Janet Hudson's Story
ᐅᑭᐅᖅᑕᖅᑐᖅ
ᐃᓗᐊᖅᓴᐃᔨᐅᓂᖕᒥᑦ ᐃᓕᓐᓂᐊᕐᑎᓪᓗᖓ 1990 ᐱᒋᐊᕐᓂᖏᓐᓂᑦ ᖁᕕᐊᒋᓛᕆᓚᐅᕐᓯᒪᔭᕋ Northern Exposure ᑕᓚᕖᓴᒃᑯᑦ. ᖃᐅᔨᒪᐃᓐᓇᐅᔭᓚᐅᕐᓯᒪᔪᖓ ᐅᖓᓯᒃᑐᒥᑦ ᐅᑭᐅᖅᑕᖅᑐᒥ ᐃᓗᐊᖅᓴᐃᔨᐅᓛᕈᒪᓪᓗᖓ. ᑭᓯᐊᓂᓕ, ᐊᕐᕌᒍᓄᑦ 30−ᓄᖓᓴᒃ ᐱᓇᓱᓚᐅᕐᐸᕋ.
ᑖᒃᑯᓇᓂ ᐊᕐᕌᒍᓂ 30−ᓂᑦ, ᐃᖅᑲᓇᐃᔭᓚᐅᕐᐳᖓ ᐋᓐᓂᐊᕐᑐᒻᒪᕆᒃᑯᕕᖕᒥᑦ ᐊᒥᐊᓕᒐᑦ ᓂᒋᐊᓂᑦ ᐅᑎᕐᖢᖓᓗ ᑲᓇᑕᒧᑦ. ᖁᕕᐊᒋᒻᒪᕆᓚᐅᕐᑕᕋ ᐋᓐᓂᐊᕐᑐᒻᒪᕆᒃᑯᕕᖕᒥᑦ ᐃᓗᐊᖅᓴᐃᔨᐅᓂᖅ ᓂᕆᐅᒻᒪᕆᓚᐅᕐᖢᖓᓗ ᐃᖅᑲᓇᐃᔮᕋ ᐃᓱᓕᓛᕋᒃᑯ ᐋᓐᓂᐊᕐᑐᒻᒪᕆᒃᑯᕕᖕᒥᑦ ᐃᓐᓇᑐᖃᕐᓯᐅᑎᕋᓛᖃᕐᓗᓂ. ᑭᓯᐊᓂᓕ, ᓄᓇᕐᔪᐊᒥᑦ ᖃᓂᒪᓂᖃᓕᕐᒪᑦ, ᐊᒥᓱᑎᑐᑦ ᐃᖅᑲᓇᐃᔭᖃᑎᑐᑦ, ᑕᖃᓇᕐᓯᑲᐅᕐᑐᓚᐅᕐᐳᖅ ᕿᓚᒥᐊᓗᒃ. ᕿᑐᕐᖓᒃᑲ ᐃᓐᓇᐅᓕᕐᖢᑎᒃ, ᐃᓱᒪᓕᓚᐅᕐᐳᖓ ᒪᓐᓇ ᐱᕕᒃᓴᕋ ᖃᐅᔨᓇᓱᒃᓗᖓ ᐅᑭᐅᖅᑕᖅᑐᒥ ᐃᓗᐊᖅᓴᐃᔨᐅᓂᖕᒥᑦ ᐱᔪᒥᒋᑦᑎᐊᓚᕐᓯᒪᔭᓐᓂᑦ ᒪᒃᑯᒃᑎᓪᓗᖓ.
ᑐᓴᕋᓱᑲᑕᓚᐅᕐᖢᖓᓗ ᖃᐅᔨᓴᕐᖢᖓᓗ, ᐃᖅᑲᓇᐃᔮᕆᓯᒪᔭᖏᑦ ᑎᑎᕋᖅᓯᒪᔪᑦ ᓇᒃᓯᐅᑎᓚᐅᕐᐸᕋ ᒪᕐᕉᖕᓄᒃ ᐊᕕᒃᑐᕐᓯᒪᔪᓄᑦ ᓄᓇᕗᒻᒥᑦ. ᐊᒃᓱᕈᕐᓇᓚᐅᕐᑐᖅ ᐊᐱᖅᓱᖅᑕᐅᓪᓗᖓ ᐊᓕᐊᓇᐃᒍᓱᒻᒪᕆᒃᖢᖓᓗ ᐃᖅᑲᓇᐃᔮᖅᑖᕋᒪ ᐃᖅᑲᓇᐃᔭᓚᐅᑲᒐᒃᓴᒥ ᓄᓇᓕᖕᓂ ᐋᓐᓂᐊᓯᐅᑎᐅᓂᖕᒥᑦ ᕿᑎᖕᒥᐅᓂᑦ ᖁᔭᓕᑦᑎᐊᕐᖢᖓᓗ ᐃᖅᑲᓇᐃᔭᕐᕕᖕᒥᑦ ᐱᕕᖃᕐᑎᑕᐅᓚᐅᕋᒪ. ᖃᐅᔨᓚᐅᙱᑎᓪᓗᖓ ᓱᓕ, ᖃᖓᑕᓲᕐᒦᓕᓚᐅᕐᐳᖓ ᓄᓇᕗᒻᒧᑦ.
ᓇᒥᓪᓕ ᐱᒋᐊᕐᓂᐊᓕᕋᒪ ᐃᓅᓯᕋ ᐊᓯᔾᔨᕐᖢᓂ ᖃᖓᑕᓲᒥ ᓂᐅᒐᒪ ᒪᐃ 2021−ᒥᑦ! ᓯᕗᓪᓕᖅᐹᖅ ᐃᓄᒃ ᑕᑯᔭᕋ ᓯᕗᓪᓕᕐᒥᑦ ᐃᖅᑲᓇᐃᔮᓐᓂᑦ ᐋᓐᓂᐊᓯᐅᑎᑐᖃᒻᒪᕆᒃ ᐅᓂᒃᑳᑦᑎᐊᕐᖢᓂᓗ ᐅᑭᐅᖅᑕᖅᑐᒥᑦ ᐃᓗᐊᖅᓴᐃᔨᐅᓂᖕᒥᑦ ᐅᕙᓐᓄᑦ. ᐊᓕᐊᓇᐃᒍᓱᒃᖢᖓᓗ ᑲᑉᐱᐊᓱᓚᐅᕐᐳᖓᓗ ᖃᓄᐃᓕᖕᒪᖔᑦ ᐅᕙᓐᓂᑦ.
ᓱᓕᔪᑦ ᐃᓕᑕᒃᑲ ᓯᕗᓪᓕᕐᒥ ᐊᕐᕌᒍᒥᑦ ᓄᓇᓕᖕᓂᑦ ᐋᓐᓂᐊᓯᐅᑎᐅᓪᓗᖓ ᓄᓇᕗᒻᒥᑦ:
ᓱᓕᑦᑎᐊᕐᖢᖓ, ᐅᓇ ᐃᖅᑲᓇᐃᔮᖅ ᑭᒃᑯᑐᐃᓐᓇᕐᓅᙱᑦᑐᖅ.
ᐊᒃᓱᕈᕐᓂᕐᓴᐅᓗᑎᑦ ᐃᖅᑲᓇᐃᔭᕐᓂᐊᕐᑐᑎᑦ ᐃᓅᓯᕐᓂᑦ.
ᐃᓕᓐᓂᐊᕐᑐᑎᑦ ᖃᓄᑎᒋ ᐱᓕᕆᔪᓐᓇᕐᒪᖔᕐᐱᑦ ᓯᓂᓚᐅᙱᓪᓗᑎᑦ. ᐊᑐᐃᓐᓇᐅᓂᖅ ᐃᖅᑲᓇᐃᔭᕐᓇᐅᑉ ᓯᓚᑖᒍ ᐊᒃᓱᕈᕐᓇᖅᑐᖅ!
ᐱᐅᓱᒋᓐᓇᙱᑦᑐᒥ ᓂᕆᒋᐊᓕᕆ ᐸᐃᒥ ᖃᐅᔨᒪᓂᕐᓴᐅᓇᓱᒋᒍᕕᑦ ᑕᑯᓯᒪᓂᕐᓴᐅᓇᓱᒋᒍᕕᓪᓘᓐᓃᑦ.
ᐃᖅᑲᐅᒪᓂᐊᕐᐳᑎᑦ ᐳᓛᕐᑎᐅᒐᕕᑦ ᐅᑯᓇᓂ ᐅᖓᓯᒃᑐᓂᑦ ᓄᓇᓕᖕᓂᑦ.
ᐊᐱᕆᔭᐅᒐᔪᒃᑐᖓ ᐱᖃᓐᓇᕆᔭᓐᓄᑦ ᐃᓚᓐᓄᓪᓗ “ᖃᓄᐃᒻᒪᑦ?”
ᓄᓇᕐᔪᐊᒥ ᑕᐃᒫ ᐊᑐᓚᐅᕐᓯᒪᙱᓚᖓ ᐃᓗᐊᖅᓴᐃᔨᐅᓪᓗᖓ. ᐃᖅᑲᓇᐃᔭᖃᑦᑕᕐᐳᖓ ᐊᔪᙱᓐᓂᓕᒫᓐᓂᑦ ᐱᐅᓯᐅᔪᒥᑦ ᐃᓕᑦᑎᒻᒪᕆᐊᓗᒃᖢᖓᓗ ᐊᕐᕌᒍᒥ ᐊᑕᐅᓯᖕᒥᑦ ᑕᒡᕙᙵᑦ ᐊᕐᕌᒍᑦ 30 ᐃᖅᑲᓇᐃᔭᕐᑕᓐᓂᑦ. ᐃᖅᑲᓇᐃᔭᕐᑎᒻᒪᕆᐅᓪᓗᓂ ᓇᖕᒥᓂᕐᓗ ᖁᕕᐊᓇᕈᑕᐅᔪᑦ ᐱᓕᕆᕐᔪᐊᖅᖢᖓ ᐃᓗᐊᕆᔭᒪ ᓯᓚᑖᓂ ᐊᔾᔨᖃᙱᑦᑐᖅ. ᑕᐃᒪᐃᓕᐊᓪᓚᓚᐅᕐᖢᖓ, ᐃᓕᑦᑎᕙᓪᓕᐊᓂᖅ ᓯᕕᑐᔪᖅ ᑕᒻᒪᕐᖢᓂᓗ ᐅᐊᑲᓪᓛᓗᒃ.
ᐊᓕᐊᓇᐃᑦᑐᒻᒪᕆᖕᓂᑦ ᐊᑐᕐᓯᒪᕗᖓ ᐊᑐᕋᔭᓚᐅᙱᑕᓐᓂᑦ ᓇᒥᑐᐃᓐᓇᖅ. ᑐᐊᕕᕐᓇᓪᓚᑦᑖᕐᑐᓕᕆᓂᖕᓂᑦ ᐋᓐᓂᐊᕕᓕᐊᕐᑐᑦ ᑐᐊᕕᖕᓇᕐᑐᓄᑦ ᖃᖓᑕᓲᓕᐊᕈᔾᔨᓂᖅ, ᑭᒍᑕᐃᕐᓯᖁᔭᐅᓚᐅᕐᓂᖅ, ᓄᔭᐃᔭᐃᖁᔭᖑᓂᖅ, ᕿᒻᒥᐊᕐᔪᓂᓪᓘᓐᓃᑦ ᐃᕐᓂᓱᒃᓰᓗᓂ − ᑭᐱᙳᓇᕐᑐᖃᓚᐅᕐᓯᒪᙱᑦᑐᖅ! ᐃᓱᒪᓚᐅᕐᓯᒪᙱᑐᑦ ᐱᓕᕆᓇᔭᕐᑕᓐᓂ ᐱᓕᕆᐊᓐᓂ, ᓱᓕᒃᑲᓐᓂᐅᓂᐊᕐᑐᒃᓴᐅᒋᕗᑦ ᐊᒡᒋᖅᑐᑦ.
ᐃᓕᖅᑯᓯᖕᒧᑦ ᖃᐅᔨᓴᕐᓯᒪᔭᓐᓂ ᐅᕙᓐᓂᑦ, ᐃᓄᒻᒪᕐᓗᒃᖢᖓ ᐃᓄᒻᒪᕆᒃᖢᖓᓗ, ᑕᐃᒪᐃᒻᒪᑦ ᐅᑭᐅᖅᑕᖅᑐᖅ ᓈᒻᒪᑦᑎᐊᕐᓯᒪᔪᖅ ᐅᕙᓐᓄᑦ. ᖃᐅᔨᓯᒪᔪᖓ ᐃᖅᑲᓇᐃᔭᕐᑎᐅᖃᑎᑦᑎᐊᕙᒻᒪᕆᐊᓗᖕᓂᑦ ᑕᒫᓂ, ᑭᓯᐊᓂᓕ ᐃᖅᑲᓇᐃᔭᖅᑎᐅᖃᑎᑑᖏᑦᑐᑦ ᑕᑯᔭᒃᑲ ᐅᑭᐅᖅᑕᖅᑐᒥᑦ.
ᑲᔪᓯᔪᒪᓂᖃᑦᑎᐊᕆᐊᖃᕐᑐᑎᑦ ᖃᖓᑕᓲᕐᒥᑦ ᓂᐅᒍᕕᑦ ᖃᐅᔨᒪᓗᑎᒃ ᖃᖓᑦᑕᕐᕇᕐᓂᐊᕐᑐᖅ, ᕿᒪᒃᑕᐅᓗᑎᑦ ᓄᑖᒧ ᓄᓇᓕᖕᒧᑦ ᖃᐅᔨᒪᔭᖃᔮᖏᓪᓗᑎᑦ. ᖁᕕᐊᒋᑦᑎᐊᕐᑕᕋ ᓇᕈᓇᖕᓂᖅ ᖁᕕᐊᒋᓪᓗᒋᓪᓗ ᓇᕈᒍᒻᒪᐃᑦ ᐃᓄᐃᑦ. ᐱᖃᓐᓇᕆᔭᖅᑖᕐᓯᒪᔪᖓ ᕿᓚᒥᐊᓗᒃ. ᐊᒡᓛᑦ, ᐅᑎᓵᕐᑐᖓ ᑲᓇᑕᐅᑉ ᓯᓚᑖᓂ ᐳᓛᕐᖢᖓ ᐃᓗᐊᖅᓴᐃᔨᒥ ᖃᐅᔨᓚᐅᕐᑕᓐᓂ ᐃᖅᑲᓇᐃᔭᕐᖢᖓ ᐊᐅᔭᐅᓚᐅᕐᑐᖅ.
ᐃᓄᑐᐊᖑᓂᖅ ᐅᑭᐅᖅᑕᖅᑐᒥᑦ ᐱᓪᓚᑦᑖᖑᔪᖅ ᓈᒻᒪᒋᔭᕆᐊᖃᕐᖢᒍᓗ. ᐃᓕᑦᑎᓂᐊᕐᑐᒻᒪᕆᐅᔪᑎᑦ ᐃᒡᕕᑦ ᒥᒃᓵᓄ ᓂᕆᐅᒃᐳᖓᓗ ᐱᐅᒋᐊᕐᐸᐃᑦ ᓇᓂᔭᑦ. ᑲᒪᒻᒪᕆᒃᑐᖓ ᖃᓄᑎᒋ ᖁᕕᐊᒋᖕᒪᖔᒍ ᐃᓄᑑᓪᓗᓂ ᐃᖅᑲᓇᐃᔭᕐᖢᓂ. ᑕᐃᒪᐃᓗᐊᒧ ᒫᓐᓴ ᖃᐅᔨᓇᓱᒃᑲᓐᓂᓕᕐᑐᖓ ᐃᓅᔭᕆᐊᒃᓴᖅ ᓄᓇᓕᐸᐅᔭᒥᑦ.
ᐱᐅᓛᑦᑎᐊᕐᓗ ᑭᖑᓪᓕᖅᐹᖅ - ᐱᕕᖃᕐᑎᑕᐅᔪᓐᓇᑦᑎᐊᕆᕙᕋ ᐅᖓᓯᒃᑐᓄᑦ ᐅᑭᐅᑕᖅᑐᒧᑦ ᕼᐋᒻᓚᑦᑯᓐᓄᐊᕆᐊᒃᓴᖅ, ᑭᓯᐊᓂ ᐊᑐᕐᓗᒋᑦ ᖃᐅᑕᒫᑦ ᐃᓅᖅ ᑲᒪᓇᕐᑐᓂ ᐱᔾᔪᑎᒃᓴᖃᑦᑎᐊᕐᑐᓂᑦ ᐃᓄᐃᑦ ᓄᓇᓕᖏᓐᓂᑦ. ᑕᐅᑐᒃᐸᒃᖢᒋᑦ ᓄᓇᓕᖕᒥᐅᑦ ᐅᑎᕐᑐᑦ ᐊᖑᓇᓱᓚᐅᕐᖢᑎᒃ, ᐃᓚᐅᖃᑕᐅᓪᓗᖓ ᐃᓚᒌᓂ ᐃᖃᓪᓕᐊᕐᑐᓂ, ᓇᖏᑐᐃᓐᓇᕐᖢᖓᓘᓐᓃᑦ ᐊᕐᓴᕐᓂᑦ ᐊᑖᓂ, ᐊᑐᕐᑕᐅᔪᓐᓇᕐᑐᑐᐊ ᐃᓚᐃᓐᓇᖏᓐᓄᑦ. ᐅᑭᐅᖅᑕᖅᑐᒥ ᐱᐅᔪᒻᒪᕆᐊᓗᐃᑦ ᐃᓕᖅᑯᓯᖏᑦ ᐊᓯᔾᔨᕐᑐᑦ ᑖᑯᐊ ᐃᓐᓇᑐᖃᐃᑦ ᒪᒃᑯᒃᑐᓪᓗ. ᐃᓅᓯᖃᕐᐳᖓ ᒪᒃᐱᕐᑐᒐᓂ ᑲᓇᑕᒥ ᐅᖃᓕᒫᒐᕐᓂᑦ ᐃᓕᓐᓂᐊᕐᕕᒋᔭᕋ ᖃᐅᑕᒫᑦ. ᐋᓐᓂᐊᓯᐅᑎᑐᖃ ᑕᑯᓚᐅᕐᓯᒪᔭᕋ ᓯᕗᓪᓕᖅᐹᒥ ᐃᖅᑲᓇᐅᕆᐊᕐᑎᓪᓗᖓ ᑭᑭᑦᑎᓚᐅᕐᒪᑦ ᐃᓚᖏᓐᓂᑦ “M’s” ᑎᑎᖅᑲᖏᓐᓂᑦ ᒫᓐᓇᒨᖓᒐᒪ, ᐊᔾᔨᐅᓇᖓ ᐃᓅᓪᓗᖓ.