ᐊᔪᖏᓛᖅ ᑐᓴᐅᒪᖃᑎᒋᒍᑎᓕᕆᓂᕐᒥ ᐃᖃᓇᐃᔭᖅᑎ
ᑖᓐᓇ ᐃᖅᑲᓇᐃᔮᒃᓴᖅ ᐃᖅᑲᓇᐃᔮᖅᑖᕋᓱᒃᑐᓕᒫᓄᑦ ᑐᕌᖓᔪᖅ.
ᓄᓇᕗᑦ ᒐᕙᒪᒃᑯᑦ ᓂᕈᐋᖅᑕᐅᓚᕐᒪᑕ ᐃᓚᒋᔭᐅᑎᑕᐅᓪᓗᑎᒃ ᑲᓇᑕᒥ ᐱᐅᓛᑦ ᐊᔾᔨᒌᖏᑦᑐᑎᑦ ᐃᖃᓇᐃᔭᖅᑎᑦᑎᔨᓂᖏᓐᓄᑦ, ᐃᖃᓇᐃᔭᖅᑎᐅᓂᖅᐹᖑᓪᓗᑎᒃ ᒪᒃᑯᒃᑐᑦ ᐃᓅᖃᑎᒌᓐᓂᑦ ᐊᒻᒪᓗ ᐃᓕᓐᓂᐋᖅᓯᒪᓂᕐᒥᑦ ᐱᔭᕇᒃᓯᕋᑖᓚᐅᖅᑐᓂᑦ ᑕᒪᓂ 2022−ᒥ. ᐃᓚᒋᔭᐅᖕᒪᑦ ᓱᒃᑲᓕᓂᖅᐹᒥᑦ ᐱᕈᒃᐸᓪᓕᐋᓂᖃᕐᓗᓂ ᐊᒻᒪᓗ ᒪᒃᑯᒃᑑᑕᐅᓂᖅᐹᖑᓪᓗᑎᒃ ᐃᓄᒋᐊᓐᓂᖏᑦ ᑲᓇᑕᒥ, ᓄᓇᕗᑦ ᐱᕙᓪᓕᐋᑎᑦᑎᓂᖅᐹᖑᖕᒪᑦ, ᐆᒻᒪᕆᒃᑑᓪᓗᓂ ᓄᓇᓕᖃᕐᕕᒃ, ᐃᒪᓐᓇᐅᔪᒪᓪᓗᓂ ᐱᐅᓂᖅᐹᖑᓕᕈᒪᓪᓗᓂ ᐃᓂᒋᔭᐅᔪᓐᓇᕋᔭᕐᓂᕐᒥ ᓯᕗᓂᒃᓴᒥ ᑭᖑᕚᕆᔭᐅᓂᐊᖅᑐᓄᑦ. ᒐᕙᒪᐅᓂᑦᑎᓐᓄᑦ, ᓴᙱᓂᖅᓴᐅᓕᖅᑎᑦᑎᕙᓪᓕᐊᒐᑦᑕ ᐊᔾᔨᐅᖏᑦᑐᖁᑎᑕ ᐋᖅᑭᒃᓯᒪᓂᖓᓂᑦ ᐊᐅᓚᑦᑎᓂᕐᒥ – ᐃᓚᓕᐅᔾᔨᓪᓗᓂᓗ ᐃᓄᐃᑦ ᐃᓅᖃᑎᒋᖕᓂᕐᒧᑦ ᐱᕕᐋᕐᓇᖅᑐᖁᑎᖏᓐᓂᑦ, ᐊᑐᖅᑕᐅᓂᖅᓴᐅᑎᑦᑎᓪᓗᓂ ᐃᓄᐃᑦ ᐅᖃᓪᓚᒍᓯᖓᓂᑦ, ᐱᕙᒡᓗᓂ ᑭᒡᒐᖅᑐᐃᔪᒥᒃ ᒐᕙᒪᒃᑯᓐᓂ ᐱᔨᑦᓯᕈᑎᒥᒃ, ᐊᒻᒪᓗ ᐃᖃᓇᐃᔭᖃᑎᖃᓲᖑᓪᓗᑕ ᐱᓕᕆᖃᑎᒋᔭᑦᑎᓐᓂᑦ ᐱᔪᓐᓇᖅᓯᖁᓪᓗᒋᑦ ᐱᔭᐅᓂᐋᕐᓂᕋᒃᑕᐅᓯᒪᔪᓂᒃ ᓄᓇᕗᕐᒧᑦ. ᐃᖃᓇᐃᔭᖅᑖᖅᑎᑕᐅᔪᑦ ᐃᖃᓇᐃᔭᖅᑖᕋᓱᒃᑐᒥᓃᑦ ᐊᑭᑭᓗᐋᙱᑦᑐᓂᑦ ᑮᓐᓇᐅᔭᒃᓴᑦᑎᐋᖅᑎᑕᐅᓂᐋᕐᒪᑕ, ᐃᓅᓕᓴᖅᑕᐅᔾᔪᑎᖃᕈᓐᓇᕐᓗᑎᒃ ᐊᒻᒪᓗ ᑮᒍᑎᓕᕆᔭᐅᔪᑎᖃᕈᓐᓇᕐᓗᑎᒃ ᐃᑲᔪᖅᑕᐅᔾᔪᑎᓂᒃ, ᓇᓗᓇᐃᖅᓯᒪᑦᑎᐋᖅᑐᓂᑦ ᐃᑲᔪᖅᑕᐅᔾᔪᑎᖃᕐᓗᑎᒃ ᐃᓐᓇᖁᐋᖅᑐᖅᓯᐅᑎᑦ ᐸᕐᓇᒃᓯᒪᔾᔪᑎᓂᒃ, ᑲᔪᓯᑦᑏᐊᕐᓗᑎᒃ ᐃᖃᓇᐃᔭᐃᓇᖅᐸᑕ ᐊᑭᓕᖅᑕᐅᒃᑲᓐᓂᕈᑎᖃᑉᐸᒡᓗᑎᒃ, ᐊᐅᓪᓛᕆᐊᖃᕐᓂᖅᐸᑕ ᐃᑲᔪᖅᑕᐅᔪᓐᓇᕐᓗᑎᒃ, ᐊᒻᒪᓗ ᐱᔪᓐᓇᖅᑎᑕᐅᒐᔭᖅᖢᑎᒃ ᐊᔪᕈᓐᓂᖅᓴᔪᓐᓇᕐᓗᑎᒃ ᐊᒻᒪᓗ ᐃᖃᓇᐃᔮᒥᖕᓂ ᓯᕗᒧᐋᒃᐸᓪᓕᐋᑎᑕᐅᓗᑎᒃ.
ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᐱᓕᕆᕝᕕᐅᕗᖅ ᓄᓇᕗᑦ ᒐᕙᒪᖓᓂ ᐱᔨᑦᑎᖅᖢᑎᒃ ᐃᒡᓗᓕᕆᓂᕐᒥᒃ ᐃᓄᒋᐊᒃᓯᕙᓪᓕᓂᖅᐹᖑᓪᓗᓂ ᑲᓇᑕᒥ. ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᐱᓕᕆᐊᖓ ᓴᖅᑭᑎᑦᑎᓗᑎᒃ, ᐱᓕᕆᐊᖃᑎᖃᕐᓗᑎᒃ, ᐊᒻᒪᓗ ᐊᐅᓚᑦᑎᓗᑎᒃ ᓴᖅᑭᑕᐅᓯᒪᔪᓂᒃ ᓈᒻᒪᒃᑐᓂᒃ ᐊᑐᐃᓐᓇᐅᑎᑕᐅᔪᓂᒃ ᐃᒡᓗᒥᒃ ᐊᑐᖅᑐᐊᖅᑕᒥᓂᒃ ᐊᑭᓕᖅᓱᒐᒃᓴᐅᓂᖅᓴᐅᓗᑎᒃ ᐃᓚᒌᓄᑦ ᑭᓇᑐᐃᓐᓇᕐᒧᓪᓗ ᓄᓇᕗᒻᒥ. ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᖃᖓᑦᑎᐊᖅ ᓄᓇᕗᒻᒧᑦ 3000 ᐸᕐᓇᒍᑎ, (www.igluliuqatigiingniq.ca) ᐱᓕᕆᖃᑎᒌᖕᓂᒃᑯᑦ ᒐᕙᒪᒃᑯᑎᒍᑦ ᐱᓕᕆᖃᑎᖏᓪᓗ ᓴᖅᑭᑎᑦᑎᓗᑎᒃ 3,000−ᓂᒃ ᓄᑖᓂᒃ ᐃᒡᓗᒋᔭᐅᔪᒃᓴᓂᒃ ᐱᓕᕆᐊᖑᐃᓐᓇᕋᔭᖅᖢᓂ 2030−ᒨᖓᓗᒍ.
