ᒐᕙᒪᒃᑯᓐᓂ ᓇᓪᓕᐅᒃᑯᒫᕆᔭᐅᔪᓂᒃ ᓇᓪᓕᐅᒃᑯᒫᖃᙱᑦᑐᑦ ᐋᓐᓂᐊᕕᒻᒥ ᐱᔨᑦᑎᕈᑕᐅᔪᓐᓇᖅᑐᑦ
ᒐᕙᒪᒃᑯᓐᓂ ᓇᓪᓕᐅᒃᑯᒫᕆᔭᐅᔪᓂᒃ ᓇᓪᓕᐅᒃᑯᒫᖃᙱᑦᑐᑦ ᐋᓐᓂᐊᕕᒻᒥ ᐱᔨᑦᑎᕈᑕᐅᔪᓐᓇᖅᑐᑦ
ᒐᕙᒪᒃᑯᓐᓂ ᓇᓪᓕᐅᒃᑯᒫᕆᔭᐅᔪᓂᒃ ᓇᓪᓕᐅᒃᑯᒫᖃᙱᑦᑐᑦ ᐋᓐᓂᐊᕕᒻᒥ ᐱᔨᑦᑎᕈᑕᐅᔪᓐᓇᖅᑐᑦ ᒪᓂᒪᑎᑦᑎᕗᑦ ᐋᓐᓂᐊᕕᒃᑯᑦ ᐊᐅᓪᓚᖅᑐᓄᑦ ᐋᑭᓕᖅᑕᐅᓂᐊᕐᓗᑎᒃ ᓄᓇᑖᕈᑕᐅᓯᒪᔪᓂᑦ ᐊᑎᖃᖃᑕᐅᔪᓄᑦ ᑖᒃᑯᓇᙵ ᓇᓗᓇᐃᖅᓯᒪᔪᓂᒃ:
- ᖃᖓᑦᑕᐅᑏᑦ
- ᓄᓇᒃᑯᑦ ᐃᖏᕐᕋᔾᔪᑎᒃᑯᑦ ᐊᐅᓪᓚᕈᔾᔭᐅᔾᔪᑏᑦ
- ᑐᔪᕐᒥᔾᔪᑏᑦ
- ᓂᕆᔾᔪᑏᑦ
- ᐊᖏᖅᑕᐅᓯᒪᔪᓄᑦ ᒪᓕᑦᑎᓄᑦ
ᓇᕿᓪᓕ ᒪᐅᓇ ᕿᒥᕐᕈᓂᐊᕐᓗᒋᑦ ᐱᔪᓐᓇᖅᑎᑕᐅᒻᒪᖔᖅᐱᑦ ᒐᕙᒪᒃᑯᓐᓂ ᓇᓪᓕᐅᒃᑯᒫᕆᔭᐅᔪᓂᒃ ᓇᓪᓕᐅᒃᑯᒫᖃᙱᑦᑐᑦ ᐋᓐᓂᐊᕕᒻᒥ ᐱᔨᑦᑎᕈᑕᐅᔪᓐᓇᖅᑐᓄᑦ.
ᖃᖓᑦᑕᐅᑏᑦ
ᐃᑲᔪᖅᑕᐅᔾᔪᑏᑦ: ᒐᕙᒪᒃᑯᓐᓂ ᓇᓪᓕᐅᒃᑯᒫᕆᔭᐅᔪᓂᒃ ᓇᓪᓕᐅᒃᑯᒫᖃᙱᑦᑐᑦ ᐋᓐᓂᐊᕕᒻᒥ ᐱᔨᑦᑎᕈᑕᐅᔪᓐᓇᖅᑐᑦ ᐊᑭᓖᒍᓐᓇᖅᑐᑦ ᓈᓗᒍ ᐊᑭᖓ $250 ᐊᑭᓕᖅᓱᐃᖃᑎᒋᔭᕐᓄᑦ ᐊᑭᓕᕆᐊᓕᖓᓂᑦ ᐊᑭᓕᖅᑕᐅᔪᓐᓇᖏᑦᑐᒥᒃ ᓄᓇᕘᒥ ᓐᓂᐊᖃᕐᓇᖏᑦᑐᓕᕆᔨᒃᑯᑦ ᓇᓪᓕᐅᒃᑯᒫᖏᑦ ᐋᓐᓂᐊᕕᓕᐊᖅᑐᓄᑦ.
ᑮᓇᐅᔭᕐᒥᒃ ᑕᓱᖅᓯᒐᓱᐊᕐᓂᖅ: ᒐᕙᒪᒃᑯᓐᓂ ᓇᓪᓕᐅᒃᑯᒫᕆᔭᐅᔪᓂᒃ ᓇᓪᓕᐅᒃᑯᒫᖃᙱᑦᑐᑦ ᐋᓐᓂᐊᕕᒻᒥ ᐱᔨᑦᑎᕈᑕᐅᔪᓐᓇᖅᑐᑦ ᐊᓕᓖᔪᓐᓇᖅᑐᑦ $250-ᓂᒃ ᑐᕌᖅᑕᐅᑎᒋᓗᓂ ᓄᓇᕘᒥ ᓐᓂᐊᖃᕐᓇᖏᑦᑐᓕᕆᔨᒃᑯᑦ ᓇᓪᓕᐅᒃᑯᒫᖏᑦ ᐋᓐᓂᐊᕕᓕᐊᖅᑐᓄᑦ. ᐊᑭᓖᔭᕆᐊᖃᙱᑦᑐᑎᑦ ᐅᕝᕙᓗ ᑮᓇᐅᔭᕐᒥᒃ ᐅᑎᖅᑎᑦᑎᕕᐅᓇᓱᒋᐊᖃᙱᑦᑐᑎᑦ.
ᓄᓇᒃᑯᑦ ᐊᖏᕐᕋᔾᔪᑎᒃᑯᑦ ᐊᐅᓪᓚᕈᔾᔭᐅᓂᖅ
ᐃᑲᔪᖅᑕᐅᔾᔪᑏᑦ:
ᒐᕙᒪᒃᑯᓐᓂ ᓇᓪᓕᐅᒃᑯᒫᕆᔭᐅᔪᓂᒃ ᓇᓪᓕᐅᒃᑯᒫᖃᙱᑦᑐᑦ ᐋᓐᓂᐊᕕᒻᒥ ᐱᔨᑦᑎᕈᑕᐅᔪᓐᓇᖅᑐᑦ ᐊᑭᓖᓲᑦ ᓄᓇᒃᑯᑦ ᐊᖏᕐᕋᔾᔪᑎᒃᑯᑦ ᐊᐅᓪᓚᕈᔾᔭᐅᓂᕐᓄᑦ ᓯᓚᑖᓄᑦ ᓄᓇᓕᕕᑦ.
ᖃᖓᑕᓲᒃᑯᕖᑦ ᓴᓪᓕᓂ, ᐃᑉᐱᐊᕐᔪᒻᒥ ᐊᒻᒪᓗ ᓇᐅᔮᓂ ᐅᖓᓯᑦᑐᐊᓘᒪᑕ ᓄᓇᓕᖓᓂ. ᓇᓪᓕᐊᓂ ᑖᒃᑯᓂᖓ ᓄᓇᖃᕈᕕᑦ, ᐊᑭᓕᖅᑕᐅᔪᓐᓇᕐᓂᐊᖅᑐᑦ ᑖᔅᓯᐅᑎᑎᑦ ᐅᑎᐅᑎᒌᓪᓗᒋᑦ ᖃᖓᑕᓲᒃᑯᕕᒻᒧᑦ ᐋᓐᓂᐊᕕᒃᑯᑦ ᐊᐅᐊᓪᓚᕐᓂᐊᕈᕕᑦ ᐊᖏᖅᑕᐅᓯᒪᒍᕕᓪᓗ.
ᒐᕙᒪᒃᑯᓐᓂ ᓇᓪᓕᐅᒃᑯᒫᕆᔭᐅᔪᓂᒃ ᓇᓪᓕᐅᒃᑯᒫᖃᙱᑦᑐᑦ ᐋᓐᓂᐊᕕᒻᒥ ᐱᔨᑦᑎᕈᑕᐅᔪᓐᓇᖅᑐᑦ ᐊᑭᓖᔪᓐᓇᕐᓂᐊᖅᑐᑦ ᑐᐊᕕᕐᓇᖅᑐᒃᑰᕈᑎᐅᔪᓂᑦ ᐃᕝᕕᑦ ᐊᖏᕐᕋᖓᓂᑦ ᐋᓐᓂᐊᕕᒻᒧᑦ, ᐋᓐᓂᐊᕕᒻᒥᑦ ᖃᖓᑕᓲᒃᑯᕕᒻᒧᑦ, ᐅᕝᕙᓗ ᐊᑯᓐᓂᖏᑐᒍ ᐋᓐᓂᐊᕖᑦ, ᐱᔭᕆᐊᖃᖅᐸᑦ.
ᑮᓇᐅᔭᕐᒥᒃ ᑕᓱᖅᓯᒐᓱᐊᕐᓂᖅ:
ᓇᒻᒥᓂᖅ ᐋᑭᓖᑦᑕᐅᑎᒋᔭᕆᐊᖃᑐᐃᓐᓇᕆᐊᖃᖅᑐᑎᑦ ᓄᓇᒃᑯᑦ ᐊᖏᕐᕋᔪᑎᒃᑯᑦ ᐊᐅᓪᓚᕐᓂᕆᔭᓐᓄᑦ ᐃᕝᕕᑦ ᓄᓇᖓᑕ ᓯᓚᑖᓄᑦ.
ᔭᒐᔾᔭᐃᖅᓯᒪᒃᑭᑦ ᑖᔅᓯᒃᑯᑦ ᐅᕝᕙᓗ ᕚᓯᒃᑯᑦ ᐊᑭᓖᔾᔪᑎᒥᓂᖅᑎᑦ ᓇᓕᖅᑲᖏᑦ ᓇᔅᓯᐅᑎᖃᓯᐅᑎᓗᒋᓪᓗ ᑮᓇᐅᔭᕐᒥᒃ ᐅᑎᖅᑎᑦᑎᕕᐅᓇᕈᑏᑦ ᑎᑎᕋᕐᕕᔅᓴᒧᑦ ᐅᕗᖓ ᓇᓗᓇᐃᖅᑕᐅᓯᒪᔪᒧᑦ ᑐᕌᕐᕕᔅᓴᒧᑦ:
Nunavut Health Insurance Programs Office
Department of Health
Bag 3
Rankin Inlet, NU
X0C 0G0
ᐅᖄᓚᐅᑎᖓ: (867) 645-8001
ᐊᑭᖃᙱᑐᒃᑯᑦ ᐅᖄᓚᐅᑎᖓ: (800) 661-0833
ᐃᕐᖐᓈᖅᑕᐅᑎᒃᑯᑦ
ᑐᔪᕐᒥᔾᔪᑏᑦ
ᐃᑲᔪᖅᑕᐅᔾᔪᑏᑦ
ᐋᓐᓂᐊᕕᓕᐊᖅᓯᒪᔪᓄᑦ ᑐᔪᕐᒥᕕᒻᒦᓐᓂᐊᕐᓗᓂ: ᒐᕙᒪᒃᑯᓐᓂ ᓇᓪᓕᐅᒃᑯᒫᕆᔭᐅᔪᓂᒃ ᓇᓪᓕᐅᒃᑯᒫᖃᙱᑦᑐᑦ ᐋᓐᓂᐊᕕᒻᒥ ᐱᔨᑦᑎᕈᑕᐅᔪᓐᓇᖅᑐᑦ ᐊᑭᓖᔪᓐᓇᕐᓂᐊᖅᑐᑦ ᐃᕝᕕᑦ ᑐᔪᕐᒥᔾᔪᑎᖏᓐᓄᑦ ᑎᑭᐅᒪᔪᒥ 90-ᓄᑦ ᐅᓪᓗᓄᑦ ᐊᖏᖅᑕᐅᓯᒪᑉᐸᑦ ᑐᔪᕐᒥᕕᒋᓂᐊᖅᑕᐃᑦ ᐅᐊᓂᐸᐃᒡᒥ, ᐃᐊᑦᒪᓐᑕᓐ, ᔭᓗᓇᐃ, ᐋᑐᕚ, ᑰᔾᔪᐊᕌᓗᒻᒥ ᐅᕝᕙᓗ ᐃᖃᓗᓐᓂ.
ᐊᑭᓖᔭᕆᐊᖃᔾᔮᖏᑦᑐᑎᑦ ᓂᕆᔾᔪᑎᓄᑦ, ᑐᔪᕐᒥᔾᔪᑎᓄᑦ ᐊᒻᒪᓗ ᓄᓇᒃᑯᑦ ᐃᖏᕐᕋᔪᑎᓄᑦ ᐋᓐᓂᐊᕕᓕᐊᖅᑐᓄᑦ ᑐᔪᕐᒥᕕᒻᒦᒃᑯᕕᑦ.
ᑐᔪᕐᒥᕕᒻᒦᓐᓂᐊᕐᓗᓂ: ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᐋᖅᑭᔅᓯᑉᐸᑕ ᑐᔪᕐᒥᕕᒻᒦᖔᕐᓗᓂ ᐊᑲᐅᓛᖑᑉᐸᑦ ᐃᓕᓐᓄᑦ ᒪᒥᓴᕐᓂᐊᕐᓗᑎᑦ ᐃᕝᕕᑦ ᐋᓐᓂᐊᕕᒻᒥᑦ ᑲᒪᒋᔭᐅᔾᔪᑎᖏᓐᓄᑦ, ᒐᕙᒪᒃᑯᓐᓂ ᓇᓪᓕᐅᒃᑯᒫᕆᔭᐅᔪᓂᒃ ᓇᓪᓕᐅᒃᑯᒫᖃᙱᑦᑐᑦ ᐋᓐᓂᐊᕕᒻᒥ ᐱᔨᑦᑎᕈᑕᐅᔪᓐᓇᖅᑐᑦ ᐊᑭᓖᓂᐊᖅᑐᑦ ᓈᓗᒍ ᐊᑭᖓ ᑐᔪᕐᒥᔾᔪᑎᑉᐱᑦ ᑎᑭᐅᒪᔪᓐᓇᖅᑐᓂᑦ 90-ᓄᑦ ᐅᓪᓗᓄᑦ. ᒐᕙᒪᒃᑯᓐᓂ ᓇᓪᓕᐅᒃᑯᒫᕆᔭᐅᔪᓂᒃ ᓇᓪᓕᐅᒃᑯᒫᖃᙱᑦᑐᑦ ᐋᓐᓂᐊᕕᒻᒥ ᐱᔨᑦᑎᕈᑕᐅᔪᓐᓇᖅᑐᑦ ᑐᕌᖅᑕᐅᑎᒋᔪᒥᒃ ᐊᑭᓖᓂᐊᖅᑐᑦ ᐊᑭᓖᔭᕆᐊᖃᕐᓂᐊᖏᓐᓇᕕᑦ.
ᑐᔪᕐᒥᕕᒻᒦᖔᕈᒪᓐᓂᕈᕕᑦ ᐋᓐᓂᐊᕕᓕᐊᖅᑐᓄᑦ ᑐᔪᕐᒥᕕᒻᒦᙱᖔᕐᓗᑎᑦ, ᓇᒻᒥᓂᖅ ᐊᑭᓖᑦᑕᐅᑎᒋᔭᕆᐊᖃᖅᑐᑎᑦ ᐊᑭᓕᖅᑕᐅᓯᒪᑐᐃᓐᓇᕆᐊᖃᖅᑐᑎᑦ ᐋᓐᓂᐊᕕᓕᐊᖅᐸᑦᑐᐃᑦ ᑐᔪᒧᕐᒥᕕᖏᑕ ᐊᑭᖏᑎᑐᑦ ᓂᕆᔾᔪᑎᖏᓐᓄᑦ ᐊᒻᒪᓗ ᓄᓇᒃᑯᑦ ᐃᖏᕐᕋᔾᔪᑎᖏᑕ ᐊᑭᒋᒐᔭᖅᑕᖓᖏᓐᓄᑦ.
ᓇᕿᓪᓕ ᒪᐅᓇ ᖃᐅᔨᒋᐊᕐᓂᐊᕐᓗᒋᑦ ᐅᓐᓄᐊᒧᑦ ᐋᓐᓂᐊᕕᓕᐊᖅᑐᓄᑦ ᑐᔪᕐᒥᕕᐅᑉ ᐊᑭᖏᓐᓄᑦ.
ᑐᔪᕐᒥᓗᓂ ᐃᓚᒋᔭᐅᔪᓂᑦ ᐅᕝᕙᓗ ᐱᖃᓐᓇᕆᔭᐅᔪᓂᑦ: ᒐᕙᒪᒃᑯᓐᓂ ᓇᓪᓕᐅᒃᑯᒫᕆᔭᐅᔪᓂᒃ ᓇᓪᓕᐅᒃᑯᒫᖃᙱᑦᑐᑦ ᐋᓐᓂᐊᕕᒻᒥ ᐱᔨᑦᑎᕈᑕᐅᔪᓐᓇᖅᑐᑦ ᐊᑭᓖᔪᓐᓇᖅᑐᑦ ᓇᒻᒥᓂᖅ ᐊᖏᕐᕋᓕᓐᓄᑦ $50-ᒥᒃ ᐅᓪᓗᕐᒧᑦ ᑕᒪᒃᑮᓐᓄᑦ ᐋᓐᓂᐊᕕᓕᐊᖅᑑᑉ ᐊᒻᒪᓗ ᒪᓕᑦᑎᖓᑕ ᑐᔪᕐᒥᔾᔪᑎᖏᓐᓄᒃ.
ᑮᓇᐅᔭᕐᒥᒃ ᑕᓱᖅᓯᒐᓱᐊᕐᓂᖅ
ᑐᔪᕐᒥᕕᒋᔭᐃᑦ ᐊᑭᓕᑦᑕᐅᑎᒋᔭᕆᐊᖃᕈᕕᐅᒃ, ᓇᔅᓯᐅᑎᖃᓯᐅᑎᔭᕆᐊᓕᑎᑦ ᑐᔪᕐᒥᔾᔪᑎᑉᐱᑦ ᓇᓕᖅᑲᖏᑦ ᒐᕙᒪᒃᑯᓐᓂ ᓇᓪᓕᐅᒃᑯᒫᕆᔭᐅᔪᓂᒃ ᓇᓪᓕᐅᒃᑯᒫᖃᙱᑦᑐᑦ ᐋᓐᓂᐊᕕᒻᒥ ᐱᔨᑦᑎᕈᑕᐅᔪᓐᓇᖅᑐᓄᑦ ᑮᓇᐅᔭᕐᒥᒃ ᐅᑎᖅᑎᑦᑎᕕᐅᓇᕈᑏᑦ ᑎᑎᕋᕐᕕᔅᓴᒧᑦ ᐅᕗᖓ ᓇᓗᓇᐃᖅᑕᐅᓯᒪᔪᒧᑦ ᑐᕌᕐᕕᔅᓴᒧᑦ:
Nunavut Health Insurance Programs Office
Department of Health
Bag 3
Rankin Inlet, NU
X0C 0G0
ᐅᖄᓚᐅᑎᖓ: (867) 645-8001
ᐊᑭᖃᙱᑐᒃᑯᑦ ᐅᖄᓚᐅᑎᖓ: (800) 661-0833
ᐃᕐᖐᓈᖅᑕᐅᑎᒃᑯᑦ
ᓂᕆᔾᔪᑏᑦ
ᐃᑲᔪᖅᑕᐅᔾᔪᑏᑦ:
ᐋᓐᓂᐊᕕᓕᐊᖅᑐᓄᑦ ᑐᔪᕐᒥᕕᒻᒦᓗᓂ: ᐊᑭᓖᔭᕆᐊᖃᔾᔮᖏᑦᑐᑎᑦ ᐃᕝᕕᑦ ᓂᕆᔾᔪᑎᖏᓐᓄᑦ ᐋᓐᓂᐊᕕᓕᐊᖅᑐᓄᑦ ᑐᔪᕐᒥᕕᒻᒦᒃᑯᕕᑦ.
ᑐᔪᕐᒥᕕᒻᒦᓐᓂᐊᕐᓗᓂ: ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᐋᖅᑮᑉᐸᑕ ᑐᔪᕐᒥᕕᒻᒦᖔᕐᓗᓂ ᐊᑲᐅᓂᖅᓴᐅᑉᐸᑦ ᒪᒥᓴᕐᓂᐊᕐᓗᑎᑦ ᐃᕝᕕᑦ ᐋᓐᓂᐊᕕᒻᒥ ᑲᒪᒋᔭᐅᔪᑎᖏᓐᓄᑦ, ᒐᕙᒪᒃᑯᓐᓂ ᓇᓪᓕᐅᒃᑯᒫᕆᔭᐅᔪᓂᒃ ᓇᓪᓕᐅᒃᑯᒫᖃᙱᑦᑐᑦ ᐋᓐᓂᐊᕕᒻᒥ ᐱᔨᑦᑎᕈᑕᐅᔪᓐᓇᖅᑐᑦ ᐊᑭᓖᔪᓐᓇᖅᑐᑦ ᑎᑭᐅᒪᔪᒥᒃ $50-ᒥᒃ ᐅᓪᓗᕐᒧᑦ ᐃᓕᓐᓅᖓᔪᒥᒃ, ᐊᒻᒪᓗ $50-ᒥᒃ ᑎᑭᐅᒪᔪᒥᑦᑕᐅᖅ ᐃᕝᕕᑦ ᒪᓕᑦᑎᖓᓄᑦ.
ᓇᒻᒥᓂᖅ ᓂᕿᓕᐅᕐᕕᓖᑦ ᐊᑕᐅᑦᑎᒦᑐᑦ ᓇᒻᒥᓂᖅ ᓂᕿᓕᐅᕐᕕᒋᔪᓐᓇᖅᑕᑎᑦ ᐊᑐᖅᑕᐅᔪᓐᓇᖅᑐᑦ ᐊᑯᓂᐅᓂᐊᕐᓗᓂ ᑐᔪᕐᒥᕕᒻᒥ. ᒐᕙᒪᒃᑯᓐᓂ ᓇᓪᓕᐅᒃᑯᒫᕆᔭᐅᔪᓂᒃ ᓇᓪᓕᐅᒃᑯᒫᖃᙱᑦᑐᑦ ᐋᓐᓂᐊᕕᒻᒥ ᐱᔨᑦᑎᕈᑕᐅᔪᓐᓇᖅᑐᑦ ᐊᑭᓖᔪᓐᓇᕐᓂᐊᖅᑐᑦ $50-ᒥᒃ ᑎᑭᐅᒪᔪᓄᑦ 44-ᓂᒃ ᐅᓪᓗᓄᑦ ᐃᓕᓐᓄᑦ ᒪᓕᑦᑎᒋᔭᕐᓄᓪᓗ. 45-ᓂᒃ 90-ᓄᑦ ᐅᓪᓗᓄᑦ, ᒐᕙᒪᒃᑯᓐᓂ ᓇᓪᓕᐅᒃᑯᒫᕆᔭᐅᔪᓂᒃ ᓇᓪᓕᐅᒃᑯᒫᖃᙱᑦᑐᑦ ᐋᓐᓂᐊᕕᒻᒥ ᐱᔨᑦᑎᕈᑕᐅᔪᓐᓇᖅᑐᑦ ᐊᑭᓖᔪᓐᓇᓕᕐᓗᑎᒃ $35-ᓂᑦ ᐅᓪᓗᕐᒧᑦ ᐃᓕᓐᓄᑦ ᒪᓕᑦᑎᒋᔭᕐᓄᓪᓗ.
ᓂᕈᐊᕈᕕᑦ ᑐᔪᕐᒥᓂᐊᕐᓗᑎᑦ ᑐᔪᕐᒥᕕᒻᒥ, ᐸᐸᒋᐊᓕᑎᑦ ᓂᕆᔾᔪᑎᕕᑦ ᓇᓕᖅᑲᖏᑦ. ᐊᑭᓕᖅᑕᐅᓯᒪᑐᐃᓐᓇᕆᐊᖃᖅᑐᑎᑦ ᒪᓕᓪᓗᒋᑦ ᐋᓐᓂᐊᕕᓕᐊᖅᑐᓄᑦ ᑐᔪᕐᒥᕕᐅᑉ ᐊᑭᖏᓐᓄᑦ, ᐃᓚᓕᐅᑎᓯᒪᓗᒋᑦ ᑐᔪᕐᒥᔾᔪᑎᑎᑦ, ᓂᕆᔾᔪᑎᑎᑦ ᐊᒻᒪᓗ ᓄᓇᒃᑯᑦ ᐃᖏᕐᕋᔾᔪᑎᒃᑰᕈᑎᑦ.
ᓇᕿᓪᓕ ᒪᐅᓇ ᖃᐅᔨᒋᐊᕐᓂᐊᕐᓗᒋᑦ ᐅᓐᓄᐊᒧᑦ ᐋᓐᓂᐊᕕᓕᐊᖅᑐᓄᑦ ᑐᔪᕐᒥᕕᐅᑉ ᐊᑭᖏᓐᓄᑦ.
ᑐᔪᕐᒥᓗᓂ ᐃᓚᒋᔭᐅᔪᓂᑦ ᐅᕝᕙᓗ ᐱᖃᓐᓇᕆᔭᐅᔪᓂᑦ: ᒐᕙᒪᒃᑯᓐᓂ ᓇᓪᓕᐅᒃᑯᒫᕆᔭᐅᔪᓂᒃ ᓇᓪᓕᐅᒃᑯᒫᖃᙱᑦᑐᑦ ᐋᓐᓂᐊᕕᒻᒥ ᐱᔨᑦᑎᕈᑕᐅᔪᓐᓇᖅᑐᑦ ᐊᑭᓖᔪᓐᓇᖅᑐᑦ ᓇᒻᒥᓂᖅ ᐊᖏᕐᕋᓕᓐᓄᑦ $50-ᒥᒃ ᐅᓪᓗᕐᒧᑦ ᑕᒪᒃᑮᓐᓄᑦ ᐋᓐᓂᐊᕕᓕᐊᖅᑑᑉ ᐊᒻᒪᓗ ᒪᓕᑦᑎᖓᑕ ᑐᔪᕐᒥᔾᔪᑎᖏᓐᓄᒃ.
ᑮᓇᐅᔭᕐᒥᒃ ᑕᓱᖅᓯᒐᓱᐊᕐᓂᖅ: ᐊᑭᓖᑦᑕᐅᑎᒋᔭᕆᐊᖃᕈᕕᑦ ᐃᕝᕕᑦ ᓂᕆᔾᔪᑎᖏᓐᓄᑦ, ᓇᔅᓯᐅᑎᖃᓯᐅᑎᔭᕆᐊᓕᑎᑦ ᑐᔪᕐᒥᔾᔪᑎᑉᐱᑦ ᓇᓕᖅᑲᖏᑦ ᒐᕙᒪᒃᑯᓐᓂ ᓇᓪᓕᐅᒃᑯᒫᕆᔭᐅᔪᓂᒃ ᓇᓪᓕᐅᒃᑯᒫᖃᙱᑦᑐᑦ ᐋᓐᓂᐊᕕᒻᒥ ᐱᔨᑦᑎᕈᑕᐅᔪᓐᓇᖅᑐᓄᑦ ᑮᓇᐅᔭᕐᒥᒃ ᐅᑎᖅᑎᑦᑎᕕᐅᓇᕈᑏᑦ ᑎᑎᕋᕐᕕᔅᓴᒧᑦ ᐅᕗᖓ ᓇᓗᓇᐃᖅᑕᐅᓯᒪᔪᒧᑦ ᑐᕌᕐᕕᔅᓴᒧᑦ:
Nunavut Health Insurance Programs Office
Department of Health
Bag 3
Rankin Inlet, NU
X0C 0G0
ᐅᖄᓚᐅᑎᖓ: (867) 645-8001
ᐊᑭᖃᙱᑐᒃᑯᑦ ᐅᖄᓚᐅᑎᖓ: (800) 661-0833
ᐃᕐᖐᓈᖅᑕᐅᑎᒃᑯᑦ
ᐊᖏᖅᑕᐅᓯᒪᔪᓄᑦ ᒪᓕᑦᑎᓄᑦ
ᐃᑲᔪᖅᑕᐅᔾᔪᑏᑦ:
ᐊᖏᖅᑕᐅᓯᒪᔪᑦ ᒪᓕᑦᑏᑦ ᐊᑭᓕᖅᑕᐅᓂᐊᕐᒥᔪᑦ ᑕᐃᒫᔅᓴᐃᓐᓇᖅ ᒪᓕᔅᓯᒪᔭᖓᑎᑐᑦ ᐊᐅᓪᓚᕈᑎᖓᓄᑦ, ᑐᔪᕐᒥᔾᔪᑎᖓᓄᑦᑦ ᐊᒻᒪᓗ ᓂᕆᔾᔪᑎᖏᓐᓄᑦ.
ᐊᐃᑉᐸᖓ ᐋᓐᓂᐊᕕᒃᑯᑎᒍ ᒪᓕᔅᓯᒪᔪᖅ ᐊᖏᖅᑕᐅᔪᓐᓇᑐᐃᓐᓇᕆᐊᓕᒃ ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᐃᓄᓕᕆᔨᒃᑯᓄᓪᓗ. ᑭᓯᐊᓂ ᖃᖓᑦᑕᐅᑎᑐᐊᖓ ᐊᑭᓕᖅᑕᐅᔪᓐᓇᖅᑐᑦ.
ᒐᕙᒪᒃᑯᓐᓂ ᓇᓪᓕᐅᒃᑯᒫᕆᔭᐅᔪᓂᒃ ᓇᓪᓕᐅᒃᑯᒫᖃᙱᑦᑐᑦ ᐋᓐᓂᐊᕕᒻᒥ ᐱᔨᑦᑎᕈᑕᐅᔪᓐᓇᖅᑐᑦ ᐊᑭᓖᔪᓐᓇᖏᑦᑐᑦ ᑐᔪᕐᒥᔾᔪᑎᓄᑦ ᐅᕝᕙᓗ ᓂᕆᔾᔪᑎᓂᑦ ᐊᐃᑉᐸᖓᓄᑦ ᒪᓕᑦᑎᐅᑉ ᓯᕗᓂᐊᒍᑦ ᐊᖏᖅᑕᐅᓯᒪᓐᓂᑐᐊᖅᑲᑦ.
ᑮᓇᐅᔭᕐᒥᒃ ᑕᓱᖅᓯᒐᓱᐊᕐᓂᖅ: ᒪᓕᑦᑎᓄᑦ ᑕᓱᖅᑕᐅᓇᓱᑦᑐᑦ ᓴᓇᔭᐅᖃᑕᐅᓲᑦ ᐋᓐᓂᐊᕕᓕᐊᖅᑑᑉ ᑕᓱᕋᓱᑦᑕᖏᑎᒍᑦ ᐃᑲᔪᖅᑕᐅᔾᔪᑏᑦ ᖁᓛᓃᑐᑦ ᒪᓕᑦᑐᒋᑦ.