ᓄᕙᒡᔪᐊᕐᓇᖅ-19−ᒧᑦ ᑲᐱᔭᐅᕝᕕᒃᓴᑦ
ᐃᓄᖕᓄᑦ ᑐᓴᒐᒃᓴᖅ ᒐᕙᒪᒃᑯᓐᓂ
ᓄᕙᒡᔪᐊᕐᓇᖅ-19−ᒧᑦ ᑲᐱᔭᐅᕝᕕᒃᓴᑦ
ᓄᕙᒡᔪᐊᕐᓇᖅ-19−ᒧᑦ ᑲᐴᑦ ᓄᓇᕗᒻᒥ ᓴᐳᔾᔨᔾᔪᑎᑦᑎᐊᕙᐅᓛᖑᕗᖅ ᖃᓂᒪᓐᓇᒧᑦ, ᓄᓇᕗᒻᒥᐅᓕᒫᓪᓗ ᑲᐱᔭᐅᖁᔭᐅᕗᑦ ᐊᔪᕐᓇᕈᓐᓂᑐᐊᖅᐸᑦ.
ᑲᐱᔭᐅᑎᑦᑎᑲᑕᒃᑐᑦ ᐊᐅᓚᑦᑎᓛᖅᑐᑦ ᓯᕗᓪᓕᕐᒥ ᑲᐱᔭᐅᔪᓄᑦ ᓄᕙᒡᔪᐊᕐᓇᖅ-19 ᐋᓐᓂᐊᓕᕇᒃᑯᑎᒧᑦ ᐅᑯᓇᓂ:
ᓄᓇᓕᒃ | ᐅᓪᓗᖅ | ᓇᓂ | ᖃᐅᔨᓴᐅᑦ | ᐅᖃᓘᑦ |
ᖃᒪᓂ'ᑐᐊᕐᒥ 18-ᓂ ᐅᖓᑖᓂᓪᓗ ᐅᑭᐅᓖᑦ | ᕕᕝᕗᐊᕆ 22-ᒥᑦ 25−ᒧᑦ | ᔫᓇ ᐊᒥ'ᓈᖅ | 9:00−ᒥ ᐅᓪᓛᒃᑯᑦ – 8:00−ᒧᑦ ᐅᓐᓄᒃᑯᑦ | 867-793-2816 |
ᑭᒻᒥᕈᑦ | ᒫᔾᔨ 1 | ᖃᖅᑲᓕᒃ ᐃᓕᓐᓂᐊᕐᕕᒃ | 9:00−ᒥ ᐅᓪᓛᒃᑯᑦ – 8:00−ᒧᑦ ᐅᓐᓄᒃᑯᑦ | 867-939-2217 |
ᕿᑭᖅᑕᕐᔪᐊᖅ | ᒫᔾᔨ 1ᐊᒻᒪ 2 | ᐃᓄᒃᓱᐃᑦ ᐃᓕᓐᓂᐊᕐᕕᒃ | 9:00−ᒥ ᐅᓪᓛᒃᑯᑦ – 8:00−ᒧᑦ ᐅᓐᓄᒃᑯᑦ | 867-927-8916 |
ᖁᕐᓗᒃᑑᖅ | ᒫᔾᔨ 1−ᒥᑦ 3-ᒧᑦ | ᔨᒥ ᕼᐃᑯᒃ ᐃᓕᓐᓂᐊᕐᕕᒃ | 9:00−ᒥ ᐅᓪᓛᒃᑯᑦ – 8:00−ᒧᑦ ᐅᓐᓄᒃᑯᑦ | 876-982-4531 |
ᑭᙵᐃᑦ−−ᐅᓪᓗᖓ ᐊᓯᔾᔨᖅᑐᖅ | ᒫᔾᔨ 3−ᒥᑦ 5-ᒧᑦ | ᑭᙵᐃᑦ ᐱᙳᐊᕐᕕᐊᓂ | 9:00−ᒥ ᐅᓪᓛᒃᑯᑦ – 8:00−ᒧᑦ ᐅᓐᓄᒃᑯᑦ | 867-897-8820 |
ᑕᓗᕐᔪᐊᖅ | ᒫᔾᔨ 9 ᐊᒻᒪ 10 | ᓇᑦᑎᓕᒃ ᐃᓕᓐᓂᐊᕐᕕᒃ | 9:00−ᒥ ᐅᓪᓛᒃᑯᑦ – 8:00−ᒧᑦ ᐅᓐᓄᒃᑯᑦ | 867-561-5111 |
ᐃᖃᓗᖕᓂ ᓯᕗᓪᓕᐅᑎᑕᐅᔪᑦ ᑲᑎᙵᔪᑦ | ᑲᔪᓯᓂᐊᖅᑐᖅ | ᐃᖃᓗᐃᑦ ᐅᖁᒪᐃᓐᓂᕐᓂᐊᕐᕕᐊᓂ | 9:00−ᒥ ᐅᓪᓛᒃᑯᑦ – 8:00−ᒧᑦ ᐅᓐᓄᒃᑯᑦ | 867-975-4810 |
ᑭᓇᑐᐃᓐᓇᖅ ᓯᕗᓪᓕᖅᐹᒥ ᑲᐱᔭᐅᔪᖅ ᐋᓐᓂᐊᕐᕕᖕᒥ ᐃᖅᑲᐃᓯᔾᔪᑎᒥᒃ ᑐᓂᔭᐅᓂᐊᖅᐳᑦ ᑭᖑᓪᓕᕐᒥ ᑲᐱᔭᐅᕝᕕᒃᓴᖓᓄᑦ. ᑕᕝᕙᓂᑦᑕᐃᓐᓇᖅ ᓄᓇᓕᖕᓃᑦᑕᕆᐊᖃᖅᐳᑎᑦ ᑕᒪᐃᓐᓄᑦ ᑲᐱᔭᐅᓂᐊᕐᓗᑎᑦ. ᐅᑯᐊ ᓇᒃᓴᕐᓂᐊᖅᐸᑎᑦ ᑲᐱᔭᐅᔭᖅᑐᓕᕈᕕᑦ:
ᓄᓇᕗᒻᒥᐅᑕᐅᓂᕐᒧᑦ:
- ᓄᓇᕗᒻᒥ ᐋᓐᓂᐊᕐᕕᓕᐊᕈᓐᓇᐅᑏᑦ ᐊᓯᐊᓂᒡᓘᓐᓃᑦ ᓇᓗᓇᐃᒃᑯᑕᕐᓂᒃ (ᓲᕐᓗ ᑲᓇᑕᐅᑉ ᓯᓚᑖᓄᐊᕈᓐᓇᐅᑦ, ᐊᖁᑦᑐᓐᓇᐅᑦ, ᐊᓯᖏᓪᓗ) ᑕᑯᔭᐅᕝᕕᒃᓴᕐᓂᑦ ᓄᓇᕗᒻᒥᐅᑕᐅᓂᕐᓂᑦ ᑕᑯᑎᑦᑎᓗᑎᑦ.
- ᐊᓯᖏᑦ ᓇᓗᓇᐃᒃᑯᑕᐃᑦ ᐊᑐᕈᓐᓇᖅᑐᑦ: ᓄᓇᕗᑦ ᑐᙵᕕᒃᑯᓐᓂ ᐃᓚᒋᔭᐅᔾᔪᑏᑦ, ᐊᖑᓇᓱᒍᓐᓇᐅᑏᑦ, ᐊᒻᒪ ᑎᑎᖅᑲᑦ ᓲᕐᓗ ᐊᑐᖅᑐᐊᕐᓂᕐᒧᑦ ᐊᖏᖃᑎᒌᒍᑎ ᐊᒻᒪ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓂ ᖃᐅᒻᒪᖅᑯᑎᓯᐅᑎ ᓇᓗᓇᐃᒃᑯᑕᕆᔪᓐᓇᖅᑐᖅ ᓄᓇᕗᒻᒥᐅᑕᐅᓂᕐᓂᑦ.
- ᑎᑎᕋᖅᓯᒪᔪᓂᑦ ᓇᒃᓴᕐᓗᑎᑦ ᐄᔭᒐᖃᑦᑕᕐᑕᓐᓂᑦ ᑎᒥᒧᑦ ᓈᒻᒪᒍᓐᓃᕈᑎᒋᕙᒃᑕᕐᓂᓪᓘᓐᓃᑦ, ᐄᔭᒐᐃᓪᓘᓐᓃᑦ ᓇᒃᓴᕐᓗᒋᑦ.
ᓄᓇᕗᒻᒥᐅᑕᐅᓕᓵᖅᑐᑦ ᐅᕝᕙᓘᓐᓃᑦ ᐃᖢᐊᖅᓴᐃᔨᑦ, ᓘᒃᑖᑦ, ᐃᕐᓂᓱᒃᓰᔨᑦ, ᐸᓖᓯᑦ, ᑐᐊᕕᕐᓇᖅᑐᓕᕆᔨᑦ ᐊᒻᒪ ᖃᑦᑎᕆᔨᑦ:
- ᐊᑐᖅᑐᒥᑦ ᐊᔾᔨᙳᐊᓕᖕᒥᒃ ᓇᓗᓇᐃᒃᑯᑕᕐᒥᒃ, ᓲᕐᓗ ᑲᓇᑕᐅᑉ ᓯᓚᑖᓄᐊᕈᓐᓇᐅᑦ, ᐋᓐᓂᐊᕐᕕᓕᐊᕈᓐᓇᐅᑦ ᐅᕝᕙᓘᓐᓃᑦ ᐊᖁᑦᑐᓐᓇᐅᑦ, ᐊᒻᒪᓗ ᐅᑯᓇᙵᑦ ᓇᓕᐊᖕᓂᑐᐃᓐᓇᖅ:
- ᓄᓇᕗᒻᒥ ᐃᖅᑲᓇᐃᔮᖃᕐᓂᕐᒧᑦ ᓇᓗᓇᐃᖅᓯᒪᔪᒥᒃ.
- ᓄᓇᕗᒻᒥᐅᑕᐅᓂᕐᓂᑦ ᓇᓗᓇᐃᖅᓯᒪᔪᒥᒃ (ᓲᕐᓗ, ᖃᐅᒻᒪᖅᑯᑎᓯᐅᑎ, ᐊᑐᖅᑐᐊᕈᑎ, ᐊᓯᖏᓐᓂᒡᓗ).
- ᑎᑎᕋᖅᓯᒪᔪᓂᒃ ᓇᒃᓴᕐᓗᑎᑦ ᐄᔭᒐᖃᑦᑕᕐᑕᓐᓂᑦ ᑎᒥᒧᑦ ᓈᒻᒪᒍᓐᓃᕈᑎᒋᕙᒃᑕᕐᓂᓪᓘᓐᓃᑦ, ᐄᔭᒐᐃᓪᓘᓐᓃᑦ ᓇᒃᓴᕐᓗᒋᑦ.
ᑲᐱᔭᐅᑎᑦᑎᑲᑕᒃᑐᑦ ᐊᐅᓚᑦᑎᓛᖅᑐᑦ ᑭᖑᓪᓕᕐᒥ ᑲᐱᔭᐅᔪᓄᑦ ᓄᕙᒡᔪᐊᕐᓇᖅ-19 ᐋᓐᓂᐊᓕᕇᒃᑯᑎᒧᑦ ᐅᑯᓇᓂ:
ᓄᓇᓕᒃ | ᐅᓪᓗᖅ | ᓇᓂ | ᖃᐅᔨᓴᐅᑦ |
ᑲᖏᖅᖠᓂᖅ | ᕕᕝᕗᐊᕆ 15-ᒥᑦ 18−ᒧᑦ | ᐱᙳᐊᕐᕕᖕᒥ | 9:00−ᒥ ᐅᓪᓛᒃᑯᑦ – 8:00−ᒧᑦ ᐅᓐᓄᒃᑯᑦ |
ᑎᑭᕋᕐᔪᐊᖅ | ᕕᕝᕗᐊᕆ 16 ᐊᒻᒪ 17 | ᐃᓄᒡᓚᒃ ᐃᓕᓐᓂᐊᕐᕕᒃ | 9:00−ᒥ ᐅᓪᓛᒃᑯᑦ – 8:00−ᒧᑦ ᐅᓐᓄᒃᑯᑦ |
ᐃᒡᓗᓕᒑᕐᔪᒃ | ᕕᕝᕗᐊᕆ 19 ᐊᒻᒪ 20 | ᕕᒃᑐ ᓴᒻᒧᖅᑐᖅ | 9:00−ᒥ ᐅᓪᓛᒃᑯᑦ – 8:00−ᒧᑦ ᐅᓐᓄᒃᑯᑦ |
ᖃᒪᓂ'ᑐᐊᖅ | ᕕᕝᕗᐊᕆ 22-ᒥᑦ 25−ᒧᑦ | ᔫᓇ ᐊᒥ'ᓈᖅ | 9:00−ᒥ ᐅᓪᓛᒃᑯᑦ – 8:00−ᒧᑦ ᐅᓐᓄᒃᑯᑦ |
ᐃᖃᓗᖕᓂ − ᓯᕗᓪᓕᐅᑎᑕᐅᔪᑦ ᑲᑎᙵᔪᑦ | ᑲᔪᓯᓂᐊᖅᑐᖅ | ᐃᖃᓗᐃᑦ ᐅᖁᒪᐃᓐᓂᕐᓂᐊᕐᕕᐊᓂ | 9:00−ᒥ ᐅᓪᓛᒃᑯᑦ – 8:00−ᒧᑦ ᐅᓐᓄᒃᑯᑦ |
ᐋᓐᓂᐊᕕᔅᓯᓐᓄᑦ ᐅᖄᓚᓗᑎᑦ ᓯᕗᓪᓕᕐᒥ ᑲᐱᔭᐅᑲᑕᒃᑎᓪᓗᒋᑦ ᐅᐸᒍᓐᓇᓚᐅᙱᒃᑯᕕᑦ ᓄᓇᔅᓯᓐᓂ ᑲᐱᔭᐅᔪᒪᓗᑎᓪᓗ. ᐳᐃᒍᖅᑕᐃᓕᒋᑦ ᓄᓇᕗᒻᒥᐅᑦ ᓯᕗᓪᓕᐅᑎᑕᐅᓂᐊᖅᑐᑦ ᑭᖑᓪᓕᕐᒥ ᑲᐱᔭᐅᕝᕕᒃᓴᖓᓄᑦ ᐃᓂᒃᓴᓕᐅᖅᑕᐅᓯᒪᔪᑦ. ᑲᐴᑎᑕᖃᒃᑲᓐᓂᕈᓐᓃᖅᐸᑦ, ᐅᑕᖅᑭᑎᑕᐅᔪᓄᑦ ᑎᑎᕋᖅᑕᐅᑲᑕᖕᓂᐊᖅᐳᑦ ᐃᓄᐃᓪᓗ ᓯᕗᓪᓕᕐᒥ ᑲᐱᔭᐅᔪᓐᓇᖅᓯᓂᐊᖅᖢᑎᒃ ᑲᐴᑎᓂᒃ ᑎᑭᑕᐅᒃᑲᓐᓂᖅᐸᑕ ᓄᓇᕗᒻᒥ.
ᐃᓅᖃᑎᖕᓂ ᖃᓂᒃᓴᓗᐊᖅᑕᐃᓕᒪᓗᑎᑦ, ᐊᒡᒐᑎᑦ ᐅᐊᓴᑦᑎᐊᖅᐸᒡᓗᒋᑦ ᓴᓗᒻᒪᖅᓴᐃᑦᑎᐊᒃᑲᓐᓂᕈᓐᓇᖅᑐᓪᓗ ᐊᑐᐃᓐᓇᐅᓂᐊᖅᐳᑦ ᑭᒃᑯᓕᒫᑦ ᖃᐃᙱᑦᑎᐊᖁᓗᒋᑦ. ᐃᓕᖕᓂᒃ ᓄᓇᖅᑲᑎᖕᓂᓪᓗ ᓴᐳᑎᓯᒪᖁᓪᓗᓯ, ᒪᑐᐊᖅᓯᒪᔭᕆᐊᖃᕐᓂᐊᖅᐳᓯ ᑲᐱᔭᐅᔭᖅᑐᕈᔅᓯ.
ᖃᐅᔨᒋᐊᒃᑲᓐᓂᕈᒪᒍᕕᑦ ᑲᐱᔭᐅᑎᑦᑎᑲᑕᖕᓂᐊᖅᑐᓂᒃ, ᐅᕗᙵᕐᑎᑦ https://gov.nu.ca/health/information/covid-19-vaccination
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᑕᓇᕋᐃ ᓴᒧᕕᐅᓪ
ᑐᓴᒐᒃᓴᓕᕆᔨᓄᑦ ᖃᐅᔨᒪᔨᑕᖅ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5712
@email