ᐸᖕᓂᖅᑑᖅ ᐊᒻᒪ ᒥᑦᑎᒪᑕᓕᖕᒥᑦ ᐳᕙᒡᓗᖕᓂᕐᒧᑦ ᐃᓄᒋᐊᓄᑦ ᖃᓂᒪᒍᑕᐅᔪᖅ ᑐᓴᒐᒃᓴᖅ

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᖃᐅᔨᒪᖁᔨᖕᒪᑕ ᐃᓄᒋᐊᓄᑦ ᖃᓂᒪᒍᑕᐅᔪᒥᑦ ᐳᕙᒡᓗᖕᓇᕐᒥᑦ (TB) ᓇᓗᓇᐃᖅᑕᐅᓚᐅᖅᑐᖅ ᐸᖕᓂᖅᑑᒥᑦ ᓄᕕᐱᕆ 25, 2021, ᐱᖃᓯᐅᑎᓪᓗᒍ ᐃᓄᒋᐊᓄᑦ ᖃᓂᒪᒍᑕᐅᔪᖅ ᒥᑦᑎᒪᑕᓕᖕᒥᑦ ᒫᔾᔨ 17, 2023−ᒥ, ᑲᔪᓯᕗᖅ.

ᑕᐃᒪᙵᓂ ᔭᓄᐊᕆ 2021−ᒥ, ᐸᖕᓂᖅᑑᒥᑦ 48 ᐃᓄᐃᑦ ᓇᓗᓇᐃᖅᑕᐅᓚᐅᖅᑐᖅ ᐆᒻᒪᕆᒃᑐᒥᑦ ᐳᕙᒡᓗᖕᓇᕐᒥᑦ ᐊᒻᒪ 276 ᐃᓄᐃᑦ ᓇᓗᓇᐃᖅᑕᐅᓚᖅᖢᓂ ᐆᒻᒪᕆᙱᑦᑐᒥᑦ ᐳᕙᒡᓗᖕᓇᕐᒥᑦ ᓄᓇᓕᖕᓂᑦ.
ᑕᐃᒪᙵᓂ ᔭᓄᐊᕆ 2023−ᒥ, ᒥᑦᑎᒪᑕᓕᖕᒥᑦ 13 ᐃᓄᐃᑦ ᓇᓗᓇᐃᖅᑕᐅᓚᐅᖅᑐᖅ ᐆᒻᒪᕆᒃᑐᒥᑦ ᐳᕙᒡᓗᖕᓇᕐᒥᑦ ᐊᒻᒪ 105 ᐃᓄᐃᑦ ᓇᓗᓇᐃᖅᑕᐅᓚᐅᖅᑐᑦ ᐆᒻᒪᕆᙱᑦᑐᒥᑦ ᐳᕙᒡᓗᖕᓇᕐᒥᑦ ᓄᓇᓕᖕᓂᑦ.

ᓄᓇᓖᑦ ᐳᕙᓪᓗᓐᓇᖅᑐᒧᑦ ᐋᓐᓂᐊᔪᒥᑦ ᓇᔫᑎᓯᒪᓐᓂᖅᐸᔪᑦ, ᐅᕝᕙᓘᓐᓃᑦ ᐳᕙᒡᓗᖕᓇᖅᑐᒧᑦ ᐋᓐᓂᐊᕈᑕᐅᖃᑦᑕᖅᑐᓂᑦ ᐃᑉᐱᖕᓂᐊᒃᐸᑕ ᐋᓐᓂᐊᕕᓕᐊᕆᐊᖃᖅᑐᑦ ᖃᐅᔨᓴᖅᑕᐅᓂᐊᕐᒪᑕ.

ᒪᑯᐊᖑᕗᑦ ᐋᓐᓂᐊᕈᑕᐅᖃᑦᑕᖅᑐᖅ ᐳᕙᒡᓗᖕᓇᖅᑐᖃᖅᑎᓪᓗᒋᑦ:

• ᖁᐃᖅᓱᖃᑦᑕᖅᑐᑦ ᐱᓇᓱᐊᕈᓯᑦ ᐱᖓᓱᑦ ᐅᖓᑖᓂ.
• ᑕᖃᖅᓯᒪᕐᔪᐊᖅᖢᑎᒃ.
• ᓂᕿᒥ ᑲᔾᔮᕈᓐᓃᖅᓯᒪᓗᓂ.
• ᐆᑎᕐᓇᑲᑕᒃᖢᑎᒃ ᐅᕝᕙᓘᓐᓃᑦ ᐅᓐᓄᐊᒃᑯᑦ ᑭᐊᒃᑎᓯᒪᑲᑕᒃᖢᑎᒃ.

ᑭᓇᑐᐃᓐᓇᖅ ᑖᒃᑯᓂᖓ ᐋᓐᓂᐊᕈᑕᐅᖃᑦᑕᖅᑐᓂᑦ ᓇᓪᓕᐊᓐᓂᑐᐃᓐᓇᖅ ᐃᑉᐱᒋᔭᖃᖃᑦᑕᑉᐸᑦ ᐋᓐᓂᐊᕐᕕᓕᐊᕆᑦᑕᐅᑎᒋᔭᕆᐊᓕᒃ ᖃᐅᔨᓴᖅᑕᐅᒋᐊᖅᑐᕐᓗᓂᔭ. ᐳᕙᒡᓗᖕᓇᖅ ᖃᓄᐃᑦᑐᓐᓃᕈᓐᓇᖅᑐᑦ ᐃᓅᓕᓴᐅᑎᓄᑦ ᐊᑐᐃᓐᓇᐅᓪᓗᑎᒡᓗ ᓄᓇᓕᖕᓂ. ᖃᓄᑐᐃᓐᓇᖅ ᐊᐱᖅᑯᑎᒃᓴᖃᕐᓂᕈᕕᑦ ᐋᓐᓂᐊᕐᕕᖕᒧᑦ ᐅᖄᓚᔪᓐᓇᖅᐳᑎᑦ.

ᐆᒻᒪᕆᙱᑦᑐᖅ ᐳᕙᒡᓗᒃ ᐊᐃᑦᑐᕐᑕᐅᔪᓐᓇᙱᑦᑐᖅ ᑭᓯᐊᓂ ᐃᓅᓕᓴᕐᑕᐅᔪᓐᓇᕐᑐᖅ ᐆᒻᒪᖁᓇᒍ. ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐱᓕᕆᕝᕕᖓ ᐃᑲᔪᐃᓐᓇᕐᓂᐊᖅᑐᑦ ᐊᒻᒪᓗ ᐃᑲᔪᕈᑎᔅᓴᓂᑦ ᐊᑐᐃᓐᓇᖃᐃᓐᓇᕐᓂᐊᖅᑐᑦ ᑖᒃᑯᐊ ᓈᒻᒪᑦᑐᓂᑦ ᐱᖃᖁᓪᓗᒋᑦ ᖃᐅᔨᓴᕈᑎᓂᑦ, ᐃᓕᓐᓂᐊᖅᑎᑦᑎᓂᕐᒥᑦ, ᐊᒻᒪᓗ ᐃᔭᒐᕐᓂᑦ ᐃᑲᔪᕐᓂᕐᒥᓪᓗ.

ᑐᑭᓯᒋᐊᒃᑲᓐᓂᕈᒪᒍᕕᑦ ᐳᕙᒡᓗᖕᓇᖅ ᒥᒃᓵᓄᑦ ᐊᒻᒪ ᐃᑲᔪᖅᑕᐅᔪᓐᓇᕐᓂᕐᒧᑦ, ᖃᐅᔨᒋᐊᕐᓗᑎᑦ ᓄᓇᕗᑦ ᒐᕙᒪᖓ ᐃᑭᐊᕿᕕᖓᒍᑦ.