ᐃᖃᓗᒃᑑᑦᑎᐊᕐᒥ

ᐃᖃᓗᒃᑑᑦᑎᐊᖅ ᐱᔾᔪᑎᒋᓪᓗᒍ

Queen Maud Gulf ᓯᒡᔭᖏᑦᑎᒍᑦ ᓂᒋᖅᐸᓯᖕᒥ ᑮᓕᓂᕐᒥ, ᖃᖅᑲᐃᑦ ᐊᑯᓐᓂᖏᓐᓃᖦᖢᓂ, ᐃᖃᓗᒃᑑᑦᑎᐊᖑᕗᖅ, ᑐᖅᑲᖅᑕᕐᕕᒋᔭᐅᔪᖅ ᕿᑎᕐᒥᐅᓄᑦ ᓄᓇᙳᐊᒃᑯᑦ ᐃᓂᖃᖅᖢᓂ N69 07' W105 03'−ᒥ. Cambridge Bay ᐊᑎᓪᓚᑦᑖᖓ, ᐃᖃᓗᒃᑑᑦᑎᐊᖅ, ᑐᑭᖃᖅᐳᖅ "ᐃᖃᓗᖃᑦᑎᐊᕐᓂᖓᓄᑦ", ᐃᖃᓗᒐᓱᖕᓇᑦᑎᐊᕐᒪᑦ ᑕᓯᖏᓐᓂᒃ ᐊᒻᒪ ᑰᖏᓐᓂᒃ ᖃᓂᒋᔮᓃᑦᑐᓂᒃ.

ᐅᑭᐅᒐᓵᓗᖕᓄᑦ, ᐃᖃᓗᒃᑑᑦᑎᐊᖅ ᐊᐅᔭᐅᓕᕌᖓᑦ ᑲᑎᕝᕕᐅᕙᓚᐅᖅᓯᒪᔪᖅ ᐃᓄᖕᓄᑦ (ᖃᓪᓗᓈᓂ ᑕᐃᔭᐅᕙᓕᓚᐅᖅᓯᒪᔪᑦ Copper Inuit ᓴᓇᕐᕈᑎᓕᐅᕋᔪᓚᐅᕐᒪᑕ ᐊᖑᓇᓲᑎᒃᓴᓕᐅᖅᐸᒃᖢᑎᒡᓗ ᑲᓐᓄᔭᕐᓂᒃ ᓴᓇᓯᒪᔪᓂᒃ). ᑖᒃᑯᐊ Copper Inuit-ᖑᓂᕋᖅᑕᐅᔪᑦ ᑕᐅᕙᓂ ᓄᓇᖃᕈᒪᑦᑎᐊᓚᐅᖅᐳᑦ ᐊᖑᓇᓱᑦᑎᐊᕐᓇᕐᓂᖓᓄᑦ, ᐱᓗᐊᖅᑐᒥᒃ ᓇᑦᑎᕐᓂᒃ, ᑐᒃᑐᓂᒃ ᐊᒻᒪ ᐃᖃᓗᖕᓂ. ᑐᒃᑐᐃᓪᓗ ᐃᖃᓗᐃᓪᓗ ᓄᓇᓕᖕᓂ ᓂᕿᒋᔭᐅᓪᓗᐊᑕᕐᒪᑕ ᒫᓐᓇᒧᑦ ᑎᑭᖦᖢᒍ ᐃᓄᖕᓄᓪᓗ ᐱᓕᕆᐊᖑᐃᓐᓇᕈᓐᓇᖅᖢᑎᒃ ᑮᓇᐅᔭᓕᐅᕈᑕᐅᔪᓐᓇᖅᖢᑎᒡᓗ.

ᓂᐅᕕᖅᑎᒃᑯᑦ ᑎᑭᓚᐅᖅᓯᒪᓪᓗᑎᒃ 1921-ᒥ, ᑭᖑᕙᓯᒃᑐᒥᒃ ᑎᑭᑕᐅᓚᐅᖅᓯᒪᔪᑦ ᑲᓇᑕᒥ ᒪᓕᒃᑕᐅᔪᑦ ᒪᓕᒃᖢᒋᑦ. ᓂᐅᕕᖅᑎᒃᑯᑦ ᓂᐅᕕᓚᐅᖅᓯᒪᔪᑦ ᐅᒥᐊᕐᔪᐊᕐᒥ Maud, ᓇᕈᓇᒃᑎ Roald Amundsen ᐅᒥᐊᕐᔪᐊᖓᓂ, ᐊᑐᖅᑕᐅᔪᒪᓪᓗᓂ ᐱᖁᑎᒃᑯᕕᒋᔭᐅᓗᓂ ᐊᒻᒪ ᑕᐅᖅᓰᕝᕕᐅᓗᓂ. ᐅᑭᐅᖅᑕᖅᑐᒥᐅᑕᓂᙶᖅᑐᖅ ᐱᐅᓯᕆᔭᐅᖃᑦᑕᖅᓯᒪᔪᖅ ᐅᑭᐅᒐᓴᖕᓄᑦ ᐊᑐᖅᑕᐅᖃᑦᑕᓚᐅᖅᓯᒪᔪᖅ ᐃᒪᐅᑉ ᐃᖅᑲᖓᓄᑦ ᑭᕕᑎᑕᐅᓚᐅᙱᓐᓂᖓᓂ, ᑐᙵᕕᐊ ᓱᓕ ᒫᓐᓇ ᑕᑯᔭᐅᖃᑦᑕᖅᓯᒪᔪᖅ.

ᑲᑎᖦᖢᒋᑦ ᐃᓄᒋᐊᖕᓂᖏᑦ: 1,697

ᖃᐅᔨᒋᐊᕐᕕᒃᓴᖅ

ᐃᕐᖐᓈᖅᑕᐅᑦ: @email
ᐅᖄᓚᐅᑎ: 867-983-4650
ᓱᒃᑲᔪᒃᑯᑦ: 867-983-2139
ᐃᑭᐊᖅᑭᕕᒃ: www.cambridgebay.ca