ᐅᓂᒃᑳᕆᐊᖅᑐᖅᐸᒡᓗᓂ ᑐᑭᒧᐊᒃᑎᑦᑎᔨᒧᑦ, ᐊᑐᐊᒐᕐᒥᒃ ᐊᒻᒪᓗ ᐱᓕᕆᔾᔪᑎᒃᓴᑦᑎᐊᕙᖕᓂᑦ ᐸᕐᓇᒃᐸᒡᓗᓂ, ᐊᔪᖏᓛᖅ ᑐᓴᐅᒪᖃᑎᒋᒍᑎᓕᕆᓂᕐᒥ ᐃᖃᓇᐃᔭᖅᑎ ᑲᒪᒋᔭᖃᕐᒪᑦ ᐱᔭᐅᑎᑦᑎᕙᒡᓗᓂ ᐱᓕᕆᔾᔪᑎᒃᓴᑦᑎᐊᕙᖕᓂᒃ, ᐃᖃᓇᐃᔭᖅᑎᓚᕆᐅᓗᓂ, ᐊᒻᒪᓗ ᐱᓕᕆᐋᕆᑦᑎᐊᕆᐊᓕᖕᓂᑦ ᑎᓕᓯᔾᔪᑎᖃᑉᐸᒡᓗᓂ ᐱᔭᐅᓂᖅᓴᐅᖁᓪᓗᒋ ᐱᓕᕆᔾᔪᑏᑦ ᐊᒻᒪᓗ ᐱᔨᑦᓯᕈᑎᖏᑦ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᐊᑦᑕᖅᑐᔪᒥᒃ ᐊᓯᐋᒍᖅᑎᑦᑎᕙᒡᓗᓂ ᐃᓄᓕᒪᓂᒃ. ᐃᖃᓇᐃᔮᖅᑕᖅᑐᖅ ᐃᖃᓇᐃᔮᖅᑕᕋᓱᐊᖃᑕᐅᔪᓂᑦ ᐃᖃᓇᐃᔭᖃᑎᖃᓂᐋᕐᒪᑦ ᐊᔪᖏᓚᖅ ᐊᐅᓚᑦᑎᓂᕐᒥ ᐊᒻᒪᓗ ᒥᓂᔅᑕᐅᑉ ᐊᒡᓚᒡᕕᖓᓂᑦ ᑲᒪᔨᐅᓂᐊᕐᓗᓂ ᑐᓴᐅᒪᖃᑎᒋᒍᑎᓄᑦ ᐱᓕᕆᔾᔪᑎᒃᓴᑦᑎᐊᕙᖕᓂᑦ ᐱᓕᕆᐊᖑᔪᒪᔪᓂᑦ ᑎᒥᖑᑎᑕᐅᓯᒪᔪᒧᑦ ᐊᑲᐅᙱᓕᐅᕈᑎᓂᒃ ᐊᒻᒪᓗ ᐱᔭᐅᑎᑦᑎᕙᒡᓗᓂ ᑐᓴᖅᑕᐅᖁᔭᐅᔪᓂᑦ ᒪᓕᑦᑎᐊᕐᓗᒋᑦ, ᐃᖃᓇᐃᔭᖅᑎᓚᕆᐅᓗᓂ, ᐃᓕᖅᑯᓯᒃᑯᑦ ᐊᑑᑎᖃᑦᑎᐊᖅᑐᒥᒃ ᐱᓕᕆᔾᔪᓯᖃᕐᓗᓂ.
ᐊᑑᑎᖃᓂᖅᐹᑦ ᑲᒪᒋᔭᕆᓂᐋᑦᑕᖏᑦ ᐃᖃᓇᐃᔭᖅᑖᖅᑑᑉ ᐃᖃᓇᐃᔭᑕᕋᓱᐊᖃᑕᐅᓯᒪᔪᓂ ᐃᓚᖃᓂᐋᒻᒥᔪᑦ ᒪᑯᓂᖓ:
- ᐱᕙᓪᓕᐋᑎᑦᑎᕙᒡᓗᓂ ᐊᒻᒪᓗ ᐊᑐᓕᖅᑎᑦᑎᕙᒡᓗᓂ ᐱᓕᕆᔾᔪᑎᒃᓴᑦᑎᐊᕙᖕᓂᑦ ᒪᓕᒡᓗᒋᑦ ᓄᓇᕗᑦ ᒐᕙᒪᒃᑯᑦ ᐊᒻᒪᓗ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᐊᑐᐊᒐᖏᓐᓂᑦ ᐊᒻᒪᓗ ᒪᓕᑦᑕᐅᔭᕆᐊᓕᖕᓂᑦ;
- ᐱᕙᓪᓕᐊᑎᑦᑎᕙᒡᓗᓂ ᑐᓴᐅᒪᖃᑎᒌᒍᑎᑦ ᑭᓲᓂᖏᓐᓂᑦ ᐱᖃᓯᐅᑎᓗᒋᑦ ᐃᑭᐊᕿᕕᑦ ᐃᓗᓕᖏᑦ, ᒥᓂᔅᑕᐅᖃᑎᒋᑦ ᑎᑎᕋᒃᓯᒪᔪᖁᑎᖏᓐᓂᑦ, ᐱᕙᓪᓕᐊᔪᓕᕆᓯᒪᔪᑦ ᐅᖃᓕᒫᒐᓕᐊᖑᓂᖏᓐᓂ, ᐊᒻᒪᓗ ᐅᖃᓪᓚᒍᓯᑐᐃᓐᓇᒃᑯᑦ ᐅᖃᓪᓚᒍᓯᓕᖕᓂᑦ ᑎᑎᕋᒃᓯᒪᔪᖁᑎᓕᐅᖅᐸᒡᓗᓂ;
- ᐱᕙᓪᓕᐊᑎᑦᑎᕙᒡᓗᓂ ᐱᓗᐊᙳᐊᖅᑐᒥᒃ ᐋᖅᑭᒃᓱᖅᓯᒪᔪᓂᒃ ᑐᓴᐅᒪᖃᑎᒋᖕᓂᕐᒧᑦ ᐸᕐᓇᒍᑎᓂᑦ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᖏᓐᓄᑦ ᐱᓕᕆᔾᔪᑎᖏᓐᓂᒃ ᐊᒻᒪᓗ ᐱᒋᐊᖅᑎᑦᑎᔾᔪᑎᖏᓐᓂᑦ;
- ᐊᐅᓚᑦᑎᕙᒡᓗᓂ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᐃᓄᓕᒪᓄᑦ ᐱᕙᓪᓕᐊᔪᓕᕆᔾᔪᑎᓂ ᐊᒻᒪᓗ ᐃᓄᓕᒫᓄᑦ ᐊᑐᐃᓐᓇᐅᑎᑦᑎᕕᖕᒥᑦ ᐱᑕᖃᓂᖓᓂ; ᐊᒻᒪᓗ
- ᐱᔭᐅᑎᑦᑎᕙᒡᓗᓂ ᐱᕙᓪᓕᐊᔪᓕᕆᓂᕐᒥ ᐃᖃᓇᐃᔭᖃᑎᖃᑉᐸᒡᓗᓂ ᐅᖃᐅᔾᔨᒋᐊᖅᑎᐅᓗᓂ ᑎᒥᖑᖅᑎᑕᐅᓯᒪᔪᑉ ᐅᖃᓪᓚᒃᑎᖏᓐᓂᒃ, ᐱᕙᓪᓗᐊᑎᑦᑎᕙᒡᓗᓂ ᐱᓕᕆᔾᔪᑎᓕᐊᕆᓯᒪᔪᓂᑦ ᑐᓴᐅᒪᖃᑎᒋᒍᑎᓂᑦ ᓴᓇᔭᐅᓯᒪᔪᓂᒃ, ᐊᒻᒪᓗ ᐱᓕᕆᖃᑕᐅᕙᒡᓗᓂ ᓴᓇᔭᐅᑎᓪᓗᒋᑦ ᑎᒥᖑᖅᑎᑕᐅᓯᒪᔪᑉ ᐅᖃᓕᒫᒐᓕᐊᖏᓐᓂ.
ᖃᐅᔨᒪᓗᓂ, ᐱᓕᕆᑦᑎᐊᕈᓐᓇᕐᓗᓂ, ᐊᒻᒪᓗ ᐱᓕᕆᔪᓐᓇᕐᓗᓂᑦ ᐱᓯᒪᔭᕆᐋᖄᕐᓗᓂᒋᑦ ᑖᑦᓱᒪ ᐱᔭᐅᓯᒪᔭᕆᐋᓕᖏᑦ ᐃᖃᓇᐃᔭᒧᖓᔪᑦ ᐱᔭᐅᓱᖑᓪᓗᑎᒃ ᒪᑯᑎᒎᓇ ᐃᓕᓐᓂᐊᕆᐊᖅᓯᒪᓂᖃᒃᑲᓂᕐᓗᓂ ᐱᔭᕇᒃᓯᔾᔪᑎᖃᓪᓗᓂᓗ ᐃᖃᓇᐃᔭᕐᓂᕐᒥ ᓲᕐᓗ ᒪᑯᓇᓂ ᑐᓴᐅᒪᖃᑎᒋᒍᑎᓕᕆᓂᕐᒥ, ᓇᖕᒥᓂᖁᑎᖃᓂᕐᒥ ᐅᕝᕙᓘᓐᓃᑦ ᒐᕙᒪᒃᑯᓐᓂ ᐊᐅᓚᑎᓂᕐᒥ/ᐃᖃᓇᐃᔭᖃᑎᖃᕐᓗᓂ, ᐱᕙᓪᓕᐊᔪᓕᕆᔨᐅᓂᕐᒥ ᐅᕝᕙᓘᓐᓃᑦ ᐃᓅᖃᑎᒋᓂ ᖃᐅᔨᓇᓱᐊᓯᓂᕐᒥ ᐃᓚᖃᕐᓗᓂ ᐊᒃᓱᐋᓗᒃ ᑐᕌᖓᔪᒥᒃ ᐃᖃᓇᐃᔭᕆᖃᑦᑕᓚᐅᖅᓯᒪᔭᖓᓄᑦ ᐱᕙᓪᓕᐊᑎᑦᑎᓂᕐᒥ ᐃᖃᓇᐃᔭᕐᕕᒋᔭᖓᓂ ᐊᒻᒪᓗ ᓯᓚᑖᓂ ᑐᓴᐅᒪᖃᑎᒋᒍᑎᓕᕆᓂᕐᒥᒃ, ᐃᓄᓕᒪᓂ/ᐱᕙᓪᓕᐊᔪᓕᕆᓂᕐᒥ ᐃᖃᓇᐃᔭᖃᑎᖃᓂᕐᒥᒃ, ᒐᕙᒪᒃᑯᑦ ᐊᑐᐊᒐᖓᓂ, ᐊᒻᒪᓗ ᐱᓕᕆᔾᔪᑎᖏᓐᓂ. ᑐᕌᖓᔪᓂᑦ ᐃᖃᓇᐃᔭᓚᐅᖅᓯᒪᓗᓂ ᐊᖏᔪᐋᓗᖕᒥ ᐃᖃᓇᐃᔭᕐᕕᖁᑎᒥ ᐅᕝᕙᓘᓐᓃᑦ ᒐᕙᒪᒃᑯᓐᓂ ᐋᖅᑭᒃᓱᖅᓯᒪᓂᓕᖕᒥ ᐱᕚᓪᓕᕈᑕᐅᒐᔭᖅᐳᑦ.
ᐃᓕᓴᕆᔭᐅᓯᒪᔪᑦ ᐅᖃᐅᓯᓕᕆᓃᑦ ᓄᓇᕗᕐᒥ ᒪᑯᐊᖑᖕᒪᑕ ᐃᓄᒃᑐᑦ, ᖃᓪᓗᓈᑎᑐᑦ ᐊᒻᒪᓗ ᐅᐃᕕᒃᑯᑎᑐᑦ. ᐃᖃᓇᐃᔭᖅᑖᕋᓱᐋᖅᑐᑦ ᑐᓂᓯᔪᓐᓇᖅᐳᑦ ᐃᖃᓇᐃᔮᖅᑕᕋᓱᐊᕈᑎᒥᖕᓂᑦ ᓇᓪᓕᐋᓄᑐᐃᓐᓇᖅ ᐃᓕᓴᕆᔭᐅᓯᒪᔪᑦ ᐅᖃᐅᓯᓕᕆᓂᕐᒧᑦ ᓄᓇᕗᕐᒥ. ᐅᖃᕈᓐᓇᑦᑎᐊᕐᓗᓂ ᑎᑎᕋᕈᓐᓇᑦᑎᐊᕐᓗᓂᓗ ᐅᓄᕐᓂᖅᓴᐅᔪᒥ ᐊᑕᐅᓯᕐᒥ ᓄᓇᕘᑉ ᒪᓕᒐᑎᒍᑦ ᐊᑐᖅᑕᐅᖁᔭᐅᓯᒪᔪᑦ ᐅᖃᐅᓯᓂᑦ ᐃᓱᒪᒋᔭᐅᓇᔭᖅᐳᖅ ᐱᒻᒪᕆᐅᓂᖓᓂ. ᖃᐅᔨᒪᓗᓂ ᐃᓄᖕᓄᑦ ᓄᓇᓕᖕᓂᑦ, ᐃᓕᖅᑯᓯᖏᓐᓂᑦ, ᓄᓇᒥᑦ, ᐃᓄᐃᑦ ᖃᐅᔨᒪᔭᑐᖃᖏᓐᓂᑦ, ᐃᓄᒃᑐᑦ ᐊᒻᒪᓗ ᐃᖃᓇᐃᔭᖅᓯᒪᓗᓂ ᐃᖃᓇᔭᓪᓗᓂ ᐅᑭᐅᖅᑕᖅᑐᕐᒥ ᐊᔾᔨᒌᖏᑦᑐᓂᒃ−ᐃᓕᖅᑯᓯᓕᖕᓄᑦ ᐃᖃᓇᐃᔭᕐᕕᖕᒥ ᐃᓱᒪᒋᔭᐅᖃᓯᐅᑎᖕᒪᑕ ᐊᑑᑎᖃᓂᖏᓐᓂᑦ.
ᓈᒻᒪᒋᔭᐅᒐᔭᕐᒪᑕ ᐊᑕᐅᑦᑎᒃᑰᖅᓯᒪᒃᐸᑕ ᐃᓕᓐᓂᐊᖅᓯᒪᓂᖅ ᐊᒻᒪᓗ ᐃᖃᓇᐃᔭᖅᓯᒪᓂᑦ ᐃᓱᒪᒋᔭᐅᖃᓯᐅᑎᔪᓐᓇᕋᔭᕐᒥᔪᑦ ᑖᔅᓱᒧᖓ ᐃᖃᓇᐃᔭᒧᑦ. ᐃᓕᖕᓂᑦ ᑲᔪᖏᖅᓴᐃᕗᒍᑦ ᐃᖃᓇᐃᔭᖅᑖᕋᓱᐋᖁᓪᓗᑎᑦ ᐱᖃᑐᐋᕈᕕᑦ ᑕᐃᒪᓗᐊᐸᓘᖃᑎᖏᓐᓂᑦ ᐊᕐᕌᒍᓂ ᐃᓕᓐᓂᐊᖅᓯᒪᓂᖃᕈᕕᑦ ᐊᒻᒪᓗ/ᐅᕝᕙᓘᓐᓃᑦ ᐃᖃᓇᐃᔭᖅᓯᒪᓗᑎᑦ ᑕᐃᒫᓪᓗᐊᖃᑕᐅᓗᑎᒃ ᐃᓕᓐᓂᐊᖅᓯᒪᓂᕐᒧᑦ ᐊᒻᒪᓗ ᐃᖃᓇᐃᔭᖅᓯᒪᓂᕐᒧᑦ ᐱᔭᐅᓯᒪᖁᔭᐅᓪᓗᑎᒃ ᑎᑎᖅᑕᐅᓯᒪᔪᓂᑦ ᑕᑉᐸᒃᑯᓇᓃᑦᑐᓂᑦ.
ᐃᖅᑲᓇᐃᔭᕈᓐᓇᑐᐃᓐᓇᕆᐊᖃᖅᑐᓂᑦ ᓴᖅᑮᑐᐃᓐᓇᕆᐊᓖᑦ ᓯᕗᓂᒃᓴᒧᑦ ᑎᑎᕋᖅᓯᒪᔪᖃᑐᐃᓐᓇᕆᐊᓕᒃ.
ᑖᔅᓱᒥᖓ ᐃᖅᑲᓇᐃᔮᖅᑖᕈᒪᓐᓂᕈᕕᑦ, ᖃᕆᑕᐅᔭᒃᑯᑦ ᐃᕐᖐᓐᓈᕈᑎᒃᑯᑦ ᓇᒃᓯᐅᑎᔪᓐᓇᖅᑕᑦ ᑎᑎᖅᑲᓕᐊᑦ ᐃᖅᑲᓇᐃᔭᖅᑖᕋᓱᐊᕈᑎᒥᒡᓗ ᐅᕗᖓ @email. ᐃᓚᓕᐅᑎᓯᒪᓗᒍ ᓇᓗᓇᐃᒃᑯᑖᑕ ᓈᓴᐅᑖ ᐱᔾᔪᑎᒋᔭᖓᓄᑦ ᖃᕆᑕᐅᔭᒃᑯᑦ ᐃᕐᖐᓐᓈᕈᑎᒃᑯᑦ.
- ᓄᓇᕗᑦ ᒐᕙᒪᒃᑯᑦ ᐱᓕᕆᔪᒪᖕᒪᑦ ᓴᕿᑎᑦᑎᔪᒪᓪᓗᓂ ᑭᒡᒐᖅᑐᐃᓂᕐᒧᑦ ᐃᖃᓇᐃᔭᖅᑎᐅᖃᑎᒌᓂᑦ; ᑕᐃᒪᐃᒻᒪᑦ, ᓯᕗᓪᓕᐅᑎᑕᐅᓇᓱᖕᓂᐋᖅᑐᑦ ᓄᓇᕗᑦ ᐃᓄᖏᑦ ᑕᐃᒃᑯᐊ ᓇᖕᒥᓂᖅ−ᓇᓗᓇᐃᖅᑐᑦ ᐊᑎᓕᐅᖅᑕᐅᓯᒪᓂᕋᕐᓗᑎᒃ ᓄᓇᕗᑦᑖᕈᑎᑦ ᐊᖏᖃᑎᒋᒍᑎᖏᓐᓂ ᒪᓕᒡᓗᒍ ᓯᕗᓪᓕᐅᑎᑕᐅᔭᕆᐊᖃᕐᓂᖏᓐᓄᑦ ᐃᖃᓇᐃᔭᓕᖅᑎᑦᑎᓂᕐᒧᑦ ᐊᑐᐊᒐᕐᒧᑦ.
- ᓄᓇᕗᑦ ᒐᕙᒪᒃᑯᑦ ᐃᖃᓇᐃᔭᖅᑎᖏᑦ ᐃᖃᓇᐃᔭᖅᑐᑦ ᖃᐅᔨᓴᖅᑕᐅᓗᑎᒃ ᐃᖃᓇᐃᔭᖅᑎᑕᐅᔪᑦ ᐱᔭᕆᐊᖃᒃᑎᑕᐅᕗᑦ ᐊᒻᒪᓗ ᑐᓂᓯᓗᑎᒃ ᑎᑎᕋᒃᓯᒪᔪᓂᒃ ᐱᓕᕆᔪᓐᓇᖅᑎᑦᑎᔾᔪᑎᓂᒃ ᑐᖓᓂᖅ ᓂᐊᖁᕆᔭᐅᔪᒦᙵᕐᓗᑎᒃ ᐃᖃᓇᐃᔭᖅᑎᑦᑎᔨᒋᔭᖏᓐᓅᕐᓗᑎᒃ ᐱᓕᕆᕕᖕᒧᑦ. ᐱᓕᕆᔪᓐᓇᖅᓯᑎᑦᑎᔪᑦ ᑐᖓᓕᖅ ᓂᐊᖁᕆᔭᐅᔪᒦᖓᖅᑐᑦ ᐱᖃᓯᐅᔾᔨᓯᒪᔭᕆᐋᓕᑦ ᐃᖃᓇᐃᔮᖅᑖᕋᓱᐋᕈᑎᖕᓂᑦ ᑐᒃᓯᕋᐅᑎᒋᔭᑎᑦ ᐃᓱᒪᒃᓴᖅᓯᐅᕈᑕᐅᔪᓐᓇᖅᓯᖁᓪᓗᒍ.
- ᐃᖅᑲᖅᑐᐃᕕᒃᑯᑦ ᐸᓯᔭᒃᓴᕕᓃᑦ ᐃᖅᑲᓇᐃᔮᖅᑖᕋᓱᒃᑐᓄᑦ ᐃᓱᒪᒃᓴᖅᓯᐅᔾᔪᑕᐅᒐᔭᖅᐳᑦ. ᖃᐅᔨᓴᖅᓯᓂᖅ ᐱᕋᔭᒃᓯᒪᓂᕐᒧᑦ ᐅᓂᑳᓕᐊᖑᓯᒪᔪᓂᒃ ᖃᐅᔨᓴᖅᑕᐅᒐᔭᕐᒪᑕ ᖃᐅᔨᒋᐋᕈᑕᐅᓗᑎᒃ ᑎᑭᐅᒪᔭᖏᑦ ᐊᒻᒪᓗ ᐃᖃᓇᐃᔮᕆᔭᐅᒐᔭᖅᑐᓂᑦ ᐃᖃᓇᐃᔮᒧᑦ. ᑕᒪᓐᓇ ᒪᑯᓂᖓᑐᐋᖅ ᐱᓕᕆᐋᖑᔭᕆᐊᖃᒃᑎᑦᑎᖕᒪᑦ ᐃᖃᓇᐃᔭᑦ ᑕᐃᒃᑯᐊ ᓈᒻᒪᒋᔭᐅᔭᕆᐊᖃᒃᑎᑦᑎᔪᑦ ᐱᕋᔭᒃᓯᒪᔪᖅᓯᐅᑎᑦ ᐅᓂᑳᓕᐊᖑᓯᒪᓂᖏᓐᓂᑦ ᐅᕝᕙᓘᓐᓃᑦ ᐱᓂᕐᓗᒃᑕᐅᑐᐃᓐᓇᕆᐊᖃᓂᖓᓄᑦ ᐃᖃᓇᐃᔭᕐᕕᖁᑎ ᖃᐅᔨᓴᖅᑕᐅᓗᓂ.
- ᐃᖃᓇᐃᔭᖅᑖᕋᓱᐋᖅᑐᑦ ᑐᓂᓯᔪᓐᓇᖅᐳᑦ ᐃᖃᓇᐃᔮᖅᑕᕋᓱᐊᕈᑎᒥᖕᓂᑦ ᓇᓪᓕᐋᓄᑐᐃᓐᓇᖅ ᐃᓕᓴᕆᔭᐅᓯᒪᔪᑦ ᐅᖃᐅᓯᓕᕆᓂᕐᒧᑦ ᓄᓇᕗᕐᒥ.
- ᐃᖅᑲᓇᐃᔮᖅᑖᕋᓱᒃᑐᑦ ᓈᒻᒪᒋᔭᐅᒍᑎᒃ ᐊᐱᖅᓱᖅᑕᐅᒐᔭᖅᑐᑐᐊᑦ.
- ᐃᖅᑲᓇᐃᔮᖅᑖᕋᓱᒃᑐᖅ ᑲᒪᒋᔭᕆᐊᖃᖅᐸᐅᒃ ᐃᓕᓐᓂᐊᒃᑲᓐᓂᕐᓂᕆᓯᒪᔭᖓᓂᒃ ᓇᓗᓇᐃᒃᑯᑕᕐᓂᒃ ᑕᕆᐅᑉ ᐊᑭᐊᓂᕐᒥᐅᓂᒃ ᐱᔪᓐᓇᕐᓂᕋᖅᑕᐅᓯᒪᔪᓂᒃ ᖃᐅᔨᓴᖅᑕᐅᔭᕆᐊᖃᖅᑐᓂᒃ ᐃᓕᓴᕆᔭᐅᓯᒪᔪᒥᒃ ᑲᓇᑕᐅᑉ ᐃᓕᓐᓂᐊᖅᑐᓕᕆᔨᒃᑯᖏᑎᒍᑦ. ᑖᓐᓇ ᐱᓕᕆᐊᖑᖏᑉᐸᑦ ᐃᖅᑲᓇᐃᔮᖅᑖᕋᓱᒃᑐᖅ ᑕᑯᓇᒃᑕᐅᙱᑐᐃᓐᓇᕆᐊᓕᒃ ᖁᔭᓈᖅᑕᐅᓗᓂ.