ᓯᓚᑦᑐᖅᓴᕐᕕᖕᒥ ᑎᑎᖅᑭᕆᔨ

ᓄᓇᕗᒻᒥ ᒐᕙᒪᒃᑯᑦ ᓂᕈᐊᖅᑕᐅᓯᒪᔪᑦ ᑲᓇᑕᒥ ᐊᔾᔨᒌᙱᑦᑐᓂᒃ ᐃᖅᑲᓇᐃᔭᖅᑎᖃᕐᓂᖅᐹᖑᓂᖓᓄᑦ ᒪᒃᑯᒃᑐᓂᑦ ᐃᓕᓐᓂᐊᖅᑕᒥᓂᒡᓗ ᐊᓂᒍᐃᓚᐅᖅᑐᓂᒃ 2022-ᒥ. ᐱᕈᖅᐸᓪᓕᐊᓂᖅᐹᖑᖃᑕᐅᔪᖅ ᒪᒃᑯᑦᑐᐃᓪᓗ ᐃᓄᒋᐊᖕᓂᖅᐹᖑᓪᓗᑎᒃ ᑲᓇᑕᒥ, ᓄᓇᕗᑦ ᐆᒻᒪᕆᒃᑐᖅ, ᐱᔪᒪᓂᖃᑦᑎᐊᖅᑐᖅ, ᐊᖏᖅᓯᒪᑦᑎᐊᖅᖢᑎᓪᓗ ᐱᐅᓂᖅᓴᒥᒃ ᐃᓂᖃᖅᑎᑦᑎᖁᔨᓪᓗᑎᒃ ᑭᖑᕚᒃᓴᑎᓐᓄᑦ.  ᒐᕙᒪᐅᑎᓪᓗᒋᑦ, ᐊᐅᓚᓂᕆᔭᕗᑦ ᐊᔾᔨᐅᙱᓐᓂᖓ ᓴᙱᓂᖅᑖᖅᑎᑉᐸᓪᓕᐊᕙᕗᑦ - ᐃᓚᓕᐅᔾᔨᓂᕐᒧᑦ ᐃᓄᐃᑦ ᖃᐅᔨᒪᔭᑐᖃᖏᓐᓂᑦ, ᓴᖅᑭᔮᖅᑎᑦᑎᓂᕐᒧᑦ ᐃᓄᒃᑐᑦ ᐅᖃᐅᓯᖓᓐᓂᑦ, ᑭᒡᒐᖅᑐᐃᑦᑎᐊᕐᓂᕐᒧᑦ ᒐᕙᒪᒃᑯᓐᓂᑦ ᐃᖅᑲᓇᐃᔭᖅᑎᓂᑦ, ᐱᓕᕆᖃᑎᖃᖃᑦᑕᕐᓗᓂᓗ ᑲᑐᔾᔨᖃᑎᒥᓂᒃ ᑲᔪᓯᑎᑦᑎᓂᕐᒧᑦ ᐊᖏᖅᓯᒪᓂᕆᔭᖓᓂᑦ ᓄᓇᕗᒻᒧᑦ. ᑲᔪᓯᓂᖃᑦᓯᐊᖅᑐᑦ ᐃᖅᑲᓇᐃᔮᖅᑖᖅᑐᑦ ᖁᕕᐊᒋᔭᖃᕐᓂᐊᖅᑐᑦ ᐊᑭᓕᖅᑐᖅᑕᐅᑦᓯᐊᕐᓂᕐᒧᑦ, ᐋᓐᓂᐊᕐᕕᓕᐊᕐᓂᕐᒧᑦ ᑭᒍᑎᓕᕆᔭᐅᓂᕐᒧᓪᓗ ᐃᑲᔫᑎᓂᑦ, ᓇᓗᓇᐃᖅᔭᖅᑕᐅᓯᒪᔪᓂᑦ ᐃᓐᓇᑐᖃᐅᔪᓯᐊᑦᓴᓄᑦ ᐸᕐᓇᐅᑎᓂᑦ, ᓅᑕᐅᓂᕐᒧᑦ ᐱᕕᖃᕐᓂᕐᒧᑦ ᐱᕕᖃᕐᓂᕐᒧᓪᓗ ᐱᓕᒻᒪᑦᓴᕐᓂᕐᒧᑦ ᐃᖅᑲᓇᐃᔮᒥᓪᓗ ᖁᕝᕙᖅᐸᓪᓕᐊᓂᕐᒧᑦ. 

ᑐᑭᒧᐊᖅᑎᑕᐅᕙᒡᓗᓂ ᑐᑭᒧᐊᖅᑎᑦᑎᔨᐅ ᐃᓕᓐᓂᐊᖅᑏᑦ ᐱᔨᑦᑎᕋᖅᑕᐅᕙᖕᓂᖏᑦ, ᓯᓚᑦᑐᖅᓴᕐᕕᖕᒥᑦ ᑎᑎᖅᑭᕆᔨ ᑲᒪᒋᔭᒃᓴᖃᖅᐳᖅ ᐊᐅᓚᑦᑎᓂᕐᒥᑦ ᐊᒡᓚᕕᓕᕆᔨᓕᒫᓂᑦ ᐊᒻᒪ ᐊᐅᓚᑦᑎᕕᖃᕐᓗᓂ ᑎᑎᕋᕐᕕᖕᒥᑦ ᑎᑎᖅᑭᕆᔨᐅᑉ.  ᓯᓚᑦᑐᖅᓴᕐᕕᖕᒥᑦ ᑎᑎᖅᑭᕆᔨ ᓇᓗᓇᐃᖅᓯᖃᑦᑕᖅᐳᖅ ᓱᓕᑦᑎᐊᕋᓗᐊᕐᒪᖔᑕ, ᐊᒻᒪ ᓴᐳᒻᒥᔭᐅᑦᑎᐊᕋᓗᐊᕐᒪᖔᑕ ᐃᓕᓐᓂᐊᕈᑎᒃᓴᐃᑦ ᐊᒻᒪ ᐃᓕᓐᓂᐊᕈᑎᓕᒫᑦ ᑎᑎᕋᖅᓯᒪᔪᑦ, ᐊᐅᓚᑦᑎᕙᒡᓗᓂ ᐊᑑᑎᖃᑦᑎᐊᖅᑐᒥᑦ ᐃᓕᓐᓂᐊᖅᑎᓄᑦ ᐊᑎᓕᐅᕐᑕᐅᓂᖏᓐᓂᒃ ᐊᒻᒪ ᐊᑎᓕᐅᖅᑕᐅᓯᒪᔪᓄᑦ. ᐊᒻᒪ ᐋᕿᐅᒪᑎᑦᑎᓂᖅ ᑭᖑᕙᙱᑦᑐᒥᒃ ᐃᓕᓐᓂᐊᕈᑎᒃᓴᓂᑦ ᐊᒻᒪ ᐱᓕᕆᐊᒃᓴᓄᑦ ᐅᓪᓗᖅᓯᐅᑎᖏᓐᓂᒃ, ᐃᓕᓐᓂᐊᕐᓂᖅ, ᐊᒻᒪ ᖁᕝᕙᓯᖕᓂᖏᑦ. ᑎᑎᖅᑭᕆᔨ ᐊᐅᓚᑦᑎᖃᑦᑕᕐᒥᔪᖅ ᐃᓕᓐᓂᐊᖅᑎᓄᑦ ᑮᓇᐅᔭᓕᕆᓂᕐᒧᑦ ᑎᑎᖅᑲᖁᑎᖏᓐᓂᒃ, ᐊᒻᒪ ᐃᓕᓐᓂᐊᖅᑎᓄᑦ ᑭᒡᓕᓯᓂᐊᖅᑕᐅᓯᒪᔪᑦ. ᓯᓚᑦᑐᖅᓴᕐᕕᖕᒥᑦ ᑎᑎᖅᑭᕆᔨ ᑲᒪᒋᔭᖃᕐᒥᔪᖅ ᑐᓂᓯᓂᕐᒥᒃ ᐊᕐᕌᒍᑕᒫᑦ ᑖᒃᓰᔭᐅᑎᓄᑦ ᓇᓕᖅᑲᓂᑦ ᐱᔪᓐᓇᕐᓂᕐᓗ ᑐᑭᓯᒋᐊᕈᓐᓇᕐᓂᕐᒧᑦ ᓴᐳᔾᔨᓯᒪᓂᕐᒧᓪᓗ ᑐᓴᖅᑕᐅᔭᕆᐊᖃᙱᑦᑐᓂᒃ (ATIPP) ᑐᒃᓯᕋᖅᑕᐅᔪᓂᒃ ᐃᓕᓐᓂᐊᖅᑎᑦ ᑎᑎᖅᑲᖁᑎᖏᓐᓂᒃ. ᓯᓚᑦᑐᖅᓴᕐᕕᖕᒥᑦ ᑎᑎᖅᑭᕆᔨ ᑲᒪᒋᔭᖃᕐᓂᐊᖅᑐᖅ ᐅᖃᐅᔾᔪᐃᓂᕐᒥᑦ ᐃᓕᓐᓂᐊᖅᑎᓄᑦ ᐊᒻᒪ ᐃᖃᓇᐃᔭᖅᑎᓄᑦ ᐃᓕᓐᓂᐊᕈᑎᒃᓴᓄᑦ ᐱᔾᔪᑎᓕᖕᓂᑦ ᐊᒻᒪ ᑐᓵᔨᐅᓂᖅ ᐊᒻᒪ ᓇᓗᓇᐃᖅᓯᓂᕐᒥᑦ ᒪᓕᑦᑎᐊᕋᓗᐊᕐᒪᖔᑕ ᓄᓇᕗᑦ ᓯᓚᑦᑐᖅᓴᕐᕕᖕᒥᑦ ᐊᑐᐊᒐᖏᓐᓂᒃ ᐱᓕᕆᔾᔪᓯᕐᓂᓗ.

ᑎᑎᖅᑭᕆᔨ ᑐᑭᒧᐊᖅᑎᑦᑎᔭᒃᑐᖅ ᐊᒻᒪ ᐊᐅᓚᑦᑎᕙᒃᑐᖅ ᓯᓚᑦᑐᖅᓴᕐᕕᓕᒫ ᐊᑎᓕᐅᖅᑕᐅᔪᓂᑦ ᐃᓕᓐᓂᐊᖅᑎᓕᒡᓗ ᑎᑎᖅᑲᖏᓐᓂᒃ ᐊᐅᓚᓂᖏᓐᓂᒃ ᓯᓚᑦᑐᖅᓴᕐᕕᓕᒫᒥᑦ ᐊᑐᓕᖅᑎᑦᑎᓂᖅ ᑐᑭᒧᐊᖅᑎᑕᐅᔪᓂ, ᖃᐅᔨᓴᕐᓂᖅ ᑎᑎᕋᖅᑕᐅᕙᓪᓕᐊᓂᕐᓗ ᐱᔭᕆᐊᖃᖅᑐᓂ ᐱᓕᕆᐊᒃᓴᓄᑦ ᐱᕙᒌᔭᐃᓂᖅ, ᐋᕿᐅᒪᑎᑦᑎᓂᖅ, ᐊᒻᒪ ᑐᓂᐅᖃᐃᓂᖅ ᑎᑎᖃᓂᑦ, ᑭᒡᓕᓯᓂᐊᖅᑕᐅᔪᓂ, ᐊᑐᓕᖁᔭᐅᓯᒪᔪᓂ, ᑲᑎᒪᔾᔪᑎᓂ ᐊᓯᖏᓪᓗ ᑎᑎᕋᖅᑕᐅᓯᒪᔪᑦ ᐱᔭᕆᐊᓖᑦ ᐱᓕᕆᐊᒃᓴᓄᑦ ᐊᐅᓚᑦᑎᔨᓂ, ᑐᑭᒧᐊᖅᑎᑦᑎᔨ, ᐊᐅᓚᑦᑎᔨᒻᒪᕇᑦ, ᐊᒻᒪ ᑮᓇᐅᔭᓕᕆᔨᒻᒪᕇᑦ ᐊᒻᒪ ᒥᓂᔅᑕᐅ ᑐᒡᓕᖓ ᓯᓚᑦᑐᖅᓴᕐᕕᖕᒥᑦ. ᑎᑎᖅᑭᕆᔨ ᓇᓗᓇᐃᖅᓯᖃᑦᑕᕐᒥᔪᖅ ᐊᑎᓕᐅᖅᑕᐅᓯᒪᔪᓂ ᐊᒻᒪ ᐃᓕᓐᓂᐊᖅᑎᓄᑦ ᑎᑎᖅᑲᖁᑎᖏᓐᓂᒃ ᒪᓕᑦᑎᐊᕋᓗᐊᕐᒪᖔᑕ ᒪᓕᑦᑕᐅᔭᕆᐊᖃᒻᒪᕆᒃᑐᓂ ᓴᕿᑕᐅᓯᒪᔪᖅ ᓄᓇᕗᑦ ᓯᓚᑦᑐᖅᓴᕐᕕᖕᒥᑦ. ᑎᑎᖅᑭᕆᔨ ᑲᒪᒋᔭᖃᖃᑦᑕᕐᓂᐊᕐᒥᒧᖅ ᐅᓪᓗᑕᒫᖅᓯᐅᑎᓂ ᐊᐅᓚᑦᑎᔾᔪᑎᓂ ᐃᓕᓐᓂᐊᖅᑎᓄᑦ ᑐᑭᓯᒋᐊᕐᕕᖕᒥᑦ. ᓯᓚᑦᑐᖅᓴᕐᕕᖕᒥᑦ ᑎᑎᖅᑭᕆᔨ ᑲᒪᒋᔭᖃᕐᒥᔪᖅ ᐊᐅᓚᑦᑎᓂᕐᒥᑦ ᐱᖓᓱᓂᑦ ᐃᖃᓇᐃᔭᖅᑎᓂ ᓄᓇᕗᒻᒥᑦ.

ᐃᖅᑲᓇᐃᔭᑖᕈᓐᓇᖅᑐᑦ ᐅᑯᓂᖓ ᐱᖃᖁᔭᐅᓯᒪᕗᑦ:

• ᓯᓚᑦᑐᖅᓴᕐᕕᖕᒥᑦ ᐱᔭᕇᕈᓯᐊᕐᒥᑦ ᐃᓕᓴᕆᔭᐅᔾᔪᑎᑖᖅᓯᒪᓗᓂ ᐊᐅᓚᑦᑎᓂᕐᒧᑦ ᖃᕆᓴᐅᔭᓕᕆᔾᔪᑎᓄᑦ, ᓇᖕᒥᓂᖃᖅᑎᐅᓂᕐᒧᑦ, ᐊᒡᓚᕝᕕᓕᕆᓂᖅ, ᐃᓕᓐᓂᐊᕐᓂᓕᕆᓂᖅ, ᐅᕝᕙᓘᓐᓃᑦ ᐊᔾᔨᑲᓴᖓᓂ. ᐊᒻᒪ ᒥᑭᓛᒥᑦ ᒪᕐᕈᖕᓄᑦ (2) ᐅᑭᐅᓄᑦ ᐊᔾᔨᖓᓂ ᐱᓕᕆᓯᒪᓂᑰᓗᓂ, ᐱᖃᓯᐅᑎᓗᒋᑦ ᐅᑭᐅᕐᒧᑦ ᐊᖓᔪᖄᖑᓂᑰᓗᓂ.
• ᐅᖃᕈᓐᓇᑦᑎᐊᕐᓗᓂ ᐃᓄᒃᑎᑐᑦ ᐃᑲᔫᑎᖃᕋᔭᖅᑐᖅ.

ᐊᔾᔨᐸᓗᖏᓐᓂᒡᓘᓐᓃᑦ ᐃᓕᓐᓂᐊᖅᓯᒪᓗᓂ ᐱᓕᕆᖃᑦᑕᖅᓯᒪᓂᑰᓗᓂᓘᓐᓃᑦ ᐃᓱᒪᒋᔭᐅᓂᐊᖅᑐᑦ.            

ᑖᔅᓱᒧᖓ ᐃᖅᑲᓇᐃᔮᒃᓴᒧᑦ ᐱᓇᓱᒍᒪᒍᕕᑦ, ᐃᕐᖏᕐᓇᐅᑎᒃᑯᑦ ᑎᑎᕋᖅᑕᑎᑦ ᐊᒻᒪ ᐱᔪᒥᓴᐅᑎᑦ ᐃᖅᑲᓇᐃᔮᕆᖃᑦᑕᖅᓯᒪᔭᕐᓄᑦ ᓇᓗᓇᐃᔭᖅᓯᒪᔪᑦ ᓇᒃᓯᐅᑎᓗᒋᑦ ᐅᕗᖓ @email. ᐃᓚᓕᐅᑎᓯᒪᓗᒍ ᓇᓗᓇᐃᒃᑯᑖᑕ ᓈᓴᐅᑖ ᐱᔾᔪᑎᒋᔭᖓᓄᑦ ᐃᕐᖐᓐᓈᖅᑕᐅᑎᖕᓂ.

• ᓄᓇᕗᑦ ᒐᕙᒪᒃᑯᑦ ᓴᖅᑭᑦᑎᓂᖅᓴᐅᔪᒪᒻᒪᑕ ᑭᒡᒐᖅᑐᐃᔪᓂᒃ ᐃᖅᑲᓇᐃᔭᖅᑎᓂᒃ ᑐᑭᓯᐊᔪᓐᓇᕐᓂᖅᓴᐅᖁᓪᓗᒋᑦ ᐱᔨᑦᑎᕋᑦᑎᐊᕐᓂᖅᓴᐅᔪᒪᓪᓗᑎᓪᓗ ᓄᓇᕗᒥᐅᑦ ᐱᔭᕆᐊᖃᖅᑕᖏᓐᓄᑦ. ᓄᓇᕗᒥᐅᑦ ᐃᓄᐃᑦ ᓯᕗᓪᓕᐅᔾᔭᐅᓂᐊᖅᑐᑦ. ᐆᒃᑐᖅᑐᑦ ᓇᓗᓇᐃᖅᓯᑦᑎᐊᕆᐊᖃᖅᑐᑦ ᐃᓚᒋᔭᐅᓂᖏᓐᓄᑦ ᐃᓱᒪᒋᔭᐅᖅᑳᖁᓪᓗᒋᑦ ᓄᓇᕗᒻᒥ ᐃᖅᑲᓇᐃᔭᖅᑖᕋᓱᓐᓂᕐᒧᑦ ᐊᑐᐊᒐᖅ ᒪᓕᓪᓗᒍ.
• ᐃᖅᑲᓇᐃᔮᖅᑖᖅᑐᑦ ᐃᓚᖏᓐᓂ ᖃᐅᔨᓴᖅᑕᐅᔭᕆᐊᖃᓲᖑᖕᒪᑕ ᐱᕋᔭᓚᐅᖅᓯᒪᔪᕕᓂᐅᓂᕐᒧᑦ ᑎᑎᖅᑲᖁᑎᓕᔭᙱᒃᑲᓗᐊᕐᒪᖔᑕ. ᐱᕋᔭᓚᐅᖅᓯᒪᓂᕐᒧᑦ ᑎᑎᖅᑲᖁᑎᓖᑦ ᐊᔪᓕᖅᑎᑕᐅᓪᓚᑦᑖᔾᔮᙱᑦᑐᑦ ᐆᒃᑐᖅᑐᑦ ᐃᓱᒪᒃᓴᖅᓯᐅᕈᑕᐅᒃᑲᓐᓂᕐᓗᑎᓪᓗ.
• ᐃᖅᑲᓇᐃᔮᒥᑦ ᐆᒃᑐᕈᒪᔪᑦ ᐃᖅᑲᓇᐃᔮᕆᖃᑦᑕᖅᓯᒪᔭᖏᓐᓂ ᑎᑎᕋᖅᓯᒪᔪᓂᑦ ᑐᓂᓯᔭᕆᐊᓕᑦ ᐅᖃᐅᓯᖅ ᓇᓕᐊᑐᐃᓐᓇᖅ ᐃᓕᓴᕆᔭᐅᓯᒪᔪᖅ ᐊᑐᕐᓗᒍ.
• ᐃᖅᑲᓇᐃᔭᕈᓐᓇᑐᓂᑦ ᓯᕗᓂᒃᓴᒥ ᓴᖅᑭᑎᑕᐅᔪᖃᑐᐃᓐᓇᕆᐊᓕᒃ.
• ᐃᖅᑲᓇᐃᔮᒃᓴᑦ ᓇᓗᓇᐃᔭᖅᓯᒪᔪᑦ ᐱᔭᐅᔪᓐᓇᖅᑐᑦ ᓱᒃᑲᔪᒃᑯᑦ, ᐃᕐᖐᓐᓈᖅᑕᐅᒃᑯᑦ ᐃᑭᐊᕿᕕᒃᑯᓪᓘᓐᓃᑦ.
• ᐆᒃᑐᖅᑐᑦ ᓂᕈᐊᖅᑕᐅᔪᑐᐊᑦ ᐊᐱᖅᓱᖅᑕᐅᔪᒪᓗᑎᒃ ᑐᓴᖅᑎᑕᐅᓂᐊᖅᐳᑦ.