ᐅᓄᙱᓛᓄᑦ ᐃᖅᑲᓇᐃᔭᕐᓗᓂ ᐊᑭᓕᖅᓱᖅᑕᐅᕙᖕᓂᕐᒧᑦ ᖃᐅᔨᓴᖅᓯᓂᖅ

ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ

ᐅᓄᙱᓛᓄᑦ ᐃᖅᑲᓇᐃᔭᕐᓗᓂ ᐊᑭᓕᖅᓱᖅᑕᐅᕙᖕᓂᕐᒧᑦ ᖃᐅᔨᓴᖅᓯᓂᖅ

ᒪᓕᒐᓕᕆᔨᒃᑯᑦ ᒫᓐᓇᒃᑯᑦ ᕿᒥᕐᕈᐊᖅᐸᓪᓕᐊᕗᑦ ᐅᓄᙱᓛᓄᑦ ᐃᖅᑲᓇᐃᔭᕐᓗᓂ ᐊᑭᓕᖅᓱᖅᑕᐅᕙᖕᓂᕐᒧᑦ ᖃᔅᓯᑐᖅᑎᑕᐅᕙᖕᓂᖓᓂᒃ ᓄᓇᕗᒻᒥ ᐱᔪᒪᓇᔭᖅᖢᑎᒡᓗ ᐅᖃᐅᓯᐅᔪᒪᓯᒪᔪᓂᒃ ᓄᓇᕗᒻᒥᐅᓂᑦ.

ᐅᓄᙱᓛᓄᑦ ᐃᖅᑲᓇᐃᔭᕐᓗᓂ ᐊᑭᓕᖅᓱᖅᑕᐅᕙᖕᓂᕐᒧᑦ ᖃᐅᔨᓴᖅᓯᓂᖅ ᐱᔭᕇᖅᑕᐅᔪᓐᓇᖅᐳᖅ ᖃᕆᑕᐅᔭᒃᑯᑦ, ᖃᖓᑐᐃᓐᓇᑦᑎᐊᒃᑯᑦ ᓯᑎᐱᕆ 30, 2019−ᓗ ᐅᑐᐱᕆ 30, 2019−ᓗ ᐊᑯᓐᓂᖏᓐᓂ. ᑕᒪᕐᒥᑦᑎᐊᖅ ᐃᓗᐊᖅᓴᖅᑕᐅᕙᖕᓂᕐᒧᑦ ᑐᓴᖅᑕᐅᔪᒃᓴᐃᑦ ᐱᔭᐅᑎᑕᐅᔪᑦ ᑭᒃᑯᑐᐃᓐᓇᓄᑦ ᑕᑯᔭᐅᔭᕆᐊᖃᖅᐸᙱᓚᑦ. ᑎᑎᕋᖅᓯᒪᔪᑦ ᑲᑎᑕᐅᔪᑦ ᐃᑲᔪᕐᓂᐊᖅᐳᑦ ᒪᓕᒐᓕᕆᔨᒃᑯᓐᓂᒃ ᐱᔭᕇᖅᓯᔪᓐᓇᖅᑎᑦᑎᓗᑎᒃ ᐅᓄᙱᓛᓄᑦ ᐃᖅᑲᓇᐃᔭᕐᓗᓂ ᐊᑭᓕᖅᓱᖅᑕᐅᕙᖕᓂᕐᒧᑦ ᕿᒥᕐᕈᐊᖅᓯᒃᑲᓐᓂᕐᓂᖏᓐᓂᒃ. ᐅᓄᙱᓛᓄᑦ ᐃᖅᑲᓇᐃᔭᕐᓗᓂ ᐊᑭᓕᓱᖅᑕᐅᕙᖕᓂᖅ ᑭᖑᓪᓕᖅᐹᒥᒃ ᐅᓄᖅᓯᒋᐊᖅᑕᐅᓚᐅᖅᓯᒪᕗᖅ $13−ᖑᖅᑎᑕᐅᓪᓗᓂ ᐃᑲᕐᕋᒧᑦ ᐊᑕᐅᓯᕐᒧᑦ ᐄᐳᕈ 1, 2016−ᒥ.

ᐅᓄᙱᓛᓄᑦ ᐃᖅᑲᓇᐃᔭᕐᓗᓂ ᐊᑭᓕᖅᓱᖅᑕᐅᕙᖕᓂᖅ ᐊᑦᑎᓛᖑᕗᖅ ᐃᖅᑲᓇᐃᔭᕐᕕᒋᔭᐅᔫᑉ ᓄᓇᕗᒻᒥ ᐊᑭᓕᐅᑎᒋᖃᑦᑕᕈᓐᓇᖅᑕᖓ ᐃᖅᑲᓇᐃᔭᖅᑎᒋᔭᒥᓄᑦ. ᓄᓇᕗᒻᒥᐅᑦ ᐃᓚᐅᔪᒪᔪᑦ ᑕᒪᑐᒧᐊ ᐊᐱᖅᓱᒐᒃᓴᓂᒃ ᐱᓕᕆᐊᖃᕈᓐᓇᖅᐳᑦ ᐅᕙᓂ, Nunavut-Minimum-Wage-Survey.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑳᕐᓖ ᑭᓐᑖᓪ
ᐊᑐᐊᒐᓕᕆᓂᕐᒧᑦ ᑐᓴᒐᒃᓴᓕᕆᓂᕐᒧᓪᓗ
ᕿᒥᕐᕈᔨ ᒪᓕᒐᓕᕆᔨᒃᑯᑦ
867-975-6174
@email