Rebekah Uqi Williams Inulirijikkut Iliharutikkut-Maniit-Ikajuutikhat
Inulirijikkut Havagvia tadja piliqtuq uuktuutinik uvunga Rebekah Uqi Williams Iliharutukkut-Maniit-Ikajuutikhanun, turaangajun Nunavunmiunnun pijumajun pinahuaqhutik havaariraaqpaktakhamik inulirijikkut, uqaujjijiniunikkut uvaniluunniit ihumakkut-ikajuutainnun.
Una Iliharutukkut-Maniit-Ikajuutikhaq pijuq ihumagittiarnikkut aittuutainnik Rebekah Uqi Williams talvuuna ikajurutikkut iliharnikkut havagutait pijuqiliqtuni inulirijinik.
Tallimat aittuutikhat hailihimajun, tamarmik tunijun naattaaqtumik $10,000mik akiliutikhat iliharnikkut akikhainnun ukununga havakpiajuktunun ilihaqtunun ukunani havagvighani.
Rebekaup aulavia kavamatkut havagviinni aullaqtiqtuq munaqhiupluni nunamini, Ikpiarjungmi. Kinguagun havaliqtuq inulirijikkunni, ilitarihimapluni ihagarijauniit havagutigijaujukhat angijun inungni ajurnautiit hulaqutivaktun inuuhirittiarutainnik Inuit. Havagutait pipkaijun ukununga Ikajuqtiupluni Tukliupluni Ministaupluni, Tukliq Minista, Ilaupluni Maligaliurvingmi, ilaupluni Itiqtauhuiqtunun Katimajiinnun Kanadami, imaalu Tukliupluni Kamisinaupluni Nunavunmun.
Uuktuutikhanut havagutainnun maliktakhanullu, talvani @email .
Ilihimalutin umikvikhaa uukturiami una Nuvaipa 17, 5mungaqqat ubluumaat. EDT.