ᐃᓄᙳᖅᓴᐃᕕᒃ ᐃᓕᓐᓂᐊᕐᕕᒃ ᓄᓇᓕᖕᓂ
ᐃᓄᙳᖅᓴᐃᕕᒃ: ᐃᓕᑦᑎᕙᓪᓕᐊᓂᖅ ᐱᔾᔪᑎᖃᕐᓗᓂ
ᖃᐅᔨᒪᔨᑕᖃᕐᓗᑎᒃ ᐊᖅᑯᑎᓂᒃ ᓄᓇᒧᑦ ᐊᒻᒪ ᐃᑲᔫᑕᐅᔪᓐᓇᖅᑐᓄᑦ ᐊᐅᓚᑦᓯᓂᕐᒥ ᐃᖃᓇᐃᔮᑦ ᐊᑐᐃᓐᓇᐃᑦ ᓄᓇᕗᒻᒥᑦ ᐃᓄᓐᓄᑦ.
ᐃᓚᐅᖃᑕᐅᒋᑦ ᐃᓄᙳᖅᓴᐃᕕᒻᒥ, ᐊᔾᔨᐅᙱᑦᑐᖅ ᐃᓕᑦᑎᕙᓪᓕᐊᔪᖅ ᓄᓇᓕᒃ ᖃᐅᔨᒪᓕᖁᓪᓗᑎᑦ ᐊᔪᙱᓐᓂᖅᑖᕐᓗᑎᓪᓗ ᐃᖅᑲᓇᐃᔮᑦᑎᐊᕙᐅᓂᕐᒧᑦ ᓄᓇᒥ ᓄᓇᒥᙶᖅᑐᓂᓪᓗ ᐊᐅᓚᑦᓯᓂᕐᒥᒃ.
ᐱᓕᕆᖃᑎᖃᕐᓗᑎᑦ ᐃᓕᓐᓂᐊᕐᓂᕐᒧᑦ ᐃᑲᔪᖅᑎᒥ ᓴᖅᑭᑎᑦᓯᓂᕐᒧᑦ ᓇᒻᒥᓂᖅ ᐃᓕᓐᓂᐊᕐᓂᕐᒧᑦ ᐊᖅᑯᑕᐅᓂᐊᖅᑐᒥᑦ ᐱᔪᓐᓇᕐᓂᕐᒧᓪᓗ ᐋᖅᑭᒋᐊᖅᓯᒪᔪᓂᑦ ᐃᑲᔪᖅᑐᕐᓂᕐᒥᑦ ᐱᔭᕆᐊᓕᓐᓂᑦ ᐃᓚᒋᔭᐅᓗᑎᑦ ᐃᓕᓐᓂᐊᕐᓂᕐᒧᑦ, ᓇᒻᒥᓂᖅ, ᑮᓇᐅᔭᓕᕆᓂᕐᒧᑦ, ᐃᓕᖅᑯᓯᕐᒧᑦ, ᐃᓚᒌᓄᑦ ᐱᔭᕆᐊᓕᓐᓂᒃ, ᐊᒥᓱᒃᑲᓐᓂᕐᓂᓪᓗ!
ᐊᑎᓕᐅᕆᑦ ᐱᕙᓪᓕᐊᔪᓂ ᐅᖃᓕᒫᕋᑦᓴᓄᑦ ᐱᖃᑦᑕᕐᓂᕐᒧᑦ ᐅᓪᓗᒥᒨᖓᔪᓄᑦ ᑐᓴᐅᒪᔾᔪᑎᑦᓴᓂᒃ ᐃᓕᓐᓂᐊᕐᓂᕐᒧᑦ ᓄᓇᓕᓐᓂ ᒥᑦᓵᓄᑦ ᖃᓄᓪᓗ ᐃᓚᐅᔪᓐᓇᕐᓂᕐᓄᑦ ᐃᑲᔪᖅᑐᐃᓂᕐᒧᓪᓘᓐᓃᑦ.
ᐃᓕᓐᓂᐊᕐᓂᕐᒧᑦ ᓇᒧᙵᐅᑎᑦᓯᓂᕐᒧᑦ 2023-24
ᐃᓄᙳᖅᓴᐃᕕᒃ ᓯᓚᑦᑐᖅᓴᕐᕕᒻᒥ ᐃᓕᓐᓂᐊᕐᓂᕐᒧᑦ ᓇᒧᙵᐅᑎᑦᓯᓂᕐᒧᑦ 2023-24
ᐊᑐᕐᓗᒍ ᑖᓐᓇ ᐃᑲᔫᑎᑦᓴᖅ ᖃᐅᔨᓇᓱᐊᕐᓂᕐᒧᑦ ᐃᓕᓐᓂᐊᕐᓂᕐᒧᑦ ᐊᖅᑯᑎᓂᒃ ᐊᔾᔨᒌᙱᕈᓘᔭᖅᑐᓪᓗ ᐃᖅᑲᓇᐃᔭᕐᓂᕐᒧᑦ ᐱᕕᑦᓴᖃᕐᓂᐅᔪᓂᒃ ᓄᓇᒥ ᐊᒻᒪᓗ ᓄᓇᒥᙶᖅᑐᓂ ᐊᐅᓚᑦᓯᓂᕐᒧᑦ, ᐊᒻᒪ ᐊᔾᔨᐅᖏᑦᑐᓂ ᐃᑲᔪᖅᑐᖅᑕᐅᓂᕐᒧᑦ ᐃᓄᙳᖅᓴᐃᕕᒃ ᐃᓕᓐᓂᐊᕐᓂᕐᒧᑦ ᓄᓇᓕᓐᓂ ᑲᓲᑎᑎᑦᓯᔪᓐᓇᖅᑐᖅ ᐃᓕᓐᓂ ᐃᓕᓐᓂᐊᖅᐸᓪᓕᐊᓂᕆᔭᓐᓂᒃ.
ᑖᓐᓇ ᐃᓕᓐᓂᐊᕐᓂᕐᒧᑦ ᓇᒧᙵᐅᑎᑦᓯᓂᕐᒧᑦ, ᓇᓂᓯᓂᐊᖅᑐᑎᑦ:
- ᐱᒋᐊᕐᓂᖓ ᐃᓄᙳᖅᓴᐃᕕᒃ ᐃᓕᓐᓂᐊᕐᓂᖅ ᓄᓇᓕᓐᓂ.
- ᐊᑐᖅᑕᐅᓇᔭᖅᑐᑦ ᐊᔪᕆᖅᓲᔾᔨᔪᑦ ᐊᐱᖅᑯᑕᐅᒐᔪᑦᑐᓪᓗ ᐊᑐᐃᓐᓇᕈᖅᑎᕆᓂᕐᒧᑦ ᓯᓚᑦᑐᖅᓴᕐᕕᒻᒥ ᐱᓕᕆᐊᑦᓴᓄᑦ, ᖃᓄᕐᓗ ᐱᓇᓱᐊᕐᓂᕐᒧᑦ, ᑮᓇᐅᔭᓕᕆᓂᕐᒧᑦ ᐸᕐᓇᐃᓂᕐᒧᑦ ᖃᐅᔨᒪᔾᔪᑎᑦᓴᐃᑦ, ᓱᓕᒃᑲᓐᓃᓪᓗ!
- ᑐᓴᖅᑕᐅᑎᑦᑎᔾᔪᑎᑦ ᓯᓚᑦᑐᖅᓴᕐᕕᔾᔪᐊᑉ ᒥᑦᓵᓄᑦ ᑲᓇᑕᓕᒫᒥ ᐃᓚᒋᓪᓗᒍ ᓇᓗᓇᐃᔭᖅᓯᒪᔪᑦ ᐊᑐᓂᑦ ᓄᓇᓕᐸᐃᔭᐃᑦ ᒥᑦᓵᓄᑦ ᓇᒥᓗ ᑖᒃᑯᐊ ᓯᓚᑦᑐᖅᓴᕐᕕᔾᔪᐊᑦ ᓇᒦᓐᓂᖏᓐᓂᒃ.
- ᓴᕆᒪᓇᖅᑐᑦ ᓯᓚᑦᑐᖅᓴᕐᕕᒻᒥ ᐱᓕᕆᐊᑦᓴᐃᑦ ᐊᑐᐃᓐᓇᕈᖅᑎᕆᔪᓐᓇᖅᑐᑦ ᐃᓕᓐᓂᒃ ᐃᖅᑲᓇᐃᔭᕐᓂᕐᒧᑦ ᓄᓇᒥ ᐊᒻᒪᓗ ᓄᓇᒥᙶᖅᑐᓂ ᐊᐅᓚᑦᓯᓂᕐᒧᑦ ᐃᖅᑲᓇᐃᔮᑦ.
- ᖁᕕᐊᓇᖅᑐᑦ ᐃᖅᑲᓇᐃᔮᖃᕐᓂᕐᒧᑦ ᐱᕕᑦᓴᐅᔪᑦ ᓄᓇᒥ ᐊᒻᒪᓗ ᓄᓇᒥᙶᖅᑐᓂᒃ ᐊᐅᓚᑦᓯᓂᕐᒧᑦ.
ᐊᐱᖅᑯᑕᐅᒐᔪᒃᑐᑦ
ᑭᓲᕙ ᐃᓄᙳᖅᓴᐃᕕᒃ ᐃᓕᓐᓂᐊᕐᓂᖅ ᓄᓇᓕᓐᓂ?
ᐃᓄᙳᖅᓴᐃᕕᒃ ᑕᒪᐃᓐᓂᒃ ᐅᐸᓪᓚᑦᑖᖅᓱᑎᒃ ᐊᒻᒪ ᖃᕆᓴᐅᔭᒃᑯᑦ ᐃᓕᑦᑎᕙᓪᓕᐊᓪᓗᑎᒃ ᓄᓇᓕᓐᓂ ᐃᓕᓐᓂᐊᖅᑎᓂᒃ ᐃᓕᓐᓂᐊᕈᓐᓇᕐᓂᕐᒧᑦ ᐱᓕᒻᒪᒃᓴᖃᑕᐅᕙᑦᓱᑎᓪᓗ, ᐃᑲᔪᖅᑐᐃᕙᓪᓗᑎᒃ, ᐊᒻᒪ ᐃᖅᑲᓇᐃᔮᖃᕆᐅᖅᓴᑎᑦᓯᕙᓪᓗᑎᒃ ᓄᓇᒥ ᐊᒻᒪ ᓄᓇᒥᙶᖅᑐᓂᒃ ᐊᐅᓚᑦᑎᔪᓐᓇᖅᓯᓪᓗᑎᒃ. ᐃᓚᒋᔭᐅᓂᖅ ᐃᓄᙳᖅᓴᐃᕕᒃ ᑐᑭᖃᖅᑐᖅ ᐱᕕᖃᕐᓂᐊᖅᑐᑎᑦ ᑲᑎᖃᑎᖃᕐᓂᕐᒥᒃ ᐊᓯᖕᓄᑦ ᐃᓚᐅᖃᑕᐅᔪᓄᑦ ᐊᔾᔨᕐᓚᖏᓐᓂ ᐱᓕᕆᐊᒃᓴᓂᑦ ᐱᔪᓐᓇᕐᓗᑎᓪᓗ ᐊᔾᔨᒌᖏᑦᑐᓂᒃ ᐋᖅᑭᒃᓯᒪᔪᓂᒃ ᐃᑲᔪᕈᑎᓂᒃ ᐱᖁᓪᓗᒋᑦ ᐱᔭᕆᐊᖃᖅᑕᑎᑦ.
ᑭᓱᓂᒃ ᐃᑲᔫᑎᒃᓴᓂᒃ ᐊᑐᐃᓐᓇᐅᑎᑦᓯᕙᑦ?
ᐃᓄᙳᖅᓴᐃᕕᒃ ᐊᑐᐃᓐᓇᐅᑎᑦᓯᓂᐊᖅᑐᖅ ᐃᓕᓐᓂᑦ ᐱᔭᕆᐊᑭᑦᑐᒥᑦ ᐱᔪᓐᓇᕐᓂᕐᒥᑦ ᐊᔾᔨᒌᖏᑦᑐᓂᑦ ᐃᑲᔪᖅᑐᕐᓂᕐᒧᑦ ᐱᔨᑦᓯᕋᕐᓂᕐᒥᑦ ᐋᖅᑭᑦᓯᒪᒍᓐᓇᖅᑐᒥᑦ ᓇᒻᒥᓂᖅ ᐱᔭᕆᐊᓕᓐᓂᑦ ᐱᔭᕇᕈᕕᑦ ᐃᓕᓐᓂᐊᕐᓂᓐᓂᑦ. ᑖᒃᑯᐊ ᐃᑲᔪᖅᑐᐃᔾᔪᑎᑦ ᐃᓚᖃᖅᐳᑦ ᑲᔪᖏᖅᓴᐃᔪᓕᕆᓂᕐᒥᒃ, ᐃᓕᓴᐃᓂᕐᒥᒃ, ᐃᓕᓐᓂᐊᖃᑎᒌᓂᒃ ᐃᑲᔪᖅᓱᐃᓂᕐᒥᒃ ᐃᓕᓐᓂᐊᖅᓯᓐᓈᑦ ᑲᑎᒪᓯᓐᓈᖅᑎᑦᑎᓂᕐᒥᒃ ᐊᒻᒪ ᐊᒃᑐᐊᖃᑎᖃᕐᓂᕐᒥᒃ ᐊᓯᖏᓐᓄᑦ ᐱᓕᕆᔨᒻᒪᕆᖕᓄᑦ ᐃᑲᔪᕈᓐᓇᖅᑐᓄᑦ ᐃᖅᑲᓇᐃᔮᓄᑦ ᐸᕐᓇᐃᓂᕐᒥᒃ, ᐃᓕᓐᓂᐊᕐᓂᕐᒥᒃ ᐸᕐᓇᐃᓂᕐᒥᒃ, ᐱᓕᕆᔾᔪᑎᓄᑦ ᐃᑲᔪᖅᓱᐃᓂᕐᒥᒃ, ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᒻᒪ ᖃᓄᐃᙱᑦᑎᐊᕐᓂᕐᒧᑦ ᐃᑲᔪᖅᓱᐃᓂᕐᒥᒃ, ᑮᓇᐅᔭᑎᒍᑦ ᐃᑲᔪᖅᑕᐅᓂᕐᒥᒃ, ᐊᒻᒪ ᐃᑲᔪᖅᑐᐃᓂᕐᒥᒃ ᐃᓚᒌᓂᒃ.
ᖁᑦᓯᓂᖅᓴᓄᑦ ᐃᓕᓐᓂᐊᕐᕕᒻᒥ ᐊᓂᒍᐃᓚᐅᙱᑦᑐᖓ; ᓱᓕ ᐃᓚᐅᔪᓐᓇᖅᐳᖓ?
ᐄ! ᐃᓚᒋᔭᐅᓪᓗᓂ ᐃᓄᙳᖅᓴᐃᕕᒻᒥ ᐃᓕᓐᓂᐊᖅᑕᐅᒋᐊᑐᙱᑦᑐᖅ. ᐃᓕᓐᓂᐊᖅᑎᐅᒍᕕᑦ ᒫᓐᓇ ᐃᓕᓐᓂᐊᕐᕕᒻᒥ, ᐃᓐᓇᐅᒐᓗᐊᕈᕕᑦ ᐱᔭᕇᖅᓯᓯᒪᒍᕕᑦ ᐃᓚᖏᓐᓂᑦ ᖁᑦᓯᓂᖅᓴᓄᑦ ᐃᓕᓐᓂᐊᕐᕕᒻᒥ, ᐱᔪᒪᓂᖃᕈᕕᓪᓘᓐᓃᑦ ᐃᖅᑲᓇᐃᔮᖃᕐᓂᕐᒧᑦ ᓄᓇᒥ ᐃᑲᔫᑎᓂᓪᓗ ᐊᐅᓚᑦᓯᓂᕐᒥᑦ, ᐊᔾᔨᒌᖏᑦᑐᓂᑦ ᐃᓕᓐᓂᐊᕐᓂᕐᒧᑦ ᐱᕕᖃᕐᓂᐅᔪᓂᑦ ᐊᑐᐃᓐᓇᕈᖅᑎᕆᓂᕐᒥᑦ ᓄᑖᒧᑦ ᐃᖅᑲᓇᐃᔮᑦᓴᒧᑦ. ᐃᓚᖏᑦ ᐃᓕᓐᓂᐊᕐᓂᕐᒧᑦ ᐊᖅᑯᑎᑦ ᐱᔭᕆᐊᖃᑐᐃᓐᓇᕆᐊᓕᑦ ᐃᓕᓐᓂᐊᒃᑲᓐᓂᕐᓂᕐᓂ ᐱᓕᒻᒪᒃᓴᓂᕐᓂᒃᓘᓐᓃᑦ, ᒪᓕᒃᑕᐅᓗᓂ ᐃᓕᓐᓂᐊᒃᑲᓐᓂᕐᓂᕐᒧᑦ. ᖁᑦᓯᓂᖅᓴᓄᑦ ᐃᓕᓐᓂᐊᖅᑎᐅᒍᕕᑦ ᒫᓐᓇ, ᐃᑲᔪᕈᓐᓇᖅᐳᒍᑦ ᐱᕙᒌᔭᖅᑎᓪᓗᓯ ᖃᓄᐃᓕᐅᒃᑲᓐᓂᕐᓂᐊᕐᒪᖔᖅᐱᑦ ᐃᓕᓐᓂᐊᖅᑕᒥᓂᒃ ᐊᓂᒍᐃᕌᓂᒃᑯᕕᑦ. ᑭᓇᑐᐃᓐᓇᖅ ᐅᕐᕈᔪᓐᓇᖕᒪᑦ!
ᖃᓄᐃᑦᑐᑦ ᐃᖅᑲᓇᐃᔮᒃᓴᐃᑦ ᐊᑐᐃᓐᓇᐅᔪᓐᓇᖅᐸᑦ?
ᐊᔾᔨᒌᙱᑦᑐᓂᒃ ᐃᖅᑲᓇᐃᔮᒃᓴᖅᑕᖃᖅᐳᖅ ᐊᐅᓚᑦᑎᔨᐅᖃᑕᐅᔪᓂᒃ ᓄᓇᕗᒻᒥ ᐃᓄᓐᓄᑦ ᓄᓇᓂᒃ ᐊᒻᒪ ᐃᑲᔫᑎᒃᓴᓂᒃ ᐃᓚᒋᔭᐅᓪᓗᑎᒃ ᖃᐅᔨᓴᖅᑐᓕᕆᓂᕐᒥᒃ−ᑐᙵᕕᓖᑦ ᐱᓕᕆᔨᒻᒪᕆᑦ ᐊᒻᒪ ᐱᓕᕆᔾᔪᑎᓄᑦ ᐃᖅᑲᓇᐃᔮᑦ, ᐊᑐᐊᒐᓕᕆᓂᕐᒧᑦ ᐃᖅᑲᓇᐃᔮᑦ, ᐊᒻᒪ ᐱᓕᕆᐊᒃᓴᓂᒃ ᐊᓪᓚᕝᕕᓕᕆᓂᕐᒧᑦ ᐃᖅᑲᓇᐃᔮᑦᓴᐃᑦ. ᑖᒃᑯᐊ ᐃᖅᑲᓇᐃᔮᑦ ᐊᔾᔨᒌᖏᑦᑐᓂᒃ ᖁᑦᓯᓂᓖᑦ ᐃᑎᕐᐸᓪᓕᐊᓂᕐᒧᑦ ᐊᐅᓚᑦᓯᔨᐅᓂᒃᑯᑦ.
ᖃᓄᐃᒻᒪᑦ ᑖᒃᑯᐊ ᐃᖅᑲᓇᐃᔮᑦ ᐊᑐᐃᓐᓇᕈᖅᐸᓪᓕᐊᕙᑦ?
ᓄᑖᑦ ᐃᖅᑲᓇᐃᔮᒃᓴᑦ ᐊᑐᐃᓐᓇᐅᓕᕐᓂᐊᖅᑐᑦ ᓄᓇᕗᑦ ᒐᕙᒪᒃᑯᓐᓂ ᓇᖕᒥᓂᖅᓱᕐᓂᖅ ᐱᒋᐊᓪᓚᓚᐅᖅᑎᓪᓗᒍ −− ᓄᓇᕗᒻᒥ ᑭᒃᑯᑐᐃᓐᓇᓄᑦ ᓄᓇᖁᑎᒋᔭᐅᔪᑦ (ᓄᓇ) ᓅᑕᐅᓂᖏᑦ ᐊᒻᒪ ᓄᓇᒥᙶᖅᑐᑦᑲᓇᑕᐅᑉ ᒐᕙᒪᒃᑯᖏᓐᓂ ᓄᓇᕗᑦ ᒐᕙᒪᖓᓄᑦ. ᐊᖏᖃᑎᒌᒍᑕᐅᔪᖅ ᐊᐃᕙᔾᔪᑕᐅᓯᒪᔪᖅ ᐊᑎᓕᐅᖅᑕᐅᓯᒪᑦᓱᑎᓪᓗ ᓄᓇᕗᑦ ᒐᕙᒪᒃᑯᖏᓐᓄᑦ, ᑲᓇᑕᐅᑉ ᒐᕙᒪᒃᑯᖏᓐᓄᑦ ᐊᒻᒪᓗ ᓄᓇᕗᑦ ᑐᓐᖓᕕᒃᑯᓐᓄᑦ ᑕᒪᓐᓇ ᓄᒃᑎᕆᓂᐅᔪᖅ ᑲᔪᓯᖁᓪᓗᒍ.
ᓇᖕᒥᓂᖅᓱᕐᓂᕐᒧᑦ ᖃᐅᔨᒃᑲᓐᓂᕈᒪᒍᕕᑦ, ᐅᕗᖓ ᑕᑯᒋᐊᕈᓐᓇᖅᐳᑎᑦ: https://www.gov.nu.ca/iu/devolution/nangminiqsurniup-miksaanut
ᖃᓄᐃᒻᒪᑦ ᓄᓇ ᐊᒻᒪ ᓄᓇᒥᙶᖅᑐᓂᒃ ᐊᐅᓚᑦᓯᓂᖅ ᐱᒻᒪᕆᐅᕙ ᓄᓇᕗᒻᒧᑦ?
ᓄᓇᒥᒃ ᐊᒻᒪ ᓄᓇᒥᙶᖅᑐᓂ ᐊᐅᓚᑦᓯᓂᖅ ᐱᔭᕆᐊᖃᕐᒪᑦ ᔭᒐᑎᑦᑎᑕᐃᓕᒪᓂᕐᒧᑦ, ᑲᔪᓯᑎᑦᑎᓂᕐᒧᓪᓗ ᖃᓄᐃᙱᑦᑎᐊᕐᓂᕐᒥᒃ ᐊᒻᒪ ᓱᓕᑦᑎᐊᕐᓂᖓᓂᒃ ᓄᓇᐅᑉ ᐊᒻᒪ ᐆᒪᔪᑦ ᓇᔪᒐᖏᑦ, ᐊᒻᒪᓗᑦᑕᐅᖅ ᐃᓕᖅᑯᓯᑐᖃᖏᑦ ᐊᒻᒪ ᐃᒻᒪᓂᓴᑐᖃᑦ ᐅᔾᔨᕐᓇᕐᓂᐅᔪᑦ. ᑖᒃᑯᐊ ᐱᓕᕆᐊᑦᓴᐃᑦ ᑲᒪᒋᔭᑦᓴᐃᓪᓗ ᓴᐳᔾᔨᓂᕐᒧᑦ ᑲᒪᒋᔭᖃᕐᓂᕐᒧᓪᓗ ᓄᓇᒥ ᐃᓛᓐᓂᒃᑯᑦ ᑕᐃᔭᐅᖃᑦᑕᕐᓂᕐᒧᑦ ᓄᓇ “ᑲᒪᒋᖃᑦᓯᐊᕐᓂᕐᒧᑦ” ᐅᕝᕙᓘᓐᓃᑦ “ᐱᓯᒪᑦᓯᓂᕐᒧᑦ” ᐱᒻᒪᕆᐅᑦᓱᑎᓪᓗ ᐊᑦᑐᐊᖃᑎᒌᓐᓂᕐᒧᑦ ᐃᓄᐃᑦ ᖃᐅᔨᒪᔭᑐᖃᖏᑦ ᐊᒻᒪᓗ ᐃᓄᐃᑦ ᓇᒻᒥᓂᖅ-ᐱᔪᒪᓂᖃᕐᓂᕐᒧᑦ.
ᓇᓕᐊᑦ ᑲᑐᔾᔨᖃᑎᒌᑦ ᑕᒪᑐᒥᖓ ᐱᓕᕆᐊᖑᕙᓪᓕᐊᔪᒪᔪᑦ?
ᐃᓄᙳᖅᓴᐃᕕᒃ ᐃᓚᒋᔭᐅᔪᖅ ᐊᓯᔾᔨᖅᐸᓪᓕᐊᓂᕐᒧᑦ ᐃᖅᑲᓇᐃᔭᖅᑐᓕᕆᓂᕐᒧᑦ ᐱᕙᓪᓕᐊᓂᕐᒧᑦ ᖃᓄᖅᑑᕈᑎᒥᒃ ᓇᒻᒥᓂᖅᓱᕐᓂᕐᒧᑦ ᐋᖅᑭᒃᑕᐅᔪᖅ ᑲᑐᔾᔨᖃᑎᒌᑦᓱᑎᒃ ᓄᓇᕗᒻᒥ ᒐᕙᒪᒃᑯᓐᓄᑦ, ᓄᓇᕗᑦ ᑐᙵᕕᒃᑯᓐᓄᑦ, ᑲᓇᑕᐅᑉ ᒐᕙᒪᒃᑯᖏᓐᓄᓪᓗ.