ᓄᓇᕗᒻᒥ ᐃᓕᓐᓂᐊᖅᑎᑦ ᑮᓇᐅᔭᖃᖅᑎᑕᐅᓂᖏᓐᓄᑦ ᐃᑲᔫᑎᓄᑦ ᓇᓗᓇᐃᕈᑎ ᐊᑎᓕᐅᖅᑕᐅᓂᕐᒧᑦ ᐅᐱᕐᖓᑦᓵᒃᑯᑦ/ᐅᐱᕐᖔᒃᑯᑦ ᐃᓕᓐᓂᐊᕐᓇᒧᑦ
ᐃᖅᑲᐃᑎᑦᓯᒋᐊᕈᑎ ᓄᓇᕗᒻᒥ ᐃᓕᓐᓂᐊᖅᑎᑦ ᑮᓇᐅᔭᖃᖅᑎᑕᐅᓂᖏᓐᓄᑦ ᐃᑲᔫᑏᑦ (FANS) ᐱᖃᑦᑕᕐᑐᑦ ᓇᓗᓇᐃᕈᑎ ᐊᑎᓕᐅᖅᑕᐅᓂᕐᒧᑦ ᐅᐱᕐᖓᑦᓵᒃᑯᑦ/ᐅᐱᕐᖔᒃᑯᑦ ᐃᓕᓐᓂᐊᕐᓇᒧᑦ. ᓇᓗᓇᐃᒃᑯᑎ ᐃᓕᓐᓂᐊᕐᓂᖕᒧᑦ ᐱᔭᐅᔭᕆᐊᖃᕐᐳᖅ ᐊᑭᓕᕐᓱᖅᑕᐅᖏᓐᓇᕐᓂᐊᕐᓗᓂ ᐊᒻᒪᓗ ᐱᓂᐊᕐᓗᑎᑦ ᐅᐱᕐᖓᑦᓵᒃᑯᑦ/ᐅᐱᕐᖔᒃᑯᑦ ᐃᓕᓐᓂᐊᕈᑎᓄᑦ ᑮᓇᐅᔭᓂᒃ ᐱᒋᐊᓕᕐᐸᑦ ᐃᓕᓐᓂᐊᕋᑦᓴᐃᑦ.
ᐃᓕᓐᓂᐊᖅᑏᑦ ᐃᓕᓐᓂᐊᖅᑐᑦ ᐊᓯᐊᓂᑦ ᓄᓇᕗᑦ ᓯᓚᑦᑐᖅᓴᕐᕕᐅᑉ (NAC) ᑐᓂᓯᔭᕆᐊᖃᖅᑐᑦ ᓄᓇᕗᒻᒥ ᐃᓕᓐᓂᐊᖅᑎᑦ ᑮᓇᐅᔭᖃᖅᑎᑕᐅᓂᖏᓐᓄᑦ ᐃᑲᔫᑎᓄᑦ ᐃᓕᓐᓂᐊᖅᑎᓄᑦ ᐊᑎᓕᐅᖅᑕᐅᓂᕐᒧᑦ ᑕᑕᑎᕆᐊᓕᒻᒥᒃ (SEF) ᓄᓇᕗᒻᒥ ᐃᓕᓐᓂᐊᖅᑎᑦ ᑮᓇᐅᔭᖃᖅᑎᑕᐅᓂᖏᓐᓄᑦ ᐃᑲᔫᑏᑦ ᐊᓪᓚᕝᕕᖓᓄᑦ.
ᐃᓕᓐᓂᐊᖅᑏᑦ ᐃᓕᓐᓂᐊᖅᑐᑦ ᓄᓇᕗᒻᒥ ᓯᓚᑦᑐᖅᓴᕐᕕᒻᒥ ᑐᓂᓯᔭᕆᐊᖃᖅᐳᑦ ᐊᑎᓕᐅᖅᑕᐅᓂᕐᒧᑦ ᓇᓗᓇᐃᖅᑕᐅᓂᕐᒥᒃ (EV) ᑕᑕᑎᕆᐊᓕᒻᒥᒃ. ᓇᓗᓇᐃᒃᑯᑕᖅ ᑎᑎᕋᕐᕕᒃᓴᖅ, ᖃᓄᐃᓕᐅᕆᐊᓕᓪᓗ, ᐱᔭᐅᔪᓐᓇᕐᑐᑦ ᐃᓕᓐᓂᐊᕐᑎᓄᑦ ᐃᒻᒥᓂ ᐱᔨᑦᓯᕋᕐᕕᒃᑯᑦ.
ᐃᓕᓐᓂᐊᖃᑕᐅᓂᐊᖅᑐᓄᑦ ᑎᑎᕋᕆᐊᓕᒃ ᐊᒻᒪ ᐃᓕᓐᓂᐊᖃᑕᐅᓂᐊᖅᑐᓄᑦ ᓇᓗᓇᐃᖅᓯᔾᔪᑎ ᐃᕐᙲᓐᓈᖅᑕᐅᒃᑯᑦ ᓇᒃᓯᐅᔾᔭᐅᔪᓐᓇᖅᑐᖅ ᐅᕗᖓ:
ᑐᓂᓯᒍᕕᑦ ᐃᓕᓐᓂᐊᕐᑎᓄᑦ ᐊᑎᓕᐅᖅᑕᐅᓂᕐᒧᑦ ᑕᑕᑎᕆᐊᓕᒻᒥᒃ ᐅᕝᕙᓘᓐᓃᑦ ᓇᓗᓇᐃᖅᑕᐅᓂᕐᒥᒃ ᑕᑕᑎᕆᐊᓕᒻᒥᒃ ᐃᓱᒪᓕᐅᕐᓂᕈᕕᓪᓗ ᐅᑎᕈᒪᖏᓐᓂᕐᒧᑦ ᐅᐱᕐᖓᑦᓵᕐᒥ ᐃᓕᓐᓂᐊᕐᓂᕐᒧᑦ, ᖃᐅᔨᒃᑲᐃᑦᓴᐅᑎᒋᔭᕆᐊᖃᖅᑐᑎᑦ ᓄᓇᕗᒻᒥ ᐃᓕᓐᓂᐊᖅᑎᑦ ᑮᓇᐅᔭᖃᖅᑎᑕᐅᓂᖏᓐᓄᑦ ᐃᑲᔫᑎᓄᑦ ᖁᔭᓈᖅᑕᐅᑎᓪᓗᒍ ᐅᐱᕐᖓᑦᓵᒧᑦ ᑮᓇᐅᔭᖃᖅᑎᑕᐅᓂᕐᒧᑦ. ᑕᐃᒪᐃᙱᒃᑯᕕᑦ ᐅᑎᕐᑎᑦᑎᔭᕆᐊᖃᓛᕐᑐᑎᑦ ᑮᓇᐅᔭᖅᑎᒍᑦ ᐃᑲᔫᑏᑦ ᓄᓇᕗᒻᒥ ᐃᓕᓐᓂᐊᖅᑎᓄᑦ.