ᑐᒃᓯᕋᐅᓯᐅᖁᔨᔪᑦ: 2024-25 ᐃᑲᔫᑎᑦ ᑮᓇᐅᔭᓕᐅᕋᓱᐊᙱᑦᑐᓄᑦ ᓂᐅᕕᐊᒃᓴᖃᖅᑎᓄᑦ ᐊᑭᓕᖅᓱᖅᑕᐅᙱᑦᑐᓄᓪᓗ ᑲᑐᔾᔨᖃᑎᒌᓄᑦ
ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ, ᓂᐅᕕᐊᒃᓴᖃᖅᑐᓕᕆᔨᒃᑯᑦ, ᐱᓕᕆᖃᑎᖃᑦᑎᐊᓲᑦ ᑲᓇᑕᒥ, ᑲᓇᑕᒥ ᐊᕕᒃᑐᖅᓯᒪᔪᓂᒃ, ᐊᒻᒪ ᓄᓇᕘᒥ ᐱᓕᕆᔨᐅᖃᑎᖏᓐᓂᒃ ᐅᔾᔨᕆᔭᐅᓕᖅᑎᓐᓇᓱᒃᖢᒋᑦ ᐱᓕᕆᐊᑦ ᓴᙱᒃᑎᒋᐊᕈᑕᐅᓲᑦ ᓂᐅᕕᖅᐸᒃᑐᑦ ᐱᓕᕆᐊᖏᓐᓄᑦ, ᓴᐳᔾᔭᐅᔾᔪᑎᓄᑦ, ᐊᒻᒪ ᐅᔾᔨᕆᔭᐅᓕᕈᑎᓄᑦ ᓂᐅᕕᐊᒃᓴᖃᖅᑎᓄᑦ.
ᓂᐅᕕᐊᒃᓴᖃᖅᑐᓕᕆᔨᒃᑯᑦ ᑐᓴᖁᔨᕗᑦ ᓄᓇᕗᒥᐅᓂᑦ ᑐᒃᓯᕋᐅᑎᓕᐅᖁᔨᑎᓪᓗᒋᑦ ᑲᓇᑕᐅᑉ ᒐᕙᒪᖓᓐᓄᑦ, ᖃᐅᔨᓴᖅᑐᓕᕆᓂᖅ ᐊᒻᒪ ᐱᕙᓪᓕᐊᔪᓕᕆᔨᒃᑯᑦ ᑲᓇᑕᒥ 2024-25 −ᒥᑦ ᐃᑲᔫᑎᑦ ᐱᓕᕆᐊᖓ ᑮᓇᐅᔾᔭᒃᓴᕋᓱᐊᖅᑎᐅᙱᑦᑐᓄᑦ ᓂᐅᕕᖃᑦᑕᖅᑐᓄᑦ ᐊᒻᒪ ᐊᑭᓕᖅᓱᖅᑕᐅᙱᑦᑐᓄᑦ ᑲᑐᔾᔨᖃᑎᒌᓄᑦ ᒫᓐᓇ ᒪᑐᐃᖓᓕᖅᑐᖅ.
ᑖᓐᓇ ᐱᓕᕆᐊᖑᔪᖅ ᑐᕌᕆᔭᖃᖅᐳᖅ ᐱᐅᓯᒋᐊᖅᑎᑦᑎᔪᒪᓪᓗᓂ ᑮᓇᐅᔭᑎᒍᑦ ᓇᖕᒥᓂᖅᓱᕈᓐᓇᕐᓂᕐᒥᒃ ᑕᒪᐃᓐᓄᑦ ᐊᑐᖅᑎᐅᕙᒃᑐᓄᑦ ᐊᑭᓕᖅᓱᖅᑕᐅᙱᑦᑐᓄᓪᓗ ᑲᑐᔾᔨᖃᑎᒌᓄᑦ. ᓯᕗᓪᓕᐅᑎᑕᐅᓂᐊᖅᑐᑦ ᑐᒃᓯᕋᐅᑎᓂᑦ ᐱᔾᔪᑎᓕᖕᓂᑦ ᑐᓴᐅᒪᖃᑦᑕᐅᑎᓂᕐᒥᑦ ᐊᑐᖅᑕᐅᖃᑦᑕᖅᑐᓂᑦ ᐱᓕᕆᔾᔪᑎᓂᓪᓗ ᓄᖅᑲᖓᓕᕈᑕᐅᔪᓐᓇᖅᑐᓂᓪᓗ ᓂᕿᓄᑦ ᐱᓇᔪᒡᕕᐅᔪᓐᓇᖅᑐᓐᓄᑦ.
ᓂᐅᕕᖅᐸᒃᑐᑦ ᐊᒻᒪ ᐊᑭᓕᖅᓱᖅᑕᐅᙱᖦᖢᑎᒃ ᑲᑐᔾᔨᖃᑎᒌᑦ ᑎᒥᕈᖅᓯᒪᔪᑦ ᑮᓇᐅᔾᔭᒃᓴᕋᓱᐊᖅᑎᐅᙱᖦᖢᑎᒃ ᑯᐊᐳᕇᓴᐅᓪᓗᑎᒃ ᓄᓇᕗᒻᒥ ᑎᓕᐅᖅᑕᐅᕗᑦ ᐱᓇᔫᑎᒧᑦ ᖃᐅᔨᒪᔾᔪᑎᒥᒃ ᐊᑐᕈᓐᓇᖁᔭᐅᓪᓗᑎᒃ ᑐᒃᓯᕋᐅᑎᒥᓂᒃ ᐱᕙᒌᔭᖅᑎᓪᓗᒋᑦ.
ᐱᓇᓱᐊᖅᑐᓄᑦ ᐃᓱᓕᕝᕕᓴᖅ ᒫᔾᔨ 28, 2024−ᒥ, 3:00-ᒧᐊᖅᐸᑦ ᐅᓐᓄᒃᓴᒃᑯᑦ. ᑲᓇᖕᓇᐅᑉ ᖃᐅᔨᓴᐅᑎᖓ ᒪᓕᒡᓗᒍ. ᑐᑭᓯᒋᐊᒃᑲᓐᓂᕈᒪᒍᕕᑦ, ᓂᐅᕕᐊᒃᓴᖃᖅᑐᓕᕆᔨᒃᑯᑦ ᖃᐅᔨᒋᐊᕐᕕᒋᔪᓐᓇᖅᑕᓯ Consumer Affairs ᐅᕙᓂ @email ᐅᕝᕙᓘᓐᓃᑦ 1-866-223-8139 (ᐊᑭᖃᙱᑦᑐᒃᑯᑦ).