ᓄᕙᒡᔪᐊᕐᓇᖅ-19−ᒧᑦ ᓄᓇᕗᑦ ᒐᕙᒪᖓᑕ ᓄᑖᙳᕆᐊᖅᑎᑕᖏᑦ - ᒫᑦᓯ 30, 2020
ᓯᕗᓕᖅᑎᒥ ᑐᓴᒐᒃᓴᖅ:
ᒫᓐᓇᒧᑦ, ᓄᕙᒡᔪᐊᕐᓇᖅ-19−ᒥ ᖃᓂᒻᒪᒃᓯᒪᔪᖃᕐᒪᖔᖅ ᖃᓂᒪᓇᓱᒋᔭᐅᔪᖃᕐᒪᖔᑦ ᓱᓕ ᖃᐅᔨᔭᐅᓯᒪᔪᖃᙱᑦᑐᖅ ᓄᓇᕗᒻᒥ.
ᑲᑎᓪᓗᒋᑦ 259 ᖃᐅᔨᓴᖅᑕᐅᖅᓯᒪᓕᖅᑐᑦ ᐅᓪᓗᒥᒧᑦ. 180 ᐃᓄᐃᑦ ᖃᐅᔨᓴᖅᑕᐅᕙᓪᓕᐊᔪᑦ; 79 ᐃᓄᐃᑦ ᖃᐅᔨᓴᖅᑕᐅᓯᒪᓚᐅᖅᑐᑦ ᖃᐅᔨᓴᖅᑕᐅᔪᓐᓃᖅᑐᑦ.
ᐅᓇ ᐃᖅᑲᐃᑎᑦᑎᔾᔪᑎ ᑭᓇᑐᐃᓐᓇᑦᑎᐊᖅ ᐃᓄᒃ ᖃᐅᔨᓴᕐᕕᐅᔪᖅ ᐃᒪᐃᑉᐳᖅ, ᐊᑐᓪᓚᕆᒋᐊᖃᖅᑐᒥᒃ ᓇᖕᒥᓂᖅ-ᐅᐸᒃᑕᐅᑦᑕᐃᓕᒪᑎᑦᑕᕆᐊᖃᖅᐳᖅ. ᓇᓕᐊᑐᐃᓐᓇᑦᑎᐊᖅ ᑖᒃᑯᐊ ᐃᓄᐃᑦ ᖃᐅᔨᔭᐅᒃᐸᑕ ᓱᕋᒃᓯᓂᖏᓐᓂᒃ ᐊᑐᓪᓚᕆᒋᐊᖃᖅᑐᒥᒃ ᓇᖕᒥᓂᖅ-ᐅᐸᒃᑕᐅᑦᑕᐃᓕᒪᑎᓐᓂᕐᒥᒃ ᓄᓇᓕᖕᒥᐅᓂᒡᓗ ᖁᐊᖅᓵᕐᓇᖅᑐᒦᑎᑦᑎᓪᓗᑎᒃ ᐱᑎᑦᑎᑐᐃᓐᓇᕆᐊᖃᕐᓂᕐᒥᒃ ᑕᒪᑐᒥᖓ ᓄᕙᒡᔪᐊᕐᓇᖅ-19−ᒥᒃ, ᑖᒃᑯᐊ ᐱᕐᔪᐊᕌᓗᖕᒥᒃ ᐊᑐᓕᖅᑎᑕᐅᑐᐃᓐᓇᕆᐊᓖᑦ: ᐊᑭᓕᒐᒃᓴᖅᑖᖅᑎᑕᐅᓗᑎᒃ ᑎᑭᓪᓗᒍ $50,000−ᓂᒃ ᐅᕝᕙᓘᓐᓃᑦ ᐊᓄᓪᓚᒃᓯᖅᑎᑕᐅᓗᑎᒃ 6−ᓄᑦ ᑕᖅᑭᓄᑦ ᑎᑭᓪᓗᒍ. ᐊᖏᕐᕋᖅᓯᒪᑐᐃᓐᓇᕆᑦ. ᓄᓇᓖᑦ ᓄᓇᕗᒻᒥᐅᖃᑎᑎᓪᓗ ᖁᐊᖅᓵᕐᓇᖅᑐᒦᑎᙱᓪᓗᒋᑦ.
ᐊᒥᓱᓂᒃ ᐃᓄᒃᑕᖃᖅᐳᖅ ᐅᐸᒃᑕᐅᑦᑕᐃᓕᒪᔪᒦᑦᑐᓂᒃ ᖃᓪᓗᓈᓂ ᐊᔪᕐᓇᖅᑐᖅᓯᐅᖅᑐᓂᒃ ᒫᓐᓇ ᖃᓄᐃᓕᖓᑎᑕᐅᓂᕆᔭᒥᓂᒃ. ᑐᓵᕙᑦᑎᒋᑦ, ᐱᓇᔪᒃᐳᒍᓪᓗ ᐱᐅᔪᑎᒍᑦ ᐊᓯᔾᔨᖅᑎᕆᓇᓱᒃᖢᑕ. ᑕᒪᓐᓇ ᖃᓄᐃᓕᖓᓂᕆᔭᐅᔪᖅ ᐃᖏᕐᕋᓯᑎᑕᐅᓂᖓ ᐊᔪᕐᓇᕈᔪᒃᓯᒪᕗᖅ, ᑕᒪᓐᓇᓗ ᑐᐊᕕᖅᖢᓂ ᐋᖅᑭᒃᓯᒪᓕᖅᑎᑲᐅᖅᑐᕆᐊᒃᓴᖅ ᐊᔪᕐᓇᙱᑦᑐᑯᓘᙱᖦᖢᓂ ᐱᕙᒌᔭᕆᐊᖃᓚᐅᖅᐸᕗᑦ ᐊᑐᓕᖅᑎᓪᓗᒍᓗ ᓱᒃᑲᓕᔪᒻᒪᕆᒃᑯᑦ ᐋᖅᑭᒃᓯᒪᓕᖅᑎᑎᓪᓗᑕ ᐃᓱᓕᑦᑕᖅᑎᑦᑎᔪᒪᓂᕐᒥᒃ ᓄᓇᕗᒻᒧᙵᐅᕙᒃᑐᓂᒃ ᑭᒃᑯᑐᐃᓐᓇᑦᑎᐊᑦ ᖁᐊᖅᓵᕐᓇᖅᑐᒦᖁᓇᒋᑦ.
ᖁᐊᖅᓵᕐᓇᖅᑕᐃᓕᒪᑎᑦᑎᓂᖅ ᓯᕗᓪᓕᖅᐸᐅᑦᑎᐅᑎᓯᒪᒻᒪᕆᒃᐸᕗᑦ, ᑭᓯᐊᓂᓗᑦᑕᐅᖅ ᐊᐱᕆᕗᒍᑦ ᐅᑕᖅᑭᑦᑎᐊᖁᔨᓪᓗᑕ ᑕᒪᓐᓇ ᐋᖅᑭᒃᓱᖅᐸᓪᓕᐊᓂᑦᑎᓐᓂ. ᐱᑕᖃᙱᓚᖅ ᐊᑐᖅᑕᐅᔪᓐᓇᖅᑐᒥᒃ ᓲᖑᓴᖕᓂᕐᒧᑦ ᐋᓐᓂᖅᑎᕆᓂᕐᒧᓪᓘᓐᓃᑦ ᐃᓕᖅᑯᓯᕆᔭᐅᕙᒃᑐᓂᒃ ᒫᓐᓇᐅᔪᒃᑯᑦ. ᐊᑐᖅᐳᒍᑦ ᐊᓯᔾᔨᕐᓂᕐᒥᒃ ᐃᓚᖏᓐᓄᓪᓗ ᐊᒃᓱᕈᕐᓇᖅᑐᓄᑦ ᓱᓕᓪᓚᕆᒃᑐᓄᑦ, ᑭᓯᐊᓂᑦᑕᐅᖅ ᐅᕙᑦᑎᓐᓂᒃ ᐃᖅᑲᐃᑎᖃᑦᑕᕆᐊᖃᖅᐳᒍᑦ ᑕᒪᓐᓇ ᐊᑐᖅᑕᐅᕗᑦ ᓄᓇᕗᒻᒥᐅᓕᒫᓂᒃ ᐱᐅᓂᖅᓴᒃᑰᖅᑎᑦᑎᔪᒪᓂᐅᓪᓗᓂ.
ᖃᐅᔨᒪᑦᑎᐊᖅᐳᖓ, ᑕᒪᓐᓇ ᐊᔪᕐᓇᖅᑐᖅᓯᐅᖅᑎᑦᑎᓂᖓᓂᒃ ᐊᒥᓱᓂᒃ ᐃᓄᖕᓂᒃ, ᑭᓯᐊᓂ ᑕᒪᓐᓇ ᓄᕙᒡᔪᐊᕐᓇᖅ-19 ᐃᒪᐃᑦᑐᓪᓚᕆᐅᖕᒪᑦ ᐃᓅᓯᕐᒥ ᑐᖁᑎᑦᑎᔪᓐᓇᖅᖢᓂ, ᐊᑐᕈᒪᙱᑦᑎᐊᖅᖢᑕᓗ ᑕᐃᒪᐃᑦᑐᒥᒃ ᐱᑐᐃᓐᓇᕆᐊᖃᕐᓂᕐᒥᒃ. ᖁᔭᓐᓇᒦᖑᔪᓯ ᐃᓄᐃᑦ ᐅᐸᒃᑕᐅᑦᑕᐃᓕᒪᑎᑦᑐᑦ ᐃᒻᒥᓂᒃ ᖃᓪᓗᓈᓂ ᖃᓄᐃᙱᑦᑎᐊᖁᔨᓂᔅᓯᓐᓄᑦ ᐋᓐᓂᐊᓕᖁᔨᙱᓐᓂᔅᓯᓐᓄᓪᓗ ᑭᒃᑯᓕᒫᑦᑎᐊᓂᒃ ᑕᒫᓂ ᓄᓇᑦᑎᓐᓂ.
ᑕᐃᒃᑯᓄᖓ ᐃᓄᖕᓄᑦ ᑕᒪᐅᖓ ᐊᕕᒃᓯᒪᓂᕐᒧᑦ ᐅᑭᐅᖅᑕᖅᑐᒧᙵᐅᓯᒪᔪᓄᑦ ᑕᐃᒃᑯᐊ ᓇᒧᙵᐅᓂᕐᒧᑦ ᐃᓱᓕᖅᑕᖅᑎᑦᑎᓃᑦ ᐊᑐᓕᕆᐊᓚᐅᙱᑎᓪᓗᒋᑦ, ᓇᖕᒥᓂᖅ−ᐅᐸᒃᑕᐅᑦᑕᐃᓕᒪᔭᐅᑎᑕᒥᓂᒃᐃᓱᓕᓯᒪᓕᖅᐳᖅ ᐃᓱᓕᑉᐸᓪᓕᐊᓕᖅᖢᓂᓘᓐᓃᑦ. ᐳᐃᒍᖅᑐᖃᖅᑕᐃᓕᓕ, ᓇᖕᒥᓂᖅ−ᐅᐸᒃᑕᐅᑦᑕᐃᓕᒪᑎᑦᑐᓐᓃᕐᓂᖅ ᑐᑭᖃᙱᓚᖅ ᐃᒪᓐᓇ, ᐊᑐᕆᐊᖃᙱᓐᓂᕐᓂᒃ ᑎᒥᒃᑯᑦ/ᐃᓅᖃᑎᑎᒍᑦ ᐅᖓᓯᒃᓴᕆᐊᖃᖅᐸᖕᓂᕐᒥᒃ ᐊᖏᕐᕋᖅᓯᒪᓂᕐᒥᒡᓗ ᐊᔪᕐᓇᙱᓐᓂᓕᒫᖓ ᒪᓕᒡᓗᒍ. ᒪᓕᒋᐊᓕᒃ ᐅᕝᕙᓪᓗᐊᑕᐅᕗᖅ− ᑕᐃᔅᓱᒥᖓ ᐃᓄᖕᒥᒃ ᐃᓅᖃᑎᖃᖅᐸᙱᒃᑯᕕᑦ ᐃᒡᓗᒥᐅᑕᐅᖃᑎᒋᓗᒍ, ᑖᒃᑯᐊ ᐳᓛᕆᐊᓪᓗᐊᙱᓚᑎᑦ ᑕᑯᔭᖅᑐᖃᑦᑕᓪᓗᐊᙱᓚᑎᓪᓗ.
ᑕᒪᑦᑕᑦᑎᐊᖅ ᐊᑐᕆᐊᖃᖅᐳᒍᑦ ᑎᒥᒃᑯᑦ ᐃᓅᖃᑎᖃᕐᓂᕐᒧᓪᓗ ᐅᖓᓯᒃᓴᕆᐊᖃᕐᓂᕐᒥᒃ ᖃᖓᓕᒫᑦᑎᐊᒃᑯᑦ ᐊᒡᒋᖅᐸᓪᓕᐊᔪᒧᑦ ᓯᕗᓂᒃᓴᑦᑎᓐᓄᑦ. ᐊᒡᒐᑎᑦ ᐅᐊᓴᖅᐸᒡᓗᒋᑦ 20−ᓄᑦ ᑎᑦᑕᑯᓗᖕᓄᑦ − ᐅᐊᓴᕋᔪᒡᓗᑎᓪᓗ. ᑮᓇᐃᑦ ᐊᒃᑐᖃᑦᑕᖅᑕᐃᓕᒍᒃ. ᑖᒃᑯᐊ ᑕᒪᕐᒥᑦᑎᐊᖅ ᐃᓕᔭᐅᓯᒪᕗᑦ ᐅᕙᒍᑦ ᑕᒪᑦᑕ ᖁᐊᖅᓵᕐᓇᖅᑐᒦᖁᓇᑕ. ᑭᓱᓂᒃ ᑕᒪᑐᒪᓂ ᓴᖅᑭᑦᑐᖃᙱᑦᑎᐊᖅᐸᑦ, ᑕᒪᔾᔭ ᑐᕌᕆᔭᐅᓪᓗᐊᑕᖅᑐᖅ ᐊᑐᖅᑕᐅᔪᒪᓪᓗᓂ.
ᓄᓇᕗᒻᒥᐅᓕᒫᓯᒍᑦ ᖁᔭᓐᓇᒦᖑᔪᓯ, ᑕᒪᕐᒥᑦᑎᐊᖅ ᐊᑐᕆᐊᖃᓪᓚᕆᒃᑕᕗᑦ ᐃᖅᑲᓇᐃᔭᖅᑏᑦ, ᑭᒃᑯᑐᐃᓐᓇᐃᓪᓗ ᑕᒫᓂᓕᒫᖅ ᐊᕕᒃᓯᒪᓂᕐᒥ ᐅᑭᐅᖅᑕᖅᑐᒥ ᑲᔪᓯᑎᑦᑎᔪᓂᒃ ᐱᓕᕆᐊᒃᓴᑦᑎᓐᓂᒃ ᐱᔨᑦᑎᕋᕐᓂᕆᕙᒃᑕᑦᑎᓐᓂᒡᓗ. ᖁᔭᓐᓇᒦᖑᔪᓯ ᖁᔭᓕᑦᑎᐊᖅᐳᒍᓪᓗ.
ᑕᒪᑦᑕᑦᑎᐊᖅ ᐅᕙᒍᑦ ᐊᑐᕋᑦᑎᒍ, ᐊᒻᒪ ᐊᑐᓂᑦ ᐱᓇᓱᐊᕐᓗᑎᒍᑦ ᐱᔭᕆᐊᖃᕋᑦᑕ.
ᓄᓇᕗᑦ ᒐᕙᒪᖓᒃᑯᑦ ᓴᐳᔾᔨᓯᒪᓇᓱᑦᑎᓪᓗᒋᑦ ᐃᓚᒋᔭᖓ ᐱᓕᕆᐊᖓᑕ ᓄᕙᒡᔪᐊᕐᓇᖅ-19 ᐋᓐᓂᐊᓕᖅᑐᖃᖁᓇᒍ, ᓄᓇᕗᑦ ᒐᕙᒪᒃᑯᑦ ᐅᑯᓂᖓ ᐱᒋᐊᖅᑎᑦᑎᔪᑦ:
ᐋᓐᓂᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
ᑕᒪᕐᒥᑦᑎᐊᖅ ᐃᓄᐃᑦ ᓇᓗᓇᐃᖅᑕᐅᓯᒪᔪᑦ ᖃᐅᔨᓴᖅᑕᐅᕝᕕᐅᓂᖏᓐᓂᒃ ᓄᕙᒡᔪᐊᕐᓇᖅ-19−ᒧᑦ, ᐊᑐᓪᓚᕆᒋᐊᖃᖅᑕᖏᓐᓂᒃ ᐅᐸᒃᑕᐅᑦᑕᐃᓕᒪᓂᕐᒥᒃ ᐅᖃᐅᔾᔭᐅᓯᒪᓪᓚᕆᖕᓂᕐᒥᒃ ᐊᑭᓕᒃᓴᖅᑖᖅᑎᑕᐅᓂᐊᖅᖢᑎᒡᓗ ᑕᒪᓐᓇ ᐊᑐᓪᓚᕆᒋᐊᖃᖅᑕᖓᑦ ᓱᕋᖕᓂᖅᐸᔾᔪᒃ. ᐊᑭᓕᒐᒃᓴᖅᑖᖅᑎᑕᐅᔪᓐᓇᖅᑐᑦ $50,000−ᓂᒃ, ᐅᕝᕙᓘᓐᓃᑦ ᑕᖅᑭᓄᑦ ᐊᕐᕕᓂᓕᖕᓄᑦ ᐊᓄᓪᓚᒃᓰᕕᖕᒦᓪᓗᑎᒃ.
ᐋᓐᓂᐊᕐᕕᐊᓗᖕᒥ ᐊᖓᔪᖅᑳᒻᒪᕆᖕᒧᑦ ᐊᐅᓪᓚᕆᐊᓕᓐᓄᑦ/ᐃᖅᑲᓇᔭᐃᖅᑏᑦ ᐱᔭᕆᐊᖃᓪᓚᕆᑦᑐᑦ ᐱᓕᕆᔾᔪᓯᐅᓂᐊᖅᑐᑦ ᓴᖅᑭᑎᑕᐅᔪᑦ ᐅᕙᓂ: https://www.gov.nu.ca/health/information/covid-19-novel-coronavirus
ᐊᐅᓪᓚᑲᑕᒃᑐᓕᒫᑦ ᐃᓄᑑᔭᕆᐊᖃᖃᑦᑕᕐᓂᐊᓕᖅᐳᑦ ᓇᓗᓇᐃᖅᑕᐅᓯᒪᔪᒥ ᑐᔪᕐᒥᕕᖕᒥ ᓄᓇᕗᑦ ᓯᓚᑖᓂ ᐅᓪᓗᓄᑦ 14-ᓄᑦ, ᑭᓯᐊᓂ ᐱᒻᒪᕆᐅᔪᑦ ᐃᖅᑲᓇᐃᔭᖅᑏᑦ ᖃᓂᒪᖅᑰᔨᙱᑦᑐᑦ.
ᑕᐃᒃᑯᐊ ᓄᓇᕗᒻᒧᑦ ᐅᑎᖅᐸᓪᓕᐊᔪᑦ ᐊᖏᖅᑕᐅᓯᒪᔭᕆᐊᖃᖅᐳᑦ ᐋᓐᓂᐊᕕᐊᓗᖕᒥ ᐊᖓᔪᖅᑳᒻᒪᕆᐅᑉ ᐊᒡᓚᕝᕕᖓᓂ ᐃᕐᖐᓇᖅᑕᐅᒃᑯᓪᓗ ᑎᑎᕋᖁᔭᐅᓪᓗᑎᒃ ᐅᕗᖓ @email.
ᓄᓇᕗᒻᒥᐅᑦ ᐅᑎᖅᐸᓪᓕᐊᔪᑦ ᓄᓇᕗᒻᒧ ᓄᓇᒃᑯᑦ ᐃᖏᕐᕋᔪᑦ ᓴᓂᑭᓗᐊᕐᒧᑦ, ᐊᕐᕕᐊᓄᑦ, ᐊᒻᒪ ᕿᑎᕐᒥᐅᓄᑦ, ᑖᒃᑯᐊ ᐊᓂᑦᑕᐃᒪᔭᕆᐊᖃᕐᓂᐊᖅᑐᑦ ᐊᖏᕐᕋᖅᓯᒪᓗᑎᑦ ᐅᓪᓗᓄ 14−ᓄᑦ ᑎᑭᐅᑎᑉᐸᑕ ᓄᓇᕗᒻᒧᑦ.
ᐊᑭᖃᙱᑦᑐᖅ ᐅᖄᓚᕝᕕᐅᔪᓐᓇᖅᑐᖅ ᑭᓇᑐᐃᓐᓇᕐᒧᑦ ᐊᐅᓪᓚᖅᓯᒪᓵᓚᐅᖅᑐᓄᑦ ᐅᕝᕙᓘᓐᓃᑦ ᐋᓐᓂᐊᑲᑕᓕᖅᐸᑦ ᓄᕙᒡᔪᐊᕐᓇᖅ−19-ᒧᑦ ᖃᓂᒪᒍᑕᐅᔪᓂᑦ:
1-888-975-8601 ᑭᐅᔭᐅᖃᑦᑕᕐᓂᐊᖅᑐᖅ 7:30-ᒥ ᐅᓪᓛᒃᑯᑦ ᐱᒋᐊᕐᓗᓂ 7:30-ᒧᑦ ᐅᓐᓄᒃᑯᑦ ᑎᑭᓪᓗᒍ.
ᐃᓄᐃᑦ ᐊᓂᑦᑕᐃᓕᒪᔪᑦ ᐊᖏᕐᕋᖅᓯᒪᔭᕆᐊᓖᑦ, ᐃᓄᓐᓂᑦ ᖃᓂᒃᓴᖅᑕᐃᓕᒪᓗᑎᑦ, ᐊᒻᒪ ᖃᐅᔨᓴᕐᓗᑎᑦ ᓇᒻᒥᓂᖅ ᐋᓐᓂᐊᓕᖅᐸᓪᓕᐊᖏᒃᑲᓗᐊᕐᒪᖔᑕ ᓄᕙᒡᔪᐊᕐᓇᖅ-19−ᒧᑦ ᐅᓪᓗᓄ 14−ᓄᑦ ᐅᑎᓚᐅᖅᑎᓪᓗᒋᑦ.
ᐃᓄᓕᕆᔨᒃᑯᑦ
ᑕᒫᓂᐅᙱᑦᑐᖅ ᐃᓕᓐᓂᐊᖅᑏᑦ ᐅᑎᕈᒪᔪᑦ ᐊᖏᕐᕋᒥᓄᑦ ᓄᓇᕗᒻᒥ ᐱᒋᐊᖅᓯᒪᓕᖅᐳᑦ 14−ᓄᑦ ᐅᓪᓗᓄᑦ ᐅᐸᒃᑕᐅᑦᑕᐃᓕᒪᓂᕐᒥᓂᒃ ᐆᑐᕚᒥ (31 ᐃᓕᓐᓂᐊᖅᑏᑦ) ᐅᐃᓂᐹᒡᒥᓗ (15 ᐃᓕᓐᓂᐊᖅᑏᑦ).
ᑲᔪᓰᓐᓇᖅᑐᑦ ᐱᔨᑦᑎᕋᐅᑕᐅᔪᑦ:
- ᐃᓕᓐᓂᐊᖅᑎᑦ ᑮᓇᐅᔭᖃᖅᑎᑕᐅᓂᖏᓐᓄᑦ: ᑕᒪᕐᒥᑦᑎᐊᖅ ᐃᓕᓐᓂᐊᖅᑏᑦ ᑮᓇᐅᔭᖃᖅᑎᑕᐅᓂᖏᑦ ᐅᖓᕙᕆᐊᖅᑕᐅᓂᐊᖅᐳᑦ ᐄᐳᕈ ᐃᓱᓕᓐᓇᓱᖕᓂᖓᓄᑦ.
ᐋᖅᑭᒋᐊᖅᑕᐅᔪᑦ ᐱᔨᑦᑎᕋᕈᑕᐅᕙᒃᑐᑦ:
- ᓵᑕᒃᑰᖅᑎᑦᑎᓂᖅ ᕿᑎᕐᒥᐅᓄᑦ ᓄᓇᓕᖕᓄᑦ ᐃᖃᓗᖕᓂᑦ ᐊᐅᓪᓚᓚᐅᖅᐳᑦ ᓯᕙᑖᕐᕕᖕᒥ ᑕᒪᐃᓐᓄ ᑕᒫᓂ ᐅᑭᐅᖅᑕᖅᑐᒥ ᐃᓕᓐᓂᐊᖅᑎᓄᑦ. ᑕᐃᓐᓇ ᓵᑕ ᒥᓚᐅᖅᐳᖅ ᑕᒪᐃᓐᓄᑦ ᓄᓇᓕᖕᓄᑦ ᑐᕌᕐᕕᐅᔪᓄᑦ.
- ᓇᓕᐊᑐᐃᓐᓇᖅ ᐃᓕᓐᓂᐊᖅᑏᑦ ᓇᓗᓇᐃᔭᓚᐅᙱᑦᑐᑦ ᐅᑎᕆᐊᖃᕐᓂᕐᒥᓂᒃ ᐊᖏᕐᕋᒥᓄᑦ ᐊᖏᕐᕋᐅᔭᕆᐊᖃᖅᖢᑎᒡᓗ, ᐊᑐᕆᐊᖃᕐᓂᐊᓕᖅᐳᑦ ᐋᖅᑭᒃᑕᐅᓯᒪᕙᒌᖅᑐᑎᒍᑦ ᖃᖓᑕᓂᕆᔭᐅᕙᒃᑐᑎᒍᑦ ᐊᑐᕐᓗᑎᒃ ᐱᑕᖃᖅᐸᒌᖅᑐᓂᒃ ᒪᓕᒋᐊᓕᖕᓂᒃ ᑲᔪᓯᔾᔪᑕᐅᔪᓂᒡᓘᓐᒡᓂᑦ, ᓲᕐᓗ ᐃᒪᓐᓇ, 14−ᓄᑦ ᐅᓪᓗᓄᑦ ᐅᐸᒃᑕᐅᑦᑕᐃᓕᒪᓗᑎᒃ ᔭᓗᓇᐃᕝ−ᑎᒍᑦ ᐱᑕᖃᙱᑉᐸᑦ ᐊᑐᓯᑲᐅᑎᒋᔪᓐᓇᖅᑕᖓᓂᒃ ᖃᖓᑕᓂᕐᒥᒃ ᐊᖏᕐᕋᒥᓄᑦ.
ᐊᕙᑎᓕᕆᔨᒃᑯᑦ
ᓄᓇᓕᓐᓄᑦ ᐊᖑᓇᓱᑦᑎᓐᓄᑦ ᐃᑲᔫᓯᐊᖅᑎᑦᑎᓂᕐᒧᑦ ᐊᖏᕈᑎ ᐱᓕᕆᐊᖑᓯᒪᓕᖅᑐᑦ ᐊᒻᒪ ᐊᑭᓕᐅᖅᑕᐅᓂᐊᖅᑐᑦ ᒫᓐᓇ ᐱᒋᐊᖅᑎᑕᐅᕙᓪᓕᐊᓕᖅᑐᑦ.
ᒪᑐᔭᐅᔪᖅ/ᓄᖅᑲᖅᑎᑕᐅᔪᖅ/ᓄᖅᑲᖓᑎᑕᓚᐅᑲᒃᑐᖅ ᐱᔨᑦᑎᕋᐅᑏᑦ:
- ᑕᒪᕐᒥᑦᑎᐊᖅ ᐱᕙᒌᔭᖅᑕᐅᓯᒪᔪᑦ ᐆᒪᔪᓂᒃ ᖃᐅᔨᓴᖅᓯᓂᕐᒧᑦ ᐱᓕᕆᐊᖑᕙᒃᑐᑦ ᓄᖅᑲᖅᑎᑕᐅᓯᒪᕗᑦ, ᐊᒃᑐᐊᓂᓖᓪᓗ ᖃᖓᑕᓂᒃᑯᑦ ᓵᑕᕆᔭᐅᔪᑦ ᓄᖅᑲᖅᑎᑕᐅᒋᓪᓗᑎᒃ. ᑕᒪᕐᒥᑦᑎᐊᖅ ᐅᒪᔪᓕᕆᔩᑦ ᐃᖅᑲᓇᐃᔭᖅᐳᑦ ᐊᖏᕐᕋᒥᓂ ᐱᔾᔪᑎᖃᓪᓗᐊᑕᓕᖅᖢᑎᒡᓗ ᖃᐅᔨᓴᖅᓯᓂᕐᒥᒃ ᑭᖑᓂᑦᑎᓐᓂ ᑲᑎᑕᐅᓯᒪᔪᓂᒃ ᑎᑎᕋᙳᖅᑎᑕᐅᓯᒪᔪᓂᒃ, ᑭᖑᓪᓕᖅᒡᐹᖅᓯᐅᑎᖏᓐᓂᒡᓗ ᐱᓕᕆᐊᖃᖅᖢᑎᒃ ᐱᐊᓂᒃᑕᐅᓯᒪᙱᑦᑐᓂᒃ ᖃᐅᔨᓴᖅᓯᓂᕐᒧᑦ ᐅᓂᒃᑳᓂᒃ.
ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ
ᑲᔪᓰᓐᓇᖅᑐᑦ ᐱᔨᑦᑎᕋᐅᑕᐅᔪᑦ:
- ᑕᒪᕐᒥᑦᑎᐊᖅ ᓄᓇᕗᑦ ᒐᕙᒪᖓᑕ ᑎᑎᕋᕐᕕᖃᕐᕕᖏᑦ ᐃᒡᓗᕐᔪᐊᑦ ᑭᒃᑯᑐᐃᓐᓇᓄᑦ ᒪᑐᓯᒪᐃᓐᓇᕐᓂᐊᖅᐳᑦ. ᑭᓇᑐᐃᓐᓇᒥᒃ ᑕᖅᑳᙵᑐᐃᓐᓇᖅ ᑲᑎᖃᑎᖃᕆᐊᖃᖅᑐᖃᖅᐸᑦ ᓄᓇᕗᑦ ᒐᕙᒪᖓᑕ ᐊᑐᕆᐊᖃᓪᓚᕆᒃᑐᓂᒃ ᐱᔨᑦᑎᕋᕐᕕᖃᕐᓂᕐᒧᑦ ᐃᖅᑲᓇᐃᔭᖅᑎᒥᒃ, ᐊᓯᐊᒍᖔᖅ ᐋᖅᑭᒃᓱᖅᑕᐅᔪᓂᒃ ᐋᖅᑭᒃᓱᖅᑕᐅᔪᖃᕆᐊᖃᖅᐳᖅ.
- ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ ᐱᓕᕆᕝᕕᖓᑕ ᐊᕕᑦᑐᓯᒪᓂᖓ ᓱᓕ ᐱᑕᖃᐃᓐᓇᕆᐊᓖᑦ ᐱᔨᑦᑎᕈᑎᖏᑦ ᐊᑦᑕᕐᓇᖅᑕᐃᓕᒪᔪᓕᕆᔨᒃᑯᑦ (ᓄᓇᕗ ᖃᑦᑎᕆᔨᒃᑯᑦ ᐊᖏᔪᖅᑳᒻᒪᕆᖓᑕ ᑎᑎᕋᕐᕕᖓ, ᐊᖏᔪᖅᑳᖅ ᐃᒡᓗᕐᔪᐊᑦ ᐊᐅᓚᑦᑎᔨᖏᓐᓄᑦ, ᐅᐊᔭᕆᓕᔨᒻᒪᕆ ᖃᐅᔨᓴᖅᑎ, ᐃᒥᕐᒨᖅᑐᓄᑦ ᐳᓪᓚᓅᖅᑐᓄᓪᓗ ᐅᖅᑯᓴᐅᑎᓂᒃ ᖃᐅᔨᓴᖅᑎ ᐊᒻᒪ ᒪᔫᑎᓂᑦ ᖃᐅᔨᓴᖅᑎᒻᒪᕆᖓ) ᑖᒃᑯᐊ ᐃᖅᑲᓇᐃᔭᖅᑏᑦ ᐊᑐᐃᓐᓇᐅᔪᑦ:
- ᓄᓇᕗᒻᒥ ᖃᑦᑎᕆᔨᒃᑯᑦ ᐊᖓᔪᖅᑳᒻᒪᕆᖓᑕ ᑎᑎᕋᕐᕕᖓ: ᖃᑦᑎᕆᔩᑦ ᐊᖓᔪᖅᑳᒻᓴᒪᕆᖓᑦ ᑎᑦ ᑯᓘᑎᐊ – 867-222-0132 - @email
- ᑎᑎᕋᕕᖓ ᐊᖏᔪᖅᑳᖅ ᐃᒡᓗᕐᔪᐊᑦ ᐊᐅᓚᑦᑎᔨᖏᓐᓄᑦ: ᐊᖏᔪᖅᑳᖅ ᐃᒡᓗᕐᔪᐊᑦ ᐊᐅᓚᑦᑎᔨᖏᓐᓄᑦ ᕗᕋᐃᔭᓐ ᐅᑦ - 867-222-3230 − @email
- ᐊᖓᔪᖅᑳᖅ ᐅᐊᔭᓕᕆᓂᕐᒧᑦ ᖃᐅᔨᓴᖅᑎ: ᐊᓯᔾᔨᑐᐃᓐᓇᕆᐊᓕᒃ
- ᐊᖓᔪᖅᑳᖅ ᐅᐊᔭᓕᕆᓂᕐᒧᑦ ᖃᐅᔨᓴᖅᑎ ᔮᓇᑕᓐ ᐹᑦᔅ – 867-222-2889 - @email
- ᐃᒥᕐᒨᖅᑐᓄᑦ ᐳᓪᓚᓅᖅᑐᓄᓪᓗ ᐅᖅᑯᓴᐅᑎᓂᒃ ᖃᐅᔨᓴᖅᑎᐅᑉ ᑎᑎᕋᕐᕕᖓ: ᖃᐅᔨᒃᑲᕐᓗᒍ ᓄᓇᓕᓐᓂ ᒐᕙᒪᒃᑯᓐᓂᓪᓗ ᐱᔨᑦᓯᕋᖅᑎᒃᑯᑦ ᐊᑦᑕᕐᓇᖅᑕᐃᓕᒪᔪᓕᕆᔨᒃᑯᑦ ᑐᑭᒧᐊᒃᑎᑦᑎᔨ ᒪᐃᒃ ᓕᑐᒃ ᐅᕗᖓ 867-222-1214 (@email) ᖃᓄᑐᐃᓐᓇᖅ ᐃᑲᔪᖅᑕᐅᔭᕆᐊᓕᓐᓄᑦ ᑕᕙᙵᑦ ᐱᓕᕆᕝᕕᐅᔪᒥᑦ ᐊᒻᒪ ᑖᓐᓇ ᐊᑐᖅᑕᐅᖏᓐᓇᕐᓂᐊᖅᑐᖅ ᓇᓗᓇᐃᖅᑕᐅᖏᓐᓂᖓᓂᑦ ᖃᖓᒨᖓᒻᒪᖔᖅ.
- ᐊᖓᔪᖅᑳᖅ ᒪᔫᑎᓂᑦ ᖃᐅᔨᓴᖅᑎᒻᒪᕆᒃ: ᒪᔫᑎᓂᑦ ᖃᐅᔨᓴᖅᑎᒻᒪᕆᒃ ᑎᒻ ᐃᓄᐊᓗᒃ – 867-222-0210 - @email
- ᐅᔾᔨᕆᔭᐅᓕ ᐅᓇ: ᑖᒃᑯᐊ ᐅᖃᕐᕕᒋᓇᓱᑦᑕᑎᑦ ᑭᐅᔪᖃᕈᓐᓇᓂᖏᑳᓪᓚᑉᐸᑕ ᖁᓛᓃᑦᑐᑦ ᑕᐃᔭᐅᔪᑦ,
- ᑐᑭᒧᐊᖅᑎᑦᑎᔨ ᓄᓇᓕᓐᓂ ᒐᕙᒪᒃᑯᓐᓂᓪᓗ ᐱᔨᑦᓯᕋᖅᑎᒃᑯᑦ ᐊᑦᑕᕐᓇᖅᑕᐃᓕᒪᔪᓕᕆᔨᒃᑯᓐᓂ ᒪᐃᒃ ᓕᑐᒃ ᐅᖄᓚᕕᐅᔪᓐᓇᖅᑐᖅ ᐅᕗᖓ 867-222-1214 ᐅᕙᓗ @email.
ᓄᓇᕗᒻᒥ ᓯᓚᑦᑐᖅᓴᕐᕕᒃ
ᓄᓇᕗᒻᒥ ᓯᓚᑦᑐᓴᕐᕕᒃᑯᑦ ᑖᒃᑯᐊ ᐅᖓᕙᕆᐊᖅᑎᑦᑎᔪᑦ ᓄᖅᑲᖓᑎᑦᑎᓂᕆᔭᖏᓐᓂᑦ ᒪᐃ 4−ᒧᑦ.
ᑖᒃᑯᐊ ᓯᓚᑦᑐᓴᕐᕕᒃᑯᑦ ᐅᐱᕐᖓᔅᓵᒥᑦ ᐃᓕᓐᓂᐊᕐᓂᕐᒥᑦ ᑲᔪᓯᑎᑦᑎᒍᒪᔫᒐᓗᐊᑦ ᑭᓯᐊᓂ ᐊᓯᐊᒍᖔᖅ ᐃᓕᓐᓂᐊᖅᑎᑦᑎᑐᐃᓐᓇᕆᐊᓖᑦ ᐃᒻᒪᖄ ᐃᓕᓐᓂᐊᕈᑎᖏᑦ ᓇᔅᓯᐅᑎᔭᐅᓗᑎᑦ ᐃᓕᓐᓂᐊᖅᑎᓄᑦ, ᖃᕆᓴᐅᔭᒃᑯᑦ ᐃᓕᓐᓂᐊᖅᑎᑕᐅᓗᑎᓪᓗᓐᓃᑦ ᓄᓇᓕᖏᓐᓃᑦᑐᓂᑦ ᐱᖁᑎᓂᑦ ᐊᑐᕐᓗᑎᑦ.
ᑐᓴᖅᑕᐅᔪᒃᓴᓕᒫᓄᑦ ᓄᓇᕗᒻᒥ ᓯᓚᑦᑐᖅᓴᕐᕕᐅᑉ ᐱᓕᕆᐊᕆᔭᒃᓴᖁᑎᖏᓐᓄᑦ ᐊᔪᕈᓐᓃᖅᓴᒐᒃᓴᓄᓪᓗ ᐅᐱᕐᙶᒥ ᐃᓕᓐᓂᐊᖅᑕᐅᔪᒃᓴᓄᑦ, ᐅᕗᖓ ᑕᑯᔭᖅᑐᕐᓗᒋᑦ: https://arcticcollege.ca/s/NAC-Q-A-Spring-semester.pdf
ᓄᓇᕗᒻᒥᐅᑦ ᖃᓄᐃᙱᑦᑎᐊᕈᓐᓇᕐᓂᖏᑦ ᑕᒪᑦᑕᑦᑎᐊᖅ ᑲᒪᒋᔭᒃᓴᕆᕙᕗᑦ! ᐳᐃᒍᖅᑕᐃᓕᒋᑦ: ᐊᒡᒐᑎᑦ ᐅᐊᓴᖅᐊᒡᓗᒋᑦ ᖄᕆᔭᐅᔪᓪᓗ, ᐊᑐᖅᐸᒡᓗᑎᒃ ᑭᒃᑯᑐᐃᓐᓇᓂᒃ ᖃᓂᒃᓴᓗᐊᖅᑕᐃᓕᒪᓂᕐᒥᒃ, ᓈᓚᒃᐸᒡᓗᑎᓪᓗ ᐅᖃᐅᔾᔪᐃᔾᔪᑕᐅᔪᓄᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᓕᕆᔨᓂᑦ, ᐊᖏᕐᕋᖅᓯᒪᕙᒡᓗᑎᒡᓗ ᖃᓂᒪᔭᕌᖓᕕᑦ.