ᓯᕗᓕᖅᑎ ᓴᕕᑲᑖᖅ ᐃᓕᓴᖅᓯᕗᖅ ᓄᓇᕐᔪᐊᒥᑦ ᐊᕐᓇᐅᑉ ᐅᓪᓗᖓᓂᑦ
ᓯᕗᓕᖅᑎ ᓴᕕᑲᑖᖅ ᐃᓕᓴᖅᓯᕗᖅ ᓄᓇᕐᔪᐊᒥᑦ ᐊᕐᓇᐅᑉ ᐅᓪᓗᖓᓂᑦ
ᓯᕗᓕᖅᑎ ᔫ ᓴᕕᑲᑖᖅ ᐅᓪᓗᒥ ᓴᖅᑭᑦᑎᖅᑲᐅᕗᖅ ᐅᑯᓂᖓ ᐅᖃᐅᓯᒃᓴᓂᑦ:
"ᑕᒪᑐᒪᓂ ᐊᕐᕌᒍᒥ ᐱᓕᕆᐊᖑᓂᐊᖅᑐᖅ ᓄᓇᕐᔪᐊᕐᒥᑦ ᐊᕐᓇᐅᑉ ᐅᓪᓗᖓᓂ ᓂᐱᖃᕈᓐᓇᖅᑐᖓ, ᐊᔾᔨᒌᒥᒃ ᓯᕗᓂᒃᓴᖃᖅᐳᖓ.
ᓇᓗᓇᖅᑐᖅᓯᐅᖅᑎᓪᓗᑕ ᐊᒻᒪ ᐊᓯᔾᔨᖅᓯᒪᑎᓪᓗᑕ, ᐊᖏᖅᓯᒪᐃᓐᓇᕆᐊᖃᓪᓚᕆᒃᐳᒍᑦ ᑐᙵᕕᒋᓂᖅᐹᕆᕙᒃᑕᑦᑎᓐᓂᒃ − ᑭᒃᑯᓕᒫᓄᑦ ᐊᔾᔨᒌᒃᑎᑕᐅᓂᖅ ᐊᔾᔨᒌᒃᑎᑦᑎᓂᕐᓗ. ᐃᓄᐃᑦ ᐱᔪᓐᓇᐅᑎᖏᓐᓂᒃ ᐊᐃᕙᔾᔪᑎᖃᖃᑦᑕᙱᓐᓇᑦᑕ ᑭᒃᑯᓕᒫᓄᑦ, ᐊᒻᒪ ᐊᕐᓇᐃᓪᓗ ᖃᐅᔨᒪᔭᕆᐊᖃᖅᖢᑎᒃ ᐃᑲᔪᖅᑐᖅᑕᐅᓂᖏᓐᓂᒃ.
ᓄᓇᕗᒻᒥ ᐊᕐᓇᐃᑦ, ᖃᐅᔨᒪᒋᔅᓯ ᐊᒃᓱᕈᕐᓗᑕ ᐱᓕᕇᓐᓇᕐᓂᐊᖅᐳᒍᑦ ᑭᓱᑐᐃᓐᓇᒥᒃ ᐱᓕᕆᔪᓐᓇᑦᑎᐊᖁᓪᓗᓯ ᐊᒻᒪ ᑭᓱᑐᐃᓐᓇᑦᑎᐊᖑᕈᓐᓇᖁᓪᓗᓯ. ᓄᓇᕗᑦ ᒐᕙᒪᖓᑦ ᐱᔪᓐᓇᐅᑎᔅᓯᓐᓂᒃ, ᐃᓱᒪᓕᐅᕈᓐᓇᕐᓂᔅᓯᓐᓂᒃ ᓯᕗᓂᒃᓴᒥᓪᓗ ᐊᑐᕈᒪᔭᔅᓯᓐᓂᒃ ᐊᒃᓱᕉᑎᖃᐃᓐᓇᕐᓂᐊᖅᐳᑦ.
ᑕᐃᒪᑐᖅ ᐅᓪᓗᒥ ᖃᐅᑕᒫᓪᓗ ᓂᓪᓕᕈᓐᓇᖃᑦᑕᕐᓂᐊᖅᐳᑎᑦ, ᓈᓚᒃᑕᐅᑦᑎᐊᕋᓱᖃᑦᑕᕐᓂᐊᖅᐳᑎᓪᓗ ᐃᑲᔪᖅᑐᖅᑕᐅᑦᑎᐊᕐᓗᑎᓪᓗ."
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᑲᐃᑦ ᒪᒡᓚᐅᑦ
ᐱᕙᓪᓕᐊᔪᓄᑦ ᑎᑎᕋᖅᑎ
ᓯᕗᓕᖅᑎ ᔫ ᓴᕕᑲᑖᖅ ᑎᑎᕋᕐᕕᐊᓂ
867-975-5059
@email