ᐱᓕᕆᐊᒃᓴᖅ 3: ᑲᑐᔾᔨᖃᑎᒃᓴᓐᓂᒃ ᐃᑲᔪᖅᑎᑖᕐᓗᑎᑦ
ᑭᓇᑐᐃᓐᓇᕐᒧᑦ ᓇᖕᒥᓂᑖᕋᓱᓕᓵᖅᑐᒥᑦ, ᐊᑑᑎᓪᓚᒃᐳᖅ ᓇᒥ ᐃᑲᔪᖅᑕᐅᔪᓐᓇᕐᒪᖔᖅᐱᑦ. ᑎᑎᕋᕐᓗᑎᑦ ᑐᓴᕐᕕᒋᔪᓐᓇᖅᑕᕐᓂᒃ, ᑲᑐᔾᔨᖃᑎᑖᕋᓱᒃᐳᑎᑦ ᐃᑲᔪᕈᓐᓇᖅᑐᒥᑦ. ᐃᓅᖃᑎᑖᕐᑎᑦ ᐅᖃᐅᔾᔨᕈᓐᓇᖅᑐᓂᒃ ᐱᓕᕆᐊᒃᓴᓂᒃ ᐊᒃᓱᕈᖕᓇᖅᑐᓂᒡᓗ ᓇᖕᒥᓂᖅᑖᖅᑎᓪᓗᑎᑦ.
ᐃᓚᖏᑦ ᐅᖃᐅᔾᔨᖅᓯᓲᑦ ᐃᑲᔪᕈᓐᓇᖅᑐᓪᓗ ᐱᔨᑦᑎᕐᓂᒃᑯᑦ ᐊᑭᓕᕆᐊᖃᓲᖑᕗᑦ − ᓲᕐᓗ ᒪᓕᒐᓕᕆᔨᒥᑦ ᐅᕝᕙᓘᓐᓃᑦ ᑮᓇᐅᔭᓕᕆᔨᒥᑦ. ᑭᓯᐊᓂ ᐊᓯᖏᑦ ᐃᑲᔪᕈᓐᓇᖅᑐᑦ ᐊᑭᖃᖏᑦᑐᒥᑦ, ᖃᐅᔨᒪᒍᕕᑦ ᐊᐱᕆᔭᕆᐊᒃᓴᖅ. ᐃᓅᖃᑎᑖᑦᑎᐊᕆᑦ ᐃᓄᖕᒥᑦ ᐃᑲᔪᕈᓐᓇᖅᑐᒥᑦ ᓇᖕᒥᓂᕆᔭᕐᓄᑦ ᑲᔪᓯᔪᓐᓇᑦᑎᐊᖁᓗᒍ.
ᑲᑐᔾᔨᖃᑎᑎ ᐅᑯᐊᖑᔪᓐᓇᖅᐳᑦ:
- ᑮᓇᐅᔭᓂ ᐱᕙᓪᓕᐊᔪᓕᕆᔨ
- ᑮᓇᐅᔭᒃᑯᕕᓕᕆᔨ
- ᓇᓪᓕᐅᒃᑯᒫᓕᕆᔨ
- ᒪᓕᒐᓕᕆᔨ
- ᑮᓇᐅᔭᓕᕆᔨ
- ᓂᐅᕈᑎᒋᔭᐅᔪᓐᓇᖅᑐᒥᑦ/ᐃᖅᑲᓇᐃᔭᕐᕕᖕᒥᑦ
- ᐱᓕᕆᕝᕕᐅᔪᑦ ᑲᑐᔾᔨᖃᑎᒌᖏᑦ
- ᐱᔪᒥᓇᖅᓴᐃᔪᒥᑦ ᑐᓴᕐᕕᐅᔪᑦ (ᑕᓚᕖᓴᒃᑯᑦ, ᓈᓚᐅᑎᒃᑯᑦ, ᐱᕙᓪᓕᔪᓂᑦ ᐸᐃᑉᐹᒃᑯᑦ)
- ᐃᓚᑎᑦ ᐱᖃᓐᓇᕆᔭᑎᓪᓗ
- ᐊᓯᖏᑦ ᓇᖕᒥᓂᖃᖅᑎᑦ
ᓯᕗᓪᓕᖅᐹᖑᖏᑦᑐᑎᑦ ᓇᖕᒥᓂᑖᓕᓵᖅᑐᓄᑦ.
ᐅᖃᖃᑎᖃᕐᓗᑎᑦ ᐊᓯᖏᓐᓂᒃ ᓇᖕᒥᓂᖅᑖᖅᑐᕕᓂᕐᓂ ᖃᓄᕐᓗ ᑲᔪᓯᑦᑎᐊᓚᐅᕐᒪᖔᑕ.
ᐊᑖᓂᑦᑐᑦ ᐃᓚᖏᑦ ᑐᓴᕐᕕᒋᔭᕆᐊᖃᓪᓚᕆᒃᑐᑦ. ᑲᑐᔾᔨᖃᑎᑖᕆᒃᑭᑦ. ᑐᓴᕆᐊᖃᖅᑕᑎᑦ ᐊᑐᐃᓐᓇᐅᕗᑦ ᓇᓕᐊᖕᓂᑐᐃᓐᓇᖅ ᐊᑐᕈᓐᓇᖅᑐᓂᒃ, ᒐᕙᒪᒃᑯᑦ ᐊᑐᐊᒐᖏᓐᓂᑉᐸᓘᓐᓃᑦ ᐃᓄᐃᑦ ᒪᓕᒐᓕᕆᕝᕕᖏᓐᓂᒃ, ᐱᕙᒌᔭᖅᓯᓂᖅ ᓇᖕᒥᓂᕐᒧᑦ ᐅᕝᕙᓘᓐᓃᑦ ᖃᓄᐃᑦᑐᓂᒃ ᑮᓇᐅᔭᓕᕆᔪᓐᓇᕐᒪᖔᖅᐱᑦ.
ᑐᓴᕐᕕᒋᔭᐅᔪᓐᓇᕐᓂᖅᐹᑦ
ᓄᓇᔅᓯᓐᓂᒃ ᐱᕙᓪᓕᐊᔪᓕᕆᔨ (EDO)
|
ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ ᓄᓇᓕᖕᓂᑦ ᐊᐅᓚᑦᑎᔩᑦ ᑎᑎᕋᕐᕕᐊ
|
ᑲᓇᑕᒥᑦ-ᓄᓇᕗᒻᒥᑦ ᓇᖕᒥᓂᖃᖅᑐᓄᑦ ᐱᔨᑦᑎᕐᕕᒃ CNBS
|
ᕿᑭᖅᑖᓗᖕᒥᑦ ᓇᖕᒥᓂᖃᖅᑎᓂᑦ ᐃᖅᑲᓇᐃᔭᕐᕕᐊ ᑲᑐᔾᔨᖃᑎᒌᑦ
|
ᐊᕕᒃᑐᖅᓯᒪᔪᓂᒃ ᓇᖕᒥᓂᖃᖅᑐᓄᑦ ᐱᕙᓪᓕᐊᔪᓕᕆᕝᕕᒃ
|
ᐊᕕᒃᑐᖅᓯᒪᔪᑦ ᐃᓄᐃᑦ ᓄᓇᓕᖕᓂᑦ ᐱᕙᓪᓕᐊᔪᓕᕆᓂᕐᒧᑦ ᑲᑐᔾᔨᖃᑎᒌᑦ
|