ᐃᑲᔫᑎᒃᓴᓄᑦ ᐱᔨᑦᑎᕋᐅᑏᑦ
ᐃᑲᔫᑎᒃᓴᓄᑦ ᐱᔨᑦᑎᖅᑎᑦ ᓴᓇᖃᑦᑕᕆᐊᖃᕆᕗᑦ, ᓴᖅᑭᑦᑎᓗᑎᒃ, ᑐᓐᓂᓴᐃᓗᑎᒡᓗ ᐃᓕᓐᓂᐊᖅᑎᑦᑎᔾᔪᑎᒃᓴᓂᒃ ᐃᓕᓐᓂᐊᕈᑎᒃᓴᓂᒡᓗ ᐊᓯᖏᓐᓂᒡᓗ ᐊᐅᓚᑦᑎᔾᔪᑎᓄᑦ ᐊᑐᖅᑕᐅᔭᕆᐊᓕᖕᓂᒃ ᐊᖏᕈᑕᐅᓯᒪᔪᓂᒃ ᒥᓂᔅᑕᒧᑦ, ᐊᑐᖅᑕᐅᔪᒃᓴᑦ ᒪᓕᑦᑎᐊᕋᓗᐊᕐᒪᖔᑕ ᐃᓕᓐᓂᐊᕈᑎᒃᓴᑦ ᓇᓗᓇᐃᖅᑕᐅᓯᒪᓂᖏᓐᓂ ᐃᓕᓐᓂᐊᕈᑎᒃᓴᓕᐊᓂᑦ. ᐱᓕᕆᕝᕕᒃ ᐊᐅᓚᑦᑎᕙᒃᐳᖅ ᐃᓄᐃᑦ ᐅᖃᐅᓯᖓᓐᓂᒃ ᐊᑐᓕᖅᑎᑦᑎᕙᓪᓕᐊᓂᕐᒧᑦ ᑮᓇᐅᔭᖏᓐᓂᒃ ᐊᑐᒐᒃᓴᓕᐊᖑᔪᓕᒫᑦ ᐊᑐᐃᓐᓇᐅᑎᑕᐅᑦᑎᐊᕋᓗᐊᕐᒪᖔᑕ ᑕᒪᐃᓂᒃ ᓄᓇᕗᒻᒥ ᐅᖃᐅᓯᖅ ᐃᓕᓴᕆᔭᐅᓯᒪᔪᑦ ᒪᓕᒐᖓᓐᓃᑦᑐᓄᑦ ᐅᖃᐅᓯᕐᓄᑦ ᒪᓕᒡᓗᒋᑦ ᐃᓕᓐᓂᐊᕐᓂᓕᕆᓂᕐᒧᑦ ᐱᖁᔭᖅ ᐊᒻᒪᓗ ᐃᓄᐃᑦ ᐅᖃᐅᓯᖓᑕ ᓴᐳᒻᒥᔭᐅᓂᖓᓄᑦ ᐱᖁᔭᖅ. ᐱᓕᕆᕝᕕᒃ ᑲᒪᒋᔭᖃᕆᕗᖅ ᐱᖁᑎᓕᒫᖏᓐᓂᒃ ᐊᒻᒪᓗ ᐊᐅᓚᑦᑎᔨᐅᓪᓗᑎᒃ ᑎᑭᓴᖅᑕᐅᕙᒃᑐᓂᒃ ᐃᓕᓐᓂᐊᖅᑎᑦᑎᔾᔪᑎᒃᓴᓂᒃ ᐃᓕᓐᓂᐊᕈᑎᒃᓴᓂᒡᓗ, ᐊᐅᓚᑦᑎᕙᒃᑭᓪᓗᑎᒃ ᐃᔾᔪᐊᖅᑕᐅᔭᕆᐊᖃᙱᑦᑐᓕᕆᔾᔪᑎᓂᒃ, ᐃᓕᓐᓂᐊᖅᑎᑦᑎᔾᔪᑎᕕᓂᕐᓂᒡᓗ ᖃᕋᓴᐅᒪᕐᒧᐊᖅᑲᐃᓗᑎᒃ ᑐᖅᑯᐃᕙᓪᓕᐊᓗᑎᒡᓗ.