ᐅᐱᕐᖔᒃᑯᑦ ᐱᖦᖤᙱᓴᖅᑐᖃᓲᖑᓂᖓᓂᒃ ᐃᖅᑲᐃᓯᔾᔪᑎ
ᐅᐱᕐᙶᒃᑯᑦ ᓯᓚ ᑐᑭᖃᖅᐳᖅ ᓂᕐᔪᑎᓂᒃ ᑕᑯᔪᖃᖃᑦᑕᕐᓂᖅᓴᐅᓕᕐᓂᖓᓂ ᓄᓇᒦᑎᓪᓗᒋᑦ. ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐃᖅᑲᐃᓯᒃᑲᓐᓂᕈᒪᔪᑦ ᑭᒃᑯᑐᐃᓐᓇᕐᓂᑦ ᐅᔾᔨᖅᓴᑦᑎᐊᑲᓐᓂᖁᔨᓪᓗᑎᒃ ᐱᖦᖤᖏᓴᑐᐃᓐᓇᕆᐊᖃᖅᑐᓂᑦ.
ᐱᖦᖤᙱᓴᕐᓇᖅ ᐊᑦᑕᕐᓇᖅᖢᓂ ᑭᓯᐊᓂ ᖃᓄᐃᑦᑐᓐᓃᕐᓇᖅᖢᓂ ᖁᐱᕐᕈᐊᕐᔫᕗᑦ ᐊᐃᑦᑐᕐᓘᑕᐅᔪᓐᓇᖅᖢᓂ ᓂᕐᔪᑎᓄᑦ ᐃᓄᖕᓄᓪᓗ. ᐊᒥᓱᑦ ᐆᒪᔪᑦ ᐱᖦᖤᙱᓴᕐᓇᖅᑐᒥᒃ ᐱᑕᖃᓲᑦ, ᐃᓚᒋᔭᐅᓪᓗᑎᑦ ᑎᕆᒐᓂᐊᑦ, ᐊᒪᕈᐃᑦ ᐊᒻᒪ ᕿᒻᒦᑦ. ᑖᓐᓇ ᐋᓐᓂᐊᖑᔪᖅ ᐊᐃᑦᑐᓪᓗᐃᓐᓇᖅᑐᖅ ᓯᐊᒻᒪᒃᐸᒃᑐᖅ ᐆᒪᔪᒥᒃ ᑮᓯᔪᖃᕌᖓᑦ, ᕿᓱᒃᓯᒃᐸᑦ, ᐊᓗᐱᖅᓯᒃᐸᓪᓗ ᐃᑭᒥᑦ.
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐃᖅᑲᐃᓯᔪᒪᕗᑦ ᓄᓇᕗᒻᒥᐅᓂ ᐅᔾᔨᖅᓱᑦᑎᐊᖁᔨᓪᓗᑎᒃ ᐊᒥᓕᕆᑎᓪᓗᒋᑦ ᓂᕐᔪᑎᓂᑦ ᐊᑦᑕᕐᓇᕐᓂᕋᖅᑕᐅᔪᓂᒃ ᐱᖦᖤᙱᓴᕐᓂᕐᒧᑦ ᐊᐃᑦᑐᐃᑐᐃᓐᓇᕆᐊᖃᕐᓂᖏᓐᓂᑦ. ᐱᖦᖤᙱᓴᕐᓇᖅ ᓯᐊᒻᒪᒍᓐᓇᕐᒪᑦ ᐅᕕᓂᕐᓗᒃᑐᒧᑦ ᐅᕝᕙᓘᓐᓃᑦ ᓯᖅᐱᓕᔪᒧᑦ ᐃᔨᒃᑯᑦ, ᑲᒃᑭᓕᔪᒧᑦ ᓱᕐᓗᒃᑯᑦ ᐅᕝᕙᓘᓐᓃᑦ ᓄᕚᕿᔪᒧᑦ. ᐅᓗᕆᐊᓇᕐᓂᖓᓄ ᐊᐃᑦᑐᕐᓘᑕᐅᔪᓐᓇᖅᑐᑦ ᐱᖦᖤᙱᓴᕐᓇᖅ, ᐃᖅᑲᐃᓯᕙᕗᑦ ᓄᓇᓕᖕᒥᐅᓕᒫᑦ ᐊᑦᑕᕐᓇᙱᑦᑐᑎᒍᑦ ᐊᒥᓕᕆᖃᑦᑕᖁᓪᓗᒋᑦ ᐋᒃᑐᖅᐸᒡᓗᑎᒡᓗ.
ᑮᔭᐅᓐᓂᕈᕕᑦ ᑕᓪᓕᒃᑕᐅᓐᓂᕈᕕᓪᓘᓐᓃᑦ ᑎᕆᒐᓂᐊᒧᑦ ᕿᒻᒥᕐᒧᓪᓘᓐᓃᑦ, ᐋᓐᓂᐊᕕᓕᐊᕐᓗᑎᑦ ᖃᓄᐃᓕᐅᖅᑕᐅᓂᕆᔭᐃᓪᓗ ᐅᖃᐅᓯᕆᑲᐅᑎᒋᓗᒍ. ᐃᓅᓕᓴᖅᑕᐅᓯᑲᐅᑎᒋᔭᕆᐊᖃᖅᐳᖅ ᑮᔭᐅᓐᓂᕈᓂ, ᐱᖦᖤᙱᓴᖅᑐᒧᑦ ᐊᐃᑦᑐᕐᓗᒃᑕᐅᔪᑦ ᐊᑦᑕᕐᓇᖅᑐᒦᕐᔪᐊᓕᕋᔪᖕᒪᑕ.
ᑕᒪᑦᑕ ᐱᔪᓃᖅ[ᐸᓪᓕᖅᑎᑦᑎᔪᓐᓇᖅᑐᐃᓐᓇᐅᔪᒍᑦ ᐱᖦᖤᙱᓴᕐᓇᕐᒥᑦ ᐃᒪᓐᓇ:
- ᐃᖅᓯᓇᖅᑐᓂᒃ ᓂᕐᔪᑎᓂᒃ ᐱᑦᑕᐃᓕᓗᑎᑦ.
- ᑲᒪᒋᕙᒃᓗᖏᑦ ᓄᑕᖅᑲᑦ ᓂᕐᔪᑎᑦ ᖃᓂᒋᔭᖏᓐᓂ.
- ᑲᐱᔾᔭᐅᔾᔪᑎᒋᔭᕆᐊᓕᑎᑦ ᐊᖑᒻᒪᑎᑏᓐᓇᕐᓗᒋᑦ
- ᑎᒍᐊᖅᓯ ᐃᐱᖅᓯᒪᑎᑉᐸᒡᓗᒋᑦ ᑕᓯᒍᐊᕐᒧᑦ ᐊᖅᓵᖅᑑᔭᕐᒧᓪᓘᓐᓃᑦ ᓯᓚᒦᓐᓂᖏᓐᓂᒃ.
ᐃᓱᒫᓘᑎᖃᕈᔅᓯ ᓂᕐᔪᑎᒥᒃ ᐃᖅᓯᓇᖅᑐᒥᒃ ᐱᖦᖤᙱᓴᕋᓱᒋᓐᓈᓗᓯ, ᐆᒪᔪᕐᓂᐊᖅᑎᔅᓯᓐᓄ ᐅᖃᖅᐸᒡᓗᓯ. ᕿᒻᒥᕆᔭᐃᑦ ᑮᔭᐅᒃᐸᑦ ᓂᕐᔪᑎᒧᑦ, ᐅᖄᓚᕝᕕᒋᓗᒍ ᐊᕙᑎᑦᑎᓐᓂ ᐋᓐᓂᐊᖃᕐᓇᙱᑦᑐᓕᕆᔨᐅᔪᖅ ᐅᕝᕙᓘᓐᓃᑦ ᒪᓕᒐᕋᓛᓕᕆᔨᐅᔪᖅ ᖃᓄᖅ ᐱᔭᕆᐊᖃᕐᒪᖔᖅᐱᑦ ᑐᑭᓯᕝᕕᒋᓇᓱᒡᓗᒍ.
ᐊᕕᒃᑐᖅᓯᒪᔪᓂ ᐊᕙᑎᑦᑎᓂ ᖃᓄᐃᙱᑦᑎᐊᖅᑐᓕᕆᔨᒃᑯᑦ ᐅᖄᓚᐅᑎᖏᑦ ᖃᐅᔨᒋᐊᕐᕕᐅᔪᓐᓇᖅᑐᑦ ᐅᑯᐊᖑᕗᑦ:
- ᑭᕙᓪᓕᕐᒥ: 1-867-645-8071.
- ᕿᑎᕐᒥᐅᓂ: 1-867-983-4236.
- ᕿᑭᖅᑖᓗᒥ: 1-867-975-4817, 1-867-975-4815 ᐅᕝᕙᓘᓐᓃᑦ 1−867−473-2625