ᓇᓗᓇᐃᖅᑕᐅᔪᖅ ᖁᐃᖅᓱᑰᔨᓐᓇᖅᑐᖃᕐᓂᖓᓂᒃ ᑲᓇᐃᑎᐊᓐ ᓄᐊᑦᑯᑦ ᖃᖓᑕᓂᕆᔭᖓᓂ 4119
ᑭᖑᓪᓕᖅᐹᒥᒃ ᓄᑖᙳᕆᐊᖅᑎᑕᐅᓚᐅᖅᑐᖅ ᕿᑎᖅᑰᑦ, ᒫᔾᔨ 21, 2024
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᓄᓇᕗᒻᒥᐅᓂᑦ ᑐᓴᖁᔨᕗᑦ ᓇᓗᓇᐃᖅᑕᐅᔪᒥᒃ ᖁᐃᖅᓱᑰᔨᓐᓇᖅᑐᖅ ᑲᓇᐃᑎᐊᓐ ᓄᐊᑦᑯᑦ ᖃᖓᑕᓂᕆᔭᖓᓂ 4119 ᐃᖃᓗᖕᓂᑦ ᑲᖏᖅᖠᓂᕐᒧᑦ ᒫᑦᓯ 9, 2024−ᒥᑦ. ᓄᓇᕘᑉ ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᖓ ᐅᖃᐅᔾᔨᕗᖅ ᑭᓇᑐᐃᓐᓇᒥᒃ ᓄᒃᑕᖅᑐᐃᓐᓇᖅ ᖃᖓᑕᓲᒃᑰᓚᐅᖅᑐᖅ ᐃᖃᓗᖕᓂ ᑲᖏᖅᖠᓂᕐᒧᑦ ᖃᖓᑕᓂᕆᔭᐅᔪᒥ, ᑭᓯᐊᓂᓗᑦᑕᐅᖅ ᐱᓗᐊᙳᐊᖅᖢᓂ ᑕᐃᒃᑯᐊ ᐃᒃᓯᕚᖅᑐᑦ 1-4−ᒥ, ᓇᐅᑦᑎᖅᓱᖅᓯᖁᓪᓗᒋᑦ ᖃᐅᔨᔾᔪᑕᐅᔪᓐᓇᖅᑐᓂᒃ.
ᐋᓐᓂᐊᕐᕕᔅᓯᓐᓄᑦ ᐅᖃᓗᑲᐅᑎᒋᓗᑎᑦ ᖃᖓᑕᖃᑕᐅᓚᐅᕈᕕᑦ ᐱᓗᐊᙱᑦᑐᒥᒃ ᖁᐃᖅᓱᑲᑕᒡᓗᑎᓪᓗ, ᑕᒋᐅᒃᓴᑲᑕᒡᓗᑎᑦ, ᑲᒃᑭᓕᑲᑕᒡᓗᑎᓪᓘᓐᓃᑦ. ᐊᓯᖏᑦ ᖃᐅᔨᔾᔪᑕᐅᔪᓐᓇᖅᑐᑦ ᐅᑯᐊᖑᕗᑦ:
- ᖁᐃᖅᓱᖃᑦᑕᒡᓗᓂ ᐱᓇᓱᐊᕈᓯᐅᑉ ᐅᖓᑖᓂ.
- ᖁᐃᖅᓱᓚᐅᕐᓗᓂ ᓂᐱᒋᒐᔪᙱᑕᒥᓂᒃ ᓂᓪᓕᖅᑐᖃᓕᖅᐸᒡᓗᓂ ᓲᓪᓗ "ᖁᐃᖅᓱᑰᔨᓗᓂ".
- ᐊᓂᕐᓂᑭᓪᓗᓂ.
- ᖁᐃᖅᓱᐊᓂᒃᑳᖓᑦ ᒥᕆᐊᖅᓴᓕᖅᐸᒡᓗᓂ.
- ᐅᓐᓄᐊᒃᑯᑦ ᖁᐃᖅᓱᕐᓂᖅᓴᐅᖃᑦᑕᕐᓗᓂ.
- ᐆᓇᕐᓂᖓ (39°C ᐅᖓᑖᓄᓪᓗ) ᑎᑭᐅᑎᑲᑕᒡᓗᓂ ᐅᓪᓗᑦ ᐱᖓᓱᑦ ᐅᖓᑖᓄᑦ.
ᖁᐃᖅᓱᑰᔨᓐᓇᖅᑐᖅᑖᖅᑕᐃᓕᔪᓐᓇᖅᐳᑎᑦ ᐋᓐᓂᐊᓕᕇᒃᑯᑎᒧᑦ ᑲᐱᔭᐅᓗᑎᑦ. ᐃᓄᐃᑦ ᖃᐅᔨᒋᐊᕆᐊᖃᖅᐳᑦ ᐋᓐᓂᐊᓕᕇᒃᑯᑎᒧᑦ ᑲᐱᔭᐅᔾᔪᑎᖏ ᐊᙳᒻᒪᑎᒐᓗᐊᕐᒪᖔᑕ. ᐅᑯᐊ ᐅᔾᔨᖅᓱᕈᑎᑦ:
- ᐊᒡᒐᑎᑦ ᐅᐊᓴᕋᔪᒡᓗᒋᑦ.
- ᐊᐃᕐᓄᑦ ᒪᑐᐊᕐᓗᑎᑦ ᖁᐃᖅᓱᖅᐸᒡᓗᑎ ᐅᕝᕙᓘᓐᓃᑦ ᑲᒃᑭᐅᑎᒃᓴᒧᑦ.
- ᓂᕆᔭᑎᑦ, ᓂᐅᖅᑲᖅᑕᑎᑦ ᐊᒥᖅᑳᖅᐸᙱᓪᓗᒋᑦ, ᓂᕆᔾᔪᑎᑎᑦ ᐅᕙᓘᓐᓃᑦ ᑭᒍᑎᓯᐅᑎᑎᑦ.
ᖁᐃᖅᓱᑰᔨᓐᓇᖅᑑᑉ ᒥᒃᓵᓄᑦ ᑐᑭᓯᒋᐊᒃᑲᓐᓂᕈᒪᓐᓂᕈᕕᑦ ᐅᑯᐊ ᐅᖃᓕᒫᕈᓐᓇᖅᑕᑎᑦ ᐅᕙᓂ ᖁᐃᖅᓱᑰᔨᓐᓇᖅᑑᑉ ᖃᓄᐃᑦᑑᓂᖓ ᐊᑐᐃᓐᓇᔪᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐃᑭᐊᖅᑭᕕᖓᓂ.