ᐊᑯᓂ ᐊᑭᓕᖅᑐᐃᔪᓂᒃ ᐊᒻᒪᓗ ᓄᓇᓂᒃ ᑲᒪᔨ
ᐱᓕᕆᐊᖅ ᐊᕐᕕᐊᕐᒥᐅᑕᐃᓐᓇᕐᓄᑦ ᑐᕌᖓᔪᖅ.
ᓄᓇᕗᒻᒥ ᒐᕙᒪᒃᑯᑦ ᓂᕈᐊᖅᑕᐅᓚᐅᖅᑐᑦ ᐃᓚᒋᔭᐅᑉᓗᑎᒃ ᑲᓇᑕᒥᑦ ᐱᑦᑕᐅᓛᖑᔪᑦ ᐊᔾᔨᒌᙱᑦᑑᑎᓂᒃ ᐱᓕᕆᑎᑦᑎᔨᐅᔪᑦ, ᖁᑦᑎᓛᖑᔪᑦ ᐱᓕᕆᔨᑎᑦᑎᔩᑦ ᒪᒃᑯᒃᑐᓂᒃ, ᐊᒻᒪᓗ ᐃᓕᓐᓂᐊᕌᓂᓵᖅᑐᓂᒃ 2023-ᒥᑦ. ᓄᓇᕗᑦ ᐱᓪᓗᕆᒃᑑᔪᖅ, ᐱᐊᓚᔫᑉᓗᓂ ᐅᑭᐅᖅᑕᖅᑐᒥᑦ ᐊᕕᒃᑐᖅᓯᒪᔫᔪᖅ, ᐱᑦᑕᐅᓂᖅᓴᙳᕈᒪᓂᖃᖅᑐᖅ ᓯᕗᓂᒃᓴᒥᑦ ᑭᖑᕚᕆᔭᐅᔪᓄᑦ. ᒐᕙᒪᐅᑉᓗᑕ, ᓴᙱᒃᑎᑎᖅᑕᕗᑦ ᐊᔾᔨᐅᖏᑦᑐᖅ ᐋᖅᕿᐅᒪᓂᖓ ᒐᕙᒪᓕᕆᓂᖅ – ᐃᓚᐅᑎᑦᑎᔪᖅ ᐃᓄᐃᑦ ᐃᓅᖃᑎᒌᖕᓂᕐᒧᑦ ᐱᒻᒪᕆᐅᒋᔭᐅᔪᓂᒃ, ᐃᑲᔪᖅᑐᐃᔪᖅ ᐃᓄᒃᑐᑦ ᐅᖃᐅᓯᕐᒥᒃ, ᐱᓕᕆᔨᖏᑦ ᐃᓄᖃᐅᖅᑎᖦᖢᒋᑦ, ᐊᒻᒪᓗ ᐱᓕᕆᖃᑎᖃᖅᖢᑎᒃ ᐱᓕᕆᖃᑎᒋᔭᐅᔪᓂᒃ ᑎᑭᐅᑎᓂᐊᕐᓗᒍ ᐱᓂᐊᕐᓂᕋᖅᓯᒪᓂᕆᔭᖓᓄᑦ ᓄᓇᕗᑦ. ᐱᓕᕆᐊᖅᑖᖅᑎᑕᐅᔪᑦ ᖁᕕᐊᒋᓂᐊᖅᑕᖓᑦ ᐱᒡᒎᖕᓂᖃᖅᑐᒥᒃ ᑮᓇᐅᔭᓕᐊᖓᑦ, ᐃᖢᐊᖅᓴᐅᑎᓄᑦ ᐊᒻᒪᓗ ᑭᒍᑎᓕᕆᔭᐅᓂᕐᓄᑦ ᐃᑲᔫᑎᓂᒃ, ᑐᑭᓕᐅᖅᓯᒪᔪᒥᒃ ᐃᑲᔫᑎᓄᑦ ᐃᓐᓇᙳᕐᓂᖏᓐᓄᑦ ᐱᓕᕆᐊᓂᒃᓯᒪᓕᖅᑎᓪᓗᒍ ᐸᕐᓇᐅᑎᒥᒃ, ᐊᓯᐊᓄᑦ ᓅᑎᑕᐅᓂᖓᓄᑦ ᐃᑲᔫᑎᓄᑦ ᐊᒻᒪᓗ ᐊᔪᕈᖕᓃᖅᓴᖅᑕᐅᓗᑎᒃ ᐊᒻᒪᓗ ᐱᓕᕆᐊᖓᓂᑦ ᓯᕗᒻᒧᒃᑎᑕᐅᓗᑎᒃ.
ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᐱᔾᔪᔾᔨᔨᐅᔪᑦ ᓄᓇᕗᒻᒥ ᒐᕙᒪᒃᑯᓐᓄᑦ ᐱᔨᑦᑎᕋᐃᓂᖃᖅᑐᑦ ᐃᒡᓗᓕᕆᓂᕐᒧᑦ ᐱᔭᕆᐊᖃᖅᑕᖏᓐᓂᑦ ᐱᐊᓛᓚᖑᖃᑕᐅᔪᓂᑦ ᐊᒥᓱᙳᖅᐸᓪᓕᐊᓂᖃᖅᑐᓂᒃ ᒪᒃᑯᒃᑐᓂᑦ ᑲᓇᑕᒥᑦ. ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᐱᔭᒃᓴᐅᑎᒋᔭᖓᑦ ᓴᖅᕿᑦᑎᓗᑎᒃ, ᑐᑭᒧᐊᒃᑎᕐᓗᒋᑦ, ᐊᒻᒪᓗ ᐊᐅᓚᓪᓗᒋᑦ ᐃᒡᓗᓕᕆᓂᕐᒧᑦ ᑐᕌᖓᔪᑦ ᑐᓂᓯᔪᖕᓇᕐᓂᐊᕐᓗᑎᒃ ᐊᔾᔨᒌᒃᑎᑦᑎᓂᒃᑯᑦ ᐊᔾᔨᒌᙱᑦᑐᓂᒃ ᐊᑭᑐᓗᐊᖏᑦᑐᓂᒃ ᐃᒡᓗᓂᒃ ᖃᑕᙳᑎᒌᓄᑦ ᐊᒻᒪᓗ ᐃᓄᖕᓄᑦ ᓄᓇᕗᒻᒥᑦ. ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᒫᓐᓇᓵᖑᓚᐅᖅᑐᖅ ᓴᖅᕿᑦᑎᓚᐅᖅᑐᑦ ᓄᓇᕗᒻᒧᑦ 3000 ᖃᓄᖅᑑᕈᑎᒥᒃ, (www.igluliuqatigiingniq.ca) ᐱᓕᕆᖃᑎᒌᒃᖢᑎᒃ ᒐᕙᒪᒃᑯᓪᓗ ᐊᒻᒪᓗ ᐱᓕᕆᖃᑎᒋᔭᖏᑦ 2030-ᒥᑦ 3,000-ᓂᒃ ᓄᑖᓂᒃ ᐃᒡᓗᕐᔪᐊᓕᐅᖅᓯᒪᓕᕐᓂᐊᕐᓗᑎᒃ.
ᐃᓱᒪᑕᖃᕐᓗᓂ ᐃᓂᐅᔪᒥᑦ ᑮᓇᐅᔭᓂᒃ ᐊᐅᓚᑦᑎᔨᒥᑦ, ᐊᑯᓂ ᐊᑭᓕᖅᑐᐃᔪᓂᒃ ᐊᒻᒪᓗ ᓄᓇᓂᒃ ᑲᒪᔨ ᐱᔭᒃᓴᐅᑎᖃᖅᑐᖅ ᐊᐅᓚᑦᑎᔾᔪᑕᐅᔪᓄᑦ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᐃᓂᐅᔪᒥᑦ ᐊᑯᓂ ᐊᑭᓕᖅᑐᐃᔪᓄᑦ ᐊᒻᒪᓗ ᐊᑐᖅᑐᐊᖅᑐᓄᑦ ᐱᔾᔪᑎᖃᖅᑐᓂᒃ. ᐃᖅᖃᓇᐃᔭᖅᑖᖅᑎᑕᐅᔪᖅ ᐱᔭᒃᓴᐅᑎᖃᖅᑐᖅᑕᐅᖅ ᓄᓇᒥᒃ ᐊᐅᓚᑦᑎᔾᔪᑎᓂᒃ, ᐱᓗᐊᖅᑐᒥᑦ ᐱᔾᔪᑎᖃᖅᑐᓂᒃ ᐱᔭᒃᓴᐅᑎᖃᕐᓂᕐᒧᑦ ᐊᑎᓕᐅᕆᓂᕐᒧᑦ/ᓴᑉᑯᐃᓂᕐᓂᒃ ᐊᑯᓂ ᐊᑭᓕᖅᑐᐃᔾᔪᑎᓂᒃ ᐊᒻᒪᓗ ᐱᓕᕆᐊᖑᓂᖓᑕ ᓄᓇᒥᑦ ᐊᑐᖅᑐᐊᕐᓂᕐᒧᑦ ᑎᑎᖅᖃᐅᑏᑦ.
ᐱᔭᒃᓴᐅᑎᒋᔭᓗᐊᖅᑐᑦ ᐃᖅᖃᓇᐃᔭᖅᑖᖅᑎᑕᐅᔪᒧᑦ ᐃᓚᐅᓂᐊᖅᑐᑦ:
- ᑲᑎᑦᑎᓗᓂ, ᑎᑎᕋᐃᓗᓂ ᐊᒻᒪᓗ ᐅᓂᑉᑲᐅᓯᐅᖃᑦᑕᕐᓗᓂ ᑮᓇᐅᔭᓂᒃ ᐊᒻᒪᓗ ᐃᒡᓗᕐᔪᐊᓂᒃ ᐊᑐᖅᑐᐊᖅᑕᐅᔪᓂᒃ ᐊᑭᓕᖅᑕᐅᔪᓂᑦ;
- ᐱᓕᕆᐊᕆᓗᒋᑦ, ᐱᓕᕆᐊᕆᓗᒋᑦ ᐊᒻᒪᓗ ᐋᖅᕿᒃᓱᕐᓗᒋᑦ ᐊᑭᓖᔾᔪᑏᑦ ᓄᓇᒧᑦ ᑐᒃᓯᕋᐅᓯᐅᖅᑕᐅᔪᑦ ᓄᑖᑦ ᐃᒡᓗᕐᔪᐊᓄᑦ;
- ᐱᓕᕆᐊᕆᓗᒋᑦ ᑎᑎᖅᖃᐅᑏᑦ ᒪᓕᒐᓕᕆᔨᒧᐊᕐᓂᐊᖅᑐᑦ, ᓇᖕᒥᓂᖅ ᐃᒡᓗᖃᖅᑐᓄᑦ ᑐᓂᔭᐅᓂᖏᓐᓄᑦ ᓄᓇᒥᑦ ᐊᑐᖅᑐᐊᖅᑕᐅᔪᑦ ᐃᒡᓗᕐᔪᐊᓂᑦ.
ᖃᐅᔨᒪᓂᕆᔭᐅᔪᖅ, ᐊᔪᙱᓐᓂᕆᔭᐅᔪᑦ, ᐊᒻᒪᓗ ᐊᔪᙱᑕᖏᑦ ᐱᔭᕆᐊᖃᖅᑐᑦ ᐱᓕᕆᒧᑦ ᐱᔭᐅᖃᑦᑕᖅᑐᑦ ᐃᓕᓐᓂᐊᖅᓯᒪᓂᕐᒧᑦ ᐃᓕᑕᕆᔭᐅᔾᔪᑎᖃᕐᓗᓂ ᐱᓕᕆᐊᒥᒃ ᐊᐅᓚᑦᑎᓂᕐᒧᑦ, ᑭᐴᑎᖃᑦᑕᖅᑐᓕᕆᓂᕐᒧᑦ, ᐱᕈᖅᐸᓪᓕᐊᓂᕐᒧᑦ, ᐅᕝᕙᓘᓐᓃᑦ ᑕᒪᒃᑯᓂᙵᑦ ᐱᔾᔪᑎᖃᖅᑐᓄᑦ ᒥᑭᓛᒃᑯᑦ ᒪᕐᕉᖕᓂᑦ (2) ᐅᑭᐅᓂᑦ ᑖᑉᑯᓇᓂ ᐃᖅᖃᓇᐃᔭᖅᓯᒪᓗᓂ ᐃᓚᐅᔪᖕᓇᖅᑐᑦ ᐃᖅᖃᓇᐃᔭᖅᓯᒪᓂᖏᑦ ᓈᓴᐅᑎᓕᕆᓂᕐᒧᑦ ᐋᖅᕿᐅᒪᔪᓂᒃ, ᓄᓇᓕᕆᔾᔪᑎᓂᒃ ᐊᒻᒪᓗ ᐊᑐᖅᑐᐊᕐᓂᕐᒧᑦ ᐅᕝᕙᓘᓐᓃᑦ ᐊᑯᓂ ᐊᑭᓕᖅᑐᐃᔾᔪᑎᓄᑦ ᐊᑎᓕᐅᖅᓯᒪᔪᓂᑦ. ᐱᐊᓂᒃᓯᒪᒃᐸᑦ ᑮᓇᐅᔭᓂᒃ ᑎᑎᖅᖃᐅᓯᕆᓂᕐᓂᑦ (CPB, CB, RPB) ᐃᑲᔫᑕᐅᓇᔭᖅᑐᖅ.
ᓈᒻᒪᒋᔭᐅᔪᑦ ᐊᑕᐅᑦᑎᒃᑰᕐᓗᑎᒃ ᐃᓕᓴᖅᓯᒪᓂᑯᖏᑦ ᐊᒻᒪᓗ ᐃᖅᖃᓇᐃᔭᖅᓯᒪᓂᑯᖏᑦ ᐃᓱᒪᒋᔭᐅᔪᖕᓇᖅᑐᑦ ᐱᓕᕆᒧᑦ. ᐆᒃᑐᖁᔭᑉᑎᒋᑦ ᓈᒻᒪᒃᑐᓂᒃ ᐅᑭᐅᓂᑦ ᐃᓕᓴᖅᓯᒪᒍᕕᑦ ᐊᒻᒪᓗ/ᐅᕝᕙᓘᓐᓃᑦ ᐊᔾᔨᒋᑉᓗᒍ ᐃᓕᓴᖅᓯᒪᓂᕐᒧᑦ ᐊᒻᒪᓗ ᐃᖅᖃᓇᐃᔭᖅᓯᒪᓂᕐᒧᑦ ᐱᔭᕆᐊᓕᖕᓄᑦ ᖁᓛᓂᑦ ᑎᑎᕋᖅᓯᒪᔪᓄᑦ.
ᐅᖃᐅᓰᑦ ᐊᑐᖅᑕᐅᔪᑦ ᓄᓇᕗᒻᒥᑦ ᐃᓄᒃᑐᑦ, ᖃᑉᓗᓈᑎᑐᑦ ᐊᒻᒪᓗ ᐅᐃ-ᐅᐃ-ᑎᑐᑦ. ᐱᓕᕆᒧᑦ ᐆᒃᑐᖅᑐᑦ ᑐᓂᓯᔪᖕᓇᖅᑐᑦ ᐃᓕᓐᓂᐊᖅᓯᒪᔭᖕᓄᑦ ᐊᒻᒪᓗ ᐱᓕᕆᕆᓯᒪᔭᖕᓄᑦ ᑎᑎᖅᖃᐅᑎᖓᓐᓂᑦ ᓇᓕᑐᐃᓐᓇᖏᑦ ᓄᓇᕗᒻᒥ ᐊᑐᖅᑕᐅᔪᑦ ᐅᖃᐅᓯᑎᒍᑦ ᑎᑎᕋᖅᓯᒪᓗᑎᒃ. ᒪᕐᕉᖕᓂᑦ ᐅᖃᐅᓯᓂᒃ ᐅᖃᓪᓚᒍᖕᓇᕈᕕᑦ ᓄᓇᕗᒻᒥ ᐊᑐᖅᑕᐅᔪᑦ ᐅᖃᐅᓯᖏᓐᓂᑦ ᐃᑲᔫᑕᐅᓇᔭᖅᑐᖅ. ᖃᐅᔨᒪᓂᖃᕐᓗᑎᑦ ᐃᓄᐃᑦ ᓄᓇᓕᖏᓐᓂᑦ, ᐱᖅᖁᓯᖏᓐᓂᑦ, ᓄᓇᒥᑦ, ᐃᓄᐃᑦ ᖃᐅᔨᒪᔭᑐᖃᖏᓐᓂᑦ, ᐃᓄᒃᑐᑦ ᐊᒻᒪᓗ ᐃᖅᖃᓇᐃᔭᖅᓯᒪᓐᓂᑰᒍᕕᑦ ᐊᔾᔨᒌᙱᑦᑐᓂᒃ ᐱᖅᖁᓯᖃᖅᑐᓂᑦ ᐃᑲᔫᑕᐅᓇᔭᕐᒥᔪᖅ.
ᐊᔪᙱᑎᑕᐅᔪᓄᑦ ᑎᑎᕋᖅᓯᒪᔪᓂᒃ ᐋᖅᕿᒃᓯᔪᖕᓇᖅᑐᑦ ᐃᓐᓄᒃᑕᐅᑎᓐᓂᐊᕐᓗᒋᑦ ᒫᓐᓇᐅᔪᖅ ᐊᒻᒪᓗ ᓯᕗᓂᒃᓴᒥᑦ ᐃᓐᓄᒃᑕᐅᓯᒪᙱᑦ ᐱᓕᕆᐊᐃᑦ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᓐᓂᑦ ᑕᒪᕐᒥᓗᒃᑖᖅ ᓄᓇᓕᖕᓂᑦ.
ᐆᒃᑐᕈᒪᒍᕕᑦ ᐱᓕᕆᐊᒧᑦ, ᖃᕆᑕᐅᔭᒃᑯᑦ ᑎᑎᖅᖃᑎᒍᑦ ᑎᑎᕋᖅᑕᐃᑦ ᐊᒻᒪᓗ ᐃᓕᓐᓂᐊᖅᓯᒪᔭᖕᓄᑦ ᐊᒻᒪᓗ ᐱᓕᕆᕆᓯᒪᔭᖕᓄᑦ ᑎᑎᖅᖃᐅᑏᑦ ᐊᐅᓪᓚᖅᑎᓪᓗᒍ ᐅᕗᖓ @email. ᐃᓚᐅᑎᓪᓗᒍ ᐱᓕᕆᒧᑦ ᓈᓴᐅᑎ (#) ᐱᔾᔪᑎᒧᑦ ᓇᓗᓇᐃᖅᓯᕝᕕᖕᒧᑦ ᖃᕆᑕᐅᔭᒃᑯᑦ ᑎᑎᕋᖅᑕᖕᓄᑦ.
- ᓄᓇᕗᒻᒥ ᒐᕙᒪᒃᑯᑦ ᑭᒡᒐᖅᑐᐃᔪᓂᒃ ᐱᓕᕆᔨᖃᕐᓂᐊᖅᑐᑦ; ᑕᐃᒪᓐᓇᒧᑦ, ᓯᕗᓪᓕᖅᐸᐅᑎᔭᐅᓂᐊᖅᑐᑦ ᓄᓇᕗᒻᒦᑦᑐᑦ ᐃᓄᐃᑦ ᐃᖕᒥᖕᓂᒃ ᓇᓗᓇᐃᖅᑐᑦ ᐃᓚᒋᔭᐅᖕᒪᑕ ᓄᓇᕗᒻᒧᑦ ᐊᖏᖃᑎᒌᒍᑎᒥᑦ ᒪᓕᒃᖢᒍ ᓯᕗᓪᓕᖅᐸᐅᑎᑕᐅᔭᕆᐊᓖᑦ ᐱᓕᕆᔨᑖᖑᓂᐊᕐᓗᑎᒃ ᐊᑐᐊᒐᖅ.
- ᓄᓇᕗᒻᒥ ᒐᕙᒪᒃᑯᑦ ᐃᖅᖃᓇᐃᔭᖅᑏᑦ ᖃᐅᔨᓴᖅᑕᐅᓂᖃᖅᑐᑦ ᐅᑉᓗᕆᔭᐅᔪᓂᑦ ᐱᔭᕆᐊᖃᖅᑐᑦ ᐊᒻᒪᓗ ᑐᓂᓯᓗᑎᒃ ᑎᑎᕋᖅᓯᒪᔪᒥᒃ ᐱᔪᖕᓇᖅᑎᑕᐅᓂᕐᒥᒃ ᑐᖏᓕᕆᔭᐅᔪᖅ ᐊᖏᔪᖅᖄᒥᑦ ᐃᖅᖃᓇᐃᔭᕐᕕᒋᔭᖓᓐᓂᑦ. ᐱᔪᖕᓇᖅᑎᑕᐅᓂᖅ ᑐᖏᓕᕆᔭᐅᔪᖅ ᐊᖏᔪᖅᖄᒥᑦ ᐃᓚᐅᔭᕆᐊᖃᖅᑐᖅ ᐱᓕᕆᒧᑦ ᐆᒃᑐᕋᐅᓯᐅᖅᑕᖕᓄᑦ ᐆᒃᑐᕋᐅᓯᐅᖅᑕᐃᑦ ᐃᓱᒪᒋᔭᐅᓂᐊᕐᓗᓂ.
- ᐱᕋᔭᒃᓯᒪᓂᑰᓂᕐᒧᑦ ᑎᑎᖅᖃᐅᑎᖃᕐᓗᓂ ᐊᔪᓕᖅᑎᑦᑎᔾᔪᑕᐅᖏᑦᑐᖕᓇᖅᑐᖅ ᐆᒃᑐᖅᑐᓂᒃ ᐃᓱᒪᒋᔭᐅᓂᐊᕐᓗᑎᒃ ᐱᓕᕆᐊᒧᑦ. ᖃᐅᔨᓴᖅᑕᐅᓂᖓ ᐱᕋᔭᒃᓯᒪᓂᑰᓂᕐᒧᑦ ᑎᑎᖅᖃᐅᑎᖏᑦ ᐆᒃᑐᕋᐃᔾᔪᑕᐅᓂᐊᖅᑐᑦ ᖃᓄᐃᑦᑑᓂᖓᑕ ᐊᒻᒪᓗ ᐱᓕᕆᐊᒃᓴᕆᔭᖓᑕ ᐱᓕᕆᒧᑦ ᐃᓂᐅᔫᑉ. ᐱᔭᐅᔭᕆᐊᖃᖅᑐᖅ ᑭᓯᒥ ᐱᓕᕆᐊᓄᑦ ᐃᓂᐅᔪᓄᑦ ᓈᒻᒪᒋᔭᐅᔭᕆᐊᖃᕐᓗᓂ ᐱᕋᔭᒃᓯᒪᓂᑰᓂᕐᒧᑦ ᑎᑎᖅᖃᐅᑎᖏᑦ ᖃᐅᔨᒋᐊᖅᑕᐅᓯᒪᓂᖏᓐᓄᑦ ᐅᕝᕙᓘᓐᓃᑦ ᐊᒃᑐᖅᑕᐅᓯᒪᔪᖕᓇᖅᑐᓂᑦ ᖃᐅᔨᒋᐊᕐᕕᐅᓂᖏᓐᓄᑦ.
- ᐱᓕᕆᒧᑦ ᐆᒃᑐᖅᑐᑦ ᑐᓂᓯᔪᖕᓇᖅᑐᑦ ᐃᓕᓐᓂᐊᖅᓯᒪᔭᖕᓄᑦ ᐊᒻᒪᓗ ᐱᓕᕆᕆᓯᒪᔭᖕᓄᑦ ᑎᑎᖅᖃᐅᑎᖓᓐᓂᑦ ᓇᓕᑐᐃᓐᓇᖏᑦ ᓄᓇᕗᒻᒥ ᐊᑐᖅᑕᐅᔪᑦ ᐅᖃᐅᓯᑎᒍᑦ ᑎᑎᕋᖅᓯᒪᓗᑎᒃ.
- ᐆᒃᑐᖅᑐᓂᑦ ᓂᕈᐊᖅᑕᐅᔪᑐᐃᓐᓇᐃᑦ ᐊᐱᖅᓱᖅᑕᐅᓂᐊᕐᓗᑎᒃ ᖃᐅᔨᑎᑕᐅᓂᐊᖅᑐᑦ.
- ᐊᒃᓱᕈᕐᓇᕈᑕᐅᔪᑦ ᐱᔪᓄᑦ ᓄᓇᐅᑉ ᐊᓯᐊᓄᑦ ᖁᑦᑎᖕᓂᖅᓴᒥᑦ ᐃᓕᓴᕆᐊᖅᑐᖅᓯᒪᑉᓗᑎᒃ ᐃᓕᑕᕆᔭᐅᔾᔪᑎᑖᖅᑐᑦ ᐊᓯᐊᓂᑦ ᓄᓇᒥᑦ ᐃᓕᑕᕆᔭᐅᔾᔪᑎᖏᑦ ᖃᐅᔨᓴᖅᑕᐅᓂᐊᕐᓗᑎᒃ ᐃᓕᑕᕆᔭᐅᓯᒪᔪᓄᑦ ᑲᓇᑕᒥᑦ ᐃᓕᓴᐃᕝᕕᖕᓄᑦ. ᑕᐃᒪᓐᓇᐃᖏᑉᐸᑦ ᕿᐱᓗᒃᑕᐅᔪᖕᓇᖅᑐᖅ ᐆᒃᑐᕈᑎ ᑐᒃᓯᕋᐅᑎᓕᐊᖓᑦ.
Contact:
ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᓄᓇᕗᑦ ᒐᕙᒪᒃᑯᑦ (NHC)
ᑎᑎᖅᑲᓂᐊᕐᕕᖓ 1000, ᐊᒡᒍᖅᓯᒪᓂᖓ 1400
ᐃᖃᓗᐃᑦ, ᓄᓇᕗᑦ
X0A 0H0
ᐅᖄᓚᐅᑎᖓ: (867) 975-7203
ᖃᕋᓴᐅᔭᑎᒍᑦ ᑎᑎᕋᕐᕕᒃᓴᒧᑦ: @email