᓕᕆᕝᕕᐅᑉ ᐊᑐᐊᒐᓂ ᐱᓕᕆᔾᔪᓯᖏᓪᓗ. ᐃᖅᑲᓇᐃᔮᖅ ᑲᒪᒋᔭᖃᕐᓂᐊᖅᑐᖅ ᖃᐅᔨᓇᓱᐊᕐᓂᕐᒧᑦ ᑭᒃᑯᑐᐃᓐᓇᕐᓄᑦ ᐊᑐᐊᒐᐃᑦ ᐊᑦᑐᐊᓂᖃᖅᑐᑦ ᓄᓇᕘᒥ ᐆᒻᒪᖅᑯᑎᓄᑦ ᐱᔭᕆᐊᓕᓐᓄᑦ, ᑭᒃᑯᑐᐃᓐᓇᐃᑦ ᐃᓱᒪᒋᔭᖏᓐᓂᒃ ᖃᐅᔨᓇᓱᓐᓂᖅ ᐃᓚᐅᑎᑦᓯᓂᕐᒥᓪᓗ, ᐱᓕᕆᕝᕕᒻᒥ ᐃᓅᓂᕐᒧᑦ ᐱᔾᔪᑕᐅᔪᑦ, ᐊᒻᒪᓗ ᐱᓕᕆᕝᕕᖕᒥ ᐊᐅᓚᑦᑎᔪᑎᓄᑦ ᐊᑐᐊᒐᑦ, ᖃᐅᔨᓴᕐᓂᕐᒥᓪᓗ ᐋᖅᑭᒋᐊᕆᓂᕐᒥᓪᓗ ᐊᑐᐊᒐᕐᓂᑦ ᐱᓕᕆᐊᓂᓪᓗ ᓇᓗᓇᐃᖅᓯᓂᕐᒧᑦ ᓇᓕᒧᓂᖏᓐᓂᒃ ᑎᒥᖁᑎᐅᑉ ᐱᓕᕆᐊᑦᓴᖏᓐᓄᑦ.
ᐱᔭᑦᓴᐃᑦ ᑲᒪᒋᔭᑦᓴᐃᓪᓗ:
- ᐱᓕᕆᖃᑎᖃᕐᓗᓂ ᐊᐅᓚᑦᓯᔨᓂᑦ ᐃᖅᑲᓇᐃᔭᖅᑎᓂᓪᓗ ᐱᕙᓪᓕᐊᑎᑦᓯᓂᕐᒧᑦ, ᖃᐅᔨᓴᕐᓂᕐᒧᑦ ᐊᒻᒪᓗ/ᐅᕝᕙᓘᓐᓃᑦ ᐋᖅᑭᒋᐊᕆᓂᕐᒧᑦ ᐱᓕᕆᐊᓂᑦ ᐊᑐᐊᒐᕐᓂᓪᓗ ᓇᓗᓇᐃᖅᓯᓂᕐᒧᑦ ᓇᓕᒧᓂᖏᓐᓂᒃ ᑎᒥᖁᑎᐅᑉ ᓯᕗᓪᓕᐅᔾᔨᔭᕆᐊᓕᖏᑦ ᒐᕙᒪᒃᑯᓪᓗ ᐱᓕᕆᐊᑦᓴᖏᑦ.
- ᖃᐅᔨᓴᕐᓂᕐᒧᑦ ᐊᑐᐃᓐᓇᐅᑎᑦᓯᓂᕐᒧᓪᓗ ᐊᑐᓕᖁᔭᐅᔪᓂᑦ ᑐᑦᓯᕋᐅᑎᓄᑦ ᐱᓕᕆᐊᓄᑦ ᐊᑐᐊᒐᕐᓄᓪᓗ, ᐅᖃᐅᔾᔨᒋᐊᖃᑦᑕᕐᓗᓂᓗ ᒐᕙᒪᓕᕆᔾᔪᑎᓄᑦ, ᒪᓕᒐᖅᑎᒍᑦ, ᐃᓅᖃᑎᒌᓐᓂᕐᒧᑦ, ᒪᑭᒪᔾᔪᑎᓄᑦ, ᑮᓇᐅᔭᓕᕆᓂᕐᒧᓪᓗ ᐊᑦᑐᖅᑕᐅᓂᖃᖅᑐᓂᑦ.
- ᐱᓕᕆᖃᑎᖃᕐᓗᓂ ᐊᐅᓚᑦᓯᔨᓂᑦ, ᐱᓕᕆᕝᕕᒥ ᑐᓴᐅᒪᖃᑦᑕᐅᑎᓂᕐᒧᑦ ᐱᕙᓪᓕᐊᑎᑦᓯᓂᕐᒧᑦ ᑐᓴᐅᒪᖃᑦᑕᐅᑎᔾᔪᑎᓂᑦ ᖃᐅᔨᒃᑲᐃᔾᔪᑕᐅᒐᓱᐊᖅᑐᓂᑦ ᐱᖃᖃᑕᐅᔪᓂᑦ ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ ᐱᓕᕆᐊᖏᓐᓂᒃ ᐊᑐᐊᒐᖏᓐᓂᓪᓗ.
- ᐱᓕᕆᖃᑎᖃᕐᓂᕐᒧᑦ ᐃᖅᑲᓇᐃᔭᖅᑎᓂᑦ ᐊᑐᐃᓐᓇᕈᖅᑎᕆᓂᕐᒧᑦ ᒥᓂᔅᑕᐃᑦ ᓇᐃᓈᖅᓯᒪᔪᑦ ᐱᖁᑎᖏᑦ, ᑎᑎᕋᖅᓯᒪᔪᖁᑎᖏᑦ, ᐅᖃᐅᓯᑦᓴᐃᓪᓗ.
- ᐱᓕᕆᖃᑎᖃᕐᓂᕐᒧᑦ ᐃᖅᑲᓇᐃᔭᖅᑎᓂᑦ ᐊᑐᐃᓐᓇᕈᖅᑎᕆᓂᕐᒧᑦ ᐱᓕᕆᔨᓄᑦ ᑐᓂᔭᐅᔪᓂᑦ ᐊᐅᓚᑦᓯᔨᒻᒪᕆᓐᓄᑦ, ᑲᑎᒪᔨᓄᑦ, ᓯᕗᓕᖅᑏᑦ ᑲᑎᒪᔨᖏᓐᓄᑦ, ᒪᓕᒐᓕᐅᕐᕕᒻᒧᑦ, ᑲᑎᒪᔨᕋᓛᓄᑦ, ᑮᓇᐅᔭᓕᕆᓂᕐᒧᑦ ᑲᑎᒪᔨᖏᓐᓄᑦ, ᐊᓯᖏᓐᓂᓪᓗ.
- ᐊᐅᓚᑦᓯᓂᕐᒧᑦ ᑭᐅᑦᓴᐅᑎᒋᖃᑦᑕᕐᓂᕐᒧᑦ ᐱᔪᓐᓇᕐᓂᕐᒥᒃ ᑐᓴᖅᑕᐅᔪᓐᓇᖅᑐᓂᑦ ᓴᐳᔾᔨᓯᒪᓂᕐᒧᓪᓗ ᑐᓴᐅᒪᔭᐅᔭᕆᐊᖃᖏᑦᑐᓄᑦ ᐱᖁᔭᖅ (ATIPP) ᑐᑦᓯᕋᐅᑎᓂᑦ ᐃᓚᒋᔭᐅᓗᓂᓗ ᒐᕙᒪᒃᑯᑦ ᓄᓇᕗᒻᒥ ᒐᕙᒪᐅᖃᑎᒌᓂᒃ ᐱᔪᓐᓇᕐᓂᕐᒥᒃ ᑐᓴᖅᑕᐅᔪᓐᓇᖅᑐᓂᑦ ᓴᐳᔾᔨᓯᒪᓂᕐᒧᓪᓗ ᑐᓴᐅᒪᔭᐅᔭᕆᐊᖃᖏᑦᑐᓄᑦ ᐱᖁᔭᕐᓄᑦ ᑲᑎᒪᔨᖏᓐᓄᑦ.
ᐅᑯᐊ ᐊᔪᙱᓐᓂᕆᔭᐅᔭᕆᐊᓖᑦ:
- ᐱᔭᕇᖅᓯᔾᔪᓯᐊᖅ ᓯᕗᓪᓕᖅ ᓇᒻᒥᓂᖃᕐᕕᓐᓂᑦ ᐊᐅᓚᑦᑎᓂᕐᒧᑦ , ᒐᕙᒪᒃᑯᓐᓂ ᐊᐅᓚᑦᑎᔨᐅᓂᕐᒧᑦ, ᒐᕙᒪᓕᕆᓂᕐᒥᒃ ᖃᐅᔨᓴᕐᓂᖅ ᐊᒃᑐᐊᓂᓕᓐᓂᓪᓘᓐᓃᑦ ᖃᓄᖅᑑᖅᑕᐅᔪᓂᑦ.
- ᑕᓪᓕᒪᓄᑦ ᐊᕐᕌᒍᓄᑦ ᐱᓕᕆᖃᑦᑕᖅᓯᒪᓂᖅ ᐱᓕᕆᐊᓄᑦ ᐱᕙᓪᓕᐊᑎᑦᓯᓂᕐᒧᑦ, ᑭᒃᑯᑐᐃᓐᓇᕐᓂᑦ ᑐᓴᐅᒪᑎᑦᑎᕙᓪᓗᓂ, ᐊᒻᒪᓗ/ᐅᕝᕙᓘᓐᓃᑦ ᐊᑐᐊᒐᕐᓂᑦ ᐱᕙᓪᓕᐊᑎᑦᓯᓂᕐᒧᑦ.
- ᐊᕐᕌᒍᓄᑦ ᒪᕐᕉᓐᓄᑦ ᐃᖅᑲᓇᐃᔭᖅᑎᓄᑦ ᐊᖓᔪᖅᑳᕆᔭᐅᖃᑦᑕᖅᓯᒪᓗᓂ ᐱᕙᓪᓕᐊᑎᑦᑎᖃᑦᑕᖅᓯᒪᓗᓂ ᐃᖅᑲᓇᐃᔭᖅᑎᓂᒃ.
ᐱᔪᓐᓇᖅᑕᖏᑦ:
- ᐱᓕᕆᐊᑦᓴᓄᑦ ᐊᐅᓚᑦᑎᓂᑰᖃᑦᑕᖅᓯᒪᓂᖅ ᐊᑲᐅᓇᔭᖅᑐᖅ.
- ᐆᒻᒪᖅᑯᑎᖃᕐᕕᖕᒥ ᐱᓕᕆᖃᑦᑕᖅᓯᒪᑰᒍᓂ ᐊᑲᐅᓇᔭᖅᑐᖅ.
- ᖃᐅᔨᒪᓗᓂ ᓄᓇᕗᒻᒥ, ᓄᓇᒥᒃ, ᐅᖃᐅᓯᕐᒥᒃ ᐊᒻᒪ ᐃᓕᖅᑯᓯᖓᓂᒃ ᐊᑲᐅᑦᑎᐊᕋᔭᖅᑐᖅ.
- ᐃᓄᒃᑐ, ᐃᓄᐃᓐᓇᖅᑐᓐ ᐅᖃᕈᓐᓇᖅᑐᑦ ᐊᒻᒪ/ᐅᕝᕙᓘᓐᓃᑦ ᐅᐃᕖᑐᑦ ᐃᑲᔪᕐᓂᖃᕋᔭᖅᑐᖅ.
ᐊᔾᔨᐸᓗᖏᓐᓂᓪᓘᓐᓃᑦ ᐃᓕᓐᓂᐊᖅᓯᒪᓗᓂ ᐊᔾᔨᒌᙱᑦᑐᓂᑦ ᑖᒃᑯᓂᖓᑦ ᑕᐃᔭᐅᔪᓂᑦ ᐃᓱᒪᒋᔭᐅᓂᐊᖅᑐᑦ.
ᑮᓇᐅᔾᔭᒃᓴᑦᑎᐊᕋᔭᖅᑐᖅ ᐱᒋᐊᕐᕕᖃᕐᓗᓂ $108,947.64−ᒥᑦ $128,221.86-ᒧᑦ ᐅᑭᐅᖅᑕᖅᑐᒥᐅᑕᐅᓂᕐᒧᓪᓗ ᐃᑲᔫᓯᐊᖅᑖᖅᐸᒡᓗᓂ $16,008.00−ᒥᑦ ᐊᕐᕌᒍᒧᑦ. ᓈᒻᒪᑦᑎᐊᖅᑐᓂᒃ ᐃᑲᔫᓯᐊᖅᑖᖅᑎᑦᑎᕙᒃᑭᕗᒍᑦ ᑲᑎᖅᓱᖅᓯᒪᔪᓂᒃ, ᐱᖃᓯᐅᑎᓪᓗᒋᑦ ᓇᓗᓇᐃᔭᖅᓯᒪᔪᑦ−ᐃᑲᔫᑎᓄᑦ ᐃᓐᓇᖅᓯᐅᑎᑖᕈᑎᑦ. ᑐᔪᕐᒥᕕᒋᓂᐊᖅᑕᖏᑦ ᓲᓕ ᐊᖏᖅᑕᐅᓯᒪᙱᑦᑐᖅ ᒫᓐᓇᐅᔪᒥᑦ. ᓴᓂᕐᕙᒃᑕᐅᓂᐊᖅᐳᑦ ᐊᑐᐃᓐᓇᐅᓕᖅᐸᑦ. ᑖᓐᓇ ᐃᖅᑲᓇᐃᔮᒃᓴᖅ ᓄᓇᕗᒻᒥ ᐃᖅᑲᓇᐃᔭᖅᑎᓄᑦ ᑲᑐᔾᔨᖃᑎᒌᓄᑦ ᐃᓚᓕᐅᔾᔭᐅᓯᒪᙱᑦᑐᖅ.
ᓄᓇᕗᒻᒥᐅᑉ ᐃᓄᐃᑦ ᓯᕗᓪᓕᐅᔾᔭᐅᓂᐊᖅᑐᑦ.
ᐱᓇᓱᒡᓗᑎᑦ: https://qeccareers.prevueaps.ca/jobs/
ᑎᑎᖅᑲᑦᑯᑦ ᐱᓇᓱᐊᕐᓗᑎ, ᔫᓂ 7, 2024 ᑐᖔᓂ.
ᐱᓇᔪᒃᑐᑦ ᑖᔅᓱᒧᖓ ᐃᖅᑲᓇᐃᔮᒃᓴᒧᑦ ᐃᓱᒪᒋᔭᐅᑐᐃᓐᓇᕆᐊᓖᑦ ᓯᕗᓂᒃᓴᒥ ᐃᖅᑲᓇᐃᔭᖅᑎᒃᓴᓄᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓂᑦ.
ᖁᔭᓕᔭᕗᑦ ᑕᒪᕐᒥᑦᑎᐊᖅ ᐱᓇᔪᓚᐅᖅᑐᓕᒫᑦ. ᑭᓯᐊᓂᑦᑕᐅᖅ, ᐱᓇᔪᒃᑐᓂᑦ ᓂᕈᐊᖅᑕᐅᔪᑐᐊᑦ ᖃᐅᔨᒋᐊᕐᕕᐅᔪᑑᓂᐊᖅᑐᑦ